|
لاتبخلوا علينا باستشاراتكم لي ولكم جزيل الشكر
السلام عليكم ورحمة الله وبركاته كيف حالكم شباب وصبايا ان شاء الله الكل مرتاح .. بصراحة كنت اتابع مواضيعكم قبل لا اسجل في المنتدى هذا واعجبني ذا المنتدى ان اي شخص تكون عنده مشكله متعلقه في الزواج وماشابه انه يطرح مشكلته واللي بيقدر يساعده مو مقصر معه وقلت خلني اكتب مشكلتي يمكن اي احد يشوف لي حل فيها .. يا اخواني الاعزاء انا مشكلتي في ذي الحياة اني انقردت بحب بنت خالتي < من يوم كنت صغير وانا معجب فيها والحين انا عمري كمل 24 وداخل في الـ 25 وبنت خالتي اصلا ماتدري اني احبها والمشكله الأعظم أن الوالده الله يخليها لنا ماتبغى تاخذلي بنت من أقاربنا ولا تعرف اني رايح وطي مع هالبنيه والله ان قلبي كل يوم يتصافق وما ادري وش اسوي فـ وش رايكم يا اخوان وش الحل في مشكلتي اللي عنده حل او طريقة لا يبخل علي فيها الله يرحم والديكم ولايحرمكم الاجر وانا بصراحة خايف ان البنت تنخطب الله لايقوله .. |
وعليكم السلام أخوي الكريم مالك إلا تكلم أمك أو أنك سبق وكلمتها .....؟ وبعدين وش سبب عدم رغبة أمك بالزواج من الأقارب ؟!! العادة أن الأم تفضل بنات الأخت لولدها أكثر من بنات عمه !!! لكن المهم إذا حصل نصيب فهذا ما قدره واختاره الله لك وإذا ما كتب الله لك نصيب فهذه خيره لها ولك واطلب الرضى من المولى - عز وجل - بما يقدره لك !!! استخر وكلم أمك الكريمة الله يرزقك بالزوجة الصالحة التي تملأ عينك وقلبك عزوبي بس رجل |
اقتباس:
بآرك الله فيك .. أستغربت بأن الوالده رافضه فكره الزواج من الأقارب !! عادة الأهل يقولون القريب أولى بالبنت من الغريب .. إن شاءالله تكون من حليفك البرنسيسه~N |
لا مو شرط القريب أنا أهلي يرفضون الزواج من الاقارب خوف من المشاكل....وأنت ياأخي وش تنتظر قل لامك انك تبغاها
وان هي اللي مخطط انها تكون زوجتك وأصرررر عل أهلك يخطبونها وصدقني أمك راح تضعف بالنهايه لطلبك ...واخطبها قبل لاتطير وتتحسف تقول لو اني خاطبها واذا رفضك هذي خيره من ربي الله يوفقك ويسهل أمرك. |
افتح الموضوع لامك
وباذن الله ما يصير الا طيب ودائما اجعل ذكر الله على لسانك وقل الحمدلله الذي بحمده ونعمته تتم الصالحات واوصيك بالاستخارة قبل كل شي واذا كانت فيها خير لك الله يكتبلكم النصيب بالتوفيق |
يـحق لك تاخذ الإنسانـه إللي تبيـها أنت إللي بـ تعيـش مو أهـلك صارح أمك و قولها أنا أبيها و ما أبي غيرهـا إذا ماتزوجتــها ما أبي أتـزوج الله يوفقـك و يجعلها من نصيبـك يارب |
الله يجزاكم خير الجزاء وانا باحاول ألمح لأمي >> اليوم تقولي وش مواصفاتك في البنت اللي تبيها قلت بافكر يومين واعلمك وان شاء الله اقدر اتجرأ وأقولها اني ابي البنت اللي في بالي دعواتكم لي وان شاء الله ربي يحقق كل أمنياتكم .. |
إذا كنت فعلا تحبها وتبغاها زوجة لك لازم تسعى لها
وتحاول المستحيل إنك تتزوجها وإن ماصارت من نصيبك أمر الله لكن يبقى إنك حاولت أحسن من إنها تروح ولا يخطبون لك أهلك ثانية وانت مو مقتنع وتفكر فيها وفي قلبك مرارة عدم المحاولة وعلى فكرة أمرك سهل كونك شاب في مجتمعنا والولاية بيدك ما تحتاج موافقة أحد لكن باللين والمسايسة إن شاء الله بتقدر تقنع الوالدة الله يحفظها توكل على الله وموفق خير |
السلام عليكم ورحمة الله وبركاته ابشركم قلت لأمي عن البنت اللي ابيها وقالت لي بكيفك واللي تبيها اخطبها بس اهم شيء تكون مجهز نفسك وكل شيء بيتم بعد توفيق الله وانا خاااااااايف اني الحين اخطب ويرفضوني وكل هالتعب والتفكير يروح كذا فـ وش رايكم عطوني اراءكم لعل الله ينفعني بأحد اسبابها وجزاكم الله خير وماقصرتوا .. |
ربنا يسهلك اهم شي امك رضيت الان وبعدين ان شاء الله تتسهل الامور واذا من نصيبك راح تتزوجها اطلب من الله يكتبلك الا فيه الخير
<<احنا برضوا مانويد فكره زواج الاقارب الا ناادر بس يظل القريب افضل من الغريب |
تفائل بلخير
ودام امك راضيه فلحمد لله وهذا اللي نبيه رضئ الؤالدين وصدقني اللي كتوب بيصير ! وماتقدر تسؤي اي شيء الا انك تخطب وتنتظر االرد وعندي احساس انها هي بعد تحبك وماتقؤل !وتنتظر تخطب القلؤب عند بعضها يااخؤي ! عليك بلدعاء ان يكتب الله لك الخير ؤيؤفقك اخوي ...وهو الام وقؤل لاامك تدعي لك ...لان دعاء الؤالدين مجاب .. |
الله يعطيك على قد نيتك يا اخوي و بشرنا بأي تطورات
|
الله يجمع بينكم على خير يارب
|
بالتوفيق يأخي......
اذا عندك اخت اوبنت اخت اوبنت اخ عاقله وتثق فيها علمها وخليها تساعدك بأن مثلا تقيس النبض وتشوف اش رايها ومشاعرها ويكون هالكلام بينكم أنتم الثلاث فقط لاغيييييير عشان لوكانت رافضه {بعييييييد الشر} تبعد وبهدووووء بدون شوشره وفشييله واذا كانت موافقه:14:وهذا اللي انا واااااثقه منه تخطب وأنت وااااااااااااااثق |
خلي خواتك يجسوا نبض البنت او خلي الوالده تتصرف بطريقتها أفضل حل ربي يتمملك على خير ولاتنسى تبشرنا |
متكل على الله وش صار تقدمت لها؟؟؟؟؟؟
|
الله يوفقك ويعطيك من تتمنآهآ
آمين |
بما انك متكل على الله .. لا تخاف ان شاءالله كل امورك بتتسهل ..
الله يتمم لكم بخير يا رب ولا تنسى تبشرنا بالخبر علطول =) |
أبشركم أن البنت كنسلتها من حياتي بصراحة كنت اتوقع اني بانهار لو ماتزوجتها بس الحمدلله ربي ثبتني ولله الحمد بصراحة سألت عن أحوال البنت وما اعجبتني اخلاقها ولا تربيتها وبصراحه اقتنعت بنفسي انها لاتصلح لي لأن عائلتهم شبه منفتحه وانا بصراحة ابي حرمة تصون الدين قبل الدنيا والحمدلله على كل حال .. أسأل الله العظيم رب العرش العظيم ان يوفقكم لكل ما ترغبون فيه وأن يسدد خطاكم ويكتب أجوركم ويمحو خطاياكم ويكتب لكم في كل خطوة سلامه بصراحة ماقصرتوا معي الله يسعدكم وان شاء الله أهلي سيبحثون لي عن البنت اللي تصون دينها ودنياها والله يكتب كل ماهو خير لي ولكم والله يجزاكم خير قد ما اكتب لن ولم ولا استطيع ان اوفيكم حقكم واذا لقيت البنت اللي ارغب فيها وارتاحلها بأخبركم .. مع السلامه .. |
مو مشكلة ما كان في نصيب .. الحمد لله على كل حال ..
ان شاء الله ربنا يوفقك وتختار اللي تسعدك طول حياتك يا رب .. بالتوفيق و لا تنسى تفرحنا بعدين =) |
اقتباس:
ان شاء الله .. والله يجزاك خير وبيض الله وجهك على المرور العطر |
الله يرزقك ببنت الحلال الي تسعدك
يارب وتجي تبشرنا بزواجك منها |
^^^^^^^^^^^^^^^^^^ آآآآآآآآآآآمين وان شاء الله ابشركم في اقرب وقت جزاك الله خير |
الله ييسر أمرك
ما ظنيت إنهم يرفضوا طالما إنك أهل للزواج بس أنا شايفه إنها حتكون صغيرة بالعمر فطول بالك عليها وكون إنك كلمت أمك هذا أحسن شئ سويته الرسول صلى الله عليه وسلم يقول ( لا أرى للمتحابين غير النكاح ) الله يوفقك |
الله يلاقيك بالبنت اللي تصون دينها ودنياها وتعيش معها في سعادة.:)
|
ان شااء الله ربي بيعوضك ويرزقك ببنت الحلال اللي تسعدك يارب عاجلا غير اجل يارب .. |
الله يجزاكم خير الجزاء ويكتب أجوركم ولا يحرمكم منها بيض الله وجيهكم |
ربـي يسعـدك والحُب ينولد يآأخ ـوي
الله يسعدك بـ آطيب البنـآت ان شاءالله بالتوف ـيق لِـما يحبُه الله ويرضاه |
الخيره فيما اختاره الله لك
الله يعوضك بالبنوته اللي تناسبك |
الله يوفقك ويسعدك يارب
ويجمعك ببنت الحلال اللي تسعدك وتصونك وتعينك ع خير حلو انك انت اللي شلتها من بالك من نفسك وهذي خيره لك اصلا الله يكتب لك اللي فيه الخير وتلقى اللي تسعدك يارب |
الله يجزاكم خير ويحرمكم سيئات اعمالكم ويكتب اجوركم عاجلا غير اجل |
| الساعة الآن 08:45 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©