|
أنتي واقفة عليا بخسارة ؟
السلام عليكم .. أحبكم جميعآآآ في الله
. . من زمان ما كتبت موضوع ... اكتفي فقط بالردود ... . . عمومآآ اليوم كان أسوأ يوم بحياتي .... سار بيني وبين زوجي نقاش حاد وتافه وقلي ..(( أنتي أيش عملتي ليا بالمقابل ... أصلا أنتي واقفة عليا بخسارة .. ؟؟؟)) . . انتهى النقاش .. . . بصراحة حرقتني الكلمة وأبغى أنتقم ... ؟؟؟ . . راح تسأألوني أيش الموضوع ... باختصار .. 1- البيت فاضي ماقضيانا هالشهر ... وأطبخ باللي أقدر عليه . 2- مرض له أسبوع بالبيت ... ومن المرض ما يقدر يأكل . 3- إذا طبخت أكل دسمة وسلطة وشوربة ... ما أكل غير زبادي على أساس أن الاكل ثقيل . 4- إذا طبخت خفايف مع شربة وسلطة ... يصرخ ويقول أنا جيعان . 5- في النهاية يبغى يأكل من برا .. شاروما .. مطبق .. إلـ ـ ـ ـخ . . وربي البيت فاضي ما لحقنا نقضي وآخرتها اليوم خلصت الأنبوبة .. بعد ما طبخت (( الحمدلله )) وفرحت :d . . اليوم صرخ عليا قدام أولادو لا وقدام الشغالة ... يقول :(( جيعان ..... ماأكلت من أسبوع )). . . طبعآآآ أنا من النوع المسالم ما أرد .. ؟ بس اليوم ما قدرت ورديت عليه :: قلت :: أحترت معاك ولاشيء عاجبك ليه تصرخ عليا قدام الأولاد والشغالة ... أنا متحملتك وأنتا تصرخ وتنطش وتأفف ... . . قام هب فيني بس عشان قلت لو :: متحملتك :: وقلي الكلام اللي فوق (( أنتي أيش عملتي ليا بالمقابل ... أصلا أنتي واقفة عليه بخسارة .. ؟؟؟)) . . انا ما أنكر أنو يجبلي كل شيء بس لا يجحف حقي أيش يبغى بالمقابل ... . . دلع و حب و إحترام و تقدير وأكل وشرب واهتمام و حق شرع الله ونظافة ... أيش يبغى بالمقابل ؟؟؟ . . حرقتني الكلمة وربي ؟؟ |
لاحول ولا قوة إلا بالله
معليش يا اختي طولي بالك وهدي من غضبك وصلي على الحبيب المصطفى الكلمة اللي قالها كبيرة ومايصير يقولها لكن بالمقابل لا تنسي ان الراجل كان مريض اسبوع كامل وملخبطة بطنه من الأكل علشان كده مرة تلاقيه جيعان ومرة مايقدر ياكل معليش هذا زوجك ابوعيالك وانتي قرة عينه وست بيته ولازم تتحمليه في مرضه لأنه ماله غيرك الله يخليكم لبعضكم و لأولادكم كلمتك يااختي (انا متحملتك) كانت مرة ثقيلة وجرحت مشاعره لأنها جات بعد مرضه مباشرةً انا ما ادافع عنه ولكن كل المتزوجين (وانا منهم) يختلفو يتخاصمو ويتراشقو بالكلام إلا من رحم ربي بس عاد الكلام اللي من العيار الثقيل صعب جداً ينقال في الاوقات هذي هو رد لك الكلمة بكلمة تجرحك زي ماجرحته كلمتك بس عاد انتو اهدأو واعقلو ولا تفرجوا الشغالة والبزورة عليكم خشو غرفتكم وشرشحو لبعض زي ماتبغو لكن بدون كلام ماله داعي يا اختي تبات نار وتصبح رماد إن شاء الله وبما إنك طالبة الإستشارة فهذا معناه إنك تبغي الحل .. وبالنية الحلوة دي رح يوفقك ربنا إن شاء الله ويهديلك زوجك ربنا يصلح احوالكم ويهدي سركم آمين (هذا كلام واسلوب زوجتي ام فراس حفظها الله وقد طلبت ان اكتبه بنصه) ومابعد كلام ام فراس كلام .. فهي ماجستير في المشاكل ماشاء الله عليها |
اقتباس:
. . بس ما قالت ايش أعمل معاه ... أخي والله أنو قهرني ؟؟ مو قادرة أتكلم معاه ؟؟؟ . . سؤالي أيش بالمقابل اعطي زوجي غير اللي قلت عليه؟؟؟ أنا طلباتي كثيرة وهو يلبيها ؟؟؟ بس ما أبغاه يتمنن عليا ؟؟؟ . . الله يسر أمركم .. (: |
أبغى مشورتكم أخواني أخواتي ؟؟؟
|
اختي هوني عليك..زوجك شكله عم يتفشش فيك من مرضه..تحمليه ولك الاجر.
|
عزيزتي خليه يقول ايلي يبغاه لانه مريض
طالما ما مد يده ( الحياه الزوجيه جميله بالتغاضي والصفح) انا ما أنكر أنو يجبلي كل شيء بس لا يجحف حقي أيش يبغى بالمقابل هنا انتهت المشكله أيش يبغى بالمقابل يبغي زوجه صبوره نصيحه لا تخلي كلامه هذ ايأثر علي علاقكتم ببعض وممكن تعاتبيه بس اختاري الوقت المناسب الله يوفقكم في رعايه الله |
اقتباس:
بس نصيحة من أخت مجربة إذا هو شد أنتي ارخي مثلا شفتي ان مو عاجبه شي اعتذري بسرعة بدون ماتدققي وإذا هدي وبنفسك شي ناقشيه وخليه يوضح بايش انتي مقصرة والله وقتها مايقدر يقول شي بالعكس بيثني عليك حتى لو له ملاحظات عليك يتغاضى عنها لانك احرجتيه باسلوبك ويمكن زوجك فيه قولون لأن هو اللي يأثر على مزاج الإنسان في الاكل إذا ماكان طبعه مزاجي الله يهدي سرك |
الله ييسر لكم امورم
لكن هناك نقطه ما فهمتها انتو من وين لكم اولاد ولسه ما صار لكم اقل من سنه متزوجين؟؟ |
اقتباس:
|
اقتباس:
|
اقتباس:
|
اقتباس:
|
اقتباس:
أهلين غربة ... كيفك ؟؟ حبيبتي أنا ليا تقريبا 7 شهور متزووجة .. والاولاد هم أولاد زوجي كبار بالجامعه (: اقتباس:
....................................... طيب الان أحنا ما نتكلم ... صح مو مكشرين على بعض بس ما نتكلم الا رسمي .... يعني أروح عندو و أعاتبو ولا أستناه يجيني ... يراضيني ؟؟؟؟ |
اخي ابو فراس، والله انني احسست ان هناك تغير في طريقة كتابتك وتعبيرك، وان هذا ليس اسلوبك المعتاد، واذا بك تخبرنا انها ام فراس، ما شاء الله عليها، امراة عاقلة..
اختي هو لم يتقبل كلمتك لانه اعتبر انك كنت تخدمينه وانت متثاقلة منه، صالحيه وطيبي خاطره طالما انه طيب ولا يتأخر عنك بشيء.. وزي ما حكو الاعضاء، انتو خالصين.. |
اقتباس:
. . شكرآآآ ع مرورك عزيزتي |
غاليتي بعد ما قرات ردك على رواء الايمان اتضحت لي الصورة
زوجك رجل يكبرك باعوام كثيييرة .. و اي موقف يذكره بعمره و بفارق السن قد يثير غضبه .. كلمة (( متحملتك)) تجرح الرجل الشاب. فما بالك برجل لن اقول كبير في العمر ولكن بينكم فارق عمري كبير ... اكيد سيكون الجرح اكببببببرررررر .. نعم لم تقصدي معناها .. لكنه حملها فوق ما تعني متحملتك .ز يعني انت كبير .. يعني انا صرت ممرضة و خادمة لك .ز يعني ما القى منك مقابل .. فسرها باكثر من معنى .ز فرد لك بذاك الرد القاسي ... لذا اخيتي .. بادري بالصلح .. و انت, ادرى بزوجك ... قد يسعده اعتذار مع قبلة على الراس و كلمة اسفة حبيبي انا غلطانة بحقك و قد تسعده ليلة جميلة تنسيه فيها ذاك الموقف و قد تسعده ابتسامة منك توحي بنسيانك لما حدث .. اختاري ما تشاءي لكن باادري بالصلح.. الله يوفقك |
اقتباس:
|
هم الرجال وقت يمرضو يجننونا
تحمليه كلمه وعديها له مازال تتكلمو رسمي زيدي الكلام شويه شويه وتتصالحو الرجال طبعهم خويف من المرض ابوي الله يحفظه يا رب يعمل بصيدليه من نعومة اظافره وقت كان عمره 12 سنه والآن شارف على السبعين وجميع اشكال المرضى تمر عليه ووقت يمرض يخااااف وينرعب ويرعب البيت معه وما نعرف كيف نرضيه الله يطول لي بعمرهم ويحفظ لكم اهاليكم انتي تعبت نفسيتك لان قلبك عليه ما عاجبو ولا طبخه وباين من كلامو عاوز يخبص بالاكل |
اقتباس:
خالة جرين حبيبة قلبي ... صح مو عاجبو ولاشيء ... ويشتهي اكل المطاعم ...طيب ليه اطبخ واتعب ...وفي النهاية مافي شكرآآآ طيب بلاش شكرآآآ ... لا يأفف .. . . مع العلم انو الأكل اللي اعملو يحبو ... لكن ؟؟؟ ... الان خلص كورس الدوا .. وإلى الان يقلي انا مريض ... . . عموما ... هو الان تمام ... أمس جاء واشتري ليا بلازمة واشترك بالجزيرة ...عشان كأس العالم ... ليا فترة وأنا أقلو أبغا أشوف كأس العالم ... بس باقي ما جبلي علم (( أسبانيا )) . . مدري شكلو بيراضني ... على القنبلة اللي قالها . . . شكرآآآآ لكم والله يوفقكم دنيا وآخرة |
هههههههههههههههههههههههههه
والله عادي هو بس مع المرض والتوتر يصارخ عليك لكن بداخله عارف انك ودك ترضيه لكن غلطتك مافهمتيه ورديتي عليه بكلمه تجرحه وهو بعد ماقصدها واكبر دليل على حبه لك مايقر عليك بشي روحي بس احضني زوجك وبوسيه وشوفي اذا بعد هو ماعتذر لك وحتى لو مااعتذر ماينساها لك |
اقتباس:
. . والله اني أبغى أرضيه ومن قلبي ... بس مرررررررررررره زودها .. . . ممكن صح مافهمتوو .. أهو درس واتعلمتووو ؟؟ المره لو مرض لا قدر الله راح أتجنب اللي سار ... . . الان أحنا ما اتكلمنا على اللي سار بينا .. بس عادي سرنا نتكلم في أمور الحياة العادية وأي شيء .. . . الليلة براضيه إن شاء الله ... وعلى قلبي ؟؟؟ :( |
مبارك البلازما والاشتراك
ها راضاكي بطريقه غير مباشره الباقي عليكي يا حلوه راضيه الليله ,الله يسعدكم يارب وانتبهي يمكن الدرا يعمل له سد نفس وما يعود يعجبو الاكل وايضا تصير اخلاقو صعبه بدنا نتحمل ونتحمل ونتحمل |
اقتباس:
|
يااختي الله يهدي زوجك تحمليه شوي يمكن عصب من المرض وماقصد كلمته ترى احيانا الرجال يقول كلمه تجرح زوجته بس هو مايكون قاصد يجرحها
|
اقتباس:
. . ياليت ما يقصدها ترا وقعها على القلب سيء ... وربي حسيت أني بانتقم منه ؟؟؟ . . لكن هدأت الأمور ... ولا اتناقشنا بالموضوع :25: |
| الساعة الآن 04:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©