|
هل أصارح صديقتي أن زوجها يشرب الخمر
السلام عليكم ورحمه الله وبركاته اخواتي حبيت استشيركم في موضوع حاليا انا متغربه عن بلدي ولي صديقه اعدها زي اختي لانها فعلا نعم الاخت لكن المشكله مو هنا المشكله ان زوجها نسال الله العافيه والسلامه والله يهديه يارب وقولوا امين (يشرب الكحول) يعني يسكر المهم هي من بعد زواجها ب6 شهور اكتشفته وصبرت عليه بدون ماتواجهه المهم وانا بما اني والله يعلم احبها مثل الاخت نصحتها انها ترجع لاهلهاوبعد ماترجع تقوله كل اللي صار بس اهم شي تضمن انها عند اهلها لان زوجها يحبها بجنون لكن نسال العافيه والسلامه مبتلى بالشي هذا الشي اللي هي عرفته زياده انه بعد مايشرب احيانا يرتكب الزنا المهم حاولت فيه انها ترجع واهو كان رافض بحجه انه يبي تكون معاه المهم بعد خمسه او اربع شهور وافق ورجعت فلما رجعت ازعجها بالاتصالات عشان ترجع بعدها صارحته بالحقيقه وانصدم وجلس يصارخ عليها انت ليش كنت عارفه وساكته وليش وليش وليش ؟؟؟ بعد كذا وعدها انه يتعدل وانه خلاص ماراح يكررها المفاجاه الان.................... انه لازال يشرب واهي ماتعرف انا عرفت من زوجي لانه قابله كم مره وكان شارب واخر شي كلم على زوجي وقعد يخربط بالتليفون كلام غريب وما ادري ايش ؟؟ الحين انا مرررررررررررررره مقهووووره عليها اخاف اقولها اصدمها واخاف انها تكون عارفه بس مخبيه عليه لاني كل مرره اسئلها تقولي لاخلاص الحمد لله عقل واهو حاليا يطالبها تحمل واهي الحين مرررررره متحمسه للحمل خصوصا انه قالها يمكن لما يجيني اطفال خلاص اصير احس بالمسؤليه ولا اشرب ؟؟؟؟ طبعا انا تعبت اقنعها انه يلعب عليها وانها لازم تبلغ اخوها او ابوها بس شكلها تموت فيه الحين ايش رايكم اقولها من باب اني انبهها او لا؟؟؟ على فكره اهي ماشاء الله انسانه عاقله وملتزمه بدينها وجدا طيبه وحبيبه اهو انسان طائش موسوس كريم حنون قلبه طيب من ناحيه الدين ما ادري عنه |
والله انا من رأيي تصارحيها وتحكيلها شو عرفت من باب التنبيه، وبهيك بتكوني ابريتي ذمتك، وبتعطيها حرية الاختيار انها تحمل بهالوضع ولا تعيد التفكير بالموضوع وتاخد موقف جدي وحازم من زوجها..
|
أختي الكريمة ..
أنا مع الرأي اللي يقول لا زم تقولي لها قبل فوات الآوان و هي بعد كذا تقرر ، ولا زم على صديقتك تتكلم مع أحد في اسرتها خصوصا إذا كان قريب منها كثير علشان يحاول يتكلم معاه قبل ما تتدخل الأسرة كلها لعل و عسى ينفع معاه ولا ينتشر خبره في كل الأسرة ... الشراب مشكلة كبيرة و يمكن يستمر على كذا إذا ما عنده رغبه صادقة أن يوقف أو يعالج في عيادة خاصة و أستمراره في الشرب راح يسبب لها مشكلة كبيرة في حياتها مستقبلا ... المهم الأن لازم تقولي لها و هذا ضروري خصوصا أنك عارفه أنه لسه يشرب ،، والقرار قرارها في الأخير هذي حياتها وهي حره فيها ... |
اكيد تصارحها قبل تكوين اسرة واطفال ويكفي نتائج من يشرب على اسرته ومجتمعه
رزق الله التوبة والهداية |
انصحك تقوليلها لانه هذه من الكباير و اذا ماخاف من الله بيخاف من مين ؟؟؟؟؟
|
قبل أن تخبريها .. دعي زوجك يكلمه ويناصحه ..
ويبدأ معه باللين ويقول له نحن نحب لك ولأهلك الخير وحالك لا يسر ولا يرضي .. اجعلي زوجك يستخدم معه أساليب متعددة .. ولو وجد شيخ في بلادكم فعرضتم عليه الأمر لكان أفضل .. فإن لم ينته فليهدده أن خبر تعاطيه سيصل لزوجته .. وقد يكف عما هو فيه إن شعر بأنه مراقب وأن حياته الزوجية في خطر .. لأنه كما فهمت شديد التعلق بزوجته .. فادخلوا عليه من هذا الباب .. لعلكم تكونون سببا في هدايته .. ولا تقولي لا شأن لنا به .. إن كنت تحبين صديقتك فاسعي في أمرها .. وفقك الله .. |
حبيبتي ما اعتقد انها ماتدري ..
هذه زوجته عايشة معاه بيبت واحد صديقه اللي شافه مرة عرف و هي مادرت ... السكار ينعرف من ريحته .. بعد ما يشرب وين بيروح اكيد بيروح و اكيد بتكون شمته و عرفت انه رجع للشرب بس احتمال ما تبي تهدم بيتها.. تحبه .. اتقول يمكن يتغير و قدامك تقول انه تغير وماتبي تفضحه قدام احد .. مادري ايش اقولك ماني عارفة انصحك تقولي لها و لا لا بس اعتقد انها تدري بس ساكته .. الله يشفيه من سوسة الخمر و يعينها على ما بتلاها .. بس اللي اقدر اقوله لك انصحيها ما تحمل الا اذا تاكدت وبطل الشراب فعلا |
الشرب من ام الكبائر ودامه يشرب اكيد يقع بالزنا نسال الله العافية
شوفي اختي من الاحسن صارحيها والي مايخاف الله قبل مايجيه عيال ماراح يخاف الله بعد مايجونه هي المسالة مسالة خوف من الله جل في علاه مو اجلس اسكر وازني ولا جاوني عيال ابطل هذا كلام فارغ علميها اختي ولازم يتوب قبل لا تحمل منه وتصير هي الي مجبورة على وضعه والسكرجي ما على مثله حسوف نسال الله ان يهديه ويتوب عليه بس هذا شى خطير ماينسكت عنه لانه بحالة سكر ممكن يرتكب اي شى فاقد مو بوعيه بلغيها اختي وخليها تهدده بالطلاق ودامه متدينة لازم تحاول تدخل خوف الله بقلبه وتقنعه انها صعب تعيش مع واحد يرتكب ما حرم الله بكره لا صارت عنده يصير يجيب اصحابه يسكرون عنده بالبيت لا تقولي مايسويها ان السكران مايعرف اصلا وين ربي حاطه . الله يهديه ينزل خوف ربي بقلبه |
ربما تكون تدري
إلا إن كان بيضبط عمره ويرجع البيت وهو واعي ولا كأنه سوى شيء عموما لا تجيب عيال الحين على أمل يتغير إذا ما تغيير لله بيتغير لأجل العيال لا و معلق الأمر على وصولهم صحيحهم في ناس تتعدل بعد إنجاب الأطفال وربي يهديهم ويرزقهم حس المسؤولية لكن حالات وحالات خليها تصبر وتحاول تطلعه من البلاء اللي هو فيه بعدين تفكر تجيب منه عيال والله يعينها ويعينه على ما ابتلاه به |
اللة يهدية ويصبرها
|
شكرا للجميع على الردور ومشاركتي في اتخاذ القرار معليش عا التاخير بس الاسبوع اللي راح كله اختبارات ماقدت ارد عليكم انا لحد الان ابحث عن فرصه مناسبه عشان اواجهها باللي صار بس لازلت بس مادري ليش احساسي يقول طنشي لان البنت شكلها تموت فيه وماتبي تفارقه بس والله لما اتذكر ينحرق دمي عليها حسبي الله ونعم الوكيل يارب |
خلي زوجك ينصحه و يوجهه : (
|
للاسف ان زوجي رافض التدخل يقول مالي علاقه وانا في غربه ماني ناقص هم ومشاكل
|
صارحيها
احس حرام تعرفين وتسكتين هي لو لاحظت علئ زوجك بتقؤل لك والسبب خوفها عليك ....... صدقيني لو حصل شيء بينهم وبلاخص لو حملت واكتشفت واكيد بتكتشف بعد فوات الاوان !!! انتي بتحسين بتانيب الضمير وندم فظيع فقؤلي لها افضل . |
أنا أشوف انك ماتتدخلين
لأنك يمكن تتدخلين وتهدمين حياتها من غير ماتحسين وتجلسين طول عمرك تندبين حظك وراح هي تلومك |
الخمر أم الكبائر ورأس كل مصيبة أرجو أن تنقلي رابط هذه الفتوى لصديقتك الله يرفع عنه ما ابتلاه ويرده إليه رداً جميلاً عزوبي بس رجل |
لاتعليق الموضوع راجع لها وهذي حياتها
|
اقتباس:
|
| الساعة الآن 08:23 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©