|
والله لو على قبري مادخل بيتي
السلام عليكم ورحمة الله وبركاته
اكيد الموضوع شدكم فعلن هذا ماحدث لزوجتي زوجتي تبي بيت برى المدينه الي اهلي فيها طبعا بيتي خسران فيه تقريبا عشرين الف وهذا غير وظيفتي الي في نفس المدينه السالفه ان فيه مشكله بين خالتي وزوجتيي وسبق وانا طرحت الموضوع هنا المهم زوجتي تقول لو على قبري مارح ارجع لبيتي حطلي بيت عند اهلي طبعا اهلها تبعد عن المدينه ال انا فيها 140كيلو بسبب مشاكلها مع خالاتي وانا عارف ان زوجتي المخطيه وبرضو خالاتي حصل منهم خطا لكن اكثر شي زوجتي لنها انسانه حقود تحقد على اي واحد يضرها ولي قاهرن اهلها يقولون نفذ طلبها بصراحه انا احبها وهي تموت فيني بعد بس انا مارح اطلع لو تنطبق السما على الارض ولاتقولون حاول فيها بالكلام الحلو لئن والله ماخليت كلمه ماقلته ماخليت حيله ماسويته راسها يابس وعنيده بالله ابي فزعنكم وش اسوي ملاحظه ادري كلامي ملخبط وياكثر الاخطا الاملائيه بس لاتلموني |
......................................
ياخوي وش سالفة الحرمة مع خالاتك وضح عشان تتضح الصورة ونعرف نرد |
حل المشكلة هو ان تبعدها عن الخالات وليس عنك بغض النظر عن موقع البيت.
|
الحل ابتعدا عن بعض فترة حتى تشتقا لبعض وقد تتراجع فيها هذه الفترة
ويجب عدم الاحتكاك بهم كثيرا هل عندكم ابناء وكم فترة زواجكما هداكم الله لبعض وسخركما لبعض |
لا تعطيها رد الحين
لأن أنت متأثر وهي متأثرة بس طبعا ما انصحك تلبي طلبها لأن طلبها ليس حلاً بل رغبة تود الحصول عليها من خلال تلك المشكلة الحل إنك تبعدها عن خالاتك فقط وقولها لا نصير عند خالاتي ولا اصير عند اهلك نبعد عن الكل.. الله يسهل امرك |
خليها في بيت اهلها شوي لين تهدا الامور وبعدين يحلها اللف حلال
وعلى قد ماتقدر افصل بين خالاتك وزوجتك مرة ولا تخلي اي صلة ربط بينهم الله يهدي الجميع مدري ليه الناس تحب وجع الراس انت الان لا تاخذ اي قرار مثل ماقالت الاخت رواء خذ فترة ترتاح فيها النفوس |
زي ماقالوا الأخوات أفصل بينهم,,أو شوف لك منطقة محايدة يعني لا عند خالاتك ولا عند أهلها,,
لا ضرر ولا ضرار.. |
هل زوجتك وخالتك ساكنين في بيت واحد؟
|
اقتباس:
اتفق مع رأي اخوي هذا هو الحل الانسب |
اخوي انصح
تطنش ولا ترد حاليا ..! انت ماقصرت رحت وسمعت للشرؤط.....! رغم تكبيرها هي للموضوع طبعا من خلال سردك للمشكله .... الاهم انت ماقصرت وهي الله يهديها وش هلشرط ,,.؟احسه عذاب لك انت من ناحية الدوام لو انها زوجه صح كان قالت مابدخل خالاتك ببيتي !!!كان اهون من هلشرط وانت بدورك ابعد زوجتك عنهم ...مو لازم تقابلهم !! اذا جوا عند اهلك فلا تروح زوجتك ..... اما المناسبات اكيد يتقابلون لكن من العزومه كلن لااهي ولا راح يتواجهون ... ووصها ماتتكلم معهم ولا تناظر فيهم......... الحل تطنش ...وبلاخص انك قلت !!انها تحبك وهذا لصالحك هي تعند بلبدايه لكن بعدييييييييين !!! صدقني بتحس بخطئها وتعرف قيمتك ..... الاهم اخوي انت لاتقؤل رئيك لااي شخص كان ولا لهم طنش... الا ان تهدء الامور واذا نادوك ويبؤن رئيك؟؟ فقول اولا بيتي وما عندي استعداد اغيره ولا ادفع واخسر وانا قد خسرت علئ هلبيت !! والوظيفه ماني مستعد ابتعد ...واتعنئ لاجل من لاجل عداوة زوجتي مع خالاتي وش ذنبي بين حريم ...... بعدين اذا تبي ترجع فابواعدها ان مابيكون لها احتكاك ولا توجههم من الاصل ...... وانت لاتقؤل هذولا خالاتي اخوي هذا الحل انهم مايجون بلبيت ولا تروح زوجتك لهم واصلن بدون ماتقرر هم اصلن بيتقاطعون من الاساس.. وهذا احس افضل حل.... |
أخي العزيز أعرف أن الزوجة تشتكي من الأم الآن أيضا من الخاله عموما أخي لا تدخل بين النساء أبدا بما أن أمك ليست طرف في المشاكل أما خاله و حتى أخوات لا تشغل نفسك بمايفعلنه و من المخطيء هل هي زوجتك أو خالتك لا تشغل نفسك و تتدخل إلا إذا رأيت ظلم و ضرر واقع على زوجتك إترك النساء يعالجن مشاكلهن بينهن و لا أقول لك حاول لا إعمل على تجنيب خالتك يا عزيزي ( مر ذا القرابة أن يتزاورو و لا يتجاورو ) فأنت زور و خفف ثانيا أخي الزوجة مع زوجها لو سكنها في صندقه أما أن تنتقل من منزلك و مكان عملك بسبب مشاكل نساء لا تعنيك فهذا خطأ كبير أخي ببساطه ضع حدود لخالتك و لزوجتك و لا تسمح لأحد يتدخل في حياتك و قراراتك حتى أهل زوجتك |
اقتباس:
هل توجد زوجة تحدد للزوج من يدخل بيته و من يخرج ؟؟؟ :eek: إذا كان فيه فأسأل الله العافيه و أن لا يبتلينا أخي خلك حازم معها و تترك عنها الدلع و لا تسمح لزوجتك تحدد لك و تتشرط أنت قائم بكل حقوقها و موفر لها بيت لها فـ على ماذا تتشرط |
اخي تقول المسافه 140
قل لها نقسمها بالنص 70 كيلو سنت زياده لا يوجد اتذكر موضوع زوجتك جيداااا هنا في المنتدى ابتعدو قليلا عن بعض اسبوع اثنان لتهدء انفسكم قليلا وتشتاقو لبعض لانك تقول انكم تحبو بعض وهي ايضا اعترفت بذلك لذلك بما انكم تحبون بعض وبينكم عشره خالاتك وخالاتها واعمامكم قصدي صلة الرحم لكم حق لهم بصلة الرحم والاعياد والمناسبات فقط يعني ما حد يتدخل بحياتكم لهم حق السلام والسؤال عن الصحه فقط ولكن باقي الاسررار لا دخل لاحد بها لا اختك ولا اختها اتمنى تطلب من زوجتك تدخل وتقرأ ردي هنا عندكم نقطه مشتركه وهي الحب وانكم سعداااء مع بعض والتدخلات خارجيه انت تقول انو زوجتك حقوده وانا اقول يمكن حساسه زياده ويمكن طريقة كلام خالتك يستفذها بغيابك غير وقت تكون موجود يمكن كانو يريدوك لاحدى بناتهم انا لو مكان زوجتك ارجع بيتي معززه مكرمه فهذا بحد ذاته نصر لي زوجي انصفني وارجعني ولم يطلقني ولم يعر لكلامهم اي اعتباااار الاحتكاك بالناس كثيرا يقلل من قدر الانسان انا هذا رأي المفروض فقط بالمناسبات ومن مده لمده زياره ولكن ليس كل الاوقاااات اطلب منها ان تستخر وتهدأ وانت ايضا نفس الكلام ونصيحه مني لكل زوجه وانا منهم :ودايما اررددها :لن اهديك شرف انك سبب طلاقي مهما كان الخصم اللي امامي يا حلوه يا قلبي زوجة صاحب الموضوع كما نصحناكي نعود لننصحكم هنا معاااا لا تدعي فرصه لاي شخص ان يكون سبب اي خلااااف مهما كان بينك وبين زوجك اذا رجعتي بيتك نفسه معززه مكرمه ومن ثم بعد ذلك تقررو اذا تحبو تغيرو المنزل بعد ذلك فانتم احرررااااااااارررررررر خذ زوجتك رحله اسبوع ومن ثم عودو البيت |
لو تمشي وراها تضييع .. لان الحريم مشاكلهم ماتخلص ولا تنتهي
وكل بيت تحصل فيه نفس نوعية مشاكلكم فالاجدر والاولى انك ماتدخل نفسك وسط معمعة الحريم لانك ماراح تخلص رائي لك لاتخرب بيتك عشان هالشيء وفي نفس الوقت لاتسايرها في شرطها عشان راسها لايكبر خلها فترة تراجع نفسها وقراراتها .. وانت طنش خلاص الموضوع لاعاد تتصل ولا تكلم لين تعقل لان هذه النقطة راح تكون فاصل في حياتك بعد كذا .. الله يصلح شأنكم ويهدي سركم |
أتفق مع العضو معدن الرجولة انك تكون حازم في تعاملك مع زوجتك
وبعدين مادام عندك بيت خاص فيك وزوجتك فشرطها خله يطير بالهوا :( صدق زوجتك عنيدة وراسها يابس ما أعتقد انه فيه قانون يقول لو تهاوشت الزوجة مع أهل الزوج فلازم الزوج ياخذ لها بيت ثاني قريب من أهلها !! لا تدخل في مشاكلها مع خالاتك الا اذا زادت المشاكل أكثر من اللازم فذيك الساعة قل كلمتك وافصل بينهم بأي طريقة كانت أنا أخاف من شغلة : لو انك وديتها بيت أهلها وخليتها فترة راح يكبرون راسها ويساندون موقفها خاصة انهم يبون بنتهم قريبة منهم وراح تتمسك برايها الأعوج أكثر وماراح ترجع لك ولو كانت تموت فيك على قولتك ... فأنا أشوف انك اطنشها وتتركها لحالها ولكن في بيتك انت بعيدة عن مصدر قوة ..هههههه أحس انك في حرب حشا !! مو قصدي أضحك بس السالفة اذا ما وقفتها الحين راح تكبر كن حازم وشديد على الاقل ها الفترة بس الين اطاوعك زوجتك ويخلوك خالاتك |
ياناس انا والله نفسيتي تعبانه كلمتها قبل شوي قالت لي خلاص راح افكر اني ارجع بعد محاولات اقناع الله لايوريكم وربي بعد ماطلعت الشيب في راسي يالله اقنعتها المهم قالت مابيك تختلط في خالاتك ولاابيك تروح لعزايمهم ولاحتى عروسهم قلت يصير خير ولايهمك ابي اسلك الموضوع بس عشان ترجع المهم سكرت بعد ماسكرت ارسلت رساله قالت انا كل ماتذكرت بيتي تعبت نفسيتي مارح ارجعلك الا لين تحط لي بيت لحالي بعيد عن اهلك ياناس اناتعبان والله تعبان نفسيتي منهاره وش اسوي وخاصه اني اشتقت لولدي حيل على فكره الحين صار لانا اكثر من شهرين مبتعدين ابي حل ابي انساها كل ماتذكرتها تعبت نفسيتي تكفون ساعدوني
|
افضل حل انك تبعدها عن اهلك بسكن مستقل
بس مو معنى هذا انك تسكنها عند اهلها ومسألة لاتروح لخالاتك هي مو من حقها تمنعك ولكن انت سايرها الحين وخالاتك واصلهم بدون ماتحسسها الحريم كيدهم عظيم ولابد من سياسية حكيمة تضبطهم |
اذا ماكانت الزوجه والزوج هما اللي يحددوا من يدخل بيتهم مين اللي يحدد اجل؟؟؟؟؟؟؟؟؟؟؟؟
خليها شوي اسبوع بس لاتكلم وبعدين دق عليها ولاتقول لها ارجعي ولا حاجه سولف واسال عن ولدك وقل راح اجي اخذه شوي انبسط معه وبعدين ان شاء الله هي اللي راح تقولك ما اشتقت لي ولا لولدك اننا نكون مع بعض غير كذا قلها كل اللي علي اني اعطيك حريه ان اللي ماتبينهم مايدخلون بيتك اللي هم خالاتك لانه هذا شي مقدور عليه لكن لما انعزم في الاعراس والمناسبات الكبيره انا ما اقدر اني اقطع رحمي عشان مشكله بينك وينهم مو بيني وبينهم...ولان مايرضيك اني امنعك من اقاربك وبس ولا تكثر معها الكلام. |
اقتباس:
أتمنى أن تجيب على تسأولاتي هذه |
يعطيكم العافيه الحين هي ارسلت لي رساله تدرون وش تقول فيها
تقول انا مابيك تكلمني خلاص لاتكلمني انا مابيك الحين انا مارح اقفل جوالي عشانك لكن اذ بتدق راح اغير شريحتي ياناس هذا الكلام مو يقهر انا تعبان ابي انساه ابي اغيب عن الدنيا ابي ارتاح شوي اخي معدن الرجوله ياليت ترد علي انا حاط له شقه نفس بيت الوالد خاصه وماعندي خوات وامي متوفيه الله يرحمها ماعندي الا اخواني لهم شقه جنبي وابوي في الطابق الفوقي مع اهله سؤالك الثاني هي لماطلبت تروح بيت اهلها رفضت انا وراحت اتصلت على ابوي وجاني ابوي وقال ود اهلك طبعا وديتها مابي ارفض لبوي طلب بس بصراحه بعدها كنت معصب عشان طلبت من ابوي اني اوديها رحت وعلمت اخوها عن سوالفها هي زعلت قالت ليش تروح تعلم اخوي ومادري ايش ومن ذ الكلام المهم مع سالفت خالتي زادت الطين بله على فكره هي بكره راح تسوي عمليه بسيطه راح تشيل كيس دهني بصراحه انا فكرت الزورها واجيب معاي هديه بس لما شفت رسالة رجعت في قراري |
اقتباس:
أسأل الله العظيم أن يفرج همك ويشرح صدرك و ييسر أمرك |
لا حول ولا قوة إلا بالله الله يعينك على حرب الحريم ..... بالنسبة لكلامها أنك ما تزور خالاتك وما تحضر مناسباتهم فلا تطيعها وذكرها أن هذا الشيء قطع لصلة الرحم ..... وبالنسبة لمرضها فزورهـا ..... وكلم أخوها قبل زيارتها حتى يكون موجود معك لما تكون معها ودي لو تكلم والدها أو أهلها ..... يقنعوا زوجتك ..... ويضغطوا عليها !!!! عزوبي بس رجل |
اتفق مع اخوي معدن الرجولة قم بزيارتها وتفاهم معاها وجه لوجه وبعدين وجودك معاها في هذي الفترة له اثر كبير على نفسيتها
الله يلم شملكم ويهدي بالكم |
اخي معدن الرجوله الله يعطيك العافيه من جد ارتحت كثير لكلامك الله يوفقك يارب
بس انا الحين حالتي النفسيه زفت حالتي في انهيار اخاف ادق عليها تقول هذا نشبلي او شي من الكلام هذا او تتغلى على فكره انا في فتره قفلت جوالي تقريبا اسبوع طبعا اقلبت الدنيا علي قامت تدق على اخواني وتسال عني ولما شغلت جوالي كلمتني وقالت انا احبك واشتقت لك والحين تقول مابيك وربي حالتي سيئه جدا مدري شسوي اخاف ادق عليه تقول هذا اكيد مايقدر يتركني خليني اتغلى عليه او اشرط عليه نسيت اشكر اخواني الاعضاء الي شاركوني في موضوعي الله يعطيكم الف عافيه |
انا مااتخيل في زوج يحب زوجته ويقول هي حقوده ترى احيانا الخالات يسببوا مشاكل الفروض انك ماتغصبها تروح لخالاتك بس انت روح بكيفك ولاتسمع لكلام احد وخاف الله في زوجتك تراك مسؤل عنها
|
اقتباس:
بس زي ما قلت لك تطمن عليها من فترة لفترة إذا بتضل عند أهلها و إنت شوف متى بتروح المستشفى و روح زورها مع أني أفضل أن تذهب بها أنت للمستشفى فهي زوجتك و ملزومه منك و ترى المرأة مهما كابرت تضل ضعيفه و تصرفات عاطفيه و لمسات حنونه تطيح الي في راسها لكن رجاء خاص حتى لو أرسلت لك رسايل من الي تحرق الأعصاب تجاهل الرساله أكرر تجاهل الرساله لأن الشيطان يكبر الكلمات بينكم ثاني أمر أخي تعلم و علم زوجتك أن إسلوب إثقل و تغلى و يتغلى ما بيسبب إلا الجفوة و البعد زوج و زوجه إختارا بعض و تشاركا الحياة و لا يستطيعان الإفتراق عن بعض فلماذا هذه الاساليب الملتويه بالفعل لازم يعالج الفكر هذا لدى كل الرجال و النساء الله يفرج همك أخي |
معليه ، دلعها ماصخ أول شئ
تاني شئ ، إنت السبب في كل اللي يصير ، لإنك مو عارف تتصرف مثل باقي الرجال باقي بس تبوس رجولها مع إنها غلطانة 70 في المية ، راحت تتبلى عليك قدام الكل و تكذب و تعمل حركات مالها داعي هي مبسوطة لإنك كذا |
اتفق مع معدن الرجوله بكل كلمه قالها
وروح زورها وبيطيح اللي براسها وكوني بنت صادق معدن الرجوله ماعمري زعلت من زوجي وقلتله اكرهك اكرهك ودني لاهلي إلا اكون ابيه يراضيني بنفس اللحظه .. صدقني زوجتك تحبك واكبر دليل يوم قفلت جوالك راحت تدق ع اخوانك .. خلك حكيم اكثر منها واحتويييييها وروح قابلها وجه لوجه بتنسون كل اللي بينكم اما من بعيد ورسايل تغث ومكالمات عتاب ماتنفع ابد لان ابليس حريص وجالس يولعها بينكم فرصتك انك تروح دامها بتسوي عمليه ومنها تشوف ولدك .. وبتتحسن نفسيتك ان شاء الله اسأل الله ان يجعلها قرة عين لك وان يجعلك قرة عين لها ويسخركم لبعض اللهم آميييين |
اقتباس:
|
اقتباس:
يعطيك العافيه اخي معدن كلامك ريحني كثير الله يوفقك وين مارحت بصراحه انا اشتقت لها كثير ودي ارسالها رساله بس خايف اكون اضايقه اوشي وعلى فكره اليوم دقيت على ابوها بسأله عن العمليه ويقول العمليه تئجلت الاسبوع الجاي لان الدكتور مسافر يمكن تكون خيره ان شالله اخوي معدن وش تنصحني فيه ارسلها ولا اثقل شوي والله اني محتار خاصه بعد رسالتها الي قطعت قلبي لما قالت لاتدق علي |
الله يفــرج همــك و يسخرهـا لك يـارب |
اقتباس:
يعطيك الف عافيه |
اقتباس:
الله يجزاك خير والله يكتب الي فيه الخير |
اقتباس:
|
اقتباس:
و حتى إذا راسلتها تكون رسائل مختصره و محدده عن حالها و حال طفلك فقط لازم تعالج مسألة خالتك و تدخلها في حياتك أو بالأصح إدخالك أنت لخالتك في حياتك لأنها هي أساس المشكلة ___________ عزيزي أنا قرأت موضوعك الآخر و كان لدي ملاحظات خالتك كما فهمت الآن ( زوجة أباك ) إذا كان فهمي صحيح فيكون جوابي عليك كالتالي أنت أخطأت في حديثك عن ما يخص زوجتك لدى عائلتك وهذا غلط كبير جدا عزيزي لا تتكلم عن زوجتك لا بخير و لا بشر عند عائلتك أبدا خيرها لك أنت فقط و حتى لا يطمع الذي في قلبه مرض و شرها خطأ أصابك لم يصب عائلتك فعالجه أنت و لا يعلم به أحد من عائلتك كون لزوجتك الستر و الغطا و لا تجعل زوجتك حديث لأحد و حتى لا يقسو قلبك عليها إن أخطأت فقلوب الناس ليست كقلب الرجل على زوجته و أخي إفتراءها عليك يجب أن لا يمر مرور الكرام |
أخي خالتك هذا دائمة التدخل و إحداث مشاكل مع زوجتك أو هذه أول مشكلة بينهم ؟
لك حرية الإجابة |
شف لو اني بمكانك قسم بالله لاالحقها ورقتها وبدال الوحده عشر ياقفا من يشيل ... طبعا قبل كل شي اهددها .. لاتلعب على نفسك حب وخرابيط لانها لو تحبك ماطلبك منك هالشي لذلك انا انصحك بالتريث عدم تلبية طلباتها لانها لو لبيت طلبها ركبتك قسم بالله تصير خاتم بأصبعها وانت رجال وتعرف مصلحة نفسك
|
مشكورين اخواني اخواتي الله لايهينكم مشكورين على وقفتكم معاي واخص بالشكر اخي معدن الرجوله الي ريحني بكلامه الجميل والعقلاني
اخواني اخواتي ا انا احس زوجتي ماتحبيني ابي اختبر حبه لي ابي طريقه اختبر حبها لي كيف ياليت تساعدوني |
اذا كان عندك المقدره على الفصل فافصــــل راحه بال للحين وعقب ....
واذا ما كان عندك القدره فحاول تهديها بالكلمه الطيبه .... ولا تطول مده البعد حتى ما تزيد المشكل ويدخل الشيطان بينكم |
انتظر ولا ترسل لها ولا شئ
صدقني بتدق عليك وتتشحد جيتك هي واثقه من انك تحبها وماتستغنى عنها عشان كذا قاعده تتغلى وليه بتختبر حبها وهي تدق على اخواتك عشان تتطمن عليك ولما كلمتك بكت وقالت انها تحبك ومشتاقه لك(مو كافي ؟؟) طنشها صدقني انت وقتها بتغلى وتشتاقلك وسالفة نقل البيت اصر على رأيك ولاتقطع خالاتك لانك سكتها بالموضوع وقلت لها يحصل خير عشان تماشيها وبرضوا مانفع معها فقل لها انا برى مشاكلكم ولاتجبرها توصل خالاتك فقل لها ماجاك مني غلط اذا بتجين البيت حياك الله واذا مو جايه الله يسهل دربك وخلك معها حاااااااااااااااازم وقوي الشخصيه |
| الساعة الآن 11:01 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©