|
الزوجه بين الماضي والحاضر
السلام عليكم جميعا عندي اليوم قضية شائكة وتخص بعض حريم حواء .. طبعاً حريم حواء يتنكدون إذا قلت حريم ولا قلت بنات .. وإلي جاب هالطاري ..إني جالس مع واحد من كبار السن عمره 75 سنة الله يطول عمره على طاعة .. ويسولف ويقول .. شف وأنا عمك من أول إذا وصل عمر البنت 14 سنة قلنا عليها خلاص صارت حرمة لا زم تتزوج , وبعد زواجها باسبوعين تشوف وجهها ولا هو شاين وما غير تطريش .. الله يكرمكم جميعاً , حامل طبعاً .. ومن أول الوحم حقهم يختلف عن حريم هالوقت .. الحرمة أول إن توحمت توحمت على خبز بر ولا برسيم ولا تمر سكري .. ومعصي تقول يابو فلان ريحتك خايسة والله إن يدفنها في الأرض وهي حية .. لكن حريم هالوقت تسب وتسخط علشانها حامل .. وتقول ما عاد أقدر أطبخ وإن دخلت المطبخ جتني دوخة يمه يمه وتقول إن شف الجريش حامت سبدي ونفسي بأيسكريم باسكن روبنز .. وتلقاه بوقت الصقيع والبرد .. بس ما أدري وشلون تركب .. وتقول لزوجها أنت يافلان ريحتك خايسة أووف وععع صرعتني بريحتك رح تروش ( والمسيكين الزوج يدربي راسه ويروح يتروش ويتنظف ويتعطر خايف على هالنونو لا تجي ريحته خايسة ) نرجع لسالفة العم يقول أنا زوجتي أم راشد من أول يوم وهي حامل تقول ماطور كهرب ما شاء الله عليه .. خبركم من أول نشيطين لا رجال ولا حرمة .. من المزرعة للبيت وأكلهم كله بر ولبن .. مو مثلنا هالحين مقاضي من كارفور ولا بنده ويخب علينا بعد .. وتلقا الواحد بعد يخاف على زوجته ويداريها ولا يقولون أول سنة ما فيه حمل نبي نستمتع بحياتنا قبل يجي الطفل .. أمحق .. نكمل سالفة العم .. طيب يا عم وأم راشد ما توحمت على شيئ .. قال ألا توحمت على شماغي ويقول إذا جيت من المزرعة حذفت شماغي عليها وهي تتلطم فيه .. نرجع لسالفة الزواج طبعاً 14 سنة بالنسبة للبنت .. من أول يتزوجون ماشاء الله عليهم .. أما في زمنا هذا : من 15 إلين 20 هذي فترة مراهقة تلقاها عمرها عشرين وهي ماغير كل ما قالت لها امها انخطبتي قالت : يعني وشو خطبة على بالها ما تدري .. وإن عرفت تلقاها تقول لا توني بزر ما نيب متزوجة ! ومن 20 إلين 24 فترة دراسة البكلوريا وزودها سنة تلقاها مسكينة تدور وظيفة . ومن 25 إلين 30 تلقاها يرحم حالها حاطة لها شروط تعجيزية للزواج , وإن صار الزوج مكتمل الشروط كلها طلعت لها عذروب وقالت لا شين ! جينا لمربط الفرس أولاً / لا تنفرون أزواجكم منكم بالوحم هالي مادري وشلون قايل . تلقا الواحد مسيكين ما بقى حصاة ما فرك فيها ظهره وما خلا عطر ولا كريم إلا شراه من هالمحلات ولا فيه فايدة ثانياً / بنياتكم الله يستر عليهن زوجوهن بدري ( يعني من 18 وفوق ) لا يكبرون ويعنسون .. وياالله عاد عن الدلع الزايد .. ( ومع ذلك كله أقول الله يعين الحريم على الولادة ) نتمنى لكم حياة زوجيه سعيده لآآحلل نقل مواضيعي التي من صنعي ولاتصاميمي ولا وسائطي ولاحتى نكي نهــــــــآئيآ او حتى فكرت تصميم عملته اخوكم / ابونواف |
يا سلااااااااااااااام على الموضوع
والله مادري ارد وش ولا وش بموضوعك من جمال افكاره ههههههههههههههههههه احلا شي : لا تنفرون حريمكم بالوحم لالا دنتا رهيب يا راقل |
كلام سليم ومنطقي
ولو فيه وسيلة إنتقال للماضي كنت اول المسافرين ... لكن وانا اخوك خلك واقعي !! انت الحين بالزمن الحاضر .. إذن تكلم بلغة نفهمها ! والمثل يقول (إن كنت في دارهم ...جارهم) ماعاد فيه حريم مثل ام راشد ... لأنه ماعاد فيه رجال مثل ابو راشد واحب اؤكد على مسألة الوحام لأنها صحيحة وموجودة في كل العصور.. الله يعين الحريم والدليل (شماغ ابو راشد) عاد الله يعينك على الردود ... فقد أرتقيت مركباً صعباً في منتدى ذو لون فوشي فرفقاً به ياصبايا .. فالرفق لا يأتي الا بخير |
[quote=ابونوافـ;2431402][align=center]السلام عليكم جميعا
نرجع لسالفة الزواج ومن 25 إلين 30 تلقاها يرحم حالها حاطة لها شروط تعجيزية للزواج , وإن صار الزوج مكتمل الشروط كلها طلعت لها عذروب وقالت لا شين ! بالله تتزوج واحد طايح من عينها انا عن نفسي شروطي قهرية مابي ارتبط بواحد في نقص بعيني ادري باتييني الردود طراقات :d |
فيه كلمة التعنفص عزوبي بس رجل |
اقتباس:
الرهيب مرورك وفقك ربي |
اقتباس:
انا معاك يا ابوفراس بس ولو وانا اخوك فيه كما سمعنا انه في طلبات تعجيزيه يعني موب معقول انها تروح لبيت اهلها وتتركني لحالي ولا انت متعطر ونظيف وتقول عليك ريحتك خايسه هههههههههههه عموما لا هنت ابوفراس وشاكر مرورك وفقك ربي |
[QUOTE=موهبة الكويت;2431422]
اقتباس:
لا مافيه طراقات وهذا حق من حقوقك بس لابد تتنازلين عن شوي من شروطك عشان ما يفوتك القطار والله يرزقك بالزوج الصالح اللي يسعدك وفقك ربي |
اقتباس:
انت مرتاح عزوبي وما حولك احد شاكر مرورك وفقك ربي |
اقتباس:
انها امور اجبارية وخارجة عن الارادة.. ولو لم تكن كذلك لما سمعت عنها من غالبية النساء.. ولكن من الصعب ان تصدق هذا لانك لا تشعر بحجم المعاناة... عموما، وهل طلب ام راشد للشماغ طلب منطقي؟؟؟ لماذا لا تقيس عليه اعراض الوحم الاخرى؟؟؟؟ ولكن كل وقت يختلف عن الاخر، حسب ماهو متاح فيه، فمثلا: الكارفور، بنده، العطور، الكريمات، كثرة الاستحمام....... كلها امور متاحة، ولم تطلب شيئا من المريخ.. وما أدراك، قد نصبح نحن نساء اليوم كأم راشد في نظر احفادنا.. |
اقتباس:
الله يسمع منك يا ام محمد لو البعض منهم يرجعون مثل ام راشد مع اني اتوقع حتى بالوحم الحريم وحده تغار من الثانيه بدرجة وحمها الله يمهل عليكم بس شاكر مرورك وفقك ربي |
السلام عليكم
شوف اخوي الوحم ما انكره موجود فينا يالحريم بس بقولك شغله بعض الحريم يتجملون الوحم وبعضهم يتدلعون على ازواجهم مثلا انا يوم حملت بكري توحمت بريحه زوجي بس استحيت اقوله ان ريحتك خايسه تحملت ثلاث شهور لين ما راح الوحم مني والحمدلله بس كان في طريقه اسويها كنت اخذ كلينكس وارش عليه عطر واشمه بس كنت اسوي طريقه اني كاني قاعده امش خشمي علشان ما يلاحظ واجرحه بالكلمه ان ريحتك خايسه مع العلم اني لما حملت بولدي الثاني تنسيت على الفلفل بس شوف في بعض الحريم يتحججون بالوحم علشان يروحون بيت اهلهم علشان شكلهم بالوحم مو حلو فيتحججون بالوحم ؟:d كشفت سر من اسرار الحريم خخخخخخخخخخخخخخخخخ وتقبلل مروري |
رد ابو فراس النمري اعجبني
ماعادفيه حريم مثل ام راشد لانه ماعاد فيه رجال مثل ابو راشد ركز الله يعافيك صيروا زي رجال اول بعدين اكتبوا مواضيع |
اقتباس:
ليتك تعلمين الشيماء الروعه اللي طبت فيني يعني فيه شي اسمه عندكم دلع بالوحم ايه الله يصبرنا عليكم بس شاكر مرورك وفقك ربي |
اقتباس:
لو يتوقف قلمي على رايك عز الله ما كتبت مواضيع ابد وفقك ربي |
لاتوقف قلمك ولايحزنون لكن كون عادل في الطرح واكتب عن الرجال كيف صارو ا وكيف رجال اول
الحين مانشوف في الشوارع غير الكدش وشباب الكول الله يخليك الحريم اتغيروا والرجال قعدوا رجال سبحان الله ماعليكم غبار الله يهديك بس |
اقتباس:
ليتك كاتبه ( بعض ) ولا للتعميم انا معاك في رجال وفي حريم ولكن ليس الكل واعتقد بان ردود الاخوات اكبر دليل واذا كنتى بتنتقدين احد بموضوعه يا ليت تنتقدين بدون حده بالحوار وفقك ربي |
يؤ يؤ يؤ لاتكون زعلت
انا كذا اعصب بسرعه بس والله قلبي ابيض ماقصد ت اكون حاده بس انفعلت لانك حصرت موضوعك على الحريم لو عممته كان افضل عشان ترضي الطرفين موضوعك جميل وكلامك مقنع بس مستفز وانتظر منك موضوع عن الرجال بين الماضي والحاضر:d |
اقتباس:
لا والله ما زعلت بس النقد لا بد يكون بدون حده عشان الواحد يقدر يرد عليك عموما ليتك تدخلين مشاركاتي وفي عندي موضوع نقد على الرجل شاكر مرورك وفقك ربي |
بو نواف ممكن طلب
شنو الاشياء اللي ممكن اتنازل عنها انا عندي كل شي مهم وضروري 1. الشهادة 2. المنصب 3. الدين 4. العايلة 5. العمر. 6. الحالة الاجتماعية |
اقتباس:
المنصب وبالتوفيق |
كل زمن له جيله لشوه المقارن
|
اقتباس:
نتمنى بالمرات القادمه ان تكون لكم بصمه وفقك ربي |
كل زمن له ناسه لشوه المقارنه تدري أني توحمت عاتراب وزوجي كل يوم وهوعند عطارلحتى يلاقيلي تراب ياخيي الوحم موعلى كيف الوحده لازمان ولابالحاضر
|
اقتباس:
اختي اميره وحمك يعتبر طبيعي حنا نتكلم عن الوحم القوي واللي تكره زوجها او تكره ريحته واعتقد تشوفين رد الاخوات بعضهم تقول اتدلع عليه شاكر تعليقك وفقك ربي |
الوحم غصب عن الحرمه وغير ارادتها وصدق فيه حريم يكرهون رجالهم من الوحم يعطيك العافيــــــــــــــــــــه |
حريم أخرزمن
|
أولا أشكر لك طرحك وأسلوبك الظريف :d حقيقة أنك ذكرت سر ولم تنبه له وهو أن طبيعة المعيشه والظروف النفسيه لها علاقة بتحديد شدة الوحم سابقا كان الغذاء بسيط لكنه غني بالفوائد حاليا أطعمتنا أشكال وألون لكنها في الحقيقة مواد حافظه وهرمونات وأصباغ طعام وهذه ضريبة التكنلوجيا والتطور :22: أم أستغرابك عن الوحم وأعتقادك أن المسأله هي دلع لا أكثر فا أقول لك ماسحبكم على وجيهكم الا هالدلع ولايعجبكم الا دلع زوجاتكم وأيضا أنت ماعندك رحم ولا جربت تحمل ولاجربت تعب 9شهور وبعدها الأم مخاض :15: فطبيعي أنك تحط رجل ع رجل وتشجب وتستنكر :29: |
يا زينها ام راشد ... عملية اقتصادية .. لك و للزمن !
انت ركزت على الوحم رغم انه ليس بالمشكلة الكبيرة او المنتشرة فكم نسبة النساء اللاتي يتوحمن على ازواجهن او على اشياء شبه مستحيلة .. اعتقد ان الرقم ضئيل جدا ! هنالك امور اهم بكثير من الوحم .. لي عودة باذن الله |
اقتباس:
صح لسانج |
اقتباس:
يعافيك ربي اسعدني مرورك |
اقتباس:
هالحريم راح يكونون بناتك ولابد من رعايتهم شاكر مرورك وفقك ربي |
اقتباس:
تصدقين يا هانديا احسبك وحده من مجلس الشورى بس فيه دلع مقبول وينهضم وفيه دلع يحوم الكبد ويغث واخر حديثي قلت فيه الله يعين الحريم على الولاده يعني انا مقدر هالامور اسعدني مرورك وفقك ربي |
اقتباس:
تصدق اخوي صقر ان الوحم مهم جدا بقولك وشلون بعض الرجال حديثين الزواج وصغار بالعمر لو ما يدري ان زوجته تتوحم وفعلا يمكن تكرهه فيمكن يتسبب هالامر بالطلاق والله لا يجيب الطلاق شاكر مرورك وبانتظار عودتك وفقك ربي |
اقتباس:
يعني الحين مسرع ما خليتوني متهم ههههههههههه وفقك ربي |
كل زمن ظروفه غير
الناس قوتهم وصحتهم غير وطبيعة الأعمال غير بعد يعني الرجال من زمن بو راشد كانو يطلعون من فجر الله إلى المغرب متى بيمديهم يشوفون حريمهم واللي كانو ينزلون للبحر يمكن مايرجع إلا بعد ماتولد حرمته وبالنسبة للوحم هذا شيء موجود من قديم الزمان ولو ترجع لتفسير الآية " وَوَصَّيْنَا الْإِنسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا وَحَمْلُهُ وَفِصَالُهُ ثَلَاثُونَ شَهْرًا حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ (15) " سورة الأحقاف ذكر فيها الوحم وهذه مقتطف عن تفسير ابن كثير اقتباس:
ولا إنها كانت تخبز وتستفرغ نفس الوقت مع الجهة الثانية لكن ظروفهم وحياتهم الصعبة أول أجبرتهم يسوون كذا وأكثر الحين ايش الي يحد الناس يعذبون نفسهم وهي نفسها تستغرب مننا حفيداتها وبنات الزمن الحين في شهورنا الأولى لو رفعنا شيء ولا أرهقنا نفسنا بعمل جانا نزيف وكتبولنا على مثبتات - وهذا لا ينفي اختلاف تحمل كل جسم - وإنها كانت تروح تجيب الماء من البير وهي حامل وما جاها شيء وبعدين احمدوا ربكم على العافية تستغرب من وحم المرأة اللي يختلف من واحدة لأخرى وفي نفس المرأة من حمل لآخر كرهت روائح في وحام حملي الأول ومنها رائحة زوجي أما في حملي الثاني لم تتضمن قائمة الروائح المنبوذة رائحة زوجي يعني هذه الأمور والتخبطات الهرمونية كلها مو بيدنا |
اقتباس:
بارك الله فيك ولكن بعض الحريم للاسف بدلعها بوحمها يمكن تخرب بيتها مع ان بعض الحريم لديهم امكانية على ضبط الامور ولكن الكسل والاتكالية ممكن تسبب للزوج مضايقات كثيره ومن المفترض الزوج قبل الزواج لابد ياخذ كورسات عن وحم المراه اختي بارك الله فيك واسعدني جدا مرورك وفقك ربي |
مسألة الوحم ؟؟
اكثر شيء يكرهني في الحمل ... اللي تحب اشياء وتطلبها من زوجهاا اعتقد محظوظه وزوجها محظوظ المشكله اللي تكره كل شيء وماتطلب ؟ لازم الزوج يراعي نفسية زوجته لان هرمونات الحمل تكون قفزت ارقاام ضخمه توصل الى 500 فالتغيير الفيسلوجي للجسم حاصل .. ومعاه تتغير النفسيه شاكره لك موضوعك تقبل مرووووووري |
اقتباس:
احترم معلوماتك واحترم مرورك وفقك ربي |
....
|
| الساعة الآن 07:27 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©