|
من راقبت زوجها ماتت هما
السلام عليكم احبتي في الله
الصراحة بعد الموقف الي صار مع زوجي صرت احس اني ابي اراقبه بكل تصرفاته ولاعاد عندي ثقة فيه لكن مراقبتي له تتعبني وهو من النوع اذا راقبته او حس بذالك يزيده تمرد ويتعمد يرفع ضغطي زيادة واذا طنشته هو الي يصير مهتم فيني اكثر ولكن مسالة التطنيش نادر جدا مااستطيع القيام بها لاني استخدم كل حواسي للضغط على نفسي والصبر اتمنى تعلموني كيف اصير حكيمة معه بكل تصرفاتي وخاصا انه احيانا يتعمد برفع ضغطي ويعرف اني غيورة جدا كيف اخفف غيرة وكيف احسسه اني خلاص ماعاد صرت اراقبه وفوضت امري معه لله للمعلومية ياجماعة زوجي معطيني الحرية المطلقة وهذا مايخوفني فيه زيادة ارجوكم لا تبخلون علي بالنصايح فكلي ثقة فيكم بعد الله |
اتركي زوجك على هواه
حتى يستريح قلبك في مثواه |
اقتباس:
|
اقتباس:
الله يصلحك بس الظاهر مبسوط على السجع اللي طلع معك ولا معنى كلامك موب مترابط :d |
عزيزتي صدقيني أنتي تعطينه أكبر من حجمه وهو مايستاهل حبيبتي فكري بنفسك وعيشي حياتك هذا عمرك مايسوى عليك يروح بالهم والنكد حطي في بالك لايوجد زوج مثالي لابد مايكون هناك صفات سيئة عند كل شخص لكن أنتي بتصرفك هذا تبينين له أنك موب واثقة بنفسك تعوذي من الشيطان وأشغلي نفسك بالغصب عنه وعن التفكير فيه ومطاردته أطلعي تمشي انبسطي عيشي حياتك ولا عليك منه .. |
أختي صابرة
إذا رغبتي أن تجعلي زوجك يتمايل من الضحك فعليك بإظهار غيرتك عليه نصحيتي لك ...لا تظهري غيرتك عليه كي لايزيدك نار على نارك وفقك ربي |
والله من قبل غيرتي مو طبيعيه ومالها حدود
وحياتي جحيم ولما صرت اعيش حياتي واهتم بيها اكثر من مراقبه زوجي صار هو الي يغير علي اكثر مني وبصراحه هالطريقه ريحتني كثير صدقيني مافي زوج كامل 100% الا بيكون فيه عيوب صعب نتغلب عليها احيانا وبعدين كم بعيش معه هاذي الدنيا ماعليها خساره ومافي احد يستحق اني اضيع عمري اراقب فيه .... |
اقتباس:
اي اتركيه يتصرف كما يحلو له دون ان تنبشي ورائه حتى يستريح قلبك في مثواه المثوى هو المقر والمعنى هنا مجازي اي حتى يستقر قلبك انتِ في مكانه الطبيعي ويستريح من عناء الجري خلفة كلما شككتِ في تصرفاته بالمختصر : حلي انت عن سماء افعاله يحل هو عن أرض قلبك وتعذيبه |
اقتباس:
والله فعلا عطيته اكثر من حجمه وهو مايستاهل صدقيني غصب عني وامنيتي اصير باردة اتجاهه واحيانا اتمنى يموت كل شعور اتجاهه لانه هلكني وعذبني على قد ماهو يعاملني بالبرود ويحرقني ببروده وعلى قد ما انا اعامله بغيرتي ولهفتي عليه واسعده باذن الله بحاول |
اقتباس:
|
اقتباس:
الله يرحم الحال |
أختي الكريمة .. يبدو بأنك حساسة كثير و هذا يتعبك و يتعب اللي معاك وحولك لأجل هذا لا تراقبيه و ثقي به وعودي نفسك على عدم الأكترث لكل شئ ولا تجعلي من المشكلة الصغيرة كبيرة فالحياة سهلة لا تحتاج إلى تعقيد ، وعليك بقراءة الكتب التي تفيدك عن معالجة مشكلة حساسيتك المفرطة وأنا أعرف أن هذا ليس بيدك ولكنك تستطعين من معالجتها بالتدريب والتعويد و سوف ترتاحين للنتائج كثيرا ..
أختي ... الحياة بسيطة و زوجك لن يهتم لإحساسيتك المفرطة لأنها تزعجه كثيراً فلا تزعجي نفسك و تزعجيه بدون أن داعي ... وكما قلت سابقا أقراي كثيرا فالقراءة سوف تساعدك كثيرا على حل مشكلة الحساسية المفرطة .. أتمنى لك حياة هادئة و سعيدة ... |
اختي انا كنت مثلك وتخيلي تفتيش الجوال يومييييييا اذا دخل ينام
والمشكله ماكنت القى شئ واقنعت نفسي ان اللي اسويه مرض نفسي وان زوجي مايستاهل اسوي فيه كذا وهو يشوفني اغار ينبسط واحيانا غيرتي الزايده تطفشه وتخليه يزييييييييدني مغايره فحاولت حاولت اني ابين له انه عاااااادي واني واااااثقه فيه ولو لو راقبته بشئ مااااااأبين له ابدن وعن الحريه ليش مخوفك ؟؟ ولا تبغينه معقد وشكاك ؟؟ بعض الرجال عادي عندهم مايحبون يتحكمون بحريمهم والله يسخره لك ويبعد عنك العيره ويسعدكم |
انا مشكلتي مثلك افتش في كل شي يخصة وكل ماقلت اترك هذة التصرفات واهتم بحالي واعيد ثقتي بة اكتشف مصيبة و الله احترت ماذا افعل هل اطنشة ام استمر في مراقبتة حتى لا يتمادى اكثر واكثر اسفة على طرح مشكلتي
|
اختي الكريمة أهم شي انك ما تتجسسي و تتبعي عورات زوجك
لأنه لا يجوز لكِ ذلك قال الله تعالى : (ولا تجسسوا) و قال صلى الله عليه و سلم : "إياكم و الظن فإن الظن أكذب الحديث" البخاري حاولي تمثلي عدم الغيرة و تتصرفي بحكمة خليكي ممثلة شاطرة إذا هو يحاول استفزازك فقط مثلي عليه انك زوجة حكيمةو غير طائشة ، حتى لو كنتِ تشعرين بالغيرة بداخلك ، خبيها !! |
اقتباس:
|
اقتباس:
اختي انا افسر ان الرجل لمن يعطي الحرية لزوجته فهذا ليس مهتما بها وماعنده ذرة غيرة ربما تفسري للامور خطا ولكن هذا مااحس فيه ايتها الفاضلة |
اقتباس:
والله اني حاولت اسوي هالاسلوب معه عدم الاظهار ولامبالاه ولكن احيانا يجلس يرفع ضغطي زيادة ويحس اني ماراح اصبر لين يخليني انفجر وبعدها احس اني داخلة بحرب نفسية معه وهذا ياثر على صحتي يااختي لاني مو متعودة على الحروب وخاصا مع اقرب الناس لي احيانا استطيع ان اللعب هذا الدور واحيانا افشل ..لاحرمكم الله الاجر |
اقتباس:
لا عليكي اختي ان تطرحي مشكلة في موضوعي فكلنا هنا لحل مشاكل الثاني ولنساعد بعض والناس لبعضها يالغالية الله يفرج همك وهمي ويرزقنا الصبر والحكمة |
كونه معطيكي الثقه فهذا دليل انه شخص ماينخاف منه ........... لانه كلا يرا الناس بعين طبعه.. فلو فرضنا انه يخبص او يلعب بذيله كان انتي اول وحده يسئ الظن فيكي........
لكن يا اختي اذا انتي شفتي منه شي يخوف....... وماهو مجرد ظن او شكه منك لاء اقصد انك طحتي على اثباتات تدينه >>>وقتها يكون كلام ثاني.. عني انا اكتشفت ان زوجي "الله يهديه ويصلحه" مريض نفسي..تدرين ليه؟؟.....لانه مايرتاح إلا اذا احرق دمي<<<اقولها بما تعني هالكلمه من حرقة دم.. وبعد مايحرق دمي وانقهر وانهار اشوفه مرتاااااااااااااااااااااااااح ولا على باله...وكانه يأخذ جرعة مسكن او كانه من مصاصي الدماء..ههههههههه...اقولك انه مريض.. وقتها من جد حسيت اني لازم اتعامل معه على انه مريض ولا ولن اسمح له انه يلعب بي او اريحه بعذابي.... ومره على مره صار يتغير من هالناحيه شوي إلا انا اللي صرت اتحكم بردات فعله مو هوا<<<<ما احب هالاسلوب لكن ان ما اشغلته اشغلني.. ياريتك بس تاخذي وقتك في التامل بكل جوانب حياتك مع زوجك..........ان الله سيلهم رشدك ويقيكي شر نفسك..... كلمه اخيره/ انا لاحظت ان بعض الازواج يحب يشوف مدى غلاوته عند زوجة وعشان يتاكد من مدى تاثيره عليها ومدى احكامه على مشاعرها فيقوم يختبرها ويلعب باعصابها << وتراهم ماهم هينين..لكن هالاسلوب غلط..ويسوي مشاكل وانا احس اللي يتعامل كذا شخص مريض نفسي...لكن دواه ان الوحده مننا ماتمكنه من اللي بباله وتبين له عكس اللي متوقعه وتظهر له بالاخر انها كاشفه لعبته.. عشان يصاب بالصدمه ويفوق من علته...الله يهديني ويهديهم.. لكي مودتي...ام دانة |
اقتباس:
|
| الساعة الآن 12:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©