كم انآ مشتآقه لكلمة مامآ
 

بعد ان انهيت درآستي الجامعيه تقدم لخطبتي شاب ووافقت عليه بحجه لو فوته عني ماراح يجي نصيبي لانني خائفه من كلمه عانس ولكن للآسف الشديد والدي وقف ضدي ويقول ماتتزوجي الين تتوظفي يعني اصير معلمه ...وربي دمرني بكلمته وقلت يابويه لو جات الوظيفه بآخذهآ لكن لاتقطع رزقي رفض رفض بات من اجل الوظيفه .. المهم ابويه كان انسان طيووب وينفذ لي كل حاجاتي ورغباتي .. عشت في بيت ولله الحمد كل مااطلبه واتمناه يجيني وعايشه الحياه بمزاجي ماحد ينكد علي ومستوانا المادي فوق المتوسط يعني بيت جميل وسياره جميله وام رائعه واب يحن علي .. المهم ماحبيت افوت العريس وجاهدت الين ماوافق ابوي بس مو راضي تمام ومن حبي لبوي والتمسك بالعريس حسيت نفسي ماني مبسووطه زي كل البنات ليش ابويه مو راضي اتزوج رغم انه مزوج اخواتي الي اكبر مني .. وربي تزوجت وليلت الزواج مو بليله زواج شي بقلبي مايعلم فيه غير من خلقني ابغى رضا ابويه علي.. ماتمنيت اتزوج وابويه بقلبه علي ذره زعل .. لكن ماقدرت حتى يشمت في العريس دايم .. المهم اول شهر عسل كان انسان طيوب وساكت اكثر الوقت لدرجه قلت شكل احد من اهلك غاصبك علي ليش ماتتكلم معي كاني غريبه عليك .. بس كان طيووب .. المهم انتهى شهر العسل واستاجرنا بشقه مقابله لشقه اهله وبدا يبان على حقيقته المره .. كان يسمع كلام اهله ويحرضونه علي .. وحياتي انا وهوه باستشاراة امه وابوه واخواته.. تصورو صآير يقول الي يسوون اهلي تسوينه وغير كذا مالك كلمه .. لا يطلعني نزهات ولا عرفت مكان .. حتى السوق . تصورو جاني الم شديد برآسي والله ياما كنت ابكي من الزوج القاسي الي بيد اهله والحرمان الي شفته تخيلو مايوم رحنا لمجمع ولا حديقه عامه حسيت بكبت شديد واختناق الله لا يوريكم ماشفت ,, المهم الصداع استمر فيني مده 7 شهور وانا معاه الم شديد بجبهتي متواصل ليل نهار ومتنقل من الوراء < الجمجمه> وربي وربي بحياتي ماحسيت بهالالم ومراره العيش قد ماحسيت معه كنت اطلبه يوديني للمستشفى يقولي انتي كذابه المهم طلبت الخلع والحمد لله ربي رزقني بوظيفه لكن مشتاقه اكون ام

الله يرزقك ويسر امرك

اختى الغالية

ربنا يعوضك خير وتكونى ام لعشرة اطفال

بس فكرى جيدا حتى يكون الاب انسان خلوق وتستمر معه الحياة

لانك كما تعلمين هذه الايام ما اكثر الطلاق لعدم التوافق بين الطرفين

اسأل الله ان يرزقك الزوج الصالح والابناء البارين

الف مبرووووووووووووووووووووووووووووووووووووووووووووووو ووووك على الخلع ,,

والف مبرووووووووووووووووووووووووووووووووووووووووووووووو ووك على الوظيفه,,


اختي احمدي ربك انك انفصلتي عنه وارتحتي,,


باذن الله ربي راح يعوضع ويرزقك باليبي الي يفرح قلبك,,


وتخيلي انك انفصلتي ومعك بيبي وربي لتشيلين همه..



مبروووووووووووووووووووووووووووووك:17:

مو نصيبك لا تزعلي ومو بس انت مشتاقه لهي الكلمة في كتييييييييييييييييييير متلك الله يعوضك بالاحسن يا رب

الله يوووفق كل من رد علي .. ويرزقكم الرزق الحلال وييسر اموركم .. دعوآتكم لي بالزوج الصآلح .. ولآ ادخل على ضره ... الله يسعد كل من دعاء لي ويبلغه الجنان قولو امين

ياحياتي كلنانشتاق لهالكلمة

الله يكوون بالعووون ويوووفقك

مبروك على الخلع : تدرين ليه لأنه مايستاهل الواحد يعيش معاه ؟كيف تربين اطفال مع شخص اناني . الله يعوضك خير
على فكرة لعلها خيره لك . وسوف تبدي لك الأيام الأجمل

رزقك الله بخير منه ورزقك الله رضا الوالدين والوظيفة المناسبة

أختي الكريمة ...
كل ما نمر فيه في حياتنا مكتوب علينا من رب العالمين و أعلمي أننا كلنا نريد و نريد و نريد ولكن الله يفعل ما يريد وقد يكون في هذا خيرا كثير لنا ، وعليك أن تعلمي بأنك لستي الوحيدة في هذه الدنيا التي تمر بمثل هذه الظروف و عليك أن تنظري دائما لمن هو يعيش ظروف أصعب منك لتعلمي بأنك بأفضل حال و تحمدي الله على ما أنتي فيه ...
عليك بالصبر يا أختي الكريمة و كل من حولك من أظفال هم أطفالك حتى لو لم يقولوا لك ماما ،، و عليك بالدعاء دائما فأن الله يحب أن يدعوه العبد و يستمر في الدعاء وما يكتب الله علينا في هذه الحياة سنعيشه حتى لو ما رضينا بذلك فأن الله أعلم منا بما هو خير لنا ...

أتمنى لك حياة سعيدة ...

الله يعوضك خيرا ممافقدتي

آمين الله يعوضنآ خير .. ومشكورين ع المشآركات وربي تريح ا لنفس وتحسسني بالامل ...
اسآله سبحانه ان يرزقنا بما فيه خير لنا في ديننا ودنيانا