السلام عليكم
ماطول عليكم انا بنت تزوجت مطلق وله طفلتين
وهو غريب عنا لكن واحد من اقاربه يعرف والدي وتقدم وتم الزواج
كان يعاملني بقسوه ودايم يهدد بالطلاق وكان دايم يحاول يبين انه تعبان اوانه معيون وياكل اعشاب وادويه مااعرف لايش المهم حبيته جدا واهتميت فيه لكنه مايعطيني وجه وأخيرا قلت له اني احبه بس كرامتي هي الباديه وطلبت الطلاق لاني مليت من صده لي وتهديده بالطلاق وقلت لوطلق معناته هو يتحجج ويبي يقول هي طلبت وفعلا طلقني
بس

بس المشكله ماقدرت انساه وانا قطعت اتصالاتي بامه وخواته وكل قريباته عشان انساه ومسحت ارقامه والحين صارلي اكثر من سنه مطلقه وودي اعرف ليش طلقني بسهوله مع انه يعرف اني احبه ويشكر باهتمامي فيه وكان يقول لاهله الله عوضني خير يقصدني لكن قدامي ولاكلمه حلوه
وانقطع عنا ومن فتره اكتشفت انه متصادق مع اخواني وماقطعهم وانه يحضر منسباتهم وهو في منطقه بعيده يعني يتعنى لخواني
تتوقعون بيرجعني وكيف اقدر انساه

شكرا لدعائك لي
بس والله ودي اعرف ليش بسرعه طلقني وتخلى عني ومع اني كنت اقوله قولولي عيوبي خلني استفيد واصلحها حتى لومع زوج ثاني وكنت اسأله ليش مايعطيني وجه ولاكان يرد على اي شي انامنقهره احس اني كسبت لقب مطلقه بدون ذنب اواي سبب حتى فكرت انه بيرجع طليقته لكنه مارجعها ولاحتى حاول وقلتله قبل الطلاق اذا هي مشكلته يرجعها اناراضيه اهم شي اعيش معاه واللي يقهر اكثر الصداقه مع خواني توجاه الغلا كنت اتمنى زياره مايسمح والحين طاقها صحبه وهو اللي يجيهم

والله يالحبيبة اخوانك هم اعرف منا .. تقولين مصادق اخوانك .. طيب وش موقف اخوانك منه ؟
معقوله يطلق اختهم من غير سبب وهم مستقبلينه ومازالوا مصادقينه ..!!:11:
انا اقول دامك ودك ترجعين له خلي واحد من اخونك يتوسط بينكم .. ويقول له يافلان ترى فلانه للحين شاريتك
وشوفوا ردة فعله ..:25:

خواني يقولون انتي طلبتي الطلاق وتطلقتي من غير مشاكل لامنك ولامنه وطلاقكم كان هادي وعقلاني
واذا الرجال يجينا في بيوتنا ويعاملنا كويس وش عذرنا عليه نصده لاجانا
وعرضوا علي يعرضون عليه الرجعه بس رفضت كرامتي ماتسمح لي لانك موعارفه شكثر تمسكت فيه ورجيته قبل الطلاق حتى فاض فيني
يمكن طلاقي خيره بس ودي اعرف سبب طلاقي وسبب لزقته بخواني
يمكن وده يعرضون عليه اه والله ماني عارفه

بسم الله والصلاة والسلام على خير الانبياء والمرسلين نبينا ورسولنا محمد عليه الصلاة والسلام ..
بس بالنسبه للنسيان ...راح اقولك ..
مع الوقت ... والانشغال بمعنى انك ..تحاولين انك تـــــــــ=>
ــــــــــــشغلي نفسك بائي شي الله يهديك ...
حافظي على صلواتك الخمس وقومي الوتر واكثري من قراءة القران الكريم ...
اذكار الصباح والمساء ... اقفلي على الماضي بكل ما يحويه وعيشي اليوم وكائنه اخر يوم بحياتك .
كوني بالدنيا كائنك عابرة سبيل ...
ارجو تقبل مداخلتي ...

شكرا لمداخلتك بس ممكن تقولي وش اللي يخلي الرجال بايع ويتحجج ومايبي طاري اهلي واخواني وبعد الطلاق لزق فيهم كل مادريت انه قابلهم توترت مع اني والله مااحاول اسأل عنه ولاودي اعرف اخباره مرات احسه يلعب باعصابي

:17:يآقلبي آنتي طليقك غريب الاطوار وان رجعتي له بتزيد معانآتك معه .. الدنيآ مآعآد بهآ رجآل ...
اسآل الله العظيم ان يرزقك بزوج افضل منه ويرزقني معك .. اجتهدي واضغطي على نفسك وحاولي تكابرين
لان مامنه خير

شكرا حبيبتي
بس تجربه طلاق من غير ذنب اقترفته محطمتي صرت خايفه اتزوج مره ثانيه لاني موعارفه بشنو غلطت حتى الحين الناس لماتسألني مدري شقول
اللهم اجرني في مصيبتي واخلف خيرا

طيب ممكن فعلا معيون على الحريم!!!!!!!!!!!

خلاص أنتي اصرررخي وبقوة قولي(من باعنا بالرخص بعناوه ببلاش):)

الله يوفقك ويعوضك عاجلا بالافضل والاحسن ..........

أختي الفاضلة ...
الذي يحب لا يتعامل مع من يحبه بالقسوه التي تكلمتي عنها، الحب كله رحمة و حنان وليس قسوة و جفاء و مشكلتنا دائما نقول عن كل شئ عين أو محسود و هذا خطاء كبير قد يكون مرض نفسي وهو لا يعلم ..
إذا كان هذا الإنسان بهذه القسوة كيف لك أن لا تنسينه !! فأنا أعتقد الإنسان الذي لا ينسى هو الذي كله حب و حنان و رحمة وليس الأنسان القاسي و الجاف !!
إذا كنتي لا زلتي تحبينه و تريدنه أن يعود إليك أنصحيه أولا أن يزور طبيب نفسي متخصص ليعالج حالته عندها يمكنك أن تعودي إليه إذا أراد ذلك و بعد أن تتأكدي أن حالته تحسنت و إلا فأن مثل هذا النوع من الرجال سوف يتعبك نفسيا حتى لو كنتي تحبينه فهو سيستمر على معاملته معك مثل ما ذكرتي ..

أتمنى لك حياة سعيدة ...

شكرا لك
انا بعد مرات اقول شتذكر منه عشان احبه بس موقادره انساه يمكن لاني موعارفه سبب طلاقي واذا كان مريض نفسي كما تقول ليش بس معاي لان معاملته مع الناس كويسه

يا أختي ممكن تكون معاملته مع النساء تختلف مع الرجال فلا تحكمي بهالشي

تذكري كلمه وحده لاتقنطي من رحمه الله .... الله يخلقك وينساك لا ولا ولا كاتب كل شي لك قبل ان تخلق السماوات والارض .. لاتتعبي نفسي بشي وهو ممكن ماهو داري عنك .

ولاكن اكثري من قيام ثلث الليل والدعاء والاستغفار فهو كفيل بان ينسيك اياه وادعي الله بان يعوضيك خير ومازال بالدنيا خير .

اتمنى لك ولجميع المسلمات الزوج الصالح وان يرزقني الله بالزوجه الصالحه

أختي الفاضلة ...

إذا كان معاك بس هذه حاله فقد يكون هناك أمورا لا تعلمي عنها !! و أيضا لا تعلمي عن معاملته مع الناس جميعهم قد يكون تعامله مع بعض الناس طيب ما تقولين لكن مع البعض الآخر قد يكون غير ذلك !! نحن لا نعلم و لكن حسب قولك شخصيته غير مستقرة و أعتقد بأنه يحتاج إلى زيارة طبيب تساعده على معرفة نوع حالته ..

الله يعوضك خير خبيبتى

الله يعوضك خير وتدري كيف تنسينه اذا تزوجتي غيره

يروح ماكنه تصور ولا كان .......... انا كنت متزوجه عقيم وتطلقت ولما تزوجت الثاني نسييييييته وانشغل قلبي سبحان الله قلب المراه مايجمع اثنين اذا تقدم لك افضل منه لاتترددين واللي مايعدك ربح لاتعده راس مال

الله يكتب لك الخير والاصلح

قصتك فيها حلقات مفقودة ...؟

غريب وضع اخوانك ..!!

الي يبينا عيت النفس تبغيه والي نبيه عي البخت لايجيبه

الى الاخت صوت انثى سامحيني بس ما اظن ان الله بيرزقك بزوج صالح وهذا كلامك يااختي ما ادراكي انها سوف تزيد معاناتها !!!!!!!! صدق من قال قل خيراً او اصمت اما بالنسبة لكي اختي الكريمة ذكرتي بانك تحبينه والحب لا يأتي من فراغ اجعلي احد اخوانك يتوسط بينكما فهذا هو الحل الوحيد . . . والله اعلم
جمع الله بينكما في خير

الله يوافقك يارب ويسر امورك

شكرا لكل من رد على موضوعي لكن ماراح اسعى بصلح معاه لاني اولا ماغلطت معاه وثانيا كرامتي ماتسمحلي ولو احد من خواني كلمه ورفض بحس بحرقه وقهر اكثر من اللي انا فيه وبصراحه دعائكم ريحني ربي يريحكم

تتكلم عن الطلاق من وجهة نظر المرأة وكان المرأة هي من تصبر فقط؟؟

انا شت طليقتي بطلاق تاريخي بعد ان صبرت عليها ثلاث سنوات وتحملت اللي مايتحمله اي رجل .

الطلاق للرجل يكون راحة وهدوء في كثير من الاحيان .

الله يكون فى عونك ويسعدك ..فالعشره الطيبة والحلوه كيف تنسى صعب خاصه مع النساء سبحانه من خلقهن وجل الرجل يانس بهن ولولاهن كيف بتكون الحياه الحمد لله على فضله وعلى منة وكرمه بان رزقنا بهن .

ياحب مفقود ربي يعينك
لكن صدقني المرأه يكسرها الطلاق بشكل فظيع الرجل دائما اقوى ارجو انك تحاول ترجع زوجتك يمكن بعدك علمها وحست بقيمتك خصوصا لوكنت انت اللي تحملت اكثر تلقاهاتنتظر رجعتك

حبيبتي تمت السنة ولا رجع لك تتوقعين انه في امل؟
شوفي يالغالية سواء رجع ولا لا لازم تنسين والنسيان نعمة وان مانسيتي الحين بتنسين بعدين لا تندمي على شى راح ولا تترقبي روحاته وجياته وقاطعي اهله ماودي اصدمك بس لو كان يبي يرجعك ماتوصل الامور الي سنة كاملة
احذفيه من قاموس حياتك يمكن لو تنسي يرجع من نفسه

استخيري قبل كل شيء

اتا لا اؤيد الطلااااق نهائيا وياليت فكرين ترجعين له افضل
ودايما اقول البنت تصبر على زوجها مهما كان سيء الا اذا ضربها او كان يشرب او زاني
اما غير ذلك انصح البنت بالصبر وعدم طلب الطلاق