|
المكابره لدى ( بعض ) الرجال
السلام عليكم جميعا راح ندخل بالموضوع على طول واتمنى من اخواني وخواتي ملاحظة كلمة ( بعض ) في بعض الرجال للاسف تلقاه قدام زوجته دائما يكابر ودائما يتفلسف والشرع حلل اربع وهو حافي منتف يالله يقوى يصرف على بيته وعياله واخر الشهر يتسلف لا واذا جاك للاستراحه عند الشباب تلقاه نافشن ريشه والله ودي بالثانيه وهو حتى اذا جبنا طاري القطه بالاستراحه تنحش وقال ناسي بوكي بالبيت يخوك اتقى الله وعز هالحريمه اللي في بيتك اللي ضافتن عيالك وخاصه اذا كانت هالزوجه قنوعه ولا عندها طلبات كثيره ومقدره ظروف زوجها نتمنى من الاخوان عدم رفع ضغط حريمهم ولا ان جت على طاري المزح بسلامتك بس لا يكثر ترا الحريم حتى بهالمواضيع بالمزح تصدق وتبدا تشك وابد من تطلع للدوام تلقاها يا دخلتن منتدى وسادحه الموضوع او متصله على صديقتها وقالت زوجي قال الشرع حلل اربع تهقين وش قصده يا فلانه نتمنى لكم حياة زوجيه سعيدة اخوكم / ابونواف |
الله يهدي بعض الرجال ؟؟؟؟
موضوعك أكثر من رائع تقبل مروري |
اقتباس:
اللهم امين اسعدني مرورك وفقك ربي |
اما الذبة الاخيرة رهيييييييبة ههههههههه
بس جد حبيت الحيادية فيك ابو نواف ونوعية مواضيعك الي تنزلها حاليا روعة ما شاء الله ولو اني اختلف معك ببعض الجزئيات .. لا عدمناك |
أشكرك أخي الكريم : المصيبة أنهم أصبحوا يتحدون بعضهم من يستطيع ومن لايستطيع وهذا قمة الأستهتار بشرع الله . نحن نعلم كلنا أنهم بمجرد مايتزوجون بالثانية يرجعون لزوجاتهم الاولى بكل قوة مالسبب ؟؟ لأنه يعلم حينها أنه كان مرتاحا بالسابق وأنه لا يستطيع أن يتخلى عنها أبداً ثم يبدء بالبحث عن المساندة عند زوجته الأولى وإذا لم تعجبة زوجته الثانية يظهر أمام الملاء أنه ملك الرجال وهو السعيد وغيره الشقي .. أيضا بعض الرجال لايستطيع الزواج بأخرى ولكنه يحرض من حوله ويزين لهم حتى يقعون ضحية أفكاره وهو مرتاح البال وغيره قد ينهدم بيته ومن أصناف المكابرة أيضا : رجل تزوج بأخرى ولم يحصل التوفيق وطلقها ولم يلبغ زوجته الأولى أنه طلقها لكنها تعلم أنه متزوج بأخرى وأستمر فترة 3 شهور يخرج على اساس أنه ذاهب للزوجة الثانية ويبيت في استراحه مع اصدقائه الطريف أن الزوجة كانت تعلم بالأمر عن طريق أحد أصدقاء زوجها الذي قال أنه أراد أن يخبرها بالأمر لأنهم كانوا دائما يقولون لصاحبهم أنك محضوض بهذه الزوجة والتي كانت دائما ترسل لهم العشاء والحلويات أثناء أجتماعهم في الأستراحة فشعروا كيف هي مهتمه فيه لكن هو لم يقدر عموما الزوجة لم تخبره بأنها تعلم أنه طلق الأخرى حتى لاتجرح كبرياؤه المزعوم :d |
موضوع رائع..شكرا كتير و ياريت الكل يسمع بنصيحتك و ليس البعض..تقبل مروري
|
بصراحه موضوعك بيجنن فيك حياديه نادرآ مابنلقاه هون بالمنتدى
أنت ياأبونواف رهييب مشكور |
اقتباس:
يعني لازم تطلعون عيب بالموضوع عموما شوفي بقولك شي ترا العيوب راكبتنا كلنا ومافي احدن سالم منها بس بخصوص هالموضوع هذا فيه قلة احترام للزوجه للاسف شاكر مرورك وفقك ربي |
اقتباس:
قصه جميله ومفيده وين اللي يتعظ الوقت الان اختلف عن اول الواحد يالله يقدر يربي عياله في هالزمن المرعب واعتقد ان المكابره والانانيه من البعض هي السبب اسعدني مرورك وفقك ربي |
اقتباس:
ان شاء الله يقرون الموضوع اسعدني مرورك وفقك ربي |
اقتباس:
مرورك الرهيب وفقك ربي |
ياعيني عليك يا بو نواف
بس برايك ليش هالتكابر الصراحة احس محد يعاني من التكابر الا اللي يكابر نفسه والصراحة احس فيها نقصان بالعقل هذا اللي يتكابر مع احترامي للجميع |
اقتباس:
اتوقع نقص بالانسان اسعدني مرورك وفقك ربي |
السلام عليكم ورحمة الله الله يعطيك العافيه ياابو نواف صدقت بعض الرجال الله يهديه يالله يقوم بمصاريف عياله واحيان كثير يسافر ومايدري عن احتياجاتهم في البيت وطول الوقت ان صدر من زوجته اي حركه قعد يهددها بالزواج ولا البعض يتزوج مسيار ومع العروسه هدايا وتماشي وعياله في البيت مساكين ينافخ عليهم ومسوي رجال الله يهدي العباد |
كما للأرض قطبين فللمكابرة قطبين !!!!!!!!!!!
والله إن كابر فهو سيجني على نفسه وستظهر كلماته مجرد فرقعات هوائية وبالمقابل إن كان هناك غيره تزوج وعدد مثل الرجال العقلاء المقتدرين والراغب في إعفاف نفسه لم يسلم من سوء النوايا وتوقع السيء له ،هذا غير المطالبة ومحاولة معرفة الدوافع والأسباب ممن حوله ممن هب ودب ..... هذا إذا ما حسدوه على الخير الذي فيه !!!! وتأتي المكابرة بلباس أنثوي وبصورة معاكسة ، فما يعلمن نساء عن زوجة!!! أنها على علاقة سيئة مع زوجها إلا وأبدين شفقتهن (حسدا) على الرجل بأنه لا يستحقها وحفظاً رباط الأسرة وحتى لا يتشتت الأطفال لكن يتزوج الثانية ... غير ذلك لا يتركوا من تكون علاقتها هانئة ومستقرة مع زوجها (الموحد) إلا ويشككوا غير أحاديث وسوالف التحدي والإستعراض على قدرتها أو قدرة الأخريات على إشباع زوجها وأنها لن يجد مثلها ولن يفكر في غيرها وإن تزوج زوجها عليها صار تفكيرها وهاجسها الوسواسي هو في انتقاد النساء والتقليل منها كزوجه وأنها سبب في زواجه ولم يتزوج إلا لنقص فيها !!!! عزوبي بس رجل |
بارك الله فيك يا أبا نواف.. وأحسن شيء أنك خصصت ولم تعمم.. وأكدت هذا التخصيص بلون أحمر..
لكن!!!! يا حبذا لو تكون كلماتك أكثر وضوحاً أعني تكون فصيحة لأنا أمة القرآن.. أما اللهجة الدارجة العامية لايصلح أن نكتب بها مقالاتنا ونسوّد بها صفحاتنا.. |
صااااااااادق يابو نواف لكن وين الرجااااااال اللي يتعظوون مشكووووووور يااخوي جزاك الله خير |
(( ما يلفظ من قول إلا لديه رقيب عتيد ))
|
موضوع جميل .. والأجمل اللهجة .. (:
|
مشكور اخوي ابونواف وعلى القوه و هذا الكلام مايطلع الاوقت الزعل
|
اقتباس:
ربك يعين يا زهرة المواسم فيه بعض من هالنوعيات اسعدني مرورك وفقك ربي |
اقتباس:
بارك الله فيك اخوي عزوبي وكلام منطقي ومرتب اسعدني مرورك وفقك ربي |
اقتباس:
يعطيك العافيه اخوي ابوناصر لابد من التخصيص احاول ان اكتب بالغة العربيه مع ان اللغه العامية محببه وتشد الموضوع اكثر اضافة الى تعودي على الكتابة بمثل هذه الطريقه اسعدني مرورك وفقك ربي |
اقتباس:
اسعدني مرورك وفقك ربي |
هههههههه موضوعك جميييييييييييييييييل خصوصا للنساء :d
لامس مشاااعري كلامك !!!!!!!!بعض الرجال ياااكرهي لهم هذي سالفته ابتزوج ابتزوج أنت ووجهك احمد ربك اني متزوجتك لا وجاي يهدد !!!!!!!وياليته على منتف لا كل عله فيه ومسوي فيها يكابر مدري يهدد!!!! أعرف وحده تقول أيام النوم بالسطوح أنام أنا وزوجي بالسطح تقول انه يقولي تشوفين البيت اللي بجنبنا ترى عندهم بنت يقصد الجيران وتقول وأنا خذ ياضحك على بالها انه يعاندها:) ومادرت بعد فتره الا هو آخذ البنت اللي هي بنت الجيران:( قطعت قلبي يوم قالتلي قصتها !!!وهي تضحك عليه تحسبه يمزح >>>شكله شافها تضحك قال بنت الحلال ماعندها مشكله:d ايه ياليت كل الرجال مثل أبو راشد:d |
اقتباس:
جزاك الله خير |
اقتباس:
بطبعي اتكلم بلهجتي بس بعض الاخوان وده باللغه العربيه ولا ندري من نرضي اسعدني مرورك وفقك ربي |
اقتباس:
الله يعين ان شاء الله اسعدني مرورك وفقك ربي |
:d
اولاً اخوي ابو نواف انت نورت منتدانا ..أسلوبك جميل ومألوف بالنسبة لي ! تخيل ياخوي انك جالس احتياط في فريق كورة وودك تلعب بس فيه مشاكل لازم تتخطاها : - المدرب غير مقتنع فيك وشايف غيرك يلعب افضل ..في حالتنا المدرب هو (الخوف من التجربة) - المباراة حامية الوطيس ولاتقبل لاعب غير محترف وليس لديه مهارات :d - الفريق المقابل محترف وشديد وكلهم يكسرون :29: ..في حالتنا الفريق الأخر هو الرأي المعارض! - الجمهور يصفر ويزمجر ويصفق للعب الحلو ..طبعاً هذا المجتمع يا صديقي :d - الملعب مساحته كبيرة ولكن كله مطبات وحفر ..مثل استاذ الملك فهد الدولي بالرياض :23:..والملعب في هذي الحالة هي الظروف المادية ! - الوقت محدد ب 90 دقيقة ولايوجد ضربات ترجيح ولا وقت إضافي :( ..يعني ماينفع تلعب بعد المباراة انتهت ! في هذي الحالة من الأفضل ان تراقب المباراة مع الجمهور والمراقبين ..لكن مايمنع ان تتقابل مع الصحافة والإعلام وتخبرهم بمشاعرك بعد المباراة :d:d |
اقتباس:
الله يجبر بخاطرك اخوي ابوفراس اجل وشوله مسمينه درة الملاعب وهو محفر ؟ تهقى يعني يومنه درة الملاعب يعني ازين من ارضية ملعب مانشستر ؟ الصحافه مهمه بس اهم شي الخبر لا يكون المنشيت حقه قوي لانه يؤثر بعض المرات خاصه اذا كان اللي يقراه حريم . اسعدني جدا جدا مرورك وفقك ربي |
....
|
موضوع اكثر من رائع
وليس غريب على شحصك الكريم |
اقتباس:
مرورك الرائع اختي وجزاك الله خير |
نيالك انبسط ياعم
استانسن الحريم لى موضوعك اقووووووول ابي ثانيه بس مافيه قطيه للاستراحه ههههههه |
جزاك الله خير
|
اقتباس:
ادفع القطه وخذ ثلاث ان بغيت وفقك ربي |
اقتباس:
ومن يقول اختي نور وفقك ربي |
.....
|
| الساعة الآن 01:08 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©