|
خراج السن و قلع الضرس
السلام عليكم أمس رحت للمستشفى بسبب اني عندي انتفاخ في الفك الأيسر من يومين تقريباً ولما حولني الطبيب العام في الطؤارى على دكتور أظنه دكتور اسنان ... قال لي أن عندي خراج بضرسي اليسار .... ووصف لي أربعة أدوية Augmentin - Anazol - Panadrex - I-Profen ثم قال إذا خف الإلتهاب وزال الخراج بقلع لك ضرسك !!!!! وطوال المدة الماضية لم أكن أشعر بآلمه وأكل به ....!!!! سؤالي هل قلع الضرس هو الخيار الوحيد !!! لأني ما أرتاح لقرار خلع الضرس والتخلص منه مرة واحدة !!! وهل هناك ضرر بعد قلع الضرس ؟؟!! أرجو من أطباءنا الكرام توضيحهم الكريم للحالة عزوبي بس رجل |
ماودي أتفلسف لأني مو طبيبة !!
ولكن إذا كان ضرس من أضراس العقل فالأفضل خلعه لأنه ماله فائدة تذكر على حسب ماقريت عنه وغالباً يخلعونه اذا حصل فيه تسوس لأنه بعيد ويتجمع فيه بقايا الطعام ويطلع منه رائحة مو حلوة !! قبل كم اسبوع خلعت واحد من اضراس العقل اللي فوق والله تعبت الليلة الأولى من النزيف ولا قدرت آكل شيء وكان فيه ألم بعد ماراح المخدّر وقالت لي الطبيبة خوذي مسكن مثل بروفين أو سابوفين ,, ولكن الحمد لله بعد مرور ثلاثة أيام شعرت بالتحسن ولله الحمد .. طبعاً لاتخلعه إلا بعد مايخف الالتهاب أسأل الله لكم الشفاء ,, وماترى بأس ,, |
معليش مو طبيبه بس خبره بالأسنان الله يعافينا وإياك...
بس قبل اقولك بسألك انت رايح مستشفى حكومي؟ |
حياك الله أختي مشكلة والله !! وحمداً لله على سلامتك ما أدري هو سن العقل وإلا لا وترى قد عديت أسناني وشكلها ما اكتمل عددها !!! :d لكن سمعت من ينصح بأنه ما استعجل بقلع الضرس !!! وشكراً على مشاركتك عزوبي بس رجل |
اقتباس:
حياك الله نعم رحت لمستشفى حكومي !!! |
كنت متوقعه لأنهم يبون أسرع الحلول ... روح لأهلي موثوق واسأل الطبيب واتوقع يقول لك انه راح يشيل عصب الضرس طبعاً بجلسات طويله لأنه خراج ويحتاج تنظيف للعصب كذا مره بعدها يحشيه لك ما اتوقع يحتاج خلع ابد... بس نصيحتي لك بعد ما تشيل عصب لا تلبس الضرس على طول لأنه ممكن يرجع الخراج مره ثانيه اصبر 5 شهور بعدها لبس الضرس... تمنياتي لك ولي وللمسلمين اجمعين بالشفاء العاجل. |
اقتباس:
جزاك الله خير و هذا الرأي افكر فيه وشكلي بأبحث وأسأل عن دكتور أسنان ممتاز حتى لو كلف مبلغ ، المهم يكون تشخيصه وعلاجه صحيح .....!! تصدقي أن هذا الدكتور اللي رحت له اليوم هو من نصح والدتي بقلع ضرسها رغم أن عندها مرض بالقلب ودكتور القلب في مستشفى أخر كان ينصحها بأن لا تستعجل بقلع الضرس حتى تستقر وما تتضرر حالتها ولها الآن سنة وأكثر ولا يمكن قلع الضرس مع علم دكتور الأسنان بحالة أمي لكن ما ادري ليش اقترح لها قلع ضرسها !!!!! ما ارتحت لرأيه !!! شكراً لك |
بصراحه الأسنان ما احب اروح إلا لأهلي ومو أي احد بعد أحياناً عيادات صغيره ومو معروفه بس تلقى فيها طبيب شاطر رحت لحكومي كم مره وبصراحه لعبوا بضرسي لدرجة اني عالجته عند اهلي لمدة 5 شهور !! .. لكن حبيت اقولك لازم تاكل المضاد أوجمنتين اللي صرفوه لك عشان الخراج...
|
اقتباس:
جزاك الله خير على النصيحة ووفقك للخير ومتعك بالصحة والعافية والدواء والمضاد حريص على أخذه .... والله يجعل فيه الشفاء عزوبي بس رجل |
الله يشفيك ويعافيك ياارب بس بالنسبه ليا بعد الالتهابات والتعب كل كم يوم والحمدلله ماكان عندي خراج كل فتره التهاب افضل حل كان بالنسبه ليا وبعدوا ارتحت الخلع
تمنياتى لك بالشفاء العاجل |
أنا كنت اراجع عند مستشفى أهلي ومعروف .. وبرضو قالت لي ضرس العقل لالالالالالازم يشال !! والله فعلاً الخلع يخوف :24: حتى اني قلت للدكتورة اول مادخلت عليها : شوفي يادكتورة ترى بصراحة انا خايفه مره ! هذا الواقع :d قالت لي : ليش ؟؟ قلت لأني مره خلعت عند دكتورة ثانية عندكم بنفس المستشفى الضرس الأول وشالت لي نصفه ولا قدرت تكمل وراحت ودتني لطبيب عندكم وكمل الباقي وخيط لي المكان بصراحة خفت مره !! قالت : لالا إن شاء الله راح اشيله لك بسهولة لاتخافين .. وحسيت برعب شوي وقلت بس هذه نهايتي .. وجابوا معدات تخوّف وأنا مغمضة عيوني وخدرتني وحسيت ان فيه شيء بالبلعوم وكأني ودي ارجّع وانتم بكرامة وجلسوا يهدون بي ولكن ماشاء الله عليها شالته بسهولة يبدو لي طبيبة شاطرة والحمد لله .. بس احس إنها تقل سوت ثلمه بالضرس اللي تحته !! :( بس صراحة يخوف الخلع << جاء يكحلها عماها !! :26: اهم شيء لاتخلعه لو كان مو ضرس عقل لأنه حسافة !! ماترى بأس ,, |
وعليكم السلام ورحمة الله ..
هذا الي مايفرررش ياعزوبي ..:d :26: :26: ولا يسمع الكلام ..:25: الاسنان ياشيخنا عزوبي مشكلتها مشكلة .. الالم لايحتمل ,, وزيارة الطبيب بها من الرهاب والخوف ماالله به عليم .. وترى منت بعيد عنا .. العام الماضي دخلت حرب ضروس مع احد الاطباء الله يذكره بالخير .. عمل لي عملية بااحد الاضراس .. كان مائل الضرس والسن الي بعده مسوس .. خلع الضرس المائل .. والي بعده سحب عصب .. ساعتين ياعزوبي والفك مفتوووح على الآخر .. صابني شد عضلي بالفك ...:d على كل حال .. ابحث عن الطبيب الجيد سواءً حكومي أو خاص .. في مدينتي مركز حكومي متخصص للاسنان وبه أطباء أكفاء .. قد تعالجت عندهم .. ولكن يعيبه المواعيد .. وآخر خاص زرته أكثر من مرة .. همه الدراهم .. فلذلك ليس شرطاً الحكومي سيء والخاص ممتاز .. والعكس كذلك .. وكما ذكرت أحد الاخوات بعض العيادات الصغيرة بها اطباء ممتازين .. واذا انتهيت من الدواء .. ومالقيت دكتور ممتاز .. هات معاك الشاش والقطن ....:d ولايهمك العدة عندي .....:29: ولااتحمل اي مضاعفات .......:30: شفاك المولـــى وعافاك .. |
ماعندي خبرة .. بس حبيت أقولك سلامات أخونا عزوبي ..... ما تشوف شر ان شاء الله
|
شوف انا اختي كان عندها نفس مشكلتك بس سنها كانت حالته جيده جدا ماخلع لها الدكتور نظف لها ياه واعطاها ادويه وبعد شال لها العصب وحشاها حشوه دايمه والحمدلله الحين هي مرتاحه بعد ماكانت تعاني الليل والنهار منه
اتمنى اكون افدتك اختك دروبــــــــــــــــــــــــــــــــــــــــــــــ ـ |
اخي الكريم لا تحاول ابدا خلع اي ضرس كانت هاذي نصيحة دكتوري حتي ضرس العقل عالجه يوجد علاج لكل عله في الضرس دون الحاجة الي خلعه
مادام في التهاب خلاص بعد الالتهاب يكون في علاج الاعصاب بمجرد انه يعالج الاعصاب او يشيلهم فماله داعي يخلعه دائما دكتوري يقول لاتخلعين ولا ضرس لان مع مرور الايام تحتاج للضرس اكثر من ايام الشباب واذا ماتبغي التجاعيد نصيحتي ابحث عن عيادة اخري لاختصاصي حشو وتجميل وان شا الله راح يحافظ علي سنك |
الله يشافيك يااخ عزوبي انا انصحك انك تخلعه مدام بدا يلتهب ويطلع خراج ولاتخسر ولا شى كل جلسه في المستشفى الاهلى اقل شى 200ريال وبتاخذ جلسات طبعاوراح تخسر الوف واخر شى راح تخلعه ومن غير الالم الى فى كل جلسه من واقع تجربه شخصيه
|
شفاك الله وعفاك اخى عزوبى اول شىء انتظر بعد زوال التهاب ولا تذهب الى الطبيب لانه ربما يشفى ولا يعود الالتهاب مرة اخرى بأذن الله وانت زيادة فى الاحتياط لا تأكل على الجانب الموجود به الضرس لمدة شهر واذا عاد الالتهاب طبعا ابدأ بأزلة عصب الضرس ولكن يجب ان تختار طبيب ماهر وذو ضمير لان موضوع تعقيم الاجهزة هام ويجب توافر جهاز الاتوكلاف لتعقيم الاجهرة واعتقد انه اجبارى لكل اطباء الاسنان ولكن عليك بالسؤال والتحرى بأذن الله منعا لنقل اى فيروسات لا قدر الله شفاك الله وعافك اخى الكريم مرة اخرى |
ماايد الخلع من تجرربه
مابقى لي اسنان اكل :( |
الحمد لله ضرسي يشاركني الصيام
وعليكم السلام جزى الله خيرا من رد على موضوعـي وكل عام وأنتم بخير الحمد لله قبل 3 أسابيع رحت لدكتور ممتاز وشاف الضرس وقال ما يحتاج لقلعه و فتحه و نظف وطهر العصب وقال ما يحتاج لقلع الضرس واعطاني مضادات حيوية على أن أرجع له إذا خف الإنتفاخ ولما رجعت له المرة الثانية، كشف علي وقال الحمد لله راح الإلتهاب وفرجها الله عليك يا (عزوبي) ما يحتاج نقلعه وقام بحشو مكان الثقب وطلب مني المواصلة على المضادات لمدة أسبوع والحمد لله الآن اموري تمام عزوبي بس رجل |
ليش كل التخوف هذا من خلع الضرس ؟؟
انا خلعت ضرس العقل ... العام ... ومبسوطة مررررة ... وناويه اخلع ضروس العقل الثلاثة الباقية ... ان شاء الله .. لاني دايما اسمع انها مالها فايدة ...... وان خلعها افضل ... |
حمداً لله على سلامتكم ,,
|
كتبت ردااااااااااااااااان وطارو لذلك ساختصر كلامي واقول سلامتك عزوبي
وهذه ضريبة العزوبيه تزوج وفرحنا وفرح قلب الوالده الله يحفظها لك ويطول لك بعمرها |
اقتباس:
إما إذا ثبت أن الأنسب خلعه فسوف أوافق على خلعه وعموماً لي ضروسي ولك ضروسك ....:d اقتباس:
الله يسلمك من كل شر :) اقتباس:
نقول بشارة خير فنحن جربنا وجع الضرس وإن شاء الله يتبعه العرس .....!!!!:d عزوبي بس رجل |
| الساعة الآن 05:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©