|
زوووجتـي أحبهــا.....ولكن
السلام عليكم ورحمة الله وبركــاته :
هذي اول مشــاركه لي وعندي أستفســار ومشكـــله بســـيطه أبي حــل لهــــــــــا؟ أنا متزوج لي سنه ونصف والله رزقنا بولد الله يخليه لنا ولله الحمد وضعنا تمام وبدون مشاكل باستثناء بعض الامور البسيطه , انا وضعي المالي متوسط ولله الحمد وعارف اني مقصر معـــاها ببعض الامــــور مثل السفر وتغيير الجو شوي بس هذا كله بسبب الحاله الماديه ؟؟ المهم احنا من اول زواجنا كنا متفاهمين كثير وهي ماقصرت معاي ولا مع بيتها . بعد الله مارزقنا بالنونو بدت تتغير معاي وكثير تهملني بصراحه بعض الاحبان أحس بغيره من ولدي الله يخليه لنا من كثر اهتمامها فيه,, ماأحس العلاقه الجنسيه معاها زي اول دايم مشوش تفكيرها , وأكثر شي معقدني نظــافة البيــت مـــره مهمـــلته أواني المطبخ تاخذ يوميــن ع ما تغسلهن البيت كله مهملته . واذا كلمتها وانتقدتها زعلت بقوه وجيب أعذار واهيه تقول كل الناس عندها خدامات الا أنا وانت ماتجيب لي هديه وانت ماتسفرني ووووو.... وبعض الاحيان تزعل من نفسها وتقفل الباب ع نفسها , المشكله بعض كلامها صح بس انتم عارفي وضع الزوج المادي باول سنتين خاصه,,,, أنا أبي اذا انتقدتها تعترف بالغلط مو تكابر وتصارخ وتزعل أنا عندي أهم شي النضافه وخاصه المطبخ والله ماأخفيكم من كثر ماكلمتها تعبت نفسيا واحس اني مليت؟؟؟؟؟ أنــا بعض الاحيان أحاول أطنش أشوف المطبخ عشان ما أنقهر واتكلم... هي تقول بيتي ونا حره بنضافته بالله وشرايكم أأسمع كلامها واطنش ولا كـــيف أنا مشكلتي الوحيده اني اذا اي شي مو زيــن بالبيت أتكلم واتدخل وهي ماتتحمل وتزعل ما قول الا الله يخليــها لنــــــــا ......... أأأبـــــــــي ردووووووووودكــم لا هـــنتـــم |
طيب انت تساعدها شوي بأعمال البيت والا الطفل؟
وطفلك أكيد مامشى لأن الاطفال جدا متعبين لحد مايمشون راح ترجع أحسن من أول إن شاء الله بس بتشجيعك وتعاونك وتغاضيك عن بعض الأشياء وأكيد هي متضايقة أكثر منك بس مثل المشتتة بين طفلها وبينك والمطبخ والبيت وإذا هي تداوم فالله يعينها يبي لها تعاون ووقت وتتوازن بحياتها بإذن الله بس تفهم وضعها ولاتكون هالفترة سبب بعد بينكم |
قل لها معليش باخذ مسيار بهالسنتين لين تصلحين امورك طبعا مو صدق
وبتلقاها شوي شوي وترتب نفسها دامك مو قادر على الخدامه |
المفروض أنها تراعي وضعك المادي..
وأنت المفروض تراعي شعورها وظغطها .. عارف أنت بالليل تحط راسك وتنااااااام ولا عليك من أحد.. بينما هي تقوم بالليل عشرين ألف مرة عشان النونو.. 24 ساعة مقابلة ولدها توكله وتشربه.. وتغير له ويصيح وتسكته.. جرب يوم واحد تمسك مسؤولية ولدك من إلى وشوف نفسيتك شلون راح تتعكر.. أنا ما أبرر لها لكن هذا الواقعة .. لكن ممكن تجيبون خدامة بالساعات مرتين أو مرة بالأسبوع تصير تخفف عليها شوي.. وترجع إن شاء الله لطبيعتها.. |
يا اخي لاتلومها الطفل لحاله مشكله خاصه اذا ما بدا يمشي والمطبخ والله لوهي تقعد فيه اربع وعشرين ساعه ماراح يخلص ولاتنسى ان فيه غسيل وطبخ وغيره كل هذا عليها اكيد اذا هي مقصره في شي اكيد في اشيا ثانيه هي مو مقصره فيها واذا هي مو ظفه هذي قصه ثانيه بس انت حاول انك تساعدها وتتفاهم معها وتشوف اذا في شي مضايقها يمكن تتوصلون لحل حاول تجلس معها وتفهمها بعد طبعا ماتروق هي والله يخليكم لبعضكم
|
بما انك مقتنع ان مشكلتك بسيطة فهي بسيطة باذن الله,
بالنسبة لوضعك المادي دائما الرجل بعد أول سنتين زواج تكون أوضاعه المادية شوي ملخبطة,وهذا على حسب القرض أو السلفة اللي أخذته قبل الزواج,ولازم توضح لزوجتك بطريقة هادئة انها لازم تصبر وتساعدك بصبرها وتأجل موضوع السفر اذا كان مكلف, وأنت حاول تعوضها بتغيير الجو مثل كشتة من الصبح في البر أو تعزمها في مطعم على غدا أو عشا. أما من ناحية التغيير اللي من زوجتك بعد(النونو)الله يخليه لكم فالتمس لها العذر ولازم تتنازل أنت عن بعض ماكانت تقدمه لك قبل حضور(النونو), لأن يبي له رعاية ومتابعة ولاتنسى بأنه أول طفل. يعني لابد مايغير مجرى حياتكم في أمور كثيرة الى حد ماتتعود وتبدأ هي(زوحتك)في التوفيق بين متطلباتك ومتطلبات ابنك, أما من ناحية نظافة المنزل بشكل عام والمطبخ بشكل خاص فأظن لابد تبين لها مدى أهمية النظافة, وقول لها تخيلي يجون أهلي أو أهلك أو ضيوف فجأة, كيف يشوفون البيت بالشكل هذا,ودائما النقاش الهادئ وفي وقت مناسب له دور ايجابي باذن الله.. الله ييسر لك أمورك.. |
تحملها أخوي وناقشها فمشكلتك وحاول تطلعوا مع بعض ، تتمشوا ، وأكيد بترتاح وبتتغير ، وحاول تساعد فشغل البيت إذا كنت فاضي تراه ما عيب والله .
|
[COLOR="Purple"]يااخوي ...
معك حق تتضايق لكن انت يبيلك تتحملها حبتين لكن اختر وقت مناسب للنقاش معها فيه ساعد زوجتك وشيل الطفل عنها مثلا انت تشيله عنها وهي تشتغل انت ناقشها وهي هاديه ونفسيتها مرتاحه يعني قؤل لها يالغاليه انتي تزعلين اذا نبهتك علئ نظافة البيت لكن انا ابساعدك اشيل الولد عنك وانتي قومي كلنحله بلبيت وشتغلي او نامي ساعه وانا اخذه عنك ابي البيت مثل اول وابيك انتي مثل اول...... ومن ناحية العلاقه الخاصه فااكيد سبب تقصيرها هو الطفل لانها تسهر معه ومرهقه معه لكن الحل تنظم وقت نوم الطفل ..[/COLOR] |
هي مو متوضفه وانا ما أقصر بعض الاحيان اذا حسيت ما فيه امل اقوم أغسل وانضف والولد دايم يكون معاي والعب معاه وهي اما ع tv او ع النت ونا تعبت تعبت كل ماكلمتها سوت قصه طويله عريضه
ومستحيل اجيب خدامه البيت ياعالم مافيه شغل ابد حرام اجيب خدامه ع شان تنام بس ............... ولي رجعـــــــــــــــه |
إذا كذا
مافيه الا تجلسون بهداوة وتصارحها وتقولها اللي قلت لنا فهمها ان النت والتي في رفاهية ولوقت الفراغ بس وعلشان البيبي يكون ببيئة صحية لازم تهتم بنظافة البيت وأنك لو بيدك جبت بدال الخدامة ثنتين ودرتوا الكرة الارضية كلها بس علشان الظروف المادية اللي تمر فيها هي بس لو تحس انك حاس باللي مضيق صدرها وانها دنيتك والله يخليها لكم بتبيع الدنيا علشانك بس صارحها باللي بقلبك وإذا الطفل أقل من 4 شهور ممكن تعاني من اكتئاب مابعد الولادة فهي مالها نفس تشتغل |
حاول تعرف ايش الي غيرها بغض النظر عن الماديات ربما انت الي تغيرت ولم تحس بنفسك
لا تصير حساس من ناحية ولدك طنش انت بعد واظهر لها عدم رضاك من ناحية النظاقة لا غير لان النظافة من الايمان تطرا ظروف على الانسان مو معناه انه ماصار يحبك ولكن الانسان يتقلب من فترة للثانية حاول تاخذ زوجتك على مكان هادي او تغيرون جو وان اضطر انك تاخذ قرض بسيط وتسفرها ماهي مشكلة على الاقل تعرف انك سويت شى عشانها |
اخوي هونها وتهون
انا معك ان وضع الزوج المادي في هالفتره يكون مشتت لكن بقولك على طريقة صراحه انا اسويها اتركو الولد عند واحد من اهلكم وخله يوم كامل ما اتوقع ان البيت ياخذ اكثر من 3 ساعات تنظيف وربي يسخكرم لبعض |
مالحل الا انك تتفاهم معها .....
بوقت الكل منكم راااااايق قؤل لها ليش اذا قلت لك ولا صارحتك زعلتي ؟؟بتقؤل انا ! قؤل ايه انتي اذا قلت رتبي البيت او شيء قلتي لا ..................الخ انتي حبيبتي وودي ترجعين مثل قبل تسمعين لي واسمع لك واجيءء والبيت نظيف مو ؤسخ وضغط بلدوام واذا فاتحت مشاكل... انا ماابي منك شيء الا انك تشدين حيلك اكثر وترتبين البيت وانا اشيل الولد بفترة تنظيفك للبيت انت مالك الا انك تصارحها بأسلؤبحلو يتقبله قلبها ! مو رسمي وكانه تجريح انك كذا وكذا ! بكذا تعصب وتعاند ..... واذا زعلت وصارخت قؤل كل الناس عندهم اطفال ويسهرون وبيوتهم تفتح النفس ......مو انتي !قاعده علئ التلفزيون وقاعده علئ النت وتاركه البيت كذا المفروض هلفتره ترتيب وفتره لراحتك ......مو كذا كانها شقة عزوبي..وانا يؤم انا عزوبي الشقه موكذا! ياتتعدلين وتهتمين يااشؤف حل اخر معك ... وبتسئلك طنشها خلك غامض وهي بتقؤم وترتب ..... خلك حازم وشاد وهي بتتعدل يابرضاها او بلاسلؤب القؤي ..... هي عجبها تساهلك معها بهلامر نصحتها زعلت فانت توقفت ومعد قلت!علبالها انك عذرتها بعد زعلها وكلامها ! |
انت تقول انها في الاول كانت تهتم ببيتها وما تقصر بس تغيرت بعد ما جاء البيبي الله يحفظه يمكن اخي زوجتك عندها اكتئاب ما بعد الولادة لانه عادة يحصل في الستة اشهر الاولى بعد الولادة لذلك صارت تركز على مشاكلكم المادية مع انها كانت في الاول متفهمة الوضع لان الانسان لما يجيه اكتئاب يصير ما يشوف الا الجانب الاسود في حياته ويصير حساس جدا ويزعل من اقل كلمة او ابسط نقاش كما ان الاكتئاب يأثر على العلاقة الجنسية انا رأيي تحاول تتفهمها وتحتويها وتناقشها بهدوء واسألها انتي زعلانه فيه شيئ مزعلك ؟؟ وخليها تفتحلك قلبها يمكن تكون بحاجة لمساعدتك وربنا يصلح حالكم ويوفقكم |
شوي شوي وراح ترجع الأمور مثل أول وأحسن
الطفل لما يأتي تتوتر العلاقة الزوجية ما تصير مثل أول مسؤولية وسهر وحفاظات وحليب وغيره علشان ها السبب كثير من الأزواج يأجلون الحمل لمدة سنة او سنتين المهم ما قلت لنا كم عمر ولدك الله يحفظه ؟ وأنا متأكدة بالهدوء والتفاهم راح ينحل كل شي |
[COLOR="Magenta"]تبي الصراحه هي معذوره
الوحده تلحق اش ولا اش ترى يا اخوي الطفل يقلب كيان الام يبغاله عنايه خاصه والقيام بواجباته تحد الحيل سهر وارهاق ومشاكل متلتله انا حاسه فيها وهي عارفه تقصيرها وزعلانه من نفسها عشان كيذا لاكلمتها عالطول يضهر الزعل جيبلها شغاله باليوميه تساعدها ولا ساعدها انت واعذرها تستاهل ام عيالك] |
مرحبا اخي العزيز
يسعدني اكون اول شخص ارد عليه اولا حاول اذا جيت تنتقد زوجتك يكون كلامك معاها بالهداوة من دون ما يكون ملامح وجهك بارزة فيه علامات عدم الرضا لان هذي مشكلة في حد ذاتها بالنسبة للزوجه تحصل معاها حالة يأس من نفسها لانها عارفه انها مقصرة ولاحظت من كلامك انك تقول تزعل وتقفل الباب على نفسها فيها حالة تهرب وتتجنب المواجهة ثانيا حاول تفهمها انها تنظم وقتها بالبيت مثلا يكون كل شي ليه وقت محدد عشان لاتجي كل الترتيبات في وقت واحد وهذي النقطه تصير مع الاغلبية من الزوجات وتتجاهلها انتم لسه عددكم صغير ومو محتاجين لشغاله حاول تخليها ترتب الوضع بالبيت وانت تفهمها بالراحه ومافي مانع اذا ساعدتها اول مره وتخلصوا بسرعه ورح تحس بالفرق وان شاء الله تفهم قصدك والله يسعدكم |
الحمدلله ان مشكلتكم بسيطة
وهذي مع النصح والهداوة بتتغير ومسؤلية البيبي ومسؤلية البيت زادت عليها حاول تفهمها بالهداوة وانشالله انها بتتغير الله يسعدكم يارب ويهدي الي بينكم |
مشكله والله الله يفرجها من عنده
مالكم مني غير الدعوات الله يسعدكم |
الله يعطيكم العافيه وع تواصلكم
ولدي له 7 شهور والحمدلله ,, انا مو معاكم ان الولد آخذ كل وقتها , أنا داخل البيت وعارف كل شي ,زوجتي مو غريبه علي انا أحبها من زمــان واعرفها زين الزين .... أنا معاك يا زخة مطر , يمكن عشان الحمل كان بدري وهي صغيره أثر عليها ........... بس هي مره كسوله البيت مره مو عاجبني انا بعض الاحيان آخذ الولد وارضعه واقولها يالله نضفي تروح تزعل وطنش وطالعه عصبيــه........... اختي همس أنا سويت كل شي ومو متساهل معاها لو متساهل ماعرضت مشكلتي ,انا هددتها اني بقول لامها وهددتها اني بتزوج وطنشها ماكلمها واهجرها بعض الاحيان بس هي عارفه انها مقصره بس تكابر ولا تدري وش اتسوي وتجي بعدين وتراضيني ونا لازم أكبر راسي مستحيل اكبر السالفه أكثر من كذا لازم الواحد يمسك اعصابه بس ياخوفي ان الصبر ينفذ... هي يوم تكون نشيطه واسبوعين نفس الوضع مادري اش اسوي ,هي مشكلته الوحيــده انها ماتتحاور معاي اذا كلمته باي شي بالبيت تعصب ليه لانها عارفه انها مقصره؟؟؟؟؟؟؟؟؟؟؟؟؟؟؟ بس ما باليد حيله والله ماأخفيكم بعض الاحيان بعد ماتزعل وتصارخ علي ألعن حظي!!!!!!!!!!! بس بعد ماأتذكر ألي تسويه لي قبل وضحت بكل شي يوم كنت تعبان وهي حامل أرجع واهدي الموضوع شوي شوفو اذا جاء أحد من اهلي تلقين البيت أحلى شي ونضافه وعود .. بس أنا بعد أبي أرتاح وأضمن ان زوجتي قد المسوؤليه وبتربي اولادي أحسن تربيه بصراحه بعض الاحيان أحلى مابالدنيا هي وبعض الاحيان العكــــــــس.. أنا مقصر بحاجات بس البيـــــت ماله خص وله وضع ثــاني أألـــــــــف شكر ع مروركــــم العطـــر |
يااخوي انت حدد وقت تناقشها فيه
انها مثلا تحدد ساعه للتنظيف بلبيت يعني كلمها وخذ منها كلام انها تحاورك! ولازم اي زوجين يتناقشؤن ببئ اختلاف فيما بينهم ! ..... وماعليك تزعل ماادري ايش! انت اللي ازعل عليها هلمره .... قؤل انا الي معي حق ازعل مو انتي؟؟! البيت مو مثل اول...... اذا قلتلك زعلتي واذا سكت اهملتي.... تبين اساعدك ابساعدك ! لكن الوضع كذا مو مريح اي شخص انه يجلس ببيت كذا مهمل ومو مرتب ... نفسيا ماارتاح ّ! خل اسلؤبك حلو ويتخلله كلمة حببيبتي او يالغاليه ...يعني باسلؤب تتقبله هي ..... وصدقني بينفع ! واذا سكت ! فصدقني بيجيك لحظه وتكره حياتك من اهمالها ,,,,,, |
أقترح عليها انها تسوي جدول وتقسم وقتها مرره بيريحها واستخدم معها عبارات التشجيع والمدح كل ما أنجزت ونظفت شيء واتفق معها بتكون لها مكافأة كل نهاية اسبوع اذا التزمت بالجدول وأنت تقدر تقسم الهدايا مثلا الأسبوع الأول : ورده مع كرت وعبارة حب الأسبوع الثاني : علبة شكولاته الأسبوع الثالث : تطلعون للمطعم سواء غذاء او عشاء الأسبوع الرابع : تعطيها مبلغ لو 200 ريال مناسب وبكذا بتشجعها مرره وبعدين بتتعود على التنظيف بدون مكافاءت |
محلله نفسيه هلا فيك اختي كلامـــك عيــن الصواب هي تتهرب دوووم من مواجهتي ومن أول ما أتكلم بالموضوع تتضــايق .. , هــمـس مشكــوره ع ردودك والله يخليلك زوجك ,أنا بعض الاحيان اذا طلعنا بسياره نتمشى أو مطعــم وبتكلم بمشاكلنا ع طول تغير الموضوع وتزعل وتقول هذا مو وقته حنا بنبسط انت ليه تحاول تخرب علينا أنا عارف ان كلامها صح بس متى نقدر نتفـاهم ؟؟ همس انا بعض الاحيان ارفض اتغدى وازعل ماكلمها وتجي تترجاني وترفض تاكل لين انا آكــل ؟ وتروح تقول انا وحيده أنا متغربه وانت تزيد علي هي نفسيتها تعبانه مادري ليه ومتغيره عن أول واسلوبها اذا معصبه مو زوجتي اللي اعرفها , هي تحبني بس نفسيتها متغيره , أقول يمكن جانا حسد لان أول ماتزوجنا الكل يمدح فيها وماشالله عليها نشيطه وحيويه وحبوبه واسلوبها حلو مع الكل ..
ع قولتك انا خايف من الحاله تستمر ومااقدر اتحمل انا من الناس اللي ماقدر أطنش . أنا أقولها ارتاحي وغير جو عند اهلك واهلها بعيدين شوي تزعل بقوه وتقفل الباب وتقول انت بترتاح مني انت تطردني ماأدري ليه اي كلام اقوله تتحسس مني , بصراحه ولا تزعلـــون مني يالبنات أنا احس الرجال يمسكون غضبهم عند العصبيه اكثر منكم والمفروض العكس ,ع طول تبي اهلها؟؟؟؟؟؟؟؟؟؟؟؟؟؟؟؟؟ اختي هانديا كلامك حلو بس بشرووووط ؟صعبه ماراح تتقبلها هي مشكلتها تخلي الاغراض لين تتجمع تاخذ يومين بعدين تصحى بعد ماأعاتبها .. مشكورين ع ردودكم وع مروركم والله يحفضكم من كل شر |
حاول
وحاول وحاول اعرف اول سبب تغيرها من ناحية الاسلؤب ؟؟؟ اطلب وقت محدد للنقاش ؟؟؟ وهي الي تحدده وقؤل نسمع لبعض ونحل امور بعض اما التهرب وهلاشياء ماهي بصالحك ابد ..بتسكت وهي بتتمرد وتتساهل اكثر....وتنفجر وتخرب كل شيء.. واذا تهرب فحاول تعيد المووضوع ..بطريقه حلوه ... |
واضح من كلامك انك تحب زوجتك وهي تحبك بس فيه بعض الامور البسيطه اللي انت ذكرتها هي اللي مسببه هالفجوه اللي بينكم عالعموم انا عندي لك حل اتوقع انه بيريحكم اثنينكم وش رايك تاخذ لك اجازه اسبوع اتوقع انها كفايه وبتكلفك تقريبا حوالي من 4-5 الاف اذا دلعتوا نفسكم فيها وتروحون لاحد دول الخليج وتخليها مفاجاه لها ماتقولها عنها الا قبل السفر بيوم مثلا عشان يمديها تجهز اغراضكم وعيشوا فيها فترة شهر عسل جديد وشوف زوجتك انا متاكده انكم اثنينكم راح تنبسطون والافضل تخلون الصغير الله يخليه لكم عند اهلها او اهلك عشان تجددون فيها شوي وراح ترجعون وتدعون لي:)
|
مشكــوره همس وجزاك الله خير وان شاءالله اني بحاول
هواها شمــالي كلامك هو اللي أفكــر فيه هالحين بس المشكله عملي صعب اتركه بالوقت الحالي بس ان شاءالله تنحل وتتيسر قريـــب |
زوجنك تعاني من اكتئاب مابعد الولادة صدقني انا جاني وغيرنا كثيييييييييييييير نتغير بعد الطفل الاول خاصة اذا كانت الوحده مغتربة ووحيدة صدقني لاتزيد عليها همها ساعدها بالمدح وبدون منة وهي شوي شوي بترجع ونصيحة مني خليها ترقي نفسها يمكن فيها عين ويمكن اكتئاب وبالرقية بيروح واذا تقدر توديها عند طبيب نفسي يمكن يساعدكم
|
الله يعينك و يعينها .. بداية الحياة دائما فيها صعوبة .. زوجتك يبغالها تنظيم للوقت .. يعني بعد الغدا على طول ذكرها بأن تغسل الصحون حتى يسهل عليها تنظيم نفسها. وبعد شرب الشاي ذكرها بغسل الفناجين .. وهكذا . وممكن يدخل معها شوي من العقاب اذا مانفع معها الطيب .. يعني لو كانت تريد الخروج من المنزل فأخبرها بأسلوب لطيف .. أكيد حأجي من عملي و ألاقي البيت نظيف وبعدها نخرج . ولو مالقيتها منظفة .. فأمنعها من الخروج ذلك اليوم .. لعل هذا الأسلوب ينفع .. بس لا تشد عليها مرة .. لأن بيبي و بيت وغسيل ملابس و كوي .. حالة صعبة و الله. الليه يسهل أمركم . |
تحملها أخوي وناقشها فمشكلتك وحاول تطلعوا مع بعض ، تتمشوا ، وأكيد بترتاح وبتتغير ، وحاول تساعد فشغل البيت إذا كنت فاضي تراه ما عيب والله .
|
طيب القلب هلا فيــك كلامك كله صح ابحاول اسوي الي تقوليه
بس بعني الاكتئاب بعد الولاده يستمر كثيــر أوكيف؟؟؟؟؟؟ اختي loloy يعطيك العافيه سويت الي قلتيه بس هي ماتبيني اذكرها بشي وطنش انا مره كنا بروح السوق فجأه دخلت المطبخ ولقيته فوق بعضه ورفضت اوديها لين تغسلهم صح انها غسلتهم بعد ايه ؟؟؟؟؟؟؟ حفيدة الصحابه هلا فيك ومشكوره ع المرور |
أخوي إذا انتو متغربين يمكن يكون سبب
انا جربت الغربة قبل كدا والله هم وعمل وشغل ما ينتهي بس احتمال عصبية زوجتك مؤخراً ......... هي من السهر مع ولدها او ممكن تكون تاكل حبوب منع الحمل لانها تلعب بالنفسية والمزاج وكمان بعض الانواع سمعت انها تسبب خمول وتبلد فلو تغير نوع الحبوب لو كانت تاكل او خليك حازم بس بالمرة لا تهددها بشي انت ماراح تسويه الطفل وهو الطفل لو تهدده بحاجة ماراح تسويها ماراح يكون لك هيبة يعني تهددها انك تخبر امها كنها طفلة ماراح تصدقك او تهددها بالزواج وانتو بغربة وهي عارفة وضعك المادي ماراح تلقي لك بال لان عندك هموم تانيه يعني ممكن تزعل عليها او تهجرها او ماتاكل معها وتكون حازم مو ترضى لما تراضيك على طول قلها الوضع هذا مايمشي عندي انتي حبيبتي وعزيزة وغالية بس في امور اعتبرها أولويات في حياتي لابد اني زي ما اراعيكي واحبك انك انتي كمان تقدريني وتسوي حاجات تفرحني وحتى لو تتهرب من النقاش وتغير الكلام انت اثبت على موقفك وخليييييييك حااااااااااازم وكمل النقاش أو قفل كل النقاشات الثانية واختر الوقت المناسب مو في الفسحة اللي هي بالحسرة تطلعها معاك تقوم تنكد عالمخلوقة ! وعاملها زي طفلتك لو شفت فيه تحسن امدحها واشكرها المرأة يأثر فيها الكلام وكمان ممكن تكافئها انكو تسافروا تتمشوا راح اقول لك على شغلة زوجتك حياتها هي هي من اول زواجكم لا خرجات ولا سفرات ومتحملة الحالة المادية اللي انتو فيها وطول الوقت نفس العمل ونفس الترتيب هذا يخلي الفتور يتسرب فيها وكمان ما تحس انو في تغيير وتجديد وما أخذت نفس يا حرام من بداية الزواج نفس العمل ولا فيه اي فسحة زي العالم كمان الزوجة ليها طاقة والا مايجي وقت تنتهي الطاقة وتحتاج شحن وفي حالتها لازم شحن بالخرجات الحلوة والسفريات حاول تجمع فلوس من هنا ومن هنا واختار لكم مكان رخيص وفي نفس الوقت حلو عندك ماليزيا وعندك بعض الدول العربية لا تحاول تقنعنا ان زوجتك لازم تعمل عمل وانت مقصر من نواحي وتحسها مالها دخل لا والله ليها الأمور في الحياة الزوجية متشربكة ببعضها عند الزوجة بعكس الزوج اللي يقدر يفصل بين الامور ربي يحفظكم |
هي مدام حاسه بتقصيرها معاك
أكيييييييييد حاطه في بالها انك خلاص بسبب تقصيرها انت ماعاد تحبها وهالشعور سبب لها اكتأب وزعل من نفسها وعدم اهتمام وعشان كذا زعلت يوم طلبت منها تروح ترتاح عند اهلها لان طلبك هذا اثبت لها احساسها ياخــــــوي مدام ضروفك الان ما تسمح للسفره خلاص بسيطه فاجئها بليله رومنسيه بفندق خذلها غرفه او جناح واطلب من مدير الفندق ان يزبطها لكم بالشموع والورود والعلوم الزينه واجز ترته واكتب عليها اسمها واحبك مع هديه بسيطه وحلوه صدقني البنـــــــــــات يموتوووووون على الحركات هذي وبكذا تتاكد من حبك لها ونفسيتها تصير عال العال وحياتكم بتجدد والامور تزين والله حاسه فيها جـــــ وادعـــــــيلي ــــــــــــرب مراح تندم هذا هو الحل الفعال صدقني |
لازم تقدر ان الطفل لة متاعبة ولازم تعذرها بس هى لازم تحاول تنضف بيتها على قد ماتقدر بس بكل هدوء ولو مقدرتش يمكن فعلا مفيش وقت عندها بس لازم تقدر ظروفك لانها عارفة وضعك المادى والزوجة تمشى مع زوجها بكل ظروفة ماتزعل بس لازم تحس بمتاعب تربية الطفل وربنا يوفقكم
|
اقتباس:
فيه مقطع في اليوتيوب يأكد كلامي انسخ هذا العنوان في اليوتيوب مارك جونجر ( قصة عقلان ) عقل المرأة VS عقل الرجل وراح تتأكد ان المرأة الأمور في راسها مترابطة كثييييييير والرجال قادر يفصل هي لما ما تشتغل وتقول لك انو انتا ما تفسحها على فكرة ماكذبت لأنها تحتاج تجديد وطاقة عشان يتجدد العطاء وشي خارج عن اراداتها انها تكون لك زي ماتبغى في كل حاجة بينما انت ما تلبي لها كل طلباتها |
الله يفرج همك ..
أخوي أبدأ مع زوجتك صفحة جديدة ، وحاول تخليها تحبك أكثر وأكثر .. لأنها إذا صارت تحبك أكثر راح تنفذ كل اللي تبغاه . أنا والله مدري كيف حالتك مع زوجتك .. لأن بعطيك نصايح يكون تكون قد سويتها .. المهم : أجلس معها وصارحها وقول لها أنا أحبك يافلانه وأنتي إنسانه صالحة وطيبه وخلوقه وحلوة << عدد كل صفاتها الحلوة وزيد عليها وأكذب ترى الكذاب مباح في هذي الحالة .. بعدين قولها ياقلبي أنا أدري أنك تتعبي على شاني بس يرضيك حالنا كذا << ومن ذا الكلام . حاول تنظم وقتها مثل ماقالوا الأعضاء . طبق الأفكار اللي قالوها الأعضاء خصوصا ً فكرة السفر كم يوم ، وإذا مانفع معها هذا الأسلوب .. أهجرها ولا تكلمها إلا رسمي وللضرورة ولا تضحك معها ولاتمزح .. وأهجرها حتى في العلاقة الخاصة .. إلين تعرف قيمتك .. حتى لو أستمريت فترة طويلة ، وعلى قولهم الواحد مايعرف قيمة الشئ إلا لما يفقده . + أكثر من الإستغفار أخوي .. من ثمار الإستغفار : 1- إنشراح الصدر و الراحة النفسية وطمأنينة القلب . لإنه من ذكر الله قال تعالى (الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ) . 2- به تحل جميع المشاكل وتذهب الهموم والغموم . قال رسول الله صلى الله عليه وسلم ( من لزم الإستغفار جعل الله له من كل فرجا ً ومن كل ضيق مخرجا ً ورزقه من حيث لا يحتسب ) . 3- يأتي معه الرزق ( المال و الولد ) . قال تعالى : ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ) . الله يفرج همك ويصلح لك زوجتك ويجعلها إن شاء تسرك إن نظرت وتطيعك إذا أمرت ويجعلها تعينك على الطاعة .. ويجعلها قرة عين لك ، ويصلحك معها ويصلحني وجميع المسلمين .. آمين . |
اريد ان اسال سؤال
اين الحنان يا رجال اذا حدث تقصير من الزوجة لم يكن موجود سابقا فالاكيد له سبب و ليس التهاوش هو الحل و اذا غضبت اين كلام الحنان و النصح الرقيق الذى لا تستطيع امامه المكابرة و الجدال اذا اشعرتها بحبك و تفهمك و مساعدتك لتستقيم الحياه اعتقد ستحل كل المشاكل المرأة مفتاحها اذنيها فاذا ملأت اذنيها بكلام حنون و عتاب لطيف فستملك مفاتيح عقلها و قلبها اما اذا اسمعتها ما لا ترضى فستخسر كل مفاتيحها و تنغلق كل الابواب بينكم |
اللــــــــــــــه لناااااااااااااااا .....والله أنا لاسفريات ولا شموع ولا خرابيط الله يخليني لزوجي الحمد لله
أنظف بيتي واكنس واغسل واعتني بطفلي ...لا وبعد هذا زوجي يطلبني بالتجديد في حياتي يبغاني شبيك لبيك ... ومع ذلك لما شوفت شكوتك من ثاني صفحه قمت أوسوس وأنظف البيت وأقول في نفسي ليكووووووووون زوجي يشتكي علي في المنتدى وأنا راقده :eek::eek::eek: |
الله يعطيكم الصحه والعافيه ومشكوري ع المرور
اختي علا العاصي أنت فاهمه غلط أحنا لنا زمات واحنا بهالحاله واحاول كل يوم بالكلمه الزينه بس؟؟؟؟؟؟ انا لي شهر مسوي رسمي معاها صح اكلمها بس ما أتفاعل معاها زي أول وهي حاسه !!!! حتى العلاقه من وقت وانا ماجيتها ومشتاقلها موت بس مابي اوضحلها ؟ هي متغيره حتى من هالناحيه . مدري وش أسوي لازم أنا ألي أقولها أبيك ليه ماتراضيني باي طريقه ؟؟ والله قلب الرجال قريب بس من يفهم.. ع قولت اختي مرور كرام هي عارفه اش مسوؤليتها بالبيت وهي ماطلعت ولاشي ليه ماتحط حجج عشان ماتشتغل ,وبس حلوه كلمتك ومع ذلك لما شوفت شكوتك من ثاني صفحه قمت أوسوس وأنظف البيت وأقول في نفسي ليكووووووووون زوجي يشتكي علي في المنتدى وأنا راقده بصراحه و انا خايف انها تعرف اني شكوووووتها ههههههههههههههههه احسها اليومين باديه تعتني بالبيت ويارب تكمل ,, قبل ساعه قلت لها حبيبتي المطبخ لا تنسينه زعلت وتقول أكيد بروح بدون تقولي وانا عارف بتنساه مثل كل مره ,,, الله يسخرها لي وتخف عصبيته الزايده .................................................. ......................... |
اقتباس:
الرضاعة الطبيعية و الارهاق والسهر تقلل من الرغبة الجنسية وبعض حبوب منع الحمل كما قرأت تسبب برود جنسي اقتباس:
يبدو أن اسلوبك أزعجها وكأنني أتحدث مع ابنتي الصغيرة التي هي في سن توجيه وتعليم ابنتي الحبيبة لا تنسين تشلين ألعابك المتناثرة بعض الأحيان كثرة الزن أو استخدام أسلوب الأمر يسبب ردة فعل عكسية وإذا كان الواحد وده بشيء بيسويه ويجي الثاني ينبه عليه بيحس بشوي قهر شكلها كان ودها تنظف المطبخ وبتنبيهك لها طفت وحست ماودها تسوي انت لا تأمرها تنظف ولا تروح بنفسك تسوي لأنك جربت وما فاد قولها تعالى يا بنت الحلال أبيك تساعديني انت تحط الصابون على الصحون وهي تغسلها بالماء مثلا ربما يتحسن حالها وانت جزاك الله خير حاول تقلل من تصيد الأخطاء واغمرها بالحب مو بالنقد موفقين |
| الساعة الآن 12:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©