|
زوجتي و الخادمة !
السلام عليكم و رحمة الله وبركاته .. !!!!
إلي أعضاء هالصرح الشامخ والمنتدى الأكثر من رائع ما ابي اطول عليكم في البداية اكيد ناس كثيرين تكلمو عن حبوب الياسمين ... زوجتي بتكمل سنتين في شهر شوال وهي تستخدم الحبوب طبعا لين جيت ابناقشها خلاص بعدين خلها الشهر الجاي ... طيب الشهر الجاي الشهر الجاي طبعا تصير فيه بعض المقاطعات والرفض من عندي في بعض الاشياء عشان عنادها .. الشي الثاني الامور الجنسية ... زوجتي تدرس في الجامعه ولين جيت اقولها وش رايك تغيرين نبي نوسع صدرنا هالليله تقول ما فيني حيل خلها بكرهـ يا ساتر وبكرهـ مافيني انا حيل واطفش ولا عاد اقولها شي يا ناس يمرر الشهر ما اجامعها فيه بعض الاحيان :19: مدري هو عيب فيني عشان ما اعرف الاسلوب الزيناطلب منها انها تظبط عمرها يعني اقصد تلبس اللبس الي يفقع الراس او مدري احترت او من الحبوب الي تاكلها يمكن يسبب له برود جنسي والله مااااااااااااادري او عشان دوامي زفت طويل من 8 الين 6 ولا اصل البيت الا 7 وما يصير فيني خلق ... ؟؟؟؟؟؟؟؟؟؟ :29: ماادري بصراحه الموضوع الثالث و الاخير: هالايام تفكر هي واختها (طبعا متزوجه ) انهم يسكنون في بيت واحد يعني احنا فوق وهم تحت طايحه في فكره هالايام انها تبي شغاله كلمتني قبل كم يوم وقلت لها ليش تقولي كل البنات عندهم طبعا انا وش يدخلني في هالبنات تقول ما اقدر علي تعب البيت و مادري ايش قلت يابنت الحلال هذا انا اساعدك في البيت طبعا بعض الاحيان اغسل المواعين :d عنها اممم كوي الثياب اخليها برى عشان دراستها اقترحت قلت لو نجيب شغاله اهلي و لا حقين الساعه يعني تجي اخر الاسبوع وتنفض البيت نفض وخلاص ما يحتاج شغاله تقول لا اخر شي قلت والله منيب فاضي تكاليف اجار الشقه و البيت الجديد يبيله دفعه اولي منيب فاضي وبس و نقفل الموضووع :30: ف وش رايكم احترت يا ناس صرت مدري وش فيني ودي اهاوشها ودي اسكتها بس مدري البنت بشكل بسيط شكلها دلوعه لكن ما تقصر في الطبخ بصراحه طباااخه بس علي حسب المزاج :( اذا صار ما عندها محاضرات تضبط العشاء بعض الاحيان اعطيها عذر عشان الدراسه واقول سنتين يا رجال وعقبها خلاص رغم انها خلاص ما بقي الا التطبيق ان شاء الله ف وش رايكم اولا شي بخصوص الحبوب و بخصوص الامور الجنسية<<-- هل نسميها طفشش وكذلك الشغاله او الخدامه :d ف ريحوني يعني عشان دراستها وانا بصراحه مركب هالجمله في راسي يعني لا قدر الله صار شي ولا شي ابقولها وابقعها في وجههها (يعني ساكت عشان دراستها )رغم اني اخاف اني اجيبها علي نفسي يعني : هل اقدر اقولها هالكلام بعد ما تتخرج ان شاء الله او ابجنيها علي نفسي بتقولي بعدين انت ما قدر قلت لي شي وليش تغير كلامك <<<-- يصير عندكم يالبنات انتم هالشي ولا لا ؟؟؟ اسمحولي علي الاطاله وتشعب الموضوع بس عشااان ارتاح و ترتااحوون من سرد كل موضوع لحاله و جزاكم الله خير و رحم الله والديكم |
الله يصلحها ويردها لك ردا جميلا
هذه مشكلة بعض البنات ماتحافظ على زوجها وتسعى أنها ترضيه في كل شئ بحياته تبغى تجاب طلباتها لكن ماتشوف طلبات زوجها ... الله يهديها اجلس معها وكلمها بطريقة هادئه إنها لازم ترضيك وكيف تخليك تنام وهي ماأرضتك بالنسبة للشغالة رأيي لازم تقنعها أنها مالها داعي وإنك لازم توفريني.... الحبوب ممكن تسبب هالشئ لكن ماتوصل للشهر حاول تغيرها لنوع ثاني تكتبها لها الدكتورة ...... الله يسعدكم |
اخوي
أنا أدرس و دراسة أصعب منها مافي و بلغة تانية و الله يخلصني بس ببأقول لك كذا ، علشان أبين لك إني مجربة الدراسة + الزواج ، و ما أنصح من راسي و من غير تجربة. 1 - إنتوا ما عندكم أطفال ، و إنت ماشاء الله تساعدها في البيت و باين عليك ماشاء الله متعاون معها ، و غير إنه العلاقة معدومة تقريبا ، بنظري ماله داعي أبدا حكاية الشغالة، و الحل اللي إنت قلته كويس .. أحد ترى معبي لها راسها ، و نعرف السواليف هذه الحل: الشغالة مالها داااااااااااااااااااااااااعي أبدا ، لو عندكم أطفال كنت ممكن شجعتك .. ممكن تجيب لها الشغالة تبع أهلك مرة بالأسبوع و خلاص.. حتى المفروض هي تجيب الشغالة دامها مقصرة بسبب دراستها .. 2 - العلاقة الخاص .. سببها الحبوب أولا .. ثاني شئ ، إذا ما انبسطتوا دحين و إنتوا لسى ماعندكم أطفال ؟ متى بالله ؟؟؟؟؟؟؟؟؟؟ المهم مالها حجة .. الدراسة مو سبب أبدا في تقصيرها بالشئ هذا و شهر كامل ماشاء الله ؟؟؟؟؟؟؟؟؟؟؟؟ لازم وقفة جادة منك و بلاش دلع ، لإنه الشئ هذا عند الرجل أهم من الأكل و الطعام. 3 - الحبوب ، ممكن هي بتأجل الحمل علشان تتخرج و تخلص دراستها و ما تتورط بحمل و دراسة. فما لك غير إنك تصبر ، لإنه خلاص باقي لها التطبيق.. بس الحبوب ممكن تسبب عقم ترى. 4 - إنه أختها تعيش جنبكم ، على حسب رأيك إنت ؟ مرات الأخووات يحرضوا بعض و يخربوا على بعض ،، فإذا ما يأثر عليكم فخلاص ما راح تفرق معك الزبدة : العلاقة لازم تخلوها رقم 1 ، قبل الدراسة و كل شئ .. خاصة إنه لسى ماعندكم أطفال.. و لازم إنت تفهمها الشئ هذا .. و الشغالة ماله داعي دام ماعندكم أطفال .. الحبوب ممكن تصبر لحد ما تخلص دراستها |
عندكم اطفال؟؟
اذا عندكم فيستحسن تجيب لها شغاله اما بالنسبه لسالفه الجنس احس طريقتك غلط يعني تقول وش رايك الليله؟؟ الشي يجي بالفعل والرغبه مو بالكلام بعدين اعذرها شويه دراسه ومذاكره وبيت وزوج ان شاء الله اذا تخرجت تزين الامور وسالفه الحبوب تاكلها فتره طويله ترا مضره انا استخدم نفس نوع الحبوب ولي ثلاث سنوات اكلها وسببت لي مشااكل الله يحسن اموركم وتصبح عال العال |
تحتاج إلى أن تكون خليط ...
بين الحزم و الجد و بين المرح و الحنان و الطيبة .. تنازلك عن حقوقك حدث بمحض أرادتك ... والاراده المسلوبه لا يمكن أن يعيدها لك ألا نفسك .. عليك بالحزم مع زوجتك .. والحزم الذي اقصده ليس الضرب بل الحزم هو .. أن تدير حياتك الزوجيه وفق مبدأ معين و تمشي عليه و تقود السفينه بكل اقتدار .. الحزم هو أن تبين ما تريد لزوجتك ولا تتنازل عنه .. هو أن تفهمها ما تريد .. هو أن توبخها اذا اخطأت اذا لم تأدي حقك تذكرها بالله و تخوفها منه .. هو أن تمنع عنها بعض الاشياء حتى تلبي طلباتك .. الحزم باختصار هو شخصيه قويه وقياديه و في نفس الوقت عاطفيه .. الحزم هو أن تعرف متى تكون عاطفي و تعرف متى تكون واقفا بجد .. الحزم هو أن تعطي الأوامر و تنتظر التنفيذ .. الحزم هو أن تبين زعلك وغضبك من الأمور و تكون حازما حتى لا تكرر ما فعلت .. في النهايه هي حياتك و أنت تديرها براحتك .. لكن أقول لك .. كن طيبا عطوفا حنونا وقت حاجت زوجتك لذلك .. ومع ذاك فكن حازما ذو شخصيه قويه وضع الأمور في نصابها عند الحاجه لذلك .. جرب أن تكون وسطا .. والله الموفق ،،،،،،، |
.
. . لاأزيد على كلام أخي السيف المهند فقد قال كل ماكنت اود طرحه لك .. . . . |
يووووووووووووووه لو زوجتك تشوفني خلها تقرا ردي صدقني بتحب يدها وتحمد ربها
اختباراتي الاسبوع الجاي وحاليا اختبارات بناتي مع انه تقييم الا انه تععععععب شغل البيت اللي ماينتهي اعاني من اسبوعين من قرحة المعده ولا في وقت اروح المستسفى وبنتي ومواعيدها بالمستشفى اللي كانت تعاني من السرطان شقه صغيروووونه وعندي زوج الله يهديه مايعرف يساعد ابد ابد حتى في مذاكرة بناته الا في الاكل اذا مالقى عااااادي عنده مايزعل بس انا مااقدر اقصر عليه بشئ وتعبت نفسيا وجسديا والله يسخر زوجتك لك ويوفقها |
اقتباس:
|
الله يجزاك على صبرك هذا زوجتك كذا وماعندهااطفال كيف اذا صار عندهايعنى :16:
|
أختي 2006
الله يجزاك خير على صبرك و يشفي طفلتك يارب يا كريم ------------------------ أخوي كله بيدك إنت ، و اسمع كلام الأخ السيف المهند و ما راح تخسر شئ الدراسة صح تخلينا نقصر بأمور عديدة ، لكن مو معناها إنه الوحدة شهر كامل تقصر في حق زوجها و الدراسة ماهي أهم من البيت ، الحق على بيتك علشان لا تجي بيوم تصيح و تقول زوجتي و زوجتي و كله بسببك ، إنك ما علمتها |
لا أرى أن الدراسة عذر للتقصير .. تستطيع أن تقسم وقتها وتخصص وقت للراحة وموضوع عملك الطويل في صالحها لأنه يعطيها الوقت لتنجز أعمالها براحة بدون ضغط وتسرع .. لا أدري عن سبب رفضها لترك مانع الحمل ربما تود تأجيل الأنجاب حتى تنهي الداسة أيضا بالنسبة للعلاقة الخاصة يجب أن تصارحها برغبتك وأنك تحتاجها وهذا الشيء يقربكما لبعض |
اللي أعرفه ان ها الحبوب تخلي الوحدة عصبية
ويمكن تجعلها مضطربة وما تحب الجنس ..يمكن خذها بشويش بس تأكد من أثر الحبوب عليها كيف |
البرود و المزاجية سببها الحبوب
ممكن تتركها زوجتك و بعد 4 اسابيع بترجع نفسيتها و رغبتها تمام ان شاء الله لكن لا بد من أخذ الاحتياطات اذا كنتم تريدون تأخير الانجاب و لكن باستخدام موانع طبيعية كالعزل و الواقي الذكري أما عن باقي المشكلة الحقيقة اني لم أفهم تماماً ، لو انك كتبت بالفصحى كان أفضل كي يتفاعل معك الأعضاء الله يوفقها بدراستها الدراسة و الزواج مسؤوليات كبيرة لكن ممكن لو نظمت وقتها و انت ساعدتها يمشي الحال |
ما أراه هنا هو زوجة مثقلة بهموم الدراسة و غيرها يأتي زوجها و يطالبها بالجنس بشكل مباشر . أخي صاحب الموضوع الحالة النفسية للمرأة تؤثر بشكل كبير على رغبتها الجنسية . عليك أن تزيل هموم زوجتك و مشاعرها السلبية أولاً وذلك بأن تجلس معها و تسألها عن دراستها باهتمام اجعلها تفضفض عن كل ما في قلبها من هموم فالمرأة تتخلص من المشاعر السيئة و تتحسن نفسيتها بمجرد الكلام و الفضفضة . بعد ذلك ابدأ باستدراجها للجنس بشكل غير مباشر بأن تبثها مشاعرك أخبرها بمقدار حبك و اشتياقك لها ثم تغزل بجمالها و مفاتنها و ستجد ما يسرك _ إن شاء الله _ حبوب ياسمين من تجربتي الشخصية تركيزها عالي نوعاً ما و هي تسسبب _ كغيرها من الحبوب _ الكآبة و البرود الجنسي أعتقد أن من الأفضل تغييرها لنوع أخف مثل : حبوب لوجينون . استشر طبيبة نساء قبل التغيير . أما موضوع الخادمة فأنا أعتقد أنه لا داعي لوجود امرأة غريبة في منزلك لأنه إذا لم يشعر الزوجين بالخصوصية في منزلهما فأين سيجدانها ؟ علاوة على ذلك ما نسمعه من القصص المريرة عن الخادمات و المآسي التي يسببنها . أتمنى لك التوفيق |
الحبوب ممكن تلعب دور كبير في الموضوع
اما بالنسبة للدراسة فهي لازم كنوع من انواع الشكر انها ما ترفضلك طلب وانا طالبةدراسية وبيتي كبير وعندي بنت والحمد لله مو مقصرة بشي مع زوجي حتى في الاختبارات النهائية اطبخ موفق |
لو تحضر لها خدامة ممكن تتفرغ لك
|
يااخي لازم توضح لزوجتك وجهت نظرك لانها ماتدري اللي بخاطرك صدقني لوضميتها بحب ووضحتلها الاشياء اللي تحبها صدقني حتتغير وتسويه لك بس انتم يالرجال تسكتوا وماتقولوا لحريمك ايش اللي يضايقكم تحسبوا الحرمه عالمه تدري اللي في نفسكم بدون ماتقولوا
|
كون حاااااااااااااااااااااااااازم معاها
والخااااااااااااااااادمه انساهاااااااااااااااااااااااااااا |
انت واضح ماشاء الله تحب زوجتك ويهمك زعلها فاخي لاتخرب حياتك انت حاول تتفاهم معها باسلوب وتكلم معها بكل صراحه وبكل المواضيع واذا كان عندك امكانيه تجيب خدامه وماعندك مانع فلاتحرمها واذا ماتسمح ميزانيتك ففهمها هشي خصوصا انه واضح انه ماشاء الله عليك ماتتعبها في شغل البيت والحبوب مش كويسه لانه لسى ماخلفت المفروض تاخذ اخف من كذا غير كذا الياسمين سيئه دكتورتي قالت هلكلام مع اني عندي اثنين والله يوفقكم لما يحب ويرضى
|
اجلس مع زوجتك اعدة صراحة و امسك يدها بهدوء و قولها:حبيبتي انا احبك و اعزك كتير و احب ان اقف معك عالحلوة و المرة و احقق كل الاحتيجات اللي اقدر عليها.. و اتمنى ان تعدي هالسنتين بسهولة..لكن اشعري بي و تذكري اني رجااال و لي احتياجاتي و اتمنى ان تعطيني من و قتك نصيب..و مو اول وحده انت متزوجة و تكملي دراستك
و حب عراسها و اذهب لغرفتك..و ان شالله رح تيجي و تراضيك.. و فعلا غلط كبير اللي بتعميلو معاك.. انا نتزوجة و عندي طفلة و مغتربة عن كل اهلي و ادرس بالجامعة..و الحمدلله مو مقصرة بشي..منظمة وقتي و من اهم اولوياتي و ترتيبها: طفلتي زوجي بيتي دراستي الله يوفقك و يسير امرك..و يمكن حبوب منع الحمل تؤثر على هرموناتها..و ما ادراك ما الهرمونات :d و بالنسة للمساعدة..فكرة رائعة تيجي بالاسبوع مرة تنفض البيت و تروح.. |
شكـــراا
فـي البــدايــة أشـكر الجميع إلي تطرق في الرد علي هالموضــوع
بصراحه في بعض الردوود مقنعه .. إيجابيـة .. تعطي انطباع جيد للرجل بصراحه في بعض الاشياء راح اطبقها والي احس انها تصلح لي ولها وعسى الله يكتب مافيه الخير إن شاء الله لكن ان كان فيه غير هالاشياء ف اطلبها منكم وعسى الله يجزاكم خير و يوفقكم يارب |
| الساعة الآن 12:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©