|
كلام النائم.. على محمل الجد!!
السلام عليكم ورحمة الله
جيتم تصحون النصف الآخر زوجك.............زوجتك و بدأ النائم بالكلام هل ترهفون السمع له والا تطنشون؟ هل تأخذون هذا الكلام على محمل الجد؟ هل تقعدون تسحبون في النايم يتكلم اكثر؟ هل تحققون معه اذا صحي؟ وش هي نظرتك لكلام النائم؟ انه مثلا خيالات لا راحت ولا جت؟ او العقل الباطن يتحدث بما يستحي يقوله العقل في الصحيان؟ زوجي يتكلم اذا غط في النوم .. ولا احاول اتسمع له ابدا ..لأني بصراحه اخاف من هالوضع ولا احب منظره فيه .. يحزني بعد لكن قبل كم يوم قال كلمه حسيت مالها داعي ( اتهام لي) انا انصدمت .. وحسيته اصلا صاحي بس ظلام مو باين.. جيت قربت منه قلت ايش ايش؟ قال ( تضحكين) جيت اربط بين الكلمات .. ما زبطت معاي ( الكلمه الاولى لحالها اتهام مع الثانيه تصير كأنه يمزح.. بس معقوله حتى ونايم يمزح؟او يتهم اساسا؟) فحسيت انه فعلا مجرد لسان يتحرك بكلمات علقت فيه قبل لا ينام:d لكن مره ثانيه هو كم مره يقول لي : انتي تتكلمين اذا نمتي وانا اتسمع لك واسحب منك كلام اقول له وش هو طيب قال لا اشياء رح تحرجك مني( يعني اني اتكلم بأسراري وانا نايمه :25:) مع اني اعرف انه مهو صحيح .. انام غالبا غالبا غالبا بعده ونومي خفيف جدا جدا جدا بل اني اعاني من خفته وقد ماعشت عند اهلي وانام عندهم احيانا بعد ماتزوجت عمر حد فيهم ماقال اني اتكلم اصلا اعرف نفسي لأن نومي خفيف جدا ودي اغط في النوم زي ما اسمع من الناس لو احد يدخل في الغرفه ويطلع مجرد طلوع دخول حتى بدون فتحة باب .. اصحى واستوعب انه دخل وحتى لو انام قبله ويجي هو بعدي ويحاول قد مايقدر يكون هادي الا اني اصحى واحيانا تخرب نومتي واظل صاحيه اقل شي ربع ساعه واحيانا نص ساعه على بال ما ارجع انام ودي اواجهه بالكلمه اللي قالهاواسأله انت في خاطرك شي؟ وودي اشوف وش قصده بدون ماينتبه بعد بس شلوووووون؟ ودي اطنشها .. بس فضووووووول .. مع ان عمري مادققت بكلامه الا هالكلمه !! حسن الظن موجود .. اذا مو عشانه عشاني انا لا اقعد اهوجس واتحمل ظنون وهموم.. شتسوون محلي؟ |
السلآم عليكم
اضحك الله سنك عزيزتي ^^ ارى ان لا تلتفتي لمثل هذا .. وتشغلي نفسك بكلام النائم .. وان كان ولابد .. فهو ارحم من ان يرسل لك وهو مستيقظ لهذا الرادار يعمل وهو نائم ^^ اعتبري الموضوع خفة ^^ لروحك النقاء ^^ |
مشكلتي أصدق حبيبتي و لا تحطي بال للموضوع أبدا .. لأنه أبدا مو مستاهل
وهو أكيد حتى ما يذكر ... وضعي مثل زوجك .. انا أسولف بنومي مو بس أقول كلمتين .. وأتحرك وأقوم ... أغلب كلامي مو مفهوم ..... ولما أصحى الصبح ما أذكر أي شي .. خلاص زوجي تعود وصار يقولي الصبح عن اللي صار عاد الله أعلم ايش أقول ^_^ خليك كوول و لا تشغلي نفسك أبدا بهالموضوع ... واذا حبيتي تسأليه ... خليه بمزح .. مو تحقيق بالتوفيق |
موضوعك خفيف ظل مثل صاحبته..
عااااااااادي ياشيخة طنشي.. صحيح ممكن الواحد يتكلم بشي يكون شاغله بالواقع.. لكن غالبا يكون خرابييييييييط.. أقولك مثلا: مرة أنا كنت أسولف أنا وزوجي بالليل .. وكنت نعساااااانة بس أقاوم.. المهم دخل زوجي مكرمة الحمام مدة دقيقتين أو أقل.. في هاللحظة أنا غفيت .. وأول ماطلع من الحمام على طوووووووووول فتحت عيوني كأني ماسويت شي!!! فكنت ببين له أني واعية.. قلت له وش تسوي بالرحيق؟؟ >>>( مدري وش سالفة الرحيق) قال : نعم!! قلت بنبرة حادة: رحيق الفراشة!!!! قال : وشو رحيق الفراشة؟؟ وهو فاطس ضحك حاس اني مضيعة.. قلت بنبرة أحد من اللي قبل وابين له وشوله الضحك اللي ماله داعي: شلون الواحد يستخرج مراحل رحيق الفراشة؟؟ انت ماتفهم!!!! ولا أسمع كااااااااااااااااااااااااع كع كع.. ضحكة مدوية .. بعدين انتبهت.. شجااااااب الرحيق وشجاب طاريه!!! تخيلي لو كنت تكلمت بشي يزعل شنو بيكون موقفه!!؟بصراحة ماله حق حتى يعاتبني لأني مو واعية.. |
وعليكم السلام ورحمة الله النائم مرفوع عنه القلم ..... وأنت بتحاسبينه ...!! أو بتفسري كلامه .....!! وغالب ما يكون السبب في كلام النائم هو الضغوط النفسية والجسدية طوال يومه وهذه أحد النصائح التي يوصي بها الأطباء النفسيين يلعب القلق والخوف والتوتر ومشاكل الحياه المختلفه دورا مهما في اضرابات النوم لدى الفرد وتتضمن هذه الاضرابات الكوابيس والاستيقاظ من النوم في حاله رعب شديد0 صرير الانسان التبول الاارادي المشي اثناء النوم التحدث اثناء النوم وغيرها وغيرها ولعلاج ذلك عليك القيام بمايلي :- 1- التخلص من الضغوط النفسيه قدر الامكان قبل الذهاب الى النوم0 2- ممارسه التمارين الرياضيه قبل النوم بساعات قليله0 3- ممارسه تمارين التنفس واخذ كميه كافيه من الاوكسجين لتنشيط المخ وتخليصه من السموم الناتجه عن الاجهاد والتعب اليومي0 4- ممارسه تمارين الاسترخاء للتخلص من التوتر والقلق0 5- تجنب اخذ المشااكل اليوميه الى غرف النوم0 6- تجنب ممارسه او تكمله واجبات العمل قبل ساعات النوم خاصه اذا كنت مفعمه بالمشاكل والصعوبه في حلها0 7- تناول كاس من الحليب الفاتر او اللبن قبل النوم لتهدئه الاعصاب0 8- الاهتمام بملابس النوم على ان تكون مريحه ونظيفه0 9- الاهتمام بالسرير على ان يكون مريحا ونظيفا 10- التخلص من الاضاءة القوية واذا كان من الصعب تحقيق ذلك يمكن لبس غطاء العين الذي يحجب الضوء المصنوع من قماش القطن كي يحمي العينين من التعرق ايضا0 11- الاهتمام بهدوء غرفه النوم وهوائها وضياها ونظافتها وترتيبها0 13- الاهتمام بالوساده ونظافتها وحجمها حسب راحه الفرد 14- تجنب اتخام المعده بالطعام ويمكن الذهاب الى النوم بعد ساعتين من تناوله على الاقل0 15- قراءه ايه الكرسي قبل النوم والمعوذات واذا كانت هناك اياه تشعرك بالراحه فاقراها الآن0 وقبل لا ينام خلي زوجك يعمل تدليك لمنطقة الفكين أسفل بقليل تحت منابت شعر الوجه ويدلكها بأطراف أصابعه ..... عزوبي بس رجل |
هههههههههههه أضغاث أحلام.
|
حبيبتي ... اشكرك على الموضوع الظريف والمفيد ايضا ... انا أيضا اقول ان ( النائم مرفوع عنه القلم حتى يصحو ) .. فلا تحاسبينه ولا تهتمين لما يقول ... زوجي احيانا يتحدث في نومه فيضحك ويصرخ يعني انواع الافلام ... واكتشف بعدها انه كان يحلم ... فاللي اعرفه ان احيانا الانسان يتحدث في النوم كردة فعل لما يشاهده في الحلم ... مرة زوجي كان يتكلم وهو نائم ويقول : والله بضربك ... انزلي .... وانا كنت جالسه عنده لان ما فيني نوم ... ويوم سمعته ضحكت من قلبي عليه ...يوم صحى من النوم سألته : من هذي اللي كنت تبي تضربها وتقول لها انزلي ؟؟ قال : الله يغربل ابليسك ... هذي انتي راكبة على الشجرة ... وانا خايف واقول لك انزلي ترا والله بضربك اذا ما نزلتي ...متوهرة حتى في الحلم ... هههههههههههههههههههههه فعادي حبوبه لا تحطين في خاطرك ... احيانا حتى من التعب والارهاق الواحد يشــــــــــفر .... وانا منهم ... الله يسعدك ويوفقك ... ومشكووره مرة ثانية على الموضوع الحلوووو مثلك .... |
أختي مشكلتي أصدق
اشتقنالك يا وحشششششة :) يا قلبي لا تصيري مثله ، طنشي بيني و بينك ، أحيانا أشوف أحلام انقهر فيها من زوجي أقوم من الحلم و أعطيه ببكسسسس أو أعضه و أرجع أنام هههههه ليه يقهرني في الحلم ؟؟؟؟؟ كويس ما يحس بشئ :D |
اضحكتوني يا متزوجات .. ويا متزوجين !!
هههههههههههه الله يسعدكم .. لمونة انزلي لا اضربك .. وانت اختي الكبيرة !! روح الطير : بكــــــــــــــس ههههههه اه .. قوية الله يسعدك ضحكتيني ^^ |
اقتباس:
ما اروعك انتي واسلوبك تسلمي لي اقتباس:
رهيبه انتي الله يحفظك من كل شر انا ابدا مو شاغلني الموضوع بشكل مررررررررررررررررررره اوفر بس كلمته لأني سبق وسمعتها منه وقت الصحيان ومن بعد مشاكلنا الأخيره ماعاد سمعتها..استغربت لما سمعتها وهو نايم حسيت ان بقلبه شي وعلى سالفة مو فاكر تصدقين مره وحيده بس .. سألته عن شي هو قاله .. شي يضحك عشان كذا سألته.. قام يضحك قال يوووووووه شي في الدوام اليوم صاير .. لهذي الدرجه انا انشغل بالي في الموقف !! طبعا هو يتسائل مو انا.. معناته فعلا فيه شي في العقل الباطن وانا فعلا ماقصدي احقق معاه ابدا..وقلت حسن الظن موجود اذا مو عشانه عشاني.. بس الكلمه سبق وعانيت منها وقت الصحيان فانصدمت لما سمعتها وقت النوم !! حياك حبيبتي اقتباس:
يا ام رحيق مهو انتي زي الفراشه ولا جبتي الا سيرة رحيق الله يسعد قلبك اقتباس:
حسيتك معصب وانت تكتب مش عارفه ليه ياخي مابأحقق معاه ابدا ..والا ماكنت جيت تسائلت... حبيت اسمع تجاربكم اول قبل لا اتعمق اكثر في التفكير..و زي ماقلت لفلافل..الكلمه سبق وقالها وقت الصحيان عن سبق اصرار وترصد فصدمني جدا لما قالها وهو نايم.. ومن بعد مشاكلنا صار يتلافاها.. استغربت اسمعها وهو نايم.. !! اقتباس:
الله يسمع منك اقتباس:
هههههههههههههههه حلوه متوهق ...الله يسعدك ياشمعة المنتدى وروحه الحلوه والله مادققت الا انه قال كلمه سبق سمعتها وهو متقصدها .. بالعكس الا اخاف من وضعه لما يتكلم وهو نايم .. بس صوته واااااضح .. اصلا حسبته صاحي ..انصدمت فقلت ايش ايش.. حسيته يخربط..بس وش طلع الكلمه الاولى ...عشان كذا قلت ودي اعرف وش في خاطره بدون مايحس:( اقتباس:
هههههههههههههههههههههههههههههه لالا انتي من جد كووووووووووووووووووووووووووول تصدقين ما اتذكر شفت فيه حلم قهرني فيه كان يقهرني على ارض الواقع عمليا يعني:29: بس الحمد لله وين كنا وين صرنا وانتوا واحشيني أوي تسلمي لي ياقلبي والله يوفقك في دراستك جا الدور علينا احنا الان نختبر الله يسترررررررر |
اقتباس:
لا معصب ولا شيء لكن أسئلتي حتى تعيدي نظرتك تجاه هذه المشكلة فزوجك يعاني نوع من أنواع اضطرابات النوم وسببه الضغوط والمشاكل التي تشغله ذهنه وتفكيره فلذللك هي مؤشر على أنه مضغوط من الداخل فحاولي تريحيه وتخففي عنه .... أذكر لما كنت ادرس بالجامعة كنت ساكن بشقة وكان معي مجموعة من الزملاء كنت أنا وأحد الشباب في غرفة وكنت اسبقه للنوم طبعاً هو يجي متأخر وينام على سريره وإذا جاء قبل الفجر بساعتين أصحى على صوته هو يتكلم ومرات ينادي!!!!!!!!!:24: ومرات ينادي بإسم وحده من خواته وينادي أمه !!!!!!!!!!!!!!!!!!!!!!!!!:d فدريت ان خوينا مضغوط وبالفعل هو كان كذلك بسبب مشاكل دراسية ومشاكل مع بعض الدكاترة:29: لكن ما خبرنا أو طلبنا مشورة حتى نساعده أو نخفف عنه على الأقل فهو إضطراب يحدث نتيجة القلق والتوتر المتواصل لذلك حاولي تريحي زوجك على الأقل تهيئته قبل النوم لأنه إذا ما ارتاح بنومه متى يرتاح !!! عزوبي بس رجل |
عادي حبيبتي الكلام اللي يقوله النائم غيير واقعي وهو شي من الاحلام
زوجي مرات يتكلم بس كلام مو مفهوم وانا انصت له كثييير اكثر من يقضته لعلي اللطش كلمه منا والا منا واقول وشو هاه بعدين يصحى ويقول وش فيك وقتها يطيح وجهي فالكلام اللي يقوله حبيبتي مو واقع ابدا ابدا الله يوفقك ومن جد واحشتنا |
ههههههآي نفسي اعمل تعليق على كل وحده كمآ ارى الرجل هو من يهذي وهو نائمـ واتفق مع اخي الكريم عزوبي :d عندي سؤآل : لي فيه وجهة نظر لاشك مختلفة عما اتوقعه منكم فقط احببت اجرب ماذا لو نطق باسم فتآة ؟! :d:d والزوج العكس لو نطقت باسم رجل؟! :d:d |
هم يبكي وهم يضحك
حبيبتي يمكن يكون من التعب ويمكن لا بنتي الصغيره وقت اضغط عليها انا واخوتها وما تكون تسمع الكلام ,نقضي الليل على صوتها هي ونايمه كلمات وصراااااخ وابني احيانا حتى اني استيقظ على صوتو وادخل الغرفه واقف اما ابو العياااااااااااال (اصبحت اكره كلمة زوجي ) مره صفعني كف بيده الشمال وكان وقتهااااا رمضان عند السحور الله سترني وكنت صاحيه قليلا ولكن اصبح الامر يشتد يريد ان يرعبني وووووووو ولكن وبعد عدة سنواااااااات استقظت لافعاله وانا هددته اللي يعمله لي بحجة نائم سافعله له وانا صاااااحيه والبادي اظلم حتى اذكر وانا حاامل كان يضربني برجله على بطني واحيانا بمؤخرته حبيبتي لا يمنع ان تعاتبيه بطريقه جميله مازحه معه |
الله رفع القلم عن النائم نيجي احنا البشر وانحاسب
لا بتففتحو ابواب مغلقه على حالكم على قوله المثل الباب الي يجي منه الريح سده واستريح |
اقتباس:
سؤالك صعب... بس أتوقع ماراح أجيب سيرة.. لكن راح أحط الأسم في بالي.. الين يجي وقته.. يعني لابد في الواقع راح تكون هناك دلالات.. مو مني والطريق ينطق بالاسم.. |
اقتباس:
اطمئن مرتاح ع الاآآآآآآآآآآآآآآآآآآآآآخر بس الظاهر هو القلق في داخل النفسيه هلا بك يوووووووووووووه معليش لي عوده |
اقتباس:
بالله عليكم طايحين بالحرمة وتاركين الرجال لو هي اللي قالت هالكلام انها تسحب منه الكلام كان ردكم كان عنيف يالرجال والمثاليات من النساء اللي يحطو مواضيع ومشاكل تانية هذي قدامها مشكلة وصدق ربي يهديكم اختي انصحي زوجك لا عاد يلقى بال لكلام النايم وانتي لا تهتمي لكلامه اهتمي بكلامه وهو صاحي مو وهو نايم وربي يهديكم بس |
اقتباس:
يجي وقته ههههه ان شاء الله لا يجي ولا تسمعين في لسان زوجك الا ما يسرك في الاحلام واليقظة الله يسعدك يا رب :23: |
وناسه سوالفكم
انا زوجي نادر مايتكلم لان نومه ثقييييييييييييييييل مره صج مايتكلم بس ع طول انا طايحه ع الارض لان رجوله تروح ييمين وشمال ويشوتني كنه يشوت كوره هههههههههههههه ما اشوف حالي الا ع الارض وفي الفتره الاخيره صرت احط مخدات الكنب بالارض جنب السرير خخخخخخخخخ اخر مره شات بنته انا كنت بالدوام وشاته وصرخت وصحى مفزوع |
اقتباس:
ههههههههههههههههههههههههههههههههه الله يهديك والله موقف محرج من قلب يووووه الحمد لله ماقد طحت فيه والا والله يمكن يجيني سكته اسم علينا جميعا الله يجعله مو واقع .. تسلمييييييييييييييي لي يا عسل اقتباس:
وووووووووووووو فتحتي ابواب الله يستر ع الجميع ويارب مايمر الموقف هذا على احد اقتباس:
هلا وغلا والله ومرحبا الف اما ابو عيالك هذا كل شويه تعلمينا بشي يزيدنا حقد عليه الله يتبصر لك فيه عاجل غير اجل ويعينك عيله اما حركتك لما قلتي اللي تسويه نايم رح اسويه وانت صاحي قويـــــــــــــــــــــــــــه يعني حاساه يمثل؟ وهل بطل هالحركات بعد تهديدك؟ اما بنتك ياقلبي لما تصيح فولدي حصل له موقف.. لما كان عمره اربع سنوات .. ابوه طلب ياخذه المذبح علشان يشوف ذبح الخرفان ويصير رجال :29:.. انا رفضت بشده ...اخذه من وراي .. وخلاه يشوف .. لما عرفت قومت الدنيا ولا قعدتها على راسه.. وفعلا الولد قعد 3 ايام يصيح ويقوم مفزووووع من نومه اقتباس:
مو محاسبه تساؤل فقط حياك الله اقتباس:
تعوذي من الشيطان يابنت الحلال.. ومثل ماقالت : الله لا يجعلك تسمعين الا كل خير والجميع ان شاء الله اقتباس:
ملاك شايشه على طول اهدي يابنتي الله يصلح قلبك:d اعرف ومتأكده انه بس يهك علي لا اتكلم ولا شي ... بس يستفزني الظاهر اما هو الله يستر عليه اقتباس:
ههههههههههههههههه يووووووه والله صعبه يشوت الله يسعدكم ويهدي اللعب شوي:d |
وجهة النظر اتضحت لي
اتمنى اغلاق الموضوع مع جزيل الشكر للأخت الرائعه ماريا على حسن التصرف |
أذكر مره زوجي تكلم وهو نائم ومافهت وش يقؤل بصؤت عالي !!؟؟؟
وانا كنت جنبه وماجاني نوم ....! والله يؤم سمعت الصؤت العالي ...الي عمري ماسمعته وبه خشونه !!ماعمري سمعتها .... غطيت نفسي بلبطانيه .....واقؤل بسم الله ومغمضه عيؤني بقووووووووووووووووووووووووه !!!واغطي أذوني!! وابتعد عنه وسحبت عليه البطانيه .... المشكله مافهمت وش قال ؟؟من الخوف وخشون صوته .... والله مانسئ خوفي بذاك اليؤم . واتذكر الان والله اضحك . وزوجي من النوع الي مايتكلم وهو نائم الا بس مره وحده وكان مرهق بيؤمه ... حببتي لاتهتمين بكلامه ...هو يرد علئ حلمه او الشخص الذي راه.. |
| الساعة الآن 08:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©