|
اشيرو علي بحلولكم مع زوجي الله يخليكم
السلام عليكم ورحمه الله وبركاته
انا ابغا تنصحوني وتشيرون علي انا زوجي دايم يعاندني من باب المزح يقول بيزوج او من هالكلام المهم فيه حريم وما حريم وانا من غيرتي ونرفزتي ارد عليه بنفس الكلام الي يقوله لي بس اقلب بدل الحرمه رجل ويزعل علي زعل مو طبيعي وما يهدا بالي الا لما يرضى علي ايش اسوي معاه وايش تنصحوني فيه لما يقول لي هالكلام اما المشكله الثانيه هو يقول لي انام بغرفه وهو بغرفه لان الولد يصحيه في اليل وصار لنا اكثر من 5 شهور وكل واحد بغرفه وانا مابغا يصير هالشي واقول له يتحمله مثل ماهو ولدي هو ولده بس يقول اتعب انا ولا هو واذا صحاه تقوم شياطينه ويقول انا ابي ازعجه وما ابي اريحه والله تعبت من هالمشكله |
عزيزتي البعض من الرجال ينرفزون زوجاتهم بالكلام عن الزواج وبدل الوحده أربع
يستمتعون بغيرة المراة وفوران دمها هو صحيح زيادتها عن الحد تصير سخيفة لكن تظل تعجب فئة منهم وبالرغم من إن الكلام عن الزواج من أسهل الأشياء لهم لكن بالنسبة لهم صعب يتقبلون اللي انتِ قلتيه يعني انتِ بتتزوجين غيره هذا مايصير فكلامك تلميح لأشياء أخرى وهذه أي رجل عاقل ما يتحملها عزيزتي وبيجن جنونه حتى لو الأمر على سبيل المزح أو الند للند ... هم بالنسبة لهم ربي محللهم الأربع أما إحنا وضعنا غير حاولي تغيرين طريقتك لو قال بتزوج غيرك ومن هذا الكلام تقولين له تزوج عادي وحتى لو كملت الأربع ما بتلقى أحلى مني ولا أسنع مني ومن هذا الكلام وإذا زودها حبتين ممكن تضيفين ولا وحده تتحمل كلامك هذا عالطالعة والنازلة أما مشكلة الولد ناس كثير كذا وأعرف زوجات من نفسهم يروحون لأبعد غرفة في البيت حتى لا ينزعج الزوج لأن عنده عمل في اليوم التالي وهي إذا كانت ربة منزل تقدر تكمل نومتها الصبح وقت ينام الطفل وإذا موظفة الله يعنها هو صحيح شعور مزعج وخصوصا انه هو يطلب منك هذا الشيء تحسين انه ما يساعدك ولا حاس فيك ويبغى راحته وكأن الولد مو ولده وانتٍ الأم والأب لكن احتسبي الأجر ومثل ما يقول زوجي وقت أقوله بعض المرات وخصوصا وقت قريب ينام ساعدني شوي ما أقدر أنام لا ليل ولا نهار وحالتي لله وانت بس بتنام قرير العين يقولي أجل حقك عليه كأم أكبر من حقنا عالفاضي الله يعينك تحملي وينام وشيء ثاني ممكن تجربين تخلين الولد بغرفة جنبكم وتنامين مع زوجك وبس يبدأ يصيح تطلعين له الغرفة وتسكرين على زوجك الباب وعليك وابنك في الغرفة الثانية لين يهدأ ويرجع ينام ثم ارجعي وافتحي الأبواب صحيح متعب لكن ربما حل إذا كان ودك تنامين بجانب زوجك موفقه |
عزيزتي احذري ان تقولي له انك سوف تتزوجين من شخص آخر فأنه في هذه الحاله سيضع في مخيلته ان لديك علاقه مع رجل آخر .. بأمكانك اخباره بأن ينتبه لكلامه وأي كلمه يود قولها يوزنها في البدايه ويتخيل لو انه كان محلك في ماذا سيشعر ؟ وبعد عده مرات من تذكريه بأذن الله سوف يكف عن هذا الكلام الجارح ..
وبالنسبه للطفل عوديه ان ينام بعيداً عنكم منذ صغره اجعلي باب الغرف مفتوحاً او ضعي جهاز كي تسمعين صوته اذا استيقظ , وستنامين مع زوجك براحه بأذن الله , وبين فترات استيقظي لتتأكدي ان طفلك بخير .. اتمنى لكم التوفيق والحياه السعيده :-) |
مشكورين حبايبي عن جد افدوني وخاصهفي مشكلتي الاولى لكم جزيل الشكر والتقدير
|
ابرد لك علئ المشكله ال2 ........
حبيبتي الله يهديك انتي عودتيه ........ لكن الحل حاليا .... انك تناقشينه مناقشه جاده تعبرين فيها عن غضب عليه قؤلي له حبيبي انا مضايقني شيء بيقؤل وش ؟؟ قؤلي نومك بعيييييييييييد عني مو كااني زوجتك ..!كأني خدامه والله خدامه ..تكرف وتطبخ وتهتم بلولد. ! ليش مو انا حبيبتك زوجتك !!وش هلاسلؤب والله قلبي مجروح من حركتك ...... صرت اتمنئ انيماحملت ولا تعبت لاجل النهايه تجازيني وتبتعد عني حرام عليك .... ابي احس بحنانك علي تخفيفك عني ! مو تفرش وتنام بمكان وانا بمكان انا صرت اخاف انام لوحدي اخاف تجيني فجئه !واحيانا من الخوف اتخيل اشياء .... ليش انت ماتبيني ؟؟؟ واسكتي خليه يرد ...!!!! ابيك تعاتبينه عتاب احباب مو تجريح وتقهرينه بلكلام لا..... يعني تدلعي وبيني انك زعلانه منه !!! هو بيقؤل انتي تعرفين سبب نومي بغرفه 2!!! قؤلي هذا مو بعذر ابدا !!! مافي زوجين بلدنيا ينامون بعيد عن بعض بسب ولدهم الاول ...... واجل لو جاء 2 و3 وش بتسؤي تطلع للسطح !!!!!!! واسكتي وبعض كلامه اذا سئلك لاتردين !!لانك زعلانه فهمتي! وازعلي لو ايام خليه يعرف ان لك حقوق ...ادري مو هاجرك ...لكن حتئ ولو توكم بببدايه الحياه ويبتعد عنك ... اسمحيلي بيتعود ويتعد علئ بعدك وتنطفي مشاعركم !!! ازعلي كم يؤم الئ ان يتعدل وجباتك قؤمي بها !! ومهما قال وفعل لا ترجعي كالسابق الا ؤقد صار ينام معك .......! ارجوك قؤي قلبك ووواجهيه الئ متئ كذا لمتئ ؟؟ بيصير عنده هجرك مع الؤقت عادي والعذر مانتي فاضيه انتي مشغؤله بلؤلد ووووو............الخ حبيبتي عدلي سلؤك زوجك .... من الان ولا يهمك وشيقؤل ولا يهاوش! قؤلي الله يسامحك انا مطلبتك شيء ماتقدر تسؤيه طلبتك تقدر مشاعري وبس! ولا ترضين الا اذا تعدل معك ..... وصدقيني بيتعدل واما اذا الولد بكئ رضعيه !!وذا ماسكت اطلعي انتي من الغرفه !! وبكيفك السكوت مو بزين عن هلموضوع!! سؤي الي قلته وعلميني بلتطورات! |
حبيبتي انا اقولك طنشيه ااذا قالك بتزوج عليك ولو انها صعبة لكن حاولي تضغطي على نفسك شوي قدامه يمكن هو عرف نقطة ضعفك وجالس يلعب على الوتر الحساس فكوني ذكية وطنشي والله يقويك على ذالك
بالنسبة للنوم خارج غرفته اغلب الرجال لا يتحملون صراخ الاطفال ويقيامهم باليل فتحملي اختي الفاضلة والله يرزقك الصبر |
اللي عندي يتزوج على زوجته ما يصرح ولا يمزح
|
اختي "احساس حب" ..
لا ينبغي عليك قط ان ثيري غيرة زوجك و شكه ابدا ، مهما فعل ، فعفتك و طهارتك امرا لا يمس .. اما عن نومه في غرفه اخري فاري انه معه بعض الحق ، لان الرجل منا يتعب جدا في عمله و يحتاج للنوم بهدوء لكي يستطيع ان يواصل العمل في اليوم التالي ، و تستطيعين ان تاخذي كل حقوقك منه وقت يقظته و لكن عند النوم دعيه ينام بهدوء . |
صابره بدنيتي
وقود مان مع احترامي وتقديري لكم الصبر الئ متئ ؟؟؟ وعذره ايش ؟؟؟ولدك مايخليني انام الئ متئ هلزوجه مسكينه تصبر !! الئ ان يكبر ولدها هذا وتجيب ال2 وعلئ هلموال بغرفه اخرئ هذا شيء مو معقؤل يااخ قود مان الزوجه لاتريد النوم بجانب زوجها لاجل االعلاقه الخاصه لا!!!!!!! بل تريد الحنان وووو.............الخ الزوجه لاتشعر بطعم النوم الا اذا زوجها حبيبا بجانبها تشعر بانه يريدها و يحبها المسكينه وش شعورها وهوو ينام بعيد عنها .....؟ واذا احتاجها اخذ حاجته وذهب ينام بغرفه اخرئ وكانه مو زوجته !!! كانها بنت من الشارع واسفه علئ هلتفسير لكن انقهرت من هلردين اصبري والزوج مايتحمل !!!!! لا يتحمل مثل اي اب وزوج........ المرءه كائن حساس ذات مشاعر تريد الحنان والتقدير من زوجها هي من حملت وتعبت 9 شهور بؤلده والنهايه يتركها مع ولدها بغرفه وهو بغرفه !!! وش هلاسلؤب الجاهلي !!! يااختي حلي موضوعك بئي طريقه هالشيء مابيريحك ابدا والله لو انا لاازعل واعاتبه وافهمه ان هلطريقه تجرح ماعري كزوجه تجعلني اندم اني انجبت لك هلولد انا احتاج قربك مني وقت النوم لكي احس بلامان الرااااحه والسعاده ايضا مو تاخذ حاجتك متئ ماتريد ثم تذهب غرفتك ؟؟؟!!! انت تحطمني بهلطريقه !! الولد اصلن اذا ماسكت تطلع الام من الغرفه وتقعد تسهر معه اما انه له غرفه وهي غرفه ليه اخوان .......! وش شعؤر اؤلدها اذا كبرؤا ؟؟؟ بيسلؤنها ليش ابؤي ماينام معك بلغرفه وش تقؤل بسب النونو ................!!!!!!!!!!!! هذا مو عذر انا متاكده انا مجروحه من هالشيء ولو انه هاجرها كان افضل لان الهجر لااسباب اما زعلان وهي بتراضيه اما كذا ينام بغرفه بحجة الولد مايخليني اناااااااااااااااااام !! حلوه ذي . |
همس\ حبيبتي مشكوره الظاهر اني باشوف طريقتك بصراحه حلولك حلوه دايم اشوف حلولك معقوله
كودمان\ يسلمو على المساعده والنصح صابره بدنيتي\ مشكوره حبيبتي على النصح |
علو النفس\ مشكور على المعلومه اكيد افادتني يعني اشيل من بالي انه بيزوج علي الله لايقدر يزوج علي
|
ااختي الله يهديك
بالنسبه للمشكله الاولى لاتعاندينه اذا قال شي قولي الشرع ححلك اربع والا اسكتي ولاتجادلينه مره ومرتين وبيمل وماراح يتكلم المشكله الثانيه طبيعي الزوج يبي الراحه والنوم لانه وراه دوام ويبي يصحى لاكن عندك ايام الويك ليش ينام لوحده نامي معه لانه موزين الواحد ينام بعيد عن زوجته يتعود على بعده بعدين وانتي حاولي تنومين ولدك بدري وجهزي الرضعه فوق راسك بحيث اول مايصحى تعطيهياه قبل مايصيح والله يسهل عليك يااارب |
المهاا\ مشكوره حبيبتي اما المشكله الاولى الله يجزاكم الفردوس بجد افدوني توبت اقول له هالكلام
اما المشكله الثانيه انشاء الله اشوف لها حل زي ما قالت اختي همس واذا مانفع الله يعين |
.......... بالنسبه للمشكله نمبر 1 ... حله بسيط انا اذا زووجي قااال هالكلاااااااااام اجلس اضحك واقوول الله يهنيك .... بس احلم اعيش معاك .... لاني اشووفك دايم ماتشتري لبس جديد الا لما يكوون اللي عندك ماعاد ينفع لك .... ويسكت ع طوووووووووووول اكيد فهمتي علي ...
......... اما المشكله الثانيه رديت عليتس البارح وهمس ماقصرت فديته عقله يووزن بلد عيني عليتس بارده ياهمووسه >> تحب تدلع :d |
اقتباس:
ادري هالشيء مضايقك ؟؟!لانه والله العظيم ضايقني... فاتمنئ تشوفي وعلميني وش صار بموضوعك ...فكري معك بلتفكير...... ولا يهمك كلنا معك ......:d |
اما المشكله الثانيه انشاء الله اشوف لها حل زي ما قالت اختي همس واذا مانفع الله يعين
بينفع اذا قؤيت قلبك وصارحتيه دون اي تجريح يعني لوميه بطريقة تكسر قلبه ويحس فيك وازعلي واثقلي الين يراضيك وينام معك ... واذ نام معك حسسيه بلفرق بطريقتك انتي ... واما عن ولدك اذا ماسكت وكان يبكي فااطلعي غرفه 2 ونوميه او رضعيه علئ طول ونوميه وبكذا ومع الايام زوجك بيتاقلم ابديء من اليؤم لان بكرررررررره الخميس اجازه عن الدوام وماعليك اذا تافف او قال اي كلمه طنشي ..... وعلئ قؤلة وحده من الاخوت جهزي رضعته . |
أول زواجي كنت أتضايق وأعصب اذا تكلم زوجي بالزواج الثاني ....
بس الحين لي سنوات وانا مرتاحة اذا قال بتزوج او بخطب ....أقول له أنا بخطب لك وأبيها على ذوقي .. أو أقول له ...تبي ثانية ؟؟؟؟؟؟؟ لا لا لا أرجوك لا تأخذ ثانية .....خذ بدال الثانية ثلاااااااااث ......:14: وهو ينقهر ويسكت .....لأنه يبغاني اغار وأعصب .... وأنا ما أناوله مبتغاه ..... اسمعي كلامي ...كل ما أظهرتي ضيقك أكثر هو صار مبسوط اكثر ..... وسعي صدرك |
أنا واقعه بلمشكــــــــــــلة نمبر 2
وبرأي خليه هو يقوم من الغرفه وينام بأي غرفه عند صراخ ولده :15:... يتحمل ويقوم في الأيام الي يبكي فيها الصغير مو انت والصغير تقومين من الغرفه!!!!!!!!!!!! وقوليله أن طفلك ماينام الا بمكانه ينزعج الولد وماينام لما أشيله غرفه ثانية وماينام !!! وان شاالله ان زوجك مايرتاح الي في غرفة النوم ويرجع هو بنفسه لها .... |
اهلين اختي
المشكه نمبر 1 مثل ماقالوا انا داااااااااااايم زوجي يغايرني وباآآآآآآآي شئ فيه حرمه انا احيانا اضحك واقول لا والله واحيانا اعصب بدلع بس الاهم اني دخلت براسه فكرة انه عادي تزوج لكن انا علطوووول على بيت اهلي ومازال يغايرني لان كلللل الرجال يتلذذ بغيرة المراءه وبصراحه اللي دايم يقول بتزوج اعرفي عنده ماعند (تيته) اما اللي لااااابد وساكت هو السوووووسه(رآآآآئي) اما سالفة ان تغايرينه لااااااااا مايصلح ابد والمشكله نمبر 2 بصراحه مااقدر احلها لاني وقعت بها مثلك لكن صرت اروح انام عنده الين اعوده ويرجع ينام بالغرفه |
حبيبتي إنتي ذكرتني بمشكله قديمه لي
زوجي كان يقولي أبغى أتزوج ..لأتفه الأسباب كان ينرفزني ..كنت أزعل وأعصب ..بعدين صرت أطنشو لما يقولي أبغى اتزوج أقوله روح الله يسهل لك ..وكنت أبين له إنو عاادي بالنسبه لي ..وماأدري إنو بيكيد لي وبيحقد علي لأنو من طبع زوجي الحقد ...وحب الإنتقام ودرات الأيام وأتزوج طبعاً..ولما قلت له ليه أتزوجت قالي مو إنتي قلتي أتزوج عادي يعني ماهمك !!!! مره أنقهرت منه ومن أفعاله ..وبعدين بكل سهوله بعد 3سنوات طلقها طلاق بلارجعه ..ورجع لي لوحدي وبالنسبه لولدك ياقلبي أغلب الرجال على نفس شاكلة زوجك ؟؟ وصدقيني الرجال معذورين خاصة لما يكون في طفل صغير وتخيلي تاني يوم هو عندو دوام ؟؟ لو صاح الصغير يقوم من نومه وماعاد يرجع ينام عن نفسي كنت أخذها من قاصرها وأطلع أنام برا ؟؟ وأحياناً ينام الصغير وبعدين أجي غرفتي وأكتر الأحيان أحاول إنو الصغيرماأخليه ينام أي وقت ؟؟ عشان وقت النوم تبعنا ينام معانا وبهدوء ومايصحى وكتير مرات أخلي الصغير ينام على بطنه عشان يسترخي ومايصحى بسهوله ولما يكبرشويه أخليه ينام بغرفه لوحده بس أترك الباب مفتوح عشان أسمعو لوبكي وأروح أرضعه وارجع تاني لغرفتي وأنام والله يوفقك ويسعدك ؟؟ |
مشكورات حبايبي وربي فرحتنني بردودكم
همس حبيبتي ابشرك خطتط نجحت بس اذا بكى لازم اشيله واضف غرفه ثانيه الله يعين اما الصيفيه راح الزق على الفراش وماراح انتقل بيكون ماعنده لادوام ولا شي ................................. اما مشكله الغيره فقلت اذا جاب لي طاريها مره ثانيه راح اسكت واطنش لين يمل لاني اخاف اقول عادي ماهمني ويسويها زي ما قالت اختي من قبل الله يعين ماتوقعت الزواج فيه كل هالتعب من جد تتزوج البنت صغيره تعب ادعولي بس |
حبيبتي
مافهمت ؟؟ يعني قلتي له .... هل انحلت المشكله ال2 او لا!! ووش العطله الصيفيه مافهمت وضحي جزيتي خيرا !! متلهفه لأجابتك. |
المشكله الثانيه انحلت مشكله الولد طبقت خطتك بالحرف الواحد بس اذا بكى الولد في اليل لازم انقل غرفه ثانيه
اما الصيفيه قلت بنام في الغرفه حتى لو بكى الولد ما راح انتقل لانبيكون ماعنده دوام فهمتي حبيبتي |
انتي ابداع يااحساس!
:22::17:
اقتباس:
ياعيني علئ الدلع !دوختي الرجال يااحساس !! :23:اكيد كسرتي خاطره ورحمك فلاجل كذا رجع لك.....:22: كللللللللللللللللللللللللللللللللللللللللللللللللل للللللللللللللوش!! والله اني فرحت لك ...حاسه اني سؤيت انجاز والله .... الحمدلله هذا من فضل ربي.... الحمدلله ... اجل لااؤصيك حسسيه بلفرق بين النوم لحاله والنوم بغرفتكم ... واصلن انا اذا بكئ ولدي وارضعه ومارجع ؤينام اطلع من الغرفه لاجل زوجي .... الاهم علئ البركه علئ البركه ... :17::17::22::17: |
هههههههههههههههههههههه
فديتك يالغلا اي والله حليتي لي مشكله عانيت منها 5 شهور فديتك صدق ما خاب من ستشار الله يحميك ويبقيك لعين ترجيك وكلكم الي ردو الله يخليكم ويبقيكم لعين ترجيكم |
| الساعة الآن 10:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©