|
طليقتي الاولى وزوجت اخو العروس يحاولون ويشددون على التفريق بيني وبين عروستي ..
بسم الله الرحمن الرحيم
السلام عليكم ورحمة الله وبركاته موضوعي ( يتجدد ) وينشد من جهة طليقتي ( زوجتي الاولى ) رابط الموضوع السابق http://www.66n.com/forums/showthread.php?t=208444 زوجتي الاولى وصلت الى بيت زوجتي الثانية وبدأت تشتغل وتضبط وضعها مع زوجة اخو العروس الكبير ( العووود ) وبدت تسوس براااسها و بدت المشاكل من جهة زوجة اخو العروس راحت لام العروس وابوها ومدري وش قالت .... ؟ ولكن العروس تقول لي : ان الشيبان يجون من ( قهوة العصرية ) ملفوفه روسهم ومحشييه ويتكلمون ويدعون على العروس والعروس وقفت في وجيههم وبدت تاخذهم ( حبه حبه ) الين فهمت الشيبان الوضع . و زوجة اخو العروس حاولت من جميع الطرق مع اهل العروس ولا قدرت حتى امي انا ( ام بوالجازي ) وصلت لها ( ولا لقت من امي اللا كلام جامد وطرده ) ولكن الاخطر جات زوجت اخو العروس وقالت للعروس (امام ام وابوي العروس) : ( والله ان اخرب حياتك ؛ والله ما تدخليين على زوجك طيبه ) وانا جاني كم اتصال من زوجة اخو العروس تحاول تخرب سمعتي ( بمغازل وتسجيل وكلام حب .... وكلام بااايخ ... الخ ) ولا قدرت لانني عطيت العروس الرقم وقالت هذا رقم زوجت اخوها ( ال...... ) وكرشتها وهزأتها وعرفتها بنفسها وطلعت لاهل العروس واخوها الكبير وعطيتهم خبر باللي حصل من زوجة اخو العروس ولا رد زوج ال....... ( اخو العروس الكبير ) اللا بـ ( انسى الموضوع واعتبر انه ما حصل شي ) واخوان العروس ( الوسط والصغير ) واخوات العروس ( الكبيره والوسطى ) اتصلو علي وتكلمت معهم وقالو : انتبه منها وامش في موضوع زواجك ولا عليك منها ( حنا معكم ) والشي الثاني : بكرة اذا تزوجت اسمح ( للـ...... ) زوج اخو العروس بالدخول لبيتي وللا ارفض ؟ طبعاً العروس رافضه ان زوجة اخوها الكبير انها ما تدخل في اي مساعده في زوجاها وان ما تدخل بيتها اللي هو بيتنا ( انا والعروس إن شاء الله ) ؟( يعني = زوجة اخوها الكبير غير مقبولة عند العروس نهائيا ولا حتى بالدخول في بيت العروس ) ؟ الحين بدينا مشوار صعب والاهم باقي على زواجنا 38 يوم :14:. زواجنا في 2 / 8 / 1431 ان شاء الله الشي الثالث : يمكن اخوها الكبير ( اذا رفضنا زوجته من الدخول ) انه يخرب حيات اخته ( العروس ) ؟ تكفووون شوفو لي حل مع المصيبه اللي طلعت لي .. [/SIZE][/CENTER][/B][/FONT][/SIZE][/SIZE] |
عيوني زغللت :(
|
ياالله أعوذ بالله
أيش الجرأه هذي ؟؟ وليش تسوي كذا ؟؟ وأيش العلاقه بين زوجة أخو العروس وطليقتك الأولى ؟؟ وهل طليقتك لها رغبه ترجع لك ؟؟ غريبه جرأتها والأغرب أن مافيه أحد قادر يوقفها عند حدها !!!!!!! بعدين مادام الكل عارف حركاتها ونيتها ماعليك منها لكن الأهم أنتبهوا منها حصنوا أنفسكم تروا ممكن تسوي أي شي حتى تفرق بينكم حتى لو توصل للسحر والعياذ بالله يعني أنتبهوااااا ولاتنسون الدعاء والألتجاء ألى الله بأن يكفيكم شر هذه المرأه ويجعل كيدها في نحرها |
وعليكم السلام ورحمة الله وبركاته
ياابو الجازي طليقتك الاولى وش تقرب لزوجة اخو العروس هل بينهن قرابه او صداقه |
هل طليقتك تقرب لزوجتك او زوجت اخو العروس ؟
او ماهي العلاقه بينهما ؟ اتمنى توضيح النقطه هذي |
طيب أول شئ ، ضايقتني كلمتين إنت استخدمتها ؟؟؟؟؟؟؟؟
1 - الشيبان ؟؟؟؟؟؟ وين الإحترام 2 - الملعونة ؟؟؟؟؟؟ وو ما يجوز اللعن ---------- ثاني شئ .. خليك صريح مع نفسك مو معنا ، و أسأل نفسك ؟؟؟ هل إنت ظلمت طليقتك الأولى ؟؟؟؟ هل ممكن يكون كلامها صحيح بس إنت تخبي على العروس و تنكره ؟؟؟؟؟ يمكن زوجة أخوها خايفة عليها من الكلام اللي وصل لها عنك ؟ و شايفة العروس عيونها معمية من الحب ؟؟؟؟ و بالتوفيق |
السلام عليكم ورحمة الله موضوعي مرتبط بموضوعي الاول ( كيف التعامل مع المشاكل مع خطيبتي ؟؟ ) طبعا طليقتي ( زوجتي الاولى ) : امها تدخلت في حياتها وخربتها ؛ وطلبت الطلاق علشان اجيهم على كيفهم ؛ ........... الخ ( تابعو موضوعي الاول وتوضح لكم الصورة كامله ) . وكل المشاكل اللي حصلت واللي بتحصل لنا ؟؟ من راس زوجتي الاولى وامها ؛ يريدون ان زوجتي الاولى ترجع في ذمتي وترجع لحياتي ولا يريدون انني اكمل زواجي من العروس الجديدة ( الله يولف بين قلوبنا ويسعدنا ويكفينا شر عيال وبنات الحرام ) . وبالنسبة لي انا : والله ما ابيها ؛ لانها باعتني امس برخيص ولا احترمت حقوق زوجها اللي وضعها لنا الاسلام . وانا ابي اكمل بقية حياتي مع العروس الجديدة . ولا افكر في زوجتي الاولى نهائياً . والحمد لله ما جا منها اولاد . بالنسبة لروح الطير : انا قمت بحقوق الزوجه كامله ( المهر - حسن العشر - بيت شرعي - اكمال دراستها وعلى حسابي - ...... الخ ) ولكن حياتها خربت بسبب امها : ( تاخذها كثير من البيت - وتطلع بدون اذن مني - واخوها الكبير ينام في غرمة النوم ( خاصتي ) .... الخ ) . وبصراحه ومن الاخير : زوجتي الاولى هي اللي خربت حياتها بنفسها .؛ وانا ابي زوجه مؤدبه ومحترمه ( ترفع راسي ) . اعطوني حلول الله يفرجها ان شاء الله لنا ولكم ولكل مسلم |
أخوي
المثل يقول الخسران يقطع المصران زوجة أخو العروس ، طنشووووووووووووووها و لا تعبروها خلي عروستك تكون باردة معها مرررررررررررررة و تطنشها أهم شئ زوجتك وواثقة فيك ، و لا تكسب عداوة اخو زوجتك علشان لا تخرب علاقتك بأم و أبو زوجتك عروستك لا تاخد و تعطي مع زوجة أخووها و تطنشهااااااااااااااااا و لا تعبرها أبدا بس قدام أخوها خليها عادية |
يووووووووووه الله يعينكم على هالعقليات ويتمم اموركم على خير وعليكم بالدعاء( اللهم اكفينيهم بما شئت)
|
اقتباس:
.’ ’. كيــف اخو عروستكــ يرضى بأن زوجتـه تكلمك ؟!!!!! وزوجــة اخو عروستك كيف تقـول مثل هالكلآلآم لزوجتكــ وقدآم أهلهــآ !!!!!!! |
زوجة اخو العروس بتجي في زهاب العروس ** الزهاب = اغراض العروس من ( ذهب + ملابس + تحف + عطورات + منظفات ومطهرات + .... الخ ) ** يمكن تسوي لنا شي ؟ واكيد ( مليونين في الميه بتسوي شي ) اخلي العروس ترسل زهابها كامل ؟ او تخلي اغراضها الخاصة اللي عليها العين ؟ وش اسوي ؟ فيه ادعية اقولها ( تكفيني شرها ) ؟ انا مضغووط والبنت مضغووطة من زوجة اخو العرووس افيدوني الله يسعدكم ( الله يكفينا شر عيال وبنات الحرام بما شئت ) |
السلام عليكم ورحمة الله وبركاته
أخوي أهم شي أهم شي لا تحمل في قلبك أيي شي تجاههم لا تضر نفسك وتخليهم يوترونك وأنت عريس ربي يتمم عليك على خير وسهالة اللهم آمين كثّر أنت والمدام من الإستغفار والدعاء بإلحاح وإن ربي ينصركم ويقويكم ويجعل كيد كل كايد لكم في نحره وخل يقينك قوي بالله مدام هالزوجة من نصيبك بتاخذها بتاخذها لو يفعلون الأفاعيل عشان مايتم هالزواج بإذن الله بيتم لكن أنصحك أخوي قبل لا يدخلون الشقة أو المكان اللي بتسكنون فيه (في وقت زهاب العروس ) إنك ترش المكان كامل بماء مقروء فيه مخلوط مع ملح خشن وخل الكمية مثلاً ملعقة كبيرة ملح في كأس كبير ماء بحيث يآخذ الملح ربع الكأس لأن من مميزات هالعمل إنه يطرد الشياطين ويحمي أركان البيت من الجن بفضل الله وكلام الله .. والملح الخشن معروف تأثيره الطارد للجن وإبحث عن هالشي أكثر أيضاً أخوي عليك بهالدُعاء لما تحس بقدومهم أو لما تشوفهم / اللهم إني أجعلك في نحورهم , وأعوذ بك من شرورهم أيضاً / اللهم إكفني ما أهمني بما شئت وكيفما شئت إنك على كل شيء قدير دعاء المكروب / اللهم رحمتك أرجو , فلا تكلني إلى نفسي طرفة عين .. وأصلح لي شأني كله .. لا إله إلا أنت .. الله ربي ولا أشرك به شيئا أيضاً دعاء عام / اللهم إني أسألك من الخير كله عاجله وآجله ماعلمنا منه ومالم نعلم وأعوذ بك من الشر كله ماعلمنا منه ومالم نعلم اللهم أسألك من خير ما سألك منه عبدك ونبيك محمد صلى الله عليه وسلم وأعوذ بك من شر ما إستعاذ منه عبدك ونبيك محمد صلى الله عليه وسلم اللهم أسألك الجنة وماقرب إليها من قول وعمل وأعوذ بك من النار وماقرّب إليها من قول وعمل وأسألك أن تجعل عاقبة كل قضاء قضيته له خيراً برحمتك يا أرحم الراحمين وأكرر لك أخوي .. لا تخليهم يفسدون عليك فرحة زواجك .. وتدخل هالزيجة وأنت مهموم ضايق توكل على ربك .. وكثروا من هالأدعية ( أنت والمدام ) وأحسنوا النية وصفوها .. وتوكلوا على الله .. وما يصير إلا الخير وستــــرون الخير من الله عز وجل لا تنسى أخي تحصين نفسك أنت وزوجتك .. واسم الله لا يضر معه شيء تذكر هذه الكلمة . وفقك الله الكريم |
خلي عروستك تقول لأمها ما أبغى زوجة أخوي تحضر ، لإنها قالت الجملة هذه و تخلي الجملة هذيك حجة لها
|
ياطويل العمر
من ناحية الي ذكرته ببداة الصفحه هاذي فنصيحه بعد الي سؤته فيكم !!!! وش باقي وماسؤت معد الا تسؤي بليه فيكم !!! اخوي قؤل لزوجتك لاعزم الحرمه هاذي ابد وتنتبه م الحريم الي بيجون ويشؤفؤن اخاف احد يحط شيء او يكب شيء ! وزوجة اخوها لاتناديها باقي بعد الي سؤته تناديها ........والله اني ماادخلها لابيتي ولا ابي اشؤفها ! نصيحه لاتناديها ولا تدخلها ببيت المستقبل وتقطع علاقتها بها ...... ولا بعد مااعتذرت ...وتبؤن تعزمونها ... |
الله يوفقك ويتمملك زواجك على خيير يارب
<<حبيت ادعيلك بس يارايت تخلى الا يروحوا دبش العروسه امها واخواتها بس مو لازم كل الناس |
ياعالم والله حاولت انا وعروستي انها ما تحضر الزهاب و لا الزواج ولكن اخو العروس قال اذا زوجتي ما بتحضر مافيه زواج ومسكت معه عناد والشيبان قالوا : كلام اخوها الكبير لازم يمشي الله يكفيني شرها بما شئت يارب واظن مالي اللا اطبق اللي قاله ( الصفح الجميل ) الله يسعده ويسعدكم طيب عروستي ترسل زهابها كامل ؟؟؟ |
أختك ماعندها أخوات يوقفوا معها ؟
أنا أشوف إنه أخواتها إذا راحوا ،. يدخلوا غرفة النوم و يحطوا خصوصيات زوجتك و مو لازم شخص غريب يدخل معهم مكياج ، ملابس و كذا و بعدين حصنوا البيت و اقروا الأذكار و خلاص إذا هي ناوية على شئ لا سمح الله فربي راح يحميكم و إن حصل شئ لا سمح الله ، فراح تعرفوا إنها هي و هي ما أظن بتفضح حالها ؟ |
| الساعة الآن 06:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©