|
زوجي كثير السفر و أشك بخيانته أرجوكم ساعدوني
السلام عليكم اخوتي.
اول مرة اكتب في هذا القسم.فأتمنى ماتخيبو ضني فيكم وتساعدوني انا عمري 23 وزوجي 36 صارر لنا مع بعض 5 سنين و8 شهور تزوجنا زواج تقليدي جا بيت اهلي وشافني وعجبته وهو عجبني وتزوجنا والحمد لله احبه احبه لحد الجنون وهو بعد يحبني عندنا بنت وولد اول ماخطبنا جيت ابغي افتح تلفونه قال لي لا الجوال والمحفضة والجواز ماتلمسينهم وانا ماكان قصدي ابد اني اتجسس عليه قلت له اوكيه بعد شهر من خطوبتنا سافر وقال لي انه بيروح الاردن وانا صدقت وبعد سنه من خطوبتنا سافر مرة تانيه وقال لي انه بيروح مصر وانا صدقت وفي مرة تبادلنا الجوالات انا وياه وشفت في الرسايل المرسلة راسل رسالة الى وحدة وماعرفت البنت من وين لان موموجود مفتاح البلدالرقم....بصراحة سكت عن الموضوع لان ماحبيت اخرب حياتي لاني حابة اكمل حياتي معاه وبعدين تزوجنا بعد الزواج بسنه سافر الى المغرب وكان جوازه جديد فرحت اشوف الجواز القديم ادور على مصر والاردن فماشفت ختم الجماارك اكتشفت انه كذب علي وراح المغرب بدل مصر والاردن وبعد سنتين من الزواج سافر المغرب بعد وبعد سته اشهر من هالسفرة قال لي انه بيروح قطر عشان زواج اصحابه هناك وانا صدقت وقعد 12 يوم ولما رجع افتح الجواز اكتشف انه كذب علي وراح المغرب بصراحة اتغيرت نضرتي اليه وكرهته وقتها بس بعدين صرت عادي وما واجهته ولا سألته وقبل شهر قال لي انه بيروح بلد بس انا لما طلع للمطار رسلت اليه رساله وقلت اليه ادري انك تكذب علي وراح تروح المغرب زي ماكذبت علي من قبل رد علي برسالة انه مارح يرد علي الحين وانه انا في كل شي موصادق عندك وانا لما ابغا اروح المغرب راح اقول وانا في طريق ولا ترسلي رسائل غبيه ومن هالكلام يعني قام يدافع عن نفسه عدل وتالي لما وصل بالسلامة ماقام يكلمني عالجوال صار يكلم على تلفون البيت عشان مايطلع الرقم وكان جواله الثاني عند صاحبه عشان شغله ولما رجع صاحبه التلفون شفت المكالمات الصادرة والواردة شفت رقم مغربي على طول دقيت عليه ورد زوجي يقول هلا والله ابو فلان يحسبني صاحبه واتفاجأبصوتي بس مالمته ولا عاتبته ...... ودايما اشف في جواله بنات يرسلون اليه صورهم من المغرب وواشوف في فاتورة جواله مكالمات الى المغرب... وانا قمت اخذت الرقم اللي يكلمه...وامس اتصلت عليه وطلع بنت ومن زمان زوجي يكلم هالرقم سمعت صوت البنت وسكرت السماعة انا تالي اتصلت مرة تانيه كلمتها قلت الها انا زوجة فلان قالت الي انتي غلطانه في الرقم حسيتها تفاجأت سكتت شوي قالت الي انا ماعرف هالرقم وانتي غلطانه وسكرت الخط بوجهي زوجي يشاهد افلام اباحيه وغير اليوتيوب واشوف فيديو في اللاب توب تبعه كله الى بنات مغربيات رقص وغيره..... الحين زوجي مسافر وبصراحة انا ابغا اواجهه لما يرجع وانا اعرف انه يخونني هناك لما يسافر بس ماعرف ايش اقول اليه كيف ابدأ ابغاكم تساعدونني وانا ماقدر امنعه من السفر ارجوكم ساعدوني واعطوني الحل |
الله يعينك يارب
ويكره الحرام لزوجك من غير شر كيف مايخاف من الامراض لاحول ولا قوة الا بالله |
الله يكووون بعووونك
فعلا واجهيه وتكلمي معاه بجديه ليش تسااافر لحالك تبي تغير جوو نسافر سوا زوجي لو سافر لحاله اقوم الدنيا عليه |
لا حول ولا قوة الا بالله,,المشكلة ان زوجك كبير و في قمة النضج العقلاني,,وش خلى للمراهقين والعزوبية,,
أختي بما ان الأوراق انكشفت فلازم تواجهيه اذا رجع بالسلامة تناقشيه نقاش هادئ في وقت مناسب.. الله يسهل أمورك.. |
الله يكون في عونك على اللي انتي فيه .. ماعندك حل غير انك تصارحينه في الموضوع ..
|
يارب تستر علينا دنبا واخره وتبعد عن ازواجنا الحرام كما باعدت بين المشرق والمغرب ..
ضروري تواجهينه الوضع ماينسكت عليه هدر للصحه والمال واهمال للزوجه والعيال !! |
بس انتو ماعطيتوني الحل انا اكيد اني راح اواجهه بس ماعرف ايش اقول ابغاكم تساعدوني انا ماابغى اخرب بيتي
لان زوجي انسان ملتزم وكريم وحنون ومومقصر مع في شي ابدا وهو محافظ على الصلاة في اوقاتها وماعنده خرابيط في البلد يعني بس في السفر ... |
يسافر المغرب عز الله انه راح فيها هههههههههه
.................................................. ... انا زوجي راح المغرب عمل وجاب العيد لقيت معه رقم وحدة وقال انه بس يربطها فيه العمل ووصلنا للطلاق لاني لو سكت يمكن كان تزوجها وقلت له مافي سفر للمغرب مرة ثانية ولو جاك عمل بسافر معك تاكدي ان زوجك مو متزوج عليك هناك وصارحيه انك تعرفين كل شى ولا تسكتي ........الله يعنيك وربي مالومك بس خليك ذكية ولا تخربين بيتك ولا تحطي في بالك سالفة ان وحدة ممكن تسحره كل هذي خرابيط فاضية هم يسحرون بتعاملهم وعندهم قوة تاثير على الرجل بشكل عجيب وهذا الي سمعته من بعض الناس الي متزوجين من هناك حافظي على برستيجك ولا تفقدي صوابك اقولك شى ولا تزعلين؟ انا لو مكانك وشفت سفرياته قبل الزواج وخااصا للمغرب والله ماتزوجه اكره الرجل راعي سفريات لانه ممكن يتعرض لاي اغراء ..ولا لاعاد تخلينه يسافر بروحه |
طوال هذه الفترة أدعي من الله أن يلهمك الصبر أولا و أن يلهمك الكلمات التي ستلقيها
على زوجك وقت مصارحتك .. و الله موضوع صعب و نفسي أساعدك .. بس صراحة حطيت نفسي مكانك وحاسة أني حأنفجر في وجهه. بس طبعا انتي خليكي حكيمة .. اصرفي ابنائك من البيت في ذلك اليوم .. خليهم عند أهلك . أبداي بمصارحته وانتي غاضبه,, ولكن بكلمات تشعره بغلطه ,, وقوليله يخبرك عن الأشياء الموجودة في هؤلاء و ليست موجوده فيكي .. و انك مستعده انك تتغيري من أجله حتى تصونيه عن الحرام .. و الله يكون في عونك .. وربنا يسهل أمرك , ويبعدزوجك و أزواجنا عن الحرام . |
ياأختي اذا رجع زوجك بالسلامة استقبليه أحسن استقبال(ولا كأن شي صاير)
وكوني مستعدة في نظافة البيت واستقبليه بأجمل مظهر لك,تحمدي له بالسلامة,قدمي له الشاي والقهوة,ناقشيه عن سفريته كيف كانت(مع الاحتفاظ بالهدوءطبعا),وبعدها أتركيه حتى يرتاح بدنيا ونفسيا,مع مراعاة اذا كان وقت غدا خليه يتغدى واذا كان عشا خليه يتعشى,واذا يبغى ينام برضو خليه ينام(وين بيروح يعني)عشان يكون وقت النقاش خالي من الصراخ والعصبية,واذا مرة هيأتي له الجو من مجاميعو وصار الوقت مناسب جدا,قولي له ودي أفتح معاك موضوع,وأذكري حسناته ومميزاته(تمهيد)وقولي له عن حبك له وانك تغارين عليه من الهوى الطاير,وماترضين يشوف غيرك ولا ترضين أي وحدة تشوفه,بس عشانك مسافر لشغل ماحبيت ألح أسافر معاك,بعدها تكلمي عن الثقة اللي بينكم واللي أنتي أعطيتيها اياه ولكن للأسف ماكان قدها والدليل انك كذبت علي(حاولي تحرجيه)وأثبتي له بالأدلة والبراهين(هنا كوني حازمة),(انتبهي لا تغلطين عليه بأي شكل)عشان ماينقلب الموضوع عليك ويلقى له مخرج تاليها بتصيرين أنتي الغلطانة وماراح تنحل المشكلة.. الله يسهل أمرك ان شاء الله.. |
ابرد عليك كلام والان ...
ياحياتي عليك والله مالومك ...؟ صدمه وبقؤه وكيف تقؤلين له ... لكن ابرد الان بلاسلؤب الي راح تقؤلين له .... واذا في خطاء او شيء فاتمنئ من الاعضاء تصحيح رئييئ....وانا اتقبل النقد مو التجريح .... انتظريني دقائق... |
اولا اذا عندك اطفال
فصرفيهم من البيت علئ قولت الاعضاء قبل شؤي ..اخاف يصير شيء وامامهم والشيء الاخر اذا جاء استقبليه وعلئ طول والحديد حامي .....لاتاجلين كلامك ابدا لان الموضوع يقهر !! الاهم قؤلي اخبار السفره ..؟ هو بيجاوب حلوه ماعليها !! قؤلي يالغالي اشتقت لك مره فقدك ... وقولي ودي حبيبي تجاوبني علئ سؤال بخاطري ماسئلتك ابدا عنه ؟؟! قؤلي انا مقصره معك بشيء !!!! بيتعجب !!!بيقؤل لا...واكيد انتي مو مقصره ..... فقؤلي طيب ... سؤال ليش الكذب علي ؟؟بانك تسافر الدوله الفلانيه وانت علئ دوله وحده وبس!!! تراني عارفه وماني غبيه !!! اذكر سبب!! بيقؤل اي شيء .... قؤلي انا احبك واعشقك وماقصرت بشيء معك فليش اللعب برئ بيقؤل من قالوانا اتمشئ وانتي وانتي؟؟ قؤلي طيب دقايق خلني اخلص كلامي انا اتصلت علئ الرقم الغريب من جوالك الي رجعه صاحبك وانت رديت !!! والشيء الاخر انا اتصلت علئ الرقم الغريب وردت حرمه .... وانت ببداية الزواج قلت لاتلمسين لاجوال ولا محفظه ولا جواز ..........!!! بلله هذا مايشكك....... انت واحد للاسف طاح من عيني .........قؤل الحقيقه ولا تكذب !!! وشوفي اجابته ...... اذكري له وش انا مقصره فيه اصلن انا انخدعت من قبل ومن الخطبه وانت تسافر هناك وانا ماادري وتكذب من دوله لدوله !! ولا بعد مارفضت مثل اي زوجه بلدنيا تسافر وتستانس ي وزوجها .... توقعتك تعرف الحرام من الحلال لكن للاسف .................واسكتي !!! وشوفي اذا جرحك قؤل برر لي الموقف مو تتهرب وتجرح ..قؤل الحق انا مستمعه لك تكلم معي مثل مااتكلم معك انا ماقصرت معك بشيء حب وواجبات ورومانسيه عطيت وش الي تلقاه هناك وانا لا...... وليش تزوجتني من الاساس !! وش مخليني خدامه هنا وانت تتمشئ وتسهر وتروح وانا استقبل واضم واطبطب واخدمك كزوج وحبيب لي .... محافظه علئ بيتك وانت لامقدر لي ولا لكرامتي ولا تخاف من ربك ....... لكن حسبي الله ونعم الوكيل ..... الله يسامحك وانصحك اذ مسكتي عليه جواله وبه رسائل وارقام للمغرب ..... فحاولي تحتفظين بلدليل وتروحين بيت اهلك لان بصراحه زوجك بلعربي يخون من هلحرمه المغربيه الوسخه! ................................وابي رئيءء للاعضاء وش رئيكم انها اذا راحت بيت اهلها انها تاخذ جوال زوجها بدون علمه طبعا الي فيه رسائل من هلبنت وارقامها ..... وتروح بيت اهلها وتوري اهلها واهله اذا تدخلوا كدليل قؤي لاجل مايقؤل تبلت علي !!! ولا ترجع له الجوال وتطنشه لاجل يعرف قيمتها صح...... والله ان راحت او طردها وشكلها بيطردها ...فيكون معها دليل .... وش رايكم لاتهزئؤني لكن اريد رئييء احس هذا دليل قؤي لها ..لاجل مايكذبها .... انتظر ردكم ... وبعدين لو انا اروح بيت اهلي بعد النقاش والسبب !لاجل يعرف قيمتي وحتئ لو طلقني لاحسافه علئ واحد لعااااااااب وبيجيب لي الامراض بعد ..... وطبعا اذا اعتذر لها فخلاص انهي المشكله ولا يسافر الا بك. |
أختي همس2009 من بدايتها هجوم؟؟
أتوقع راح يطبق الحكمة اللي تقول خير وسيلة للدفاع هي الهجوم,وبعدها يحدث مالايحمد عقباه.. أتمنى تتقبلين وجهة نظري.. |
ياعروسه والاعضاء انتظر ردكم ....
وبلاخص بحركة الجوال ...... لانه بينكر الامر ويقؤل هي ماتبيني اسافر فهي تبلت علي وقالت اني اعاكس .... |
اقتباس:
|
اشكركم لانكمم رديتو على مشكلتي عالاقل والله لو ادري ان الزواج كده كان ماتزوجت اصلا بصراحة انعدمت ثقتي بزوجي وكل الرجال ......زوجي شخصيته قويه ويعرف كيف يدافع عن نفسه بس تعابير وجهه تبين الحقيقة
انا لازم اواجهه لاني تعبت من هالمشكلة .....وانا احب اعيش حياه هادية مااحب المشاكل عشان كده ابغاكم تساعدوني عشان لا اخبص في الكلام وينقلب الموضوع علي...... يعني اذا واجهته اقول اليه اني اخذت رقم البنت من فاتورة الجوال؟ يعني اقول اليه الحقيقة كاملة اخاف يلومني انا اني اتجسس عليه او شي.... ساعدوني. |
اقتباس:
لكن هاذي وجهة نظري وحطيت نفسي بلموقف هي ماقصرت ارسلت له وارجع واقرء وش رد هو عليها !!! ماادري كلامه بلضبط لكن الي استفزني وخلاني اكتب كذا وهو انه قال بلا رسائلك الغبيه هاذي!!!! يعني شين وقواة عين!!!!! فلمواجهه بنظري حل والسبب!! لانه من النوع الي يتهرب وواضح من رده .... هي ارسلت له ولم ينفع معه الئ متئ السكوت يااخي !! والله شيء يرفع الضغط... ولا وش رايكم بصراحه انا مصممه علئ المواجهه دامه كذا .... الحرمه ماقصرت احترمته وارسلت له رساله وهو مانفع اجل وش تسؤي هي بلنهايه بتواجهه بلخير مثل ماتقؤل ولا راح تجرح لكن صدقني بتلقئ تجريح واهانه ويمكن الله لايقؤل طرده بعد....ويقؤل تبلت علي.. |
اقتباس:
حبيبتي وش له الخوف منه ؟؟؟ هو عاجبه سكوتك عنه !!! الئ متئ وهو من دوله لدوله وبكذب وياليته صدق وانتي ساكته واجهييه بكل الدلائل عندك لكن لاتورينه الفاتؤره لاجل اذا لقاها بيشقها ومابيكون معك دليل لو طردك !!!! قؤلي للاسف ضيعت الفاتوره ولو كانت معي والله لااؤريك رقمها وبدايته هو مفتاح رقم المغرب ولا تتهرب حبيبتي انتي بسكوتك تدمرين نفسيتك بتعيشين بنكد وكرهه له ..... وهو مقصر اكيد بحقك فالئ متئ السكوت !!! اذا قال تتجسسيين علي !! فقؤلي انا ماتجسست الا لاني لاحظت روحتك للدوله هاذي واكثر من مره ... ولاحظت تقصيرك معي منت مثل اول انت لو تلاحظ علي اني مبتعده عنك ولا اهتم بك فبتشك وتفتش جوالي انا مو من عادتي لكن ات من خلاني كذاّ.. تكفين واجههيه حرام ارحمي حالك. |
همس انا ماحب اكبر المشكلة لاني احب زوجي موووت وهو بعد يحبني بس مادري ليش يلعب من وراي
وانا اولادي صغار بنتي عمرها سنتين وولدي 3 شهور.وانا ماابغا اشتت اولادي واتعب واتعبهم نفسيا وزوجي يحب اولاده ومتعلق فيهم ومدلعهم...... اسلوبك ماعجبني احسه هجوووووووم مرة وحده ماراح ينفع وانا ساكنه في بيت اهله مع امه يعني موشقة لوحدنا بيتنا الجدد قاعدين نبني فيه للحين ماخلص وانا ماابغى اتطلق ابد |
اقتباس:
توني اتنبه منك هلكلام مهم جدا انا علئ بالي انك خلاص قلبك عافه من افعاله!!وبصراحه لو انا كان عفته من حركاته الله يهديه الاهم ابعطيك معلومه صدقيني سؤئ قلتي له بهجوم او بغيره او باسلؤب حلو وخير علئ قؤلتهم فصدقيني مابينتصح ابد ....انتي ارسلتي يعني كشفتي كذبه ولا نفع !!! اجل حبيبتي وش بينفع ..؟ انتي خائفه من المواجهه طيب واجهيه وباسلؤبك وتشؤفين تهربه وحججه الئ متئ بيسكتك ويستمر وانتي بتصبرين لاجل بناتك انا مااقؤل جهزي الشنطه وروحي بيت اهلك !!! لا بلعكس ودي تقؤين قلبك وتحاورينه والككلام اصلن بيجيء من قهر قلبك لكن ابتعدي عن السب والتجريح وبلعكس كلامي ماكان تجريح بلعكس احس كلامي يعني جدي وواقعي لما اراه منه واحاججه بما ارئ لاارئ موقفه وقؤله !!! طبيعي اصلن انه اذا كذبك فاانتي بتقؤلين الادله له !!! وهو بيسئل ليش تتجسسين وش تردين ؟؟ يعني اكيد بتقؤلين الي قلته ...... الاهم كلن كتب وانتي الاعرف والادرئ بزوجك واطباعه ! لكن صدقيني ان سكتي عن هلمشكله فزوجك بيستمر وانتي بتصبرييييين سنين والنهايه تستغيثين ابي احد يساعدني مليت او الله لايقدر تعبت وكرهت زوجي!...... الاهم الله يفرج همك والله من قلبي ادعي لك موقف صعب ويحتاج لقب قؤي . |
اقتباس:
عندها حلين ياتواجهه وتنهي المشكلة يا تسكت المهم اختي عروسة الله يسخر لك زوجك ويبعده عن الحرام انتي ادرى بزوجك وبمصلحتك بعد |
الله يفرج عليك اختي ويعينك ....
لاتنسين تعلمينا بلتطورات دعواتي لك باذن الله لاتنقطع ... الله يفرج همك... |
واحيانا زوجي يتكلم معي بلهجة غير حتى مرة في العلاقة الخاصة بعد ماخلصنا قام تكلم كلمتين باللهجة المغربيه
بس اكيد حبي اليه غير عن اول وثقتي فيه انعدمت يمكن قبل اسبوعين او ثلاثة انا كنت حاضنه زوجي في ووجهي الطوف وظهري التلفزيون وفي النافذة من جنب من يوم حضنته قام حط على قنوات الدعارة وواجهته شافني في الغرفة قاعدة ابكي وقال لي ليش تبكي قلت له مافيني شي تالي قلت له بسبب تصرفه قال لي انه اسف وانهصار له فترة مايشاهدهم وانه ماراح يطالعهم مرة تانيه بس انا طبعا مااصدقه........ |
اقتباس:
الله يصبرك ... كيف وانتي بحضنه يشووووف كذا ..؟؟:(:( صدقيني لازم تواجهينه ولكن بادب .. وبعدها ابتعدي عنه في الفراش وهدا من حقك الشرعي حتى تتاكدين من سلامته من الامراض ... حبيبتي هذا شي كبير فيه حياة او موت لازم تتاكدين من سلامته .. ابحثي في انت عن قصتين وحدة باسم برود ومطر ... والاخرى بعنوان ام بسمة للاستاذة ناعمة الهاشمي ..وكيف محاولاتهم لاصلاح ازواجهم ... وفيهم كلهم لابد من المواجهة ولكن بذكااااااااااء .. مشكلة الان انك رميتي شبكتك ولم تتعلمي الصيد ... فانتي ناقشتيه في الموضوع فالان هو راح يتوقع ردة فعل في المقابل ... لو انك تركتيه وبدات محاولاتك ومن بعدها المواجهة لكان الخيار افضل ... لعلك تجدين في القصتين الواقعية منفذ لك .. وعليك بسهاااااام الليل الله يفرج لك |
سفرات مشبوهه وقنوات اباحيه وكلام بلهجه معينه بعد العلاقه والله العام انها خيانه .. الله يصلح الحال.. الله سبحانه وتعالى يريد لك الخير لذلك كشف لك زوجك رحمة بك ... واجهيه حتى لو خسرتيه عالاقل تربحين صحتك الجسميه والنفسيه
|
استغرب حقيقة بعد كل ما اخبرتنا به انك مازلت تحبينه؟؟!!!!!!
لن اناقشك بانك اخطأت منذ البدايه، منذ ان منعك من لمس الموبايل والجواز، يفترض بك منذ تلك اللحظة ان تتركيه، لكنك اكملت.. لماذا تحبينه؟؟!!!!! خيانه منذ الخطوبة... كذب منذ الخطوبة..... سفرات متتالية، وكذب يتكرر، يستهين بك لصمتك الغريب وهدوئك الاغرب.. تقولين ان شخصيته قوية، لا تغضبي مني يا اختي، يبدولي ان شخصيتك انت ضعيفة بعض الشيء... كيف تسكتين كل هذه المده، احس ان لديك بعض البرود... والله لو كانت زوجة اخرى، لاقامت الدنيا ولم تقعدها.. ثم انك تعتبرين اقتراح همس هجومي، بالعكس، هو اقل ما يمكن فعله لمواجهة هذا الخائن.. ثم لماذا يخون؟؟ او حتى اذا افترضنا انه متزوج، لماذا يتزوج؟؟ انت صغيرة بالنسبة له ولم تقصري ويبدو انك وديعة، الا ان طيبتك الزائدة جدا عن الحد جعلته يتمادى.. انا ألومك بالدرجة الاولى، ووالله لم يغظني هو بقدر ما قهرتني انت من رضوخك وحبك الذي لا اعلم له سببا او مبررا.. والادهى والامر انه يشاهد قنوات اباحية وانت بقربه او بحضنه ان كان ما فهمته صحيحا؟؟؟!!!!!!!!!!!!!!!!!!! ماهذا الاجرام؟؟؟ ويتكلم بالفاظ من تلك البلد خلال العلاقة الخاصة؟؟ الا يعني لك ذلك شيئا؟؟؟؟؟ اليس دافعا لان تتمردي على ما يحدث؟؟؟؟ ثم اذا وضعنا كل هذا جانبا، ماذا عن الامراض السارية؟؟؟؟؟؟؟ لا تستهيني اختي، واعلمي ان لديك ابناء بحاجة لان تربيهم ام سليمة دون امراض، فيما لو كان ابوهم يخونك مع اكثر من امراة، او امراة مصابه.... نعم لما قالته همس، يجب ان تقيمي عليه الحجة، خذي الموبايل، واري اهله او عالاقل اهلك ما الذي يحدث، لا تريه ان ليس لك احدا والا تمادى اكثر واكثر واكثر.. ان رضيت بالوضع الراهن فانت الوحيدة التي تتحمل عواقب ما سيحصل.. اعتقد انك سكتت عن هذه المهزلة فترة طويلة واكثر من المفروض، لذلك مع احترامي لجميع اراء اخواني واخواتي، انا ضد النقاش بتساهل او بهدوء مع هذا، لان من الواضح انها تخاف منه وتعتبر شخصيته قوية، وانما الملموس انها ألغت كيانها امامه، لذلك يجب ان يكون هناك تدخل سريع وفوري من اهلها للدفاع عنها ان لم تكن تحسن الدفاع عن نفسها، وهي لا تحسنه فعلا.. لا تغضبي مني يا اختي ان كنت قاسية بعض الشيء، الا انني اراك قد أهدرت حقك بيدك.. |
الي اشوفه في زوجك باانه متزوج هذه المغربيه وقبل ان يتزوجك لعلها ارمله او مطلقه وباين عليه يحبها ومتعلق بها
وايضا يحبك انت ومتعلق بك ويحب اطفاله نصيحتي ان لاتدمري حياتك بعد ان يرجع من السفر بالسلامه وبعد ان يرتاح كم يوم ان تكلميه بكلام هادىء ولطيف وتمدحيه وتخبريه بمدى حبك له وحبك الى بيتك واطفالك وعشكم الصغير وتقولين له ان اعطيك الامان ولن اغضب منك واتمنى انك بالحلال وليس بالحرام واريد اعرف المساله ولن اعمل اي مشاكل بل اريد اعرف كل الجوانب واذا سافرت مرة اخرى اتمنى ان اسافر معك اعتقد اختي صاحبه الموضوع باان زوجك ليس مراهق فهو كما تقولين ملتزم اذن هو يعرف مايعمل الله يسخر زوجك لك ويزداد حبكما اكثر وكثر |
اعانك الله وانتبهي على نفسك من الامراض مادام انه يسافر ويقصد مكان معين اكيد له غرض واضح
لابد من المواجهة او يكلمه احد من اهلك يوقفه عن حده وحاولي كلما سافر رجلك برجله الصراحة كبير على الحركات الله يهديه ويسخره لك وذكريه انتب بالله و ابناءه |
الله يعينك ويهدي زوجك ان شاء الله
الاعضاء ما قصرو |
باختصار العروسة الصغيرة ذكية ماشاء الله عليها
هي شافت انها ماتقدر تلمس جوازه ولا جواله من ايام الخطوبة وعرفت انها في بعض الامور راح تتوقف عند حدها ولكن تزوجته ربما هناك مصالح هي تفكر فيها وهذا مايدل على صبرها وهي رغم كل هذا متمسكة فيه انا مااقول انها تترك زوجها بس سكوتها بحد ذاته غريب |
صدقيني إذا يحبك ما راح يخونك
|
اقتباس:
يحط زوجته في البيت وهو يحبها واذا سافر يخون |
سبحان الله
الله يهدي زوجك و يبعده عن الحرام |
اقتباس:
|
وش قررتي عليه يالغاليه ؟؟!
|
اكيد اني راح اواجهه والله يسهل علي يارب الاسبوع اجاي راح يرجع ان شاء الله وهو الحين مااسافر للمغرب راح بلد ثاني وانااعرفه لما يكذب هو قبل شهر كان بالمغرب يعني من تزوجنا 4 مرات راح للمغرب مرتين قعد فيهم 3 اسابيع والمرتين الاخريين 12 يوم ولما كنا مخطوبين مرتين راح للمغرب هذا غير قبل لايخطبني بعد.........
الله يسهل يارب وان شاء الله اقول لكم باللي يصير........... |
وانا سافرت معاه مرتين .....بس اكيد مو للمغرب
|
طيب هو يسئل عنك يشؤف اخبارك ولا مطنش!!!
انتي لاتدقين ولا تسئلين اتركيه !!! خليك يعرف انك معصبه وزعلانه عليه !! اذا سئلك وش هلجفا قؤلي جوالك كل ماادق مقفل ..... وبس واذا رجع لكل حادث حديث..... انتظر الاسبؤع القادم بفارغ الصبر لكن حطي ببالك ان يبيلك تكونين قؤيه وابتعدي عن رفعالصؤت والشتم ....... بل واجهيه بكلام حلو وبنفس الؤقت تعجب منك وادله اذا انكر.... |
الله يعينك و يفرج همك و يهدي زوجك
اميل لرأي تاج العروس .. احتمال كبير يكون زوجك متزوجها فاواجهيه بهدوء و اعطيه الامان ... و تطلع زوجته احسن من لو تطلع عشيقته او عشيقة من بين عشرات ... سوي طريقة الاخ تعاندني .. عشان ما يكون له مهرب وواجهيه بكل الحجج بهدوء و اخرها قولي له اعطيتك الامان انا عارفة و متاكدة انك تعرف عليا وحدة هناك . بس حابة اعرف هي زوجة و لا بالحرام ؟ وحاولي تمسكي اعصابك ... و تذكريه انه معاكم بنوتة الله يحميها ... امسكي هذا الوتر تراه حساس عند الاباء قولي له الدنيا دوارة و احنا معانا بنت الله يحميها .. الله يصبرك اختي |
انا متأكدة انه مومتزوج هناك لان مايروح في السنه الا مرة او مرتين
ومشكورين لتفاعلكم معاي همس المشاعر ونورا وكل اللي ردو على مشكلتي |
| الساعة الآن 02:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©