|
مالتصرف الأمثل لمثل هذا التصرف الغريب والقاهر؟؟
السلام عليكم ورحمة الله وبركاته
لكل ام عندها ابناء في سن الزواج أو قريب من سن الزواج وكلمتها أختها وأختها هذي عندها بنات بسن الزواج كمان وقالتلك بنتي تقدم لها عريس وهي رفضته وأبوها يقولها ليش ترفضينه وهو مافيه أي عيب ومن هالكلام يعني تلمح أنه كان حيجبرها عشان تبرر موقفها لكن بنتها قعدت تبكي وأنها ماتبغاه ومن هالكلام فهي سوت فيها المنقذ وقالتله بنتك مخطوبه قالها أيشششششششش مخطوبه وأنا ماأدري ؟؟!! قالتله أيوه مخطوبه لولد أختي ؟؟ وقعدت تقولها أن بنتي وولدك يحبون بعض وهي تموووووت فيه !!!!! أم الولد أنصدمت وأنحرجت وماعرفت أيش ترد بالنهايه قالتلها الله العالم أذا بينهم نصيب ولا لأ؟ وقعدت توصفلها مدى حب بنتها للولد؟ ولو كنت أيها الشاب مكان هذا الولد ماذا تفعل؟؟؟ ولو كنتي أنتي ايتها الفتاه مكان أخت الولد يعني مكاني ماذا ستفعلين ؟؟ وأنتي تعرفين أخلاق البنت جيداً ولاترضين لأخيك بزوجه مثلها؟؟؟ وأمك تفكر بالموضوع من أجل خاطر أختها حتى لاتغضب؟!! وبنفس الوقت غير مقتنعه بالبنت وحركاتها وأخلاقها أبداً؟؟ ماذا ستفعلون ؟؟ ومارأيكم بالحركه ؟؟ وكيف نتصرف في موقف مثل هذا؟؟ |
الزواج مو لعبه بل مسيرة حياة
ولا يصح تزويج اثنين بدون اقتناع من أحدهم عشان ما يزعل الغير وإن شاء الله محد يقدر يغصب أخوك يآخذ بنت خالته له الحق يرفض وعادي حطوها براسه يعني ممكن أمك تقول لاختها الولد ما يبغى وما نقدر نغصبه وإحنا كان ودنا بس الأمر مو بيدنا وبالنسبة للموقف اللي صار ماكان له داعي بس يمكن هي كانت تبغى توصل فكرة انه تبغى اخوكم لبنتها وما عرفت غير هذا الاسلوب يعني مشوها لها عادي وخليكم طبيعين معاها ولا كأنه شيء صار |
الـــــــزواج مو لعبه ولا مجــــــامله..الزواج حياة وشراكه يعني اذا كتب ربي نصيب راح يعيشوا مع بعض ويكون
بينهم اولاد.....بنات ...شراكه بكل شئ ...اسمحيلي ابدي رأيي من الان إذا ماتعجبكم العروسه...واخلاقها وحركاته نصيحه لا تتورطوا وتندموا و مو منحق ام العروسه تزعل لانها هيا الي ورطت نفسها وقالت انو بنتها مخطوبه للولد..!!! ـــــــــــــــــــــــــــــــــــــــــــــــــ |
انا لو بهذا الموقف راح اكلم امي انها ترفض
لكن اذا مافي فائدة من الكلام ساعتها راح اوجه خالتي بوجها واقولها انا ما ارضى اتزوج بنتك وهي بكيفها عجبها عجبها ما عجبها براحتها هذا زواج مو لعبه ,, وبعدين اذا البنت كانت اخلاقها زفت يعني اكيد الام والاب مثلهم الظفر ما يطلع عن اللحم ,, و مثل هؤلاء الناس ماينفع معهم المجاملات ,, لازم من الصراحه ^_^ |
انا لو بهالموقف بسال اخوي هل لك رغبة في الزواج من بنت خالتك ولا لا واذا له رغبه اوضح عيوب البنت بدون تجريح فيها او اهانتها وله القرار اذا كان حابب البنت ورايدها ليه لا انا عملت اللي علي اما اذا ماكان حابب
اكلم امي تكلم اختها تقول والله انا كلمت الولد لكنه حاطط عينه على بنت ثانيه ومافي نصيب ان شاء الله بجيها اللي احسن منه ونفرح فيها لكن ابني مايصلحلها او اني انا نفسي اكلم بنت خالتي واقولها اخوي حاطط عينه على بنت ثانيه ياريت تشيليه من بالك موفقين عزيزتي نصيحه لاتزوجوا اخوك مجبور لانه هالبنت بتحبه لازم يكون هو راغبها |
طيب أخوووك ايشششششش موقفه؟؟؟؟؟؟؟؟؟
اذا مايبغاها قولوا الولد رفض وبس.......... |
عزيزتي المتفائله بعيدا عن التحيز لأي أحد منكم راح أجيب بمنطقيه وعقلانيه
الزواج قسمه ونصيب وهو حياه أبديه مبنيه على التفاهم والاستقرار والثقه والحب وعلاقتك بأختك يجب أن لاتؤثر بالموقف سلبا أو ايجابا قد يكون هناك تقبل من الطرفين لبعضهم دون علمك وقد لايكون ،، لابد أن يكون هناك تفكير مسبق منك وبعقلانيه عن هل هم متناسبان هل بينهم تقبل هل هناك فرص فعليه لاتمام الزواج والاهم ماسبب نظرتك لها بجانب سلبي بعض الشيئ علاقتك بأختك وخوفك على علاقتكم أمر ليس له علاقه بتحديد مصير ومستقبل ابنك بدون أخذ رأيه ناقشي أبنك بالأمر قد لايكون متقبل للأمر في حال كان ذلك صارحي أختك بأنك طرحتي الأمر على أبنك وبأن الأمر متروك له وعلاقتك بها لاتعطيك الصلاحيه باختيار مستقبل أبنك أخبريها بأنك تحبين أبنتها وتحبينها وتودين فعلا أن يكون بينهم زواج لكن الرغبه شي والحقيقه شي أخر هنا أنتي لاتخسرين أختك وبنفس الوقت فم تمنعي شي قد يكون أبنك مقتنع فيه بدون علمك وتعطين فيه الرفض ويكون موقفك صعب أمام أختك أو أبنك تعاملي بالشي المناسب والذي به مصلحه لأبنك أي سلوك قد لايعجبك في أبنه أختك قابل للتعديل مع الوقت . بالتوفيق للجميع والله يكتب اللي فيه الخير أخصائيه اجتماعيه نفسيه |
ترفض بكل تأكيد
|
الصراحـــــــــــــــــة ..
موقف صعب جدا و محير .. بس : قد تغضب خالتك لفترة معينة ثم تنسى الموضوع بعد مايتزوج أخاك من أخرى و ان شاء الله بنتها تتزوج رجل أخر أيضا .. لأنه اذا لم يكن هناك توافق بينهما , فقد تصبح مشاكل طوال العمر بينكم .. و الله الموفق . |
هذا الموقف حصل قبل سنة تقريبا مع أخوي اللي أصغر مني ومع(بنت عمتي)
عمتي سوت قصة طويلة عريضة بأن البنت متيمة في الولد اللي هو أخوي وتحبه وتموت فيه ومن هالكلام, المصيبة ان الاتصالات بدأت تنهال على أخوي(مؤاااااامرة) من (أخوال)البنت اللي هم(أعمامي)والبنت حلوة والبنت طيبة والبنت والبنت الخ وكأنهم يبون يفرضونها عليه بالقوة,قالهم أخوي بصريح العبارة ماااااااااااااااااااااااأبيها,الله يرزقهاااااااااااا. وتزوج وحدة من الجماعة من بعيد,,والآن أنواع الحقد والكره من عمتي ليش مااااااااااااأدري.. |
كثيييييير شباب مساااااااااااااكين .... راحوا ضحية مؤامرات نسائية
ودعايات محنكة من الأمهات لبناتهم وايضاً من بعض الأخوان لخواتهم ....... والقضية كلها محورها .......( ضعف شخصية من الشاب ) حتى بعضهم مساكين يصدق إنه قيس وليلى دور عليه ..؟؟؟!!!! ولا البنات يعتبرونها شطااارة ..؟! وهذا مشاهد وأصبح امر مألوف وعااااااااادي عند البعض .. ..... والغريب بالموضوع : بعض المخططات السرية والتي تنتهي بزواج فلان من فلانة ,, ويظل المخطط البرتوكولي مجهوووووووووووول وسري ويدفن مع الأيام ..! ويبقى فلان الخادم المطيع للسيدة الآمرة والتي ما ان تحتل فلان حتى تمد نفوذها وتستعمر جميع أفراد العائلة ..؟! ويبقى الشاهد الضعيف العقل المتقد المطلع على كل المخططات ,, ملجوم اللسان ما أن يتكلم حتى يرمى بالإرهــــــــاااااااااااااااااااب ... و يثور ضده الأمن الدولي ... |
اولا خالتك غلطانه بهذا التصرف ولازم والدتك تفهم اختها هالشي
تقولها يا اختي ماهكذا تورد الابل تبي ابني لبنتك تكلمي طوالي من غير هاللف والدوران هذا زواج مب لعب في جميع الاحوال كلموا الولد لعل وعسى فيه نصيب بينهم وبالنسبة للاخلاق مافهمتينا شو بالضبط الملاحظات اللي عليها وهل اخوج غير مقتنع بسبب هذه الملاحظات |
ألى الأخوه:
colors مروى الحسيني أبن المكلا كريستال جمااال الروح يعجبني طموحي yoooyooo lolo y تعاندني الأبنة الصغرى النار والهيل كل الشكر لكم على مشاركاتكم الله يوفقكم ويسعدكم ويفرج همومكم ويبعد عنكم كل شر لي عوده للتوضيح |
بالنسبه لأخوي ردة فعله لما سألناه قال مافكرت فيها بس بطريقه غير مقنعه ماأدري عنه؟؟
بس هو مايدري بسالفة خالتي مع أمي لحد الآن وأخوي بعده يدرس صغير عمره 18 ماأدري على ايش الخاله مستعجله وبنتها في أول ثانوي !!!!!!!!!! المهم أنا وضحت لأخوي أخلاقها وقلتله أنت حر طبعاً بين أنه مايبغاها ماأدري عنه صادق أو لا !! بالنسبه للي مو عاجبني بأخلاقها أول شي أخلاقها مع أمها وهذا أهم شي هي وأخوانها كلهم كذا يعاملونها كأنها أصغر عيالهم من رفع الصوت والدعوات وتهديد عيني عينك بدون أي أحترام لها أو خوف من الله وهذا أكثر شي كرهني فيهم هذا غير بعدهم كلهم عن الله أستغفر الله العظيم بس ماأقدر أفصل أكثر عائله مفككه كل واحد منهم همه نفسه شوفة نفس ماأدري على أيش ؟؟ وأخوي طيييييييب مرررررررره ماتتصورون وعلى نياااته مره مو لايقين على بعض أبداً أبداً أبداً أنا أهم شي عندي ألحين أتأكد من مشاعره ناحيتها بعدها أرتاح ؟؟ ووكلت أخوي الأكبر منه لأنه لو استحى منا ماراح يستحي منه أكيد ؟ واكثر شي يقهرني بالحكايه هو أمي لما نسأله عنها يقوول لا ترجع أمي تقله الا تحبها بالقوه يعني لو الولد مو مفكر فيها بتحطها بباله كل هذا عشان أختها ياليتها تستاهل كان هانت بس أمي الله يهديها خايفه لاتزعل!!!!! وأكبر دليل أنه مو مفكر فيها أنه يكره الزواج ويقول ماأبغى أتزوج لو يحبها كان له رغبه بالزواج مثل أخوي الأكبر منه !! |
| الساعة الآن 08:18 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©