|
محتاار ابي شوركم..~
السلام عليكم ورحمة الله وبركاتهـ..~
قضيتي قضيهـ فافتح اذنيك واسمعني بعقلك الكبير:d يا أخوان انا عمري 19 المهم اني بغيت اسوي التالي ..~ اني اخطب واملك واجلس سنتين واتزوج...كذا راح يصير عمري تقريباً 22 علما اني مقرر اخطب العام القادم يعني عمري 20 وبجلس سنتين ان شاء الله واتزوج والحمد لله ادرس في مكان حلو ..ووظيفتي مضمونه باذن الله وراتبي حاليا كعزابي يعتبر حلو فوق 2000 وبعد سنتين اتخرج ويكون راتبي اكثر طبعا وحلو كمان .. بس المشكله تقريبا الكل معارضني .. والكل يقول لا ياخوي استمتع بشبابك..كيف استمتع بشبابي..؟ مثلاً اغازل ..والا اسافر واشوف اللي ماشفته والا كيف؟؟ علماً اني ياجماعه ما اطلع الا خميس وجمعه..~ يعني حتى لو متزوج أوديها بيت اهلها ..واطلع شي طبيعي جداً وبعدين هذا اللي قاله حبيبنا صلى الله عليه وسلم..((يامعشر الشباب من استطاع منكم البائة فليتزوج))أو كما قال عليه الصلاة والسلام .. المهم اني مدري شرايكم.. هل الزواج المبكر احسن.. وبالنسبه لعمري ما اعتبر صغير.. اهم شي يكون تفكيرك كبير..:22: وسؤالي الثاني : هل فيه عوائل ترضى بكذا؟؟ اني لو تقدمت يرضون تكون الملكه لمدة سنتين تكون هي تدرس على ماتخلص دراستها.. وانا ع ما اخلص .. كلامي صحيح أو لا ..انتظر شوركم:) |
الله يوفقك أخوي
انصحك أنك تبدأ من الآن ما دام أنك جاهز أو مقتدر ولا يهمك المثبطين ولازم إنك تحسب صح من جميع النواحي في حياتك ترى بتتعب شوي لين تقنع الناس بجاهزيتك للزواج أمابالنسبة لأغلب العوائل حسب بحثي ما تزوج المرأة إلا بعد الجامعة للأسف إلا إذا كان أبو البنت يعرفك أما من ناحية الملكة الطويلة رأيي الشخصي أنها ما تنفع أجل خلك عزابي وتزوج بعد ما يصير عمرك 22 ولا تعلق البنت ومن خلال اللي حولي الملكة إن طولت فهي شهرين موفق والله يرزقنا وإياك الزوجة الصالحة اللي تخافه وترجيه سبحانه |
انا من رائيي انك تستخير
ولو حتى تزوجت زوجتك ما راح تكون عندك راح تكون بعيده عنك لانك متملك وش استفدة؟؟!! ومن ناحية السن كثير اعرف تزوجو بسنك والعمر ماله اي علاقه...وجاهوم عيال واعمارهم 22سنه.. >>>>>وتهنى بشبابك<<<<لطالما سمعناها الواحد يوصل 30 ويقولوله بلا زواج بلا هم اتهنى بشبابك؟؟؟اي شباب ووسؤالي الثاني : هل فيه عوائل ترضى بكذا؟؟ اني لو تقدمت يرضون تكون الملكه لمدة سنتين اكيد فيه |
اقتباس:
والله يرزقنا واياااك اللي فيها الخير والصلاح..~ بالنسبه للي حولي..الملكه اطول يعني 6 شهور الى 8 شهور وبالنسبه لي ماودي اصبر..ودي خلاص املك ..عشان حتى انا ما التفت لشي..اهم شي فاهميني ويعطيك العافيهـ.. |
اقتباس:
من ناحية الاتخاره استخرت وحسيت اني مرتاح للوضع..~ وبالنسبه اذا ملكت اقدر اشوفها من وقت لآخر..واكلمها بشكل يومي ..~ يعني بكون حاسس فيها .. مشكوره خيتو...~ |
وعليكم السلام أخطـب خطبة حتى ما يخطبها أحدها وأعلنوا هذا الشيء ... ثم إذا قربت تنتهي من دراستك اعقد قرانك وتزوجك أكثر الشباب يقومون بهذا الشيء ... خاصة إذا كان عوائل وأقارب ويعرفون الولد وأهله أو إذا رغبت بالزواج الآن ففيه مثلك تزوج بهذا السن ..... لك الخيارين وفقك الله عزوبي بس رجل |
اقتباس:
بالنسبه للحجاره..ابوي يقول ماعندي هالكلام .. ياتخلصنا ياتجلس لين تخلص.. وانا ماودي اتزوج ..حاليا بس اخطب واملك..عشان مايقولون شي..نشوف اخرتها :25: |
اقتباس:
يعني أصلاً الوالد ما عنده اعتراض وممكن يساعدك أجل وش المشكلة عندك بالتحديد ؟!!!! يعني رافض تتزوج وبنفس الوقت تبغى تتزوج ... ؟؟؟؟؟؟؟؟؟!!!!!!!!!!!!!!! وصراحة أبوك صادق يا تخلص الحين يا تجلس؟!!! لكن بوضعك أحسن لك الزواج وتخلص أمورك مرة وحده !! ، تزوج وربك ييسرها أظهر جديتك لأبوك واطرح عليه أنك تبني ملحق ببيتك أو كم غرفة لها مدخل خاص مثل الشقة الصغيرة ولا تكلف نفسك أبداً بالإيجار والسكن الخارجي الله يوفقك عزوبي بس رجل |
وعليكم السلام ورحمة الله وبركاته
انا رايي من راي ابوك انك تزوج وبدون تأخر زواجك خذ جناح عند اهلك واذا جيت خميس وجمعه تلقا من يستقبلك بالبخور :14: ولا يضيق صدرك في اجازتك تجي :30: طاير ماشي كل طبلونها بس انتبه عل نفسك من الساهر واذا قلت ازواج يئثر عل دراستي يمكن يكثر الغياب والفركات ويضيع الوقت في المكلمات وتهمل دراستك من رايي تلغي فكرت الخطبه والملكه البنات ماهن مخلّصات تقول يمكن ما القاء لي بنت الحلال ونت توك صغير اركد الله يصلحك ونتبه لدراستك ازواج لاحق عليه الله يوفقك ويكتب لك اللي فيه خير |
اقتباس:
عندي اذا صرت جاهز على طول خذها..ويوم كلمته اني خلاص ابي اخطب واخلص قال اذا استلمت الوظيفه.. والحين الحمد لله فهمته وكأني المح موافقات منه..الله يكتب اللي فيه الخير مشكوور وماقصرت |
اقتباس:
كلها فيها تفكير..وكلها فيها مكالمات.. بس انا قلت لأن راتبي الحين مو مرره كمتزوج..فأخطب واجلس سنتين واخلص اتزوج وبالنسبه اني توني صغير.. الله يصلحنا وايااك يارب ..ومو المشكله اذا البنات بيخلصون والا لأ.. المشكله احسن من اني اطالع يمين ويسار :11: خلاص يكون في شي مانعني .. واستر نفسي احسن لي.. وبالنسبه للغياب والفركات..الشركه اللي انا فيها ماعندها لعب:29: أنا فكرت فيها حسيت ان فيه وقت ان شاء الله مشكوره خيتو..~ |
المسألة مو مسألة " اللي بعمرك تزوجوا وعندهم عيال "
المسألة شي ثاني .... شي غير عمرك 19 سنة .... يمكن فيه ناس يقدرون يشيلون مسؤلية بهالعمر بس الأغلبية ..... لا ما يقدرون ! بتييك مشاكل لازم في بداية الزواج ... ما بتصير مسؤول نفسك بتصير مسؤول من وحده وياك يعني بِ إختصار الزواج " مشروع " حاول إنه يكون مشروع ناجح لأنها بتكون صفقة عمرك ! إن نجحت الحمدلله بتنعم بِ الخير وإن ما نجحت هم الحمدلله بس بتضايق على عمرك وانت توك صغير -) فكر بِ الخطوة قبل لا تجدم عليها ترى مو خطوة سهله بالعكس خطوة صعبة ومخيفة نوعاً ما .. اموفق |
اقتباس:
ويارب يكون انجح مشروع بحياتي..~ والخطوة صح يبيلها تفكير ان شاء الله اني سويت اللي علي..والباقي ع رب الكون:22: والله يكتب لنا ولكم الخير ... |
الله يوفقك يارب ويسير اموووووورك
|
اقتباس:
|
ما شاء الله تبارك الله عليك إللي تـفكر فيـه عين الـعقــل ياخـوي إللي يقولك عيش حياتك ومن هالحكي الفاضي لا تسمع له أبد أسمح لي أقولك هذولا ناس ضايعيــن مافيه أحلـى من الـزواج و الإستقـرار أشجعــك تتـزوج إذا أنت قادر من كل النواحي إن شاء الله قريب تـبشرنـا بـ خبر زواجـــك (: الله يوفقك و يكتب لك إللي فيه الخــير |
بالنسبه لقرارك بالزواج في هذا السن فهو شي جميل وبالعكس انا اؤيدك واؤيد اي احد اذا هو قادر العمر ماله علاقه بتحمل المسؤوليه ياما فيه ناس اعمارهم فوق الاربعين ومو قادرين يتحملون مسؤوليات حتى مسؤولية نفسهم مو قادرين ومن ناحية اصحابك اللي قاعدين يثبطونك عن الزواج ان من رايي انك ماتسمع لهم لانهم اكيد يبونك مثلهم سفر وروحات وجيات وهذول ناس مايوخذ برايهم انا صراحه استغرب من اللي يقولون استمتع بحياتك لاحق عالزواج يعني ايش ؟؟؟؟؟ ومن ناحية اذا فيه ناس ترضى تملك فيه ناس اذا سالوا عنك ولقوك رجال تستاهل راح يشترونك بالذهب بس انت توكل على الله اولا واخيرا والله يعطيك على قد نيتك
|
اللــــه يسخرلك البنوته الاموره
ويكتب لك الخيره اقدم على ذي الخطوه اذا كنت قدها نصيحه وعاد انت ادرا بنفسك |
| الساعة الآن 02:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©