|
انتِ أجمل منها
ابنتي الصغيره تحمل خليطا من ملامحي وملامح والدها
تكرر في أكثر من موقف ومع أكثر من ناس ذكر ما يحمل معنى أنها أقل جمالا مني أنها أمها فيقولون تارة فيها شوي منك ولكن مو مثلك ولا يقولون ما طلعت عليكم يقصدوني ولا وحده تقول فيها شوي منك تجي الثانية مقاطعة بس أمها أحلى منها ولا ناس تتكلم بالصريح وتقول لا وين انتو وين وهي وين ماطلعت عليكم كأني جايبة وحش ماودي بنتي تتأثر بالكلام ويصير عندها الشكل الخارجي هاجس أنا نفسي أحس مرات إني بديت أتأثر من الكلام وأطالع في بنتي أقول لهذه الدرجة وأرجع أتعوذ من ابليس لأن كلامهم فاضي وماله معنى كيف أقدر أرد على نوعية الناس هذه بدون ما أتسبب بمشاكل لأنها قد تصدر من الأقارب أيضا |
انتي قلتي ناااس فاضيه
لكني انتي ازرعي براس بنتك انك حلوه ياقلبي وهيك تتعود البنت على انها جميله بنت سلفي تقول لبنتي : خرجك تستاهلين بنتك طلعت شبه اختك طييب ما بنتي الصغيره كمان ناعمه مش ضروري ملكة جماااال ثم يكفي انهم خلقه تامه ولا يشكو من اي مرض |
الحمد لله دائما أقول لها انك حلوه وقمر ومن هذا الكلام
ومثل ما قلتي أهم شيء الصحة والعافية بس ماأدري ايش فيهم بعض الناس وفي نظرهم مهم جدا في البنت شكلها حتى وقت بيخطبون يدورون عالشكل بعدين يشوفون الأخلاق شكرا لك خاله green |
مرة وحدة قالت كذا عن ولدي ، حسيته من القهر
لإن ولدها استغفر الله مو حلو ، بس راعيت مشاعرها و ماعمري قلت و يوم أخدت ولدي للجامعة تجمعوا علييييييه الأجنبيات و يقولوا ( كيوت و حلو ) و ولدها ماحد طالع فيه ، دمه تقيل جاتني البيت تقول ، مادري على ايش تجمعوا عليه البنات في الجامعة ؟؟؟؟ ولدك مررررررررررررررررة مافيه ذرة جمال ؟ و ولدك يالطيف مرررررة مو حلو ؟؟؟؟؟؟؟ و طنشتها و كررتها تاني مرة يوم قابلتها ، قلت لها : ( حراااااام عليك ، القمر هذا تقولي عنه كذا ؟؟؟؟ كل الناس تقول عنه حلو ، يكفي ياشيخة يكون قمر في عين أمه ) وقتها سكتتتتت و ماعاد تكلمت مرة تانية مو بس كذا ، يوم قابلتني بعد كم شهر ، شافت ولدي و قالت : ( تصدقي ؟؟؟؟ دحين صار ولدك حلو ، و لا قبل مرررررة كان مادري كيف ، لا لا .. دحين من جد صار قمر ) المهم ، إنها ماصارت تقول جملتها يوم شافتني أدافع عن ولدي :) فإنت اعملي كذا ، دلعي بنتك و ردي عليهم بأسلوب حلو و يحرجهم و لا تسمعي لهم |
.. عادي ينقال لك مثل هالكلام , واستعدي انك تسمعيه كثير ..
.. بنت عمي عندها بس بنت وحده وصبيين , وبنتها ما تشبهها ابدا , غيييييييييير , وتعاني من مشكلتك , وبنتها عمرها الحين 12 سنه , وكل من يشوفهم مع بعض يقول لها مثل الكلام الا انتي تسمعيه , وهي تضايق مررررره , وتقول يحسسوني انه بنتي قبيحه , وهي تشوف بنتها حلوة , وبالفعل بنت عاديه جدا , بنت عمي بيضاء البشره وعيونها وكل رسومها حلوة , ماشاء الله , وبنتها عكسها تماما .. .. بس انا قلت لها , بنتك في سن نمو , وداخله على سن المراهقه , وطبيعي البنت بهذا السن , يتغير شكلها , وتصير في فتره معينه وقبل البلوغ موو حلوة مررره , بسبب الهرمونات , وبسبب البلوغ , والنمو , بس كلها فتره , وتشوفيها صارت قمووره وحلوة , وتطمن قلبها شوي .. .. انتي بعد لا تقلقي وتحاتين , بنتك حلوة وقموره , وشوي شوي راح تحلا اكثر واكثر , ودائما ناديها ( جميلتي ) ( قمورتي ) ولا تسمحي الى احد يهز ثقتها بنفسها ,, ودائما لبسيها ملابس تناسب لونها , وزيني شعرها بفونكه نعومه , وملابس نعومه , وشوفيها كيف راح تصير كانها قطعه كيكه .. .. واغرسي فيها احسن الصفات والاخلاق ,, وكلها كم سنه وطابور الخطاب يطلبون ودها .. .. الله يخليها لك , وتشوفيها احلى البنات , واجمل العرايس .. |
أختي الفاضلة colors
عادي جدا الناس عموما لما يشوفوا البنات يبدأوا يشبهوا مين تشبه ومين ماتشبه وطبعا مابقدروا إنو هالطفل اللي عم تحكوا عنه بيسمع وبيفهم اللي عم ينقال أنا لما أحد بيحكي عن بنتي سحاب إنو ماشاء الله ماأحلاها ومن هالكلام عاد أنا على طول بقول بس عمر أحلى ماهيك وبغمز بعيني للشخص اللي عم يتكلم فبيفهم علي ويبدأ المدح بعمر المهم إنتي ماتسمحي مجال لحدا إنو يحكي هالكلام قدامها أو إذا كان عندها أخوات أحلى منها يبدأوا يقارنوا وإنتي خليكي على طول عم تزرعي في نفسها إنت أميرتي إنت حلوتي ولا تهتمي بكلام الناس لأنو حتى لو جبتي بنت حلوة رح يسألوك مين فين جايبة هالحلاوة :d إرضاء الناس غاية لاتدرك دمتي في حفظ الرحمن تحياتي |
اووووووووووووووووووووووووووووووووففففف من هذولا الناس
اللي يقول كلمة و لا نص كلمة قول له البس نظارة :) حبيتي مثل ما ذكروا الي قبلي .. الناس مايهمها الا التعليثق بغض النظر عن مشاعر الام او الطفل .. اذا حد قال ما تشبهك .. او هي شكل و انتي شكل .. على طول قولي طبعا بنوتي احلى مني هذا القمر كله ... الله يحمي بنوتك و يحفظها |
عندي وعندك خير ..
انا وصلت يقولوا لي شكلك متوحمة على الفلبينيات بالمستشفى :) طبعاً طناااش والحمد لله انا عاجبتني وادعي ربي ان بنتي الثانية تكون طبق الأصل ..كل الطعومة والنعومة فيها <<من يمدح العروس .....؟؟؟:d |
والله حبيبتي اللي يقلك كدا سوي معاه نفس الحركة
انا خالتي من يوم ما ولدت الين دحين وعمر ولدي سار سنة ونص ما تشوفه الا تقلي وحش وشبه اهل ابوه مع انو اهل ابوه مو وحشين عاديين بس سمر شوية وانا بيضا وولدي طلع نص نص لونه مرة فاتح مو ابيض ولا اسمر يعني ماخد مني اشياء وماخد من ابوه اشياء يعني مو مزعل احد وبالعكس كل من شافه قلي زي القمر ويشبهلك وحتى اهل جوزي مبسوطين انو طالعلنا بس خالتي دي مستقصدتني .. مادري على ايش مع انو بزورتها كلهم مو حلوين عاديين ( ما ابى اقول وحشين لانو هادي خلقة ربنا ) وعندها بنتين وحدة منهم سمرة ومو حلوة بالعربي وهيا ما شالله عليها خالتي زي القمر وبيضا لكن ولا احد منهم طلعلها بس لا تحسبيني سكتلها : بناتها دحين وحدة خلفت والتانية على وشك خليت ماما تستلمها نفس الحركة اللي سوتها معايا (بما انوا هيا اللي اتفلسفت خليت اختها تردلها هيا ) ولسة بنتها السمرا ماولدت مع انو جوزها ابيض بس مو حلو هيا حسيتها ماخدة موقف من اهل جوزي تقوم تقول كدا عموما في مثل يقول القرد فعين امه غزال واي احد يقلك وحشة بعد كدا لا تسكتيله .. يا انك تردي عليه بادب وتسكتيه ، وازا ما نفع اقلبي عالوش التاني صدقيني انا مجربة دا الشي ، بعض الناس ما ينفع معاهم الادب |
اقتباس:
بعض الناس يتكلمون وكأنهم ولا عيالهم في جمال يوسف عليه السلام والحمد لله أحاول ما أسمع لهم بس يسببون للواحد قلق أنا خايفه على بنتي لا تتعقد وتكبر وتبدأ تفقد ثقتها بنفسها أنا نفسي كانو يعلقون على شيء فيني وأنا صغيره لحد الحين متعقده منه المشكلة كيف أرد عليهم باسلوب مؤدب ويفشلهم بنفس الوقت شكرا على مرورك ومشاركتي بموقفك والله يحفظ لك ولدك |
اقتباس:
هذا وبنتي لسه صغنطوطه ما دخلت المدرسة حتى أجل لو صارت في سن بلوغ بتشين شوي حال كل البنات ذيك الفترة وربما تزيد التعليقات والحمد لله دائما أناديها بحلوتي وعسلي وأحاول أهتم بلبسها وأرتبها مشكوره على الرد ومشاركتك لي بحالة بنت بنت عمك |
اقتباس:
وخصوصا بين الاخوان المشكلة الناس ما تهتم ولا تفكر بعواقب الشيء هم في عمرهم سبحان الله ما يعيرون الشكل اهتمام ما غير همهم لعبهم واطلاقهم ومبسوطين لكن كثرة الكلام اللي على غير سنع الله يستر من عواقبه والله يعيني كيف ممكن أخلي شخص يبدأ يتكلم كيف يغير الموضوع شاكرة لك والله يحفظ لك سحاب وعمر ويقر عينك بهما |
اقتباس:
إنها أبدا ما تشبهكم ردت عليها وحده على طول لا تكسرين بخاطرها تقصدني وان بنتي ماعليها رجعت قال اي ما يخالف بس هم حلوين تقصدنا يعني ما سكتت وأنا ماعرفت ايش أقول الصراحة الثانية منقهرة عليها وأنا من ذكائي قلت للثانية عادي متعودة دايما يقولون إني أحلى من بنتي هو لمن الوحده تكبر عادي يعني إحنا مثلا لين كبرنا وكانت أمي تحضر في المدرسة لنا كانو يقولون أمكم أحلى منكم وهذه حقيقه ماشاء الله عليها بس إحنا كبار وعادي ولحد الحين كلما يصير موقف ولا شيء نقول لأمنا ما أخذنا كثير من حلاك تضحك وتقول خلاص كبرت بس بنتي الصغيره ماودي تتعقد ولسه ماعرفت كيف ممكن أرد بطريقة لائقة وتسكتهم نفس الوقت شكرا عزيزتي على اهتمامك |
اصلا الناس ماعندهم غير الهرج الفاضي والقيل والقال انا دايما يقولوا عنى شبه عمتى وانا وعماتى مانتفق:(
دحين الكل صاروا يقولوا شبه ماما الحمدلله ماحد قد حطمنى:d بالعكس:22: |
اختي لا تلقي لهم بالا ابدا..
فريبتي قالت لي ذات يوم، اريد ان اصور ابنتك كي اقارن بينها وبين حفيدتي، وارى من اجمل!!!!!!!! قلت لها ولم المقارنه؟؟!!!!! كل شخص اولاده له ويراهم اجمل الناس.. اختي مثل ابنتك، كان الناس دوما يقولون لامي انك اجمل منها بكثير، هي تشبه عماتها، الا انها والحمد لله لم تتأثر لان امي دائما كانت تزرع في نفسها الثقة وتقول لها ( لما تكبري رح تحلوي، الصبايا بسيرو حلوين). والحمد لله نفسيتها تمام.. المهم ان تشجعيها وتعززي ثقتها بنفسها.. |
اقتباس:
لا وتبدأ المقارنات على طول بس تطلعين من المستشفى الناس ميتين بيشوفون البيبي اللي جبتي عشان كل واحد يدلي بدلوه ليتهم يسكتون إذا ماعندهم شي زين يقولونه لو أحد سألهم بصيغة مين أحلى أنا ولا البيبي ممكن يجاوبون اللي بخاطرهم بس تقولين شبه مين تروح تقول اي فيها شوي يبان بنتك بس انتي أحلى ! والله يحفظ لك بنتك ويقر عينك بها ويرزقك لها أخت طعومه ونعمومه زيها |
اقتباس:
بس أحس صعبه علي أعاملهم بنفس الطريقة يعني أقولهم من زين عيالكم مو حلوه وفعلا هذا الكلام كثير يصير إذا صار الزوج مو من نفس العائلة ما يصدقون يطلع شبه منهم عشان يبدون - مو زينا - وطالعه عليهم - وخرب الجين عندنا وتحسن النسل عندهم حتى لو الكلام كان فعلا صحيح لكن خلاص الواحد ايش بيسوي ربي ما كتب لها قسمة جمال أكثر ولا بنقدر نغير شيء الحمد لله على الصحة والعافية أشكر لك مداخلتك |
اقتباس:
ولو تجي على التشبيه بس تنبلع بس يتبعوها انها مو حلوه كثير ولا إنها مو طالعه لكم انتو ماشاء الله عليكم شكرا لك عزيزتي على مداخلتك |
اقتباس:
وبالنسبة لتعزيز الثقة من هذا الجانب الحمد لله الأمور ماشية على خير وإن شاء الله ما أقصر شكرا لمداخلتك |
ابني ذاك اليوم يقول لي انه واحد شاف اخته قاله
شوف هذه بشعه قال له هذه اختي ،،،،،، طالع وجهك بلمرايه يقول سكت هيه حلوه بس كانت صاحيه من النوم و مو طايقه نفسها و حالها منعسف يا ويله الي يقول اطفالي مو حلوين ،،،،،،،،،،،،،، اكله باسناني لا تسكتين ولا تخلين احد يعمل فيكي هلشي حتى لو انت شايفه انه اولادك فيهم كل العبر اولادك ،،،،،،،،،،، رقم واحد في حياتك و ما تبديهم على احد |
اختي العزيزه ردي عليهم وقولي لهم انتي في صغرك كنتي تشبهينها تماما ولما كبرتي تغيرتي وحلويتي او قولي لم بنتك في نضرك اجمل بنت في العالم ودائما اذكري امام بنتك بان جمال البنت هو ليس جمال الوجه وانما جمال الاخلاق هو الاحلى كي لا تتاثر من كلامهم
|
كلا عنده عقدة الجمال ..يا ربي مدري احنا خالقين عيالنا بايدنا ولا شو ؟
استغفر الله عزيزتي وقع ها الكلام لما يكون على بنت غير عن الولد البنت راح تحس بالنقص وتقل ثقتها بنفسها انتي الحين عليج انج ما تعطي الجمال في نظرها الشي الكبير ..خليه شي عادي ولا تجيبين طاريه حتى لو كبرت ..وعليج انج تمتدحيها في صفات أخرى وليس الجمال فقط لأننا لو تربينا على هذا حلو وهذا مو حلو ماراح نقدم ولا نأخر في حياتنا شي وراح نكون منعزلين عن العالم واذا على الناس طنشيهم وراح ينسون |
لا تاخدي بخاطرك حبيبتي انا متلك بينقال عابنتي مو حلوة بس ما اعرف ليش لما قلهن انها شبه ابوها بيزعلوا كتيرر هي ما تشبهني بس والله حلوة اهم اشئ ما تتاثري.
|
كما قالت الغربة مرة ... يا ويله اللي ينتقد شكل عيالي :29:
عاد هذا اللي ناقص! والله تعليقات تقهر وترفع الضغط .... وكأننا نتحكم في اختيار أشكالنا!!!! أما ابنتكِ الله يحفظها فأنتِ من ستزرعين فيها الثقة في النفس .. فاحرصي على ذلك. |
صح كلام يقهر حاسه فيك نفس الكلام يوجهونه لي لمايشوفوا بنتي مع أنها نعوووووومه وتجنن
بس أنا أرد عليهم وأقول غريبه والله أشوفها ملكة جمال ماأسوى جمبها شي وفعلا يسكتون وماعاد يتكلموا بشئ |
أهلين كلرز ..
الله يحفظ بنتك ويرزقك برها .. بالنسبة إن ابنتك تتعقد مما يحدث هذا وارد ( إذا كان الفارق الجمالي كبير + إذا لم تجد الكلام والاهتمام ولتوجيه المطلوب منك ) وهذا ما حدث معي أنا وأختي حيث أننا في صغرنا كنت أجمل منها وكانت التعليقات تأتي من هناك وهناك وصادف ذلك (حساسيتها الشديدة + إغفال أمي الله يهديها ويحفظها للوضع الذي تمر فيه أختي ) مما سبب ذلك رواسب نفسية إلى يومك هذا تعاني منها أختي مع أنها الآن كل المدح والزين لها وأنا الي طاح كرتي :d موقف : إحدى زميلاتي (جميلة بحق ) - ما شاء الله اللهم بارك - وإبنتها أقل منها بكثير لدرجة أن جمالها أقل من المتوسط ( سبحان الله ) !! وشخصية زميلتي( قوية جدا ) حيث أني في أحد المرات رأيت ابنتها فقلت لها ماشاء الله ابنتك ( حلّوت ) قالت هي أصلا حلوة !!!!!!!!!!!!!!!! مع إن موقفي في نظري أنه عادي لكن هي ترى أنه في إشارة مبطنة (أن بنتك لم تكن حلوة) فأرادت أن تقطع الموضوع حتى لا أعيد أن أتكلم في جمال ابنتها لا من قريب ولا بعيد! وأرى أنها بطريقتها هذي تلقم من حولها حجرا !!! >>> وهذا المطلوب .. هناك أمور في حياتنا ما يبغا لها أسلوب لازم تجي بالقوة عشان تتعدل من ضمنها التعليقات الي تجيك يعني لازم تكون ردودك قوية شوي ولا تستحين بعد كذا بيهابونك لا وأزيدك من الشعر بيت بيشوفون بنتك حلوة !! أتمنى إن ثرثرتي أفادتك .. |
اقتباس:
الله يحفظهم لك بصراحة هي وجهة نظرهم وما أقدر أصادرها عليهم لكن ما ودي يجون ويقولون لي عنها أمام ابنتي خصوصا يحتفظون فيها لأنفسهم وإن شاء الله تجيني الجرأة أسكتهم لكن مشكلتي في نفس اللحظة ما يطلع الرد المناسب شكرا لمداخلتك |
اقتباس:
وإذا كبرت شوي بيزيد إن شاء الله فهمها أنه الدين والأخلاق والسلوك هي أساس الحكم على الناس وشكلي بجرب لو حصل موقف أقولهم إن بنتي أجمل وحده في العالم لكن بيقولون معلوم أمها وبتشوف عيالها أحلى شيء |
اقتباس:
أنا ما ودي تصير عندها عقدة جمال لأنه مو مقياس إحنا كبرنا ومعانا عقد على الشكل ماودي تصير عندها هذه الحساسية صحيح تقيمنا للناس ماله علاقه بالشكل اللي هو خلقة ربنا لكن وقت نوقف قدام المرايا تعالي شوفي والأشياء اللي نتعقد منها في الصغر حتى لو جاء شخص يقول إنها حلوه نحسه ينصب علينا أشكر لك مداخلتك |
اقتباس:
مآخذه منك صحيح لكن الملامح اللي خذتها من ابوها خربت عليها ومن هذا الكلام مع انه سبحان الله مهما كان الشخص جميل وأخلاقه تعبانه بتأثر على شكله والعكس صحيح شكرا لك |
اقتباس:
جبتيها يا بنت الحلال وكأننا نتحكم في اختيار أشكالنا لكن ما الحل مع الناس اللي ما تحتفظ برأيها لنفسها والحمد لله أحاول إني ما أخلى ثقتها تهتز من هذه الناحية لكن كثرة التعليقات أخاف تأثر بشكل أو آخر وأقصد الفتره هذه قبل لا تدخل الروضة والمدرسة لإني أتوقع بتقل التعليقات مع الأيام حيث انهم بيتعودون عليها شكرا لمداخلتك |
عزيزتي..
أحياناً بعض الناس يحتاجون توجيهاً مباشراً حتى لا يستمروا على بعض أفعالهم أو أقوالهم التي لا تعجبنا. ولا أقول إنهم يتعمدون إبذاءنا بالضرورة .. فبعض الناس يكونون بالفعل على نياتهم ويلقون الكلام دون تفكير في أبعاده وتأثيراته ... ولكن حتى هؤلاء يحتاجون لوقفة جادة. مثلاً .. ومع الفارق طبعاً .. عندما حملت في ابنتي مهرة .. قلت للجميع ومنذ شهور الحمل الأولى أنني لا أريد أية تعليقات تُشعر سلطان بأن مكانته في البيت قد تراجعت أو أنهم سيحبون النونو أكثر منه. حقيقةً كنت قلقة جداً على نفسيته خاصةً أنني أسمع الكثير عن الغيرة التي تتولد لدى الطفل عندما يولد نونو جديد .. ولم أكن أرغب في أن يمر سلطان بمثل هذه المواقف والمشاعر السلبية .. لذلك كنت واضحة ومباشرة وطلبت من الجميع أن يكونوا حريصين على نفسية ابني حتى لا يتسببوا من حيث لا يدرون في كراهيته لأخته. طبعاً كان هناك من (يستهبل) ولكنني لم أكن أفوت موقفاً واحداً يوحي بمثل هذا الأمر أمام سلطان .. ومباشرةً آخذه في حضني وأقبله وأقول له كلاماً يدعم ثقته في نفسه ولا يجعله يشعر أن مكانته تراجعت. لذلك ربما يكون من هم حولكِ بحاجة لمثل هذا التوضيح المباشر حتى ينتبهوا لتأثير ما يقولونه ويتوفقوا. |
اقتباس:
ناس ماتراعي مشاعر الطفل ولا الأم اللي تعبت عليه بس يشوفوها يقولون عنها كذا وكذاك شكرا لك |
اقتباس:
وحتى لو جاء من ينفي الشيء ما بتصدق وهذا اللي صاير مع اختك ومعاي في بعض الأشياء تبقى داخل نفوسنا بشكل أو آخر عشان كذا الأمر مقلقني على الأقل تكبر وتقوى شخصيتها ويصير لها كيان وقدرة على الدفاع عن نفسها وقتها ربما ما بتتأثر بكلام الآخرين لأنها كبرت بقناعة معينة عن نفسها وما بيغيرونها الناس بكلمتين وما شاء الله على صديقتك ما أعطت مجال من البداية لكن عني يمكن خوافه شوي في المواجهات فأستصعب أرد على وحده بعمر أمي جايه لزيارتنا ولا أرد على عمتي وزوجة عمي ومن في مقامهم لو البنات اللي في عمرنا ممكن يمشي الحال لكن بحاول عالأقل مثل ماقالوا بعض الأخوات إني أدافع عنها خصوصا إذا صارت بنتي موجودة أشكر لك مداخلتك وبالتأكيد أفادتني |
اقتباس:
وأتمنى أن تأتيني الشجاعة في أن أتخذ موقفا ايجابيا بتوضيح الأمر إذا تكرر التعليق تنقصني شجاعة المرة الأولى وأظن بعدها سيسهل الموضوع وربما لن يتكرر لكن كما ذكرت في أحد الردود السابقة أنهم قد يكونون ممن يكبروني سنا أو في مقام قد لا يتقبلون النقد كعمتي مثلا فهي بعمر والدي بل تكبره وحساسه جدا وأظن أنها تذكر الأمر بحسن نية حتى إنها لو رأت في بعض الأحيان طبعا معينا لا يعجبها في ابنتي تربطه بأهل والدها ! لكني أضطر للسكوت بالرغم أن الكلام يزعجني شاكرة لك اهتمامك غاليتي وفقك الله وحفظ لك أبنائك |
أنا مدري ليش تحطون قيمـه لـكلام النـاس ..!! طـنشـي و أفـتخري فـ بنــتك كيف مايـكون شكلهــا يـكفي إنـها منــك و فيــك الله يخليـها لك و إن شاء الله تشوفيـنها أحلى عروس بالدنيـا (: |
الله يحيك اختي
إحنا حتى لو ما حطينا قيمه لكلام الناس بس بنت بعمر 4 سنوات يمكن تتأثر وهي سبق وتأثرت بمقارنتها ببنت عمها رغما عني واستحي أقول شيء وزوجي ما يتدخل لو ما سوت شيء معين تقول جدنها شوفي فلانه كيف مسويه شعرها شوفيها لابسه جزمتها هذا الاسلوب أعتقد يهز الشخصية غير انه يعلم الطفل يطالع ايش عند غيره لكني أحاول ما تصير عندها مشكلة من ناحية الشكل وطلبت نصائحكم وخبراتكم شكرا لك عزيزتي وجزاك الله خير على كلامك الطيب |
| الساعة الآن 11:24 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©