|
زوجي اكبر مني ب 36سنة ومريض من الادمان
السلام عليكم اخواني و خواتي انا جديدة بالمنتدى وبصراحة شفت فيكم روح التعاون وقلت احط مشكلتي الي مالها حل بس قلت افضفض وياكم وتدعولي انة الله يصبرني على حالي انا عمري 25 سنة وزوجي عمرة 61سنة يعني اكبر مني ب36سنة انا كان عمري 10سنوات يوم تزوجة الحين صارالي 15سنة وانا متزوجة وعندي 3اولاد الله يحفظهم اكبرهم12سنة الوالد متوفي من21سنة وعندي اخواني اكبر مني والوالدة هي الي زوجتني بهذا السن عشان احنا عندنا يتزوجون وهم صغار بس مش بهذا السن مااعرف شواجاها علي وزجتني المهم زوجي كان متزوج قبلي بعد ماتوفت اتزوجني وعندة بنت من سني ومتزوجة لاكن ماعندها عيال وانا زوجي الله يهدية يشرب بشراهة ومش متعلم يعني حتى اسمة مايعرف يكتبة وكل يوم يحتشر علي وضرب امي واخواتي مرة يوم اخواني ماكانو موجودين وطبعا لاصلاه ولا صيام ولا عباده وبعد يوم كان عمري 14سنة تزوج علي وحدة مطلقة من15سنة من زوجها الاولي وهي ماعندها عيال بس هي في بلاد ثانية يروحلها كل فترة مشكلتي اني مااحبة ولاقادرة اعيش وياة بس متحملة غصبا علي علشان العيال وعلشان احنا ماعندنا طلاق وهو ولد عمي عاد اكيد تعرفون شويعني ولد العم وانا من خذيتة وانا احاول فية علشان الشرب وهو مريض الحين من الادمان لاكن مايعتدل انا اعرف انة مشكلتي مالها حل غير الصبر بس اريدكم تدعولي بلصبر وسامحوني طولت عليكم |
ياعيني عليك ....
. . الله يهدي سرك ويحفظ أولادك ... . . الله يعوضك خير يا سكرة |
الله يصبرك ويفرج همك
|
مشكوين على الدعاوي الحلوة
|
الله يهديه ويصبرك عليه
وأسال الله ان يصلح لك اولادك |
الله يفرج همك ويعين على ها الزوج
هذا ابتلاء من رب العالمين يجب عليك الصبر وربنا معك ان شاء الله ويكون التعويض إن شاء الله في عيالك |
أستغفر الله العظيم واتوب أليه
تزوجتي وعمرك عشر سنوات ياعمري عليك !!!!! الله يسامح اللي كان السبب !!!! ربي يعوضك بأولادك يالغلا ويجزيك على صبرك جنة الفردوس الأعلى يعني مابينك أنتي وابنك الكبير الا 13 سنه :) وزوجك 61 سنه وباقي فيه حيل يشرب ويضرب:( أستغفر الله العظيم الناس بعمره يتقربون لربي أكثر وهو عكس الناس أسأل الله له الهدايه قبل أن يأتي يوم لاينفع فيه مال ولابنون مالك ألا الدعاء له حبيبتي والله يفرج همك ويصبرك ويجزاك الجنه على صبرك وعلى أللي شفتيه أهم شي أولادك أهتمي فيهم وفي تربيتهم التربيه الصالحه الله يصلحهم ويعينك على تربيتهم |
والله انك زعلتيني عليكي كثيير من جد الله يصبرك والله انك انسانة عظيمة انك بهذا العمر ومتحملة هذه الحياة وصابرة ماشاء الله عليكي ولكن اختي الغالية اعلمي ان الله اختار لكي هذه الحياة وانه سيجزاكي بها خيرا ان شاء الله ضعي املك بالله ثم باولادك والله يارب يطرح فيهم البركة ويعوضوكي وتفرحي فيهم يارب
|
رزقك الله الصبر وعوضك الله خير بأولادك ورزقهم الله حسن التربية واذاقك برهم وصلاحهم بأذن الله
هذا نصيبك والحمدلله على قدرك |
ماشا الله عليك
الله يكملك بعقلك ... ويسر امورك لاياس مع الحياة ولا حياة مع الياس ابنائك............................... ابنائك .......................هم الاهم ودعي حياتك............ لتصاريف الاقدار............. ربما............ الفرج قريب.... من يدري؟ ............ لاتستعجلين يسر الله امورك |
حبيبتى انا ماودى افتى بس اعتقد ان بقائك مع هذا الزوج علط ولايجوز
لايصلى ولايصوم وبشرب اخاف انه يعملها وهو محللها لازم تتخذين موقف وتحاولين تتطلقين وش هالحياة اعوذ بالله |
وعليكم السلام ورحمة الله وبركاته
اسأل الله ان يهدي زوجك ويشفيه من البلاء اللي هو فيه اسأل الله ان يصلح شأنك ويلهمك الصبر ويصلح ابناك ويجعلهم بذرة صالحه ويرزقك برهم لك ياوخيتاه انتبهي لنفسك ولعيالك وربيهم تربيه اسلاميه علميهم دينهم وحببيهم لصلاه والحفاظ عليها ازرعي فيهم الاخصال الحسنه جعلهم الله قرة عينك وحفظهم لك المولا من كل سؤ |
يسعد صباحك..............
انا بقولك شي غير الله قالوه لك اللي قبلي ولا حد يزعل...ولا يزعل>>امزح طب انتي صبرتي 15 سنه <<< محنتك هذي كانت منحة ودروس وتعليم اجارني واياكي الله.. قريبا ستخرجين للحياة وعمرك الان 25 سنه <<< يااااااااااااحلاوة ماراح من عمرك شي ماشاء الله لاقوة إلا بالله ..شوفيني انا عمري 35سنه ومتفائلة جدا رغم اني احس ان الايام اللي جايه....... "لاتعليق!!" لكني من جد متفائله مادام الله هو حاكم ومالك هالكون يعني مارح يضيعني وانا من خلقه.. وعمره 61 سنه<<< يالله حسن الختام وش عاد باقي عندك من مشاكل................. لكني اسئل الله العلي العظيم انه يحسن خاتمتي وخاتمتك وخاتمة هالبني آدم اللي "لاحول ولاقوة إلا بالله العلي العظيم".... بعض المشاكل وانا اختك مايحلها إلا رب العباد... الله يجبرني ويجبرك ويفرج عني وعنك وعن كل مكروب....... تخيلت حياتك ... وعشتها .........او بالاصح تلمست بعض اوقات عشتيها بخيالي.... اول ولد.....ثاني ولد......ثالث ولد....... تخيلت صورة هالرجل السكير...تخيلته اشعث اغبر وصوته يوصل قبله ولاتدرين ماهو فعله التالي<<< افعاله غير متوقعه.. تخيلتك وتخيلت وتخيلت وتخيلت ..وادري اني ماعشت ولا رح اعيش يوم من حياة انتي عشتيها مع البني آدم الشقي اللي اشقاكم ..... لكني لقيت بحياتك بقعة ضوء كبيره ......... شفتها تنور كل حياتك .......شفتها تقويكي بعد ايمانك بالله.... شفت ثلاث اولاد هم لك بعد الله عضد وسند........وهذي الميزه او الحسنه اللي سواها لك هالزوج الله يهديه بهالحسنه.. الله يفرج عني وعنك.............................................. .................................................ق لبي معاكي ام دانة |
الله يفرج همك يارب ويعوضك خيرآويعينك عليه
اللهم أحفظ أبني هذاأستودعه الله الذي لاتظيع ودائعه |
فديتكم و الله احس اني مرتاحة يوم قريت ردودكم
ام دانة ضحكتيني يوم قلتي حسن الخاتمة بس اريدكم تدعون حق فهد عندة مرض في الكبد وراح يبدون علاجة الشهر الجاي -يارب يشفي فهودي |
الله يشافية لك ويعافيه ويردة لك ردا جميلا ..اللهم ياجامع الناس ليوم لاريب فيه رد العافية لولدها فهد واقر عينها فيه وفباقي اخوانه انك لاتخلف الميعاد........
حبيبتي انتي يا ام فهد ودام اني ضحكتك فالحمدلله والله اني تونست جدا..بس انا توقعتك تضحكين من اشعث تغبر وصوته يوصل قبله>>>تحسية فلم مرعب.:24:..هههههههههههههههه :d دايم اقول بنفسي اضحك على همي احسن من ان همي يضحك عليا:22: ...ونس وانس الله ايامك بالرضاء... طمنينا عنك وعن ولدك فهد.....الله يقر عينك بشفاءة دمتي بود........................... اختك ام دانة |
الله يرزقك جنة قطوفها دانية
أختي أنا عندي لك حل الدعــــــــــــــــــــــــــــــاء والتوكل على الله وجدت فيهما ضالتي |
| الساعة الآن 09:53 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©