|
حرب نفسية
السلام عليكم ورحمة الله وبركاته
اخواني اخواتي قصدت هذا المنتدى بعد الله لكي اجد حلا لمشكلتي ربما هي تافهة عن البعض لكني والله اني اعيش حرب نفسية قاتلة مع زوجي..اود ان اعطيكم فكرة مختصرة عن زواجي من غير جنسيتي واختياري للزواج من رجل سعودي فهو كان حلم ان يكون لي ذرية من ارض الحرمين وان اعيش في هذا البلد الطاهر لكي اتقرب من ديني اكثر واكون بمجتمع محافظ اكثر .تحقق حلمي بالزواج من هذي الجنسية ولكن الثمن كان جدا غالي فانا الزوجة الثانية لزوجي وله خمس اطفال حقوقي مااخذها كزوجة تركت اهلها وتركت الحرية من اجل الاستقرار النفسي قبل اي شى بيتي ليس ماثت اثاث كامل ينفصني اشياء كثيرة في البيت ولا احس بالراحة فيه اذا جلست فيه فانا الحمد الله عشت في بيت اهلي عيشة ملوك وبدون فخر على الله وتنازلت في اشياء كثيرة من اجل هذا الزواج ..مايصرف علي بشكل مكتمل يعني باقي اغراضي الشخصية اشتريها بنفسي واهلي كل شهر يرسلون لي مبلغ عشان احتياجاتي وهو غير مقدر هذا ورغم كذا عمري ماجرحته ولا طالبته بشى ومقدرة ظروفه الشى الثاني المبيت مايبات عندي الا مرة بالاسبوع وكل يمرني يطلعني ويسوي فيني لفة ويرجعني البيت وكاني صديقته مو زوجته ولما اكلمه في هذا الامر يقولي بعدين ولما تتحسن الظروف وتصير امورنا مستقرة بصير اعدل بينكم قلت معلش احسن اني اشوفه كل يوم ولو لسويعات ولا العدم مااخفيكم اعصابي تلفت وحسيت اني ظلمت نفسي كثير وبديت اخسر نفسي واذا ناقشته في موضوع يجلس ساكت ولايرد علي وااذا عصبت يطلع من البيت ويخليني او يرمي علي يمين الطلاق اقرب سلاح له لتهديدي هو الطلاق وانا صرت احس اني مبيوعة وانه مالي قيمة عنده وكل كرة ابكي فيها وانهار واقوله يابن الحلال تراني احبك لا تقتل هالحب يقولي لا تتمننين علي بحبك واذا كان حبك لي موصلك الي هالحال بلاش منه ..قررت اني احسب حبي واضغط على نفسي واعيش معه بدون مشاعر وقلت له بسافر المدينة اريح اعصابي شوي وصلني المطار وشوي نزلت دمعته وقالي سامحيني ..رحمت دموعه وخااصا انها دموع رجل وقلت اكيد هو يحبني بس يكابر قضيت يومين بالمديينة المنورة وحسيت براحة مابعدها راحة كما تعلمون اي مسلم مافي قلبه غل ولا حسد فهو يحضى بالراحة النفسية بجوار افضل الخلق عليه الصلاوات والسلام جا بعدها عشان ياخذني وقضيت معه ليلة وكانه كان يكفر على ماسوى فيني من الم وكنت جدا سعيدة بهذ الشعور لكن فرحتي معه ماتطول كالعادة ..مسكنا خط واحنا في اول بداية الطريق قلت له تراني نسيت غرض واضطرينا نرجع للفندق مرة اخرى هاوشني وزعل علي وعاتبني ليش انسى وكني مو بشر اكثر من 400 كيلو وهو مانطق بكلمة وزعلان حسيت بنار تحرق قلبي وصرت ادور اي شى عشان اخليه يتكلم لاني مااطيق سكوته وبرود دمه الي هو قاصد فيه يرفع ضغطي ابد ماتكلم وخلاني زي المجنونة وصلنا البيت وحنا على نفس الحال وخلاني اطلع لوحدي وراح ينام في بيته الثاني رغم انه المفروض يبات عندي ويروح هناك ثاني يوم احترام لمشاعري للمعلومية ياجماعة الخير هذا ثاني زواج لي من سعودي الاول كان عقيم وخبى عني واكتشفت سالفته مع الوقت وفوق هذا اجبرته زوجته االاولى انه يطلقني وخيرته بينا والحين هذا الثاني وهذي حياتي معه هل اختياري كان في غير محله بزواجي من خارج بلدي؟وماذا افعل مع الثاني وخاصا انه يرفع ضغطي بكل كبيرة وصغيرة ولامحسسني اني زوجة .هل اطلق وارجع لاهلي وديرتي ؟فانا الان خسرانة من جميع النواحي حتى الحمل صعب احمل وانا بظروف نفسية قاتلة ارجوكم ساعدوني واللتمسوا لي كل الاعذار واسال الله التوفيق لي وولكم ولكل من شارك بموضوعي |
ياحبيبتي الله يكون في عونك..
ماعندي خبره بهالامور ومابنصحك بالطلاق بس فيه مثل عندنا احس بيفيدك حلاة الثوب رقعته منه وفيه:) |
اقتباس:
|
أختي الكريمة أنا سعودي و أقول لك للاسف بعض السعوديين عالة على الاسلام بكل ما تعانية هذه الكلمة فهم لا يعرفون من الدين الا الاسم والشكل
الا يتذكر هذا الرجل قول الرسول عليه الصلاة والسلام بمعنى من لم يعدل ولو بشق تمرة جاء يوم القيامة وجنبة مائل " هذا فقط بش تمر بين الزوجات كيف بالامور الاخر الله المستعان اصبحت الزوجة الثانية في هذه الايام كالمتاع حينما يفرغ شهوته به يهضمها حقوقها الله يكون في عونك |
اقتباس:
ماذا تنصحني هل اطلق وارجع لاهلي ولا اعيش بهذي الحرب النفسية والله اني فقدت الصبر والحكمة وماودي افقد نفسي صدقني صرت اقول مابي زواج يمكن مالي حظ بالزواج بس ابي راحة بالي |
خطا كبير انج تتزوجين من خارج ديرتج بدون ما تحطين شروط تضمن حقوقج
اعتقد راح يستمر الوضع على هذا الشكل اذا مو اسوا |
حبيبتي اسمحي لي اقول لك طريقة تفكيرك خاطئة
وإذا صار لك عيال من ارض الحرمين بيدخلون الجنة قبل غيرهم يعني نتعلق بأشياء مالها أي تأثير ذكري زوجك بحديث الرسول صلى الله عليه وسلم عن عدم العدل وطالبيه بحقك الشرعي والله يسهل أمرك يارب |
لاحول ولاقوة الا بالله
اولا كم عمرك ؟؟ ثانيا ليه حيبيتى ماتستخرين ملك الملوك رب العالمين وتتضرعين له نحن حتى لو فدناك بنظل بشر قاصرين انا اقول لازم تنقذى نفسك والله اعلم اكثر ى من الاستغفار |
اقتباس:
لكن قدر الله ما شاء فعل |
اقتباس:
بارك الله فيك اختي وجزاك الله خيرا |
اقتباس:
يقول الله تعالى في محكم التنزيل((وجعلناكم شعوباُ وقبائل لتعارفوا إن أكرمكم عند الله أتقاكم)) |
اذا قررتي التريث واعطاءه فرصة فلا تحملي حتى تتأكدي من وضعك معه ...
لأن القرار بأطفال ليس مثله بدون اطفال ... |
اقتباس:
|
اقتباس:
والله غير صحيح ....خذي لك فرة في قسم المتزوجين والمطلقات وتشوفين المشاكل اللي كان ممكن تنحل لولا وجود الأطفال .... يشلون قدرتك على التصرف الصحيح وتصير خياراتك كلها تنصب في مصلحتهم لا مصلحتك .... ويصيرون أداة تهديد للرجل وتسلط عليها ... الله يقدم لك اللي فيه خيرك وصلاحك |
اقتباس:
|
اخواني اخواتي اريد مشاركة اكثر لاهنتم والله محتاجة لكم بعد الله لا تخلوني
|
الله يفرج همك اختي الفاضله
استخيري الله وطالبي زوجك بالعدل وانك ما ترضي بهالعيشه اذا انعدل واعطاك حقوقك الحمدلله زين اما اذا ما اعطاك فلا تضيعي عمرك معه ويكون الله سبحانه وتعالى اختارلك الافضل |
استخيري عزيزتي
الله رح يكتب لك اللي فيه الخير من رأي روحي زيارة لأهلك ريحي فيها أعصابك وفكري بمستقبلك مع هالإنسان وكيف متخيلة حياتك معاه بعد 5 سنين من الحين وهو بنفس الوضع بعدين صارحيه بكل اللي تفكري فيه في جلسة هادئة حتى لو كان قرار الإنفصال (لا سمح الله) أسأل الله ان يصلح بينكم |
اقتباس:
لا ماصارلي خمس سنوات بزواجي منه من تزوجته صارلي سنة بس وصدقيني حاسة ان عمر راح مني مو بس سنة فلافل الي خلاني اصبر مابي اصير مطلقة للمرة الثانية وتعبت من الفشل بزواجي الاول شكل وهذا شكل لكن لكل شى وله حدود افضل اعيش بدون زواج واشتري عمري بدل مايقلون متزوجة ويمكن يكون نهايتي الجنون حتى بديت اخذ حبوب اكتئاب |
اقتباس:
|
اعاااااااااااااااااااااااااااااااااااااااااااااااا ااااااااااانك الله اختي صابره,,
اتفق بالراي مع الامازون,, وبعدين بالعكس احمدي ربك ان ماعند اطفال,,ان لولا ولدي كان تطلقت من زماااااااان ,,!!!! الله يكتب لك الي فيه الخير ياااااااااااااااااااااااااااارب |
حبيبتي تحملني ابناقشك الين تتعب اصابعك من الكتابه ........
سؤال انتي برئيك متئ لاحظتي تغير عليك ؟؟؟ هل هو من بداية الزواج تعامله معك كذا ؟؟ برئيك ليش هو يحب يرؤح بيته الاؤل او عند زوجته الاؤلئ ؟؟فكري زين ؟ليش مايعدل بينكم ! وبعد سؤال مع اني محرجه منه ..؟! كيف كانت طرقك بلنقاش معه !! وش اطباعه بنظرك ؟لاجل اعرف ارد عليك ؟؟؟ والسؤال الاهم ....والمحرج واسفه اذا احرجتك لكن ابي افهم زوجك لاجل ارد لك رد يناسبه وينفع معه من وجهة نظري !! كيف تعاملك معه من ناحية العاطفه وغيرها ؟؟انا ماابيك توصفين لي لانه معرؤف محرم بلاسلام ؟؟ابي تقؤلين ممتازه او عاديه جدا لايتغير وكذا.... يعني اؤضح اكثر اذا عطيتيه من كلمات واهتميتي بمشاعره وعطيتيه حقه بلفراش ؟؟وش يكون ردة فعله ..!هل يهتم بك ويكون سعيد معك ويبادلك ووو.........الخ ؟؟ام مثل ماهو ! مايتغير!! اتوقع ان حياتكم مدمرها برود عاطفي ....! |
مع فلافل ومع همس يمكن فيه برود عاطفي
وبصراحه انا اشوف ان الخليجيين زواجاتهم الثانيه او من جنسيه اخرى دااائم ماتبوء بالفشل الله يصبرك ويسخره لك بس مثل ماقالت الاخت فلافل روحي عند اهلك ولو تطول المده احسن عشان يشتاق وبيني له ان الوضع مو معجبك ابدا ابدا لاتخلينه يهددك بالطلاق كل شوي وبيني له انه مو هامك لو يطلقك وانك عادي بتشوفي حياتك لان الرجال اذا حس انك ماتستغنين عنه راح يذلك ويهينك ويهددك بالطلاق وعليك بالدعاء حتى بالسجود بصلواتك المفروضه والاستغفار زوجي تغير وصار مثل ماابي واكثر طبعا كل هذا بعد الاستغفار ودعواتي الدائمه وصلااااااااة الليل سحر وبنظري ان الزواج من جنسيه ثانيه مشاكل بمشاكل واتمنى لك حياه سعيده وموفقه باذن الله |
اقتباس:
|
اقتباس:
حبيبتي اول ماتزوجته كان يحبني ولاكان يرفضلي طلب وكان يسعى لاي شى يرضيني وبعدما احببته وهو الي خلاني احبه صار عنده برود لا اخفيك اختي الحبيبة حبي له يبان علي بكل الاوقات وبلا حدود احيانا اتصرف كاني مراهقة مو زوجة بالنسبة للنقاش هو مايناقشني الا نادرا ولو حسيت بحرقان بقلبي مثل ماقلت يتركني ويروح ينام او يطلع من البيت او اذا انهارت اعصابي يهددني بالطلاق ويقولي اذا مو عاجبك سوي الي تبينه من ناحية العاطفة انا اكثر من ممتازة بدون فخر على الله لاني انحرمت من حنان الاب فخليته هو ابوي واخوي وكل شى بحياتي وانا من اطالبه في غرفة النوم اكثر شى ولست مقصرة من هذي الناحية ابد وبالعكس اذا شافني اطالبه واجري وراه يصاب بالغرور امس من صارت المشكلة صرخ بوجهي وقالي يكفي قرقرة وطلع من البيت وخلاني وماسال فيني الا الساعة 12 بالليل حتى السواق هو الي جاب لي عشا وقلت والله مااقوله جيب لي عشا وقسم بالله حتى ثلاجة ماعندي بعض الاغراض جبتها من بيتي الي كنت فيه مع زوجي الاول ومنها الثلاجة وصار فيها خلل وجالسة بدون ثلاجة وكل اكلي من برى انا اقدر اشتري ثلاجة شى بيسيط ومقدور عليه بس ابيه هو الي يحس ويعرف ان له بيت مسؤول عليه |
اقتباس:
الله يسعدك في الدارين ويسخر لك زوجك الي طول الابد اختي مثل ماقلت لك انا مطلقة قبل كذا والذنب مو ذنبي وجالسة مطولة بالي مع هذا عشان والله ماودي بالطلاق للمرة الثانية وانا عمري يجري يااميرة بصير اضيع وقت بالزواج والطلاق لما يهددني بالطلاق اخاف واضعف واقوله حرام عليك انت بايعني مع العلم يا اميرة اني والله بيت اهلي مفتوح لي باي وقت وهما لحد الان يصرفون علي وانا متزوجة الحمد الله انه لي اهل شايليني ..لكن احيانا اقول مع نفسي المراة دائما محتاجة الي زوج يعفها ويصون عرضها وخليني اصبر لعل الله يرزقني معه باطفال ويتغير حاله لان هو نقطة ضعفه الاطفال ويحب اولاده كثير وكل ماتكلمت من ناحية العدل يقولي انا حتى لو صرت ابات ليلة هنا وليلة هناك لازم اروح لاطفالي ووجهة نظري حتى لو حملت منه وماتفاهمنا اخذ ابني او بنتي واسافر فيه واربيه ولن اتزوج بعدها ابد يعني بيكون عندي هدف عايشة عشانه ولاانحرم من نصايحكم ابد ولا تبخلون علي وجمعني الله واياكم بجنات النعيم |
نصيحتي بعد ردك علي .........
حاولي وحاولي كسبه لك وعدم اظهار المشاكل اكسبيه بتعاملك لاتخلين كل الوقت غضب وتوتر خلي بيتك هو ملجئه لك ابدعي بليؤم الي يجيك فيه بئي طريقه هو يحبها وبعدين ليش هو تغيير ؟؟؟!اكيد ياملل من الروتين اليؤمي ولا من كثر المشاكل بينكم ...... واكثري الاستغفار .... ومانصحك انك تنجبين منه بلؤقت الحالي لان اذا استمريتي علئ هلحال بتتعقدين لان معك ولد ..........وهو حق مشاكل ومااظن بيخليك تاخذينه ! حبيبتي انتي غيري من نفسك وكانك عرؤسه جديده استقبليه اهتمي به هيئي له البيت للراحه سؤي الاكلات الي يحبها .ووووووووووووو...........الخ واكثري الاستغفار هو الحل الاهم لمشكلتك اذكري الله واستعيني به لتفريج همك مع الاهتمام بزوجك وعدم التمشكل معه هو يهرب بنظري لانه لايجد جديد يهرب من بيتك يمكن لانك تطلعي مشكله جديده مع ان معك الحق ! |
اقتباس:
يالغالية انا من حقي اتكلم بالله عليك لو افتح معه موضوع ويطنش ولا يطلع من البيت احس انه يحتقرني بالنسبة للتغير والله عندي ميزانية بس عشان اتزين له واللبس له كل مرة لوك جديد يعني اجلس ساكتة مااتكلم عن حقوقي وبعدين انا اعتبر في غربة يعني لا اهلي عندي ولا عندي اقارب اروح لهم بالسعودية عشان اتنفس ولا شى يعني مضظرة للكلام معه هو تغير لانه شاف ضعفي وحس اني احبه ومقدر استغنى عنه بس انا بديت اسحب منه هالشعور شوي شوي زوجته الاولى ماتكلمه لا وين رحت ولا وين جيت ولا تهتم فيه اصلا واضن انه بدا اهتمامها فيه بعد ماتزوج عليها وهو يبغاني زيها ماانطق بولا كلمة حرام يااهمس اني اتزوج واصبر على كذا اشياء وباالاخير مااحس حتى اني سعيدة همس انا عمري الان ثلاثين سنة متى تبيني احمل ؟ كل ماتاخرت بالحمل يصعب علي الحصول عليه مستقبلا الا اذا اراد الله طبعا فالله مافي شى مصبرني الا اني ابغى احمل اقول اذا مانجحت بزواجي عندي عوض اعطيه حناني واشبع من حنانه الله يجزاكي الجنة ويسهل امرك |
حبيبتي
صابره انا مقصدي انك تغيري روتينك اليؤمي واسلؤبك وتغمرينه مثل اي زوجه بلعاطفه ...ادري منتي مقصره !! لكن اذا كسبتيه ووجدي انه باقي علئ اسلؤبه فواجهييه ...! او ناقشيه باسلؤب حلو وراقي ورومانسي بنفس الوقت ياحبيبي كذا وكذا ياحياتي انا كذا ..........! وغير الاهتمام وصدقيني بينجذب للبيت ومايتركك ابدا ........ يعني اجذبيه لك ثم حلي امورك معه باسلؤب حلو ويتقبله هو مو وانتي معصبه وهو بعد معصب ........!مارح يسمع منك اي شيء ... والشيء الاهم جانب الاستغفار صدقيني الزمي الاستغفار وذكر الله تجدي الفرج باذن الله .. وتلاحظي تغيير باسلؤب زوجك معك . انا ماانصح تسكتين عن حقوقك لكن ارشدك للاسلؤب الحلو مع زوجك ...لان هلطريق للان انتي ماسلكتيه !! فهمتي يالغاليه الله يفرج همك يارب |
اقتباس:
والله فاهمة وش تقصدين بس والله اني مرة وقعت على رجوله ابكي ومنهارة قلت له ارحمني ولا صرت ابي اناقش معك ولا اكلمك اسمعني ترى مالي غيرك صدقيني زوجي مايحب الضعف في الحرمة لاني ضعفت له كذا مرة وقدر الشى هذا وكلمته باسلوب والله اي رجل يتمنى ان زوجته تكلمه وتدلعه كذا شوفي يا همس ياغاليتي زوجي باختصار يحب المراة القوية الي تحسسه انها قوية وانه حتى لو تركها مايهمها فهو من النوع الي يحب كذا والرجال انواع وصناديق مقفلة فمثل ماقلت لك يالغلا اول بداية الزواج كان متمسك فيني لاني ماكنت احبه وكنت قوية قدامه وهذا السبب والي خلاه يتغير ماهو تقصير مني لا بالعكس لاني فضحت اوراقي عنده وبينت له حبي وغيرتي عليه هو مو عيب اني ابين حبي لزوجي بالعكس شى طيب لكن هناك بعض الرجال من يشوف ان هذا نقص الشى الثاني هو حاس فيني اني ماابغى اطلق واني اعاني من سالفة الطلاق فهو مركز علي من الناحية هذي من نقطة ضعفي يعني شوفي امس مادقيت عليه ولا سالت فيه ودق علي 12 باليل يقولي تبين شى ؟ وكان متوقع زي العادة اني ادق عليه واقوله وينك وليش ماجيتني لكني مسكت نفسي وطلعت قهري بالنوم واليوم الصباح برضه صحيت ولقيته داق علي مرسلي رسالة يقول فيها صباح الخير مارديت عليه الا بابتسامة عن طريق الرسالة وقبل شوي دق علي وقالي اول مااطلع من الدوام بمرك شفتي ياحبيبتي ان زوجي يحب من تطنشه؟ وشرايك يالغالية استمر على هذا الاسلوب ولا ايش اسوي |
دامه نفع معه استمري معه وشوفي النهايه اذا ناقشك ناقشيه بهدوء وبيني له
ليش صرتي تثقلين !! قؤلي تبي الصرحه يالغالي عطيتك قلبي ومشاعري اسئل عنك مايهمك وغيرها وغيرها !!! فلم اجد اهتمام ولم اجد تفاعل فماادري وش صار فيني ؟؟جاني برووود من ناحيتك .... ماادري كيف افسره ؟؟؟! لاتخلينه يشك انها حركه مقصؤده منك خليه يبدء يتحرك ويبحث عنك وبكذا يبدء هو يبحث عنك. اذا هزئك ووالخ روحي واطلعي من عنده وروحي غرفه 2 ...ولا كانك سمعتي شيء بعدين هو بيجي ء عندك ,,,,وبيصير يهتم بك..... غريب والله طبع زوجك ... حلو انك اكتشفتي كيف التعامل معه. |
ماجاوبتى على سؤالى كم عمرك
|
لاحول ولاقوة الا بالله الظلم ظلمات يوم القيامه الله يصبرك اختي
|
ياغالية مانقدر نقول لك تطلقي ولا نقدر نقول لك استمري إنت في الوضع وأنت من يقرر والإستخارة هي الفيصل. |
حاولي تاخذي حقك منه
وناقشيه بهدوء ولا تتنازلين عن حقوقك الشرعية أبدددددددداً ولو هدد بالطلاق بسلامته هدا مافيه رجوله اللي كل كلمة والتانية يقوللي راح اطلقك يعني عشان عنده بيت تاني ومادام حالته المادية ماتسمح ...... يتزوج تاني ليه؟ مرة اتعجب من الأشكال دي ! يعني تزوج عشان يربي مرته ويأدبها بالله هدا رجل؟ موووووو رجل اللي يربي امرأة بأمرأة ليه انت مو قدها ؟ والله مثل ما قالوا لك يا ليت ما تهورتي وتزوجتي واحد من غير جنسيتك خصوصا السعودي ماخدين عنه فكره انو كامل الأوصاف وهما مو كلهم نفس الشي اكييد ربي يعينك ويهدي بالك وارجع اقوللك لااااااااا تتنازلي عن حقوقك الشرعية ولا تجيبي منه اولاد .. لين يديك حقوقك وتضمني حياتك معاه واهمها المبيت ليلة وليلة والنفقة .. معليش يمكن قسيت عليكي في الكلام يا ريت تسامحيني بس والله مع اني ما احب الزوج يتزوج تاني خصوصا من برا بلده بس والله ما احد يرضى بالظلم لأخوه المسلم ربي يعينك ويوفقك |
المرجو من الادارة اقفال هذا الموضوع وجزاكم الله خير الجزاء
وشكرا لكل من شارك فيه وجمعني الله وياكم بالجنة شكرا لكم جميعا اخواني اخواتي.. |
أتمنى أختي الكريمة أنك تأخذي بالرأي بأن تعرض مشكلتك في قسم الإستشارات مع المستشارات وتتابعي معهم أول بأول حل المشكلة يحتاج لهدوء ذهني ولأناس متفرغين ولهم خبرة حتى يتضح لك ما هو الحل المناسب لك مع زوجك والله يهديه ويصلحه ويحنن قلبه عليك عزوبي بس رجل |
| الساعة الآن 05:12 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©