|
حب زميلي بالكليه ما العمل؟
السلام عليكم
تردد بطرح مشكلتي.. لكن ماقدرت اصبر اكثر.. انا فتاه ادرس بالجامعه وطبعا جامعتي مختلطه.. والسنه الي طافت.. صار معاي بالصف يدرس طالب سعودي.. هو دايم يطالعني.. بس انا تجاهلت النظرات.. ماصبر اكثر جه وكلمني وقام يسالني بحجه بستفسر عن الدرس.. اليوم الي عقبها قام يشرح لي دروسي وهو محترم جدا. ومره طلب ايميلي بحجه انه راح يطرش لي ملخصات تفيد بالامتحان وانا عطيته ايملي.. وبالفعل طرش. وبعدها ضافني على المسنجر.. وكنا نسولف بس عن الدراسه .. ويوم عن يوم سوالف ودراسه لين ماعترف لي انه معجب فيني بقوه ... وماقدر يخبي هالشي.. انا طبعا انصدمت وماعرف شرد.. لانه هو متزوج.. واكبر مني بوايد.. انا بدايت العشرين وهو نهايت الثلاثين او اربعين . وعنده عيال.. انا قلت له لا خل علاقتنه زماله دراسه.. وصرت السنه الثانيه وصرنا بنفس الصف.. وصار كل ما البس شي يجي يوم ثاني يعلق ونوعا ما احسه يغار..ودائما يلمح لي انه لازم البس عبايه. واذا شخص نظر لي او حاول يكلمني يعصب ويتنرفز وحركاته واضحه بالجامعه. وبعدها اعترف لي انه يحبني ويبي يتقدم لي رسمي.. انا انصدمت ماعرفت شسوي؟؟؟؟؟؟ قلت له شلون انت متزوج ومن ديره غير ديرتي.. وفوق هذه الاطفال وفارق السن الي بينه.. وقام شرح لي قصته وانه زوجته ماتفهمه وماتهمت بنفسها وانه تزوجها ومايحبها.. بس هذه قرار اهله وتزوج صغير.. ومن هذه الكلام.. انا صراحه رفضت انه يتقدم بس كل يوم يلمح لي وانا خايفه اتعلق فيه اكثر.. ومابي اخرب بيته واخرب حياتي انا بعد ابي اجوف المناسب وماعلق نفسي على وهم . لانه احس نفسي كل يوم اميل له.. لانه صعب.. بس التفكير يوديني ويجبني ساعات اقول بخليه يتقدم وساعات لا اقول خلنه زملاء مو عارفه.. لانه كل يوم يفتح لي الموضوع وعن حبه لي.. سوري على الاطاله بس اتمنى تفيدوني.. شسوي اخلهي يتقدم او انهي ايل بينه؟ بس شلون انهيه وهو معاي بالصف وكل يوم بجوفه صعب فيدووووووني عن جد حايره |
حبيبتي انتي قلتيها
انتي قلتي سلبياته بنفسك فرق السن .. متزوج عنده اطفال ... بسوي لك مقارنة صغيرة و انتي احكمي بنفسك شاب .. بنفس عمرك .. افكاركم متشابهه و ميولكم متشابهه ولا رجل اكبر منك بكثيير .. انتي حابة تنطلقي للحياة وهو يشوف كل شي تسويه لعب اطفال ... شاب اعزب .. يكون لك وحدك .. تكوني اول وحدة بحياته . يحس معاك بطعم الحب و المودة و الحنان لاول مرة تكون ليلة زفافكم هي فرحة عمركم الاولى .... يكون اول حمل لك . احلى خبر سمعه بحياته .. يكون اول مولود لك كل دنيته ويحبه اكثر من نفسه ولا رجل تتشاركيه .. مع اخرى ... تتقسم الليالي بينكم .. مر بتجربة العرس و ليلة الزفاف من قبل فاماتفرق معاه اول حمل لك . مابيفرق معاه لانه مر بهذه الاشياء من قبل و يمكن حتى يطلب منك تاجيل الحمل و مايفرح لانه طفشان من العيال و حابب يقضي معك اجمل الليالي بعيدا عن هم الاطفال ... اول مولود لك ما بيكون فرحته الكبرى لانه عنده غيره بعد عشر سنوات من الان .. تفضلي تكوني مع رجل في الثلاثين .. بعز قوته و رجولته ولا مع من دخل الخمسين و بدات اثار العمر بالظهور عليه ؟؟؟ المقارنة تطول و هذا غيض من فيض ... لساتك باول الطريق .. اذا حابة تواصلي معاه الله يكتب لك الخير و اذا قررتي تصديه .. فا اتخذي قرارك بسرعة ... و وواجهيه بقوة انك ما تبيه ابدا ابدا و قولي له على سبيل التهديد يا يبعد عن طريق ياما بتكلمي حد من اخوانك يتفاهم معاه فكري جيدا و اختاري ما يناسبك ... |
هذا الإختلاط ومايسوي
انا ماراح اتكلم عن الاختلاط لانه مووووضووووع يطووول الحديث فيه لكن حبيبتي انا انصحك نصيحةخليكي بعيدة واحكمي نفسك ترى بعض الرجال عندهم نزوات واللي قالة عن زوجته لازم يقوله اجل يقول كاملة وانا حبيتك من وراها استغفر الله صديه وترى راح يتعلق بيكي اكثر لكن حاولي تبعدي عنه ولو كررها قوليله بكلم زوجتك واللي سوله في زوجته بعد السنين والعشرة والاطفال بيسويه فيكي |
اقتباس:
صح مقارنتك بينه فروق كبيره.. صح انا ماتمنى اشاركني بزوجي وكل الي قلتيه صح العقل يتبقبله بس القلب غير.. يعني ساعديني شلون اخليه يشيل الفكره هذي ولا يقعد يعطف ويدلع .. تعرفين انا بنت قلبي خالي وهو يحاول يحسسني اني ملاك على الارض.. وكل ماقول له ماننفع لبعض واحنا زملاء ودراستنه اهم لازم يتفح هالموضوع.. واتمنى شخص قريب بالسن مني مو اربعين هو طيب واذا استخدم اسلوب الهواش صراحه يكسر خاطري لانه يقول لي جرحتيني و بكيني وانا قاعد ابكي اهني احس بتئنيب الضمير صراحه مو عارفه شلون اتفاهم وياه علميني.؟؟ حتى لين بابا يجي ياخذني من الجامعه يجوفه واقف معاي ويسلم على ابوي ويحاول يتقرب من ابوي.. تعبت مو عارفه قولي لي شلون اكلمه هو بعدين بدش شلون اتكلم معاه؟؟؟؟ شقول؟؟؟ ويعطيج العافيه |
اقتباس:
مشكووووووره خيتوو على النصائح شلون اكلم زوجته؟ وانا بحرينيه وهي بعيدب السعوديه؟ وثاني شي زوجته ماتعرف للنت شبه اميه!! والله كله اذكره انه حرام تسوي هالشي من ورا زوجتك يعتبر خيانه.. قال يعني حرام ادور على سعادتي وهي مو ساعدتني .. قلت له انصحها يقول تعبت وانا انصحها مافي فايد. وانا صج صج ابي احسمالموضوع لانه احسه قاعد يكبر والتعلق فيني صار اكبر من قبل.. وابي بنفس الوقت لو تركته متيجي لي الجامعه يوحرجني.. لانه تعرفين هو معاي بالصف. :( |
شو رأيك لو قلت لك انه سيقول و يفكر عنك نفس ما قال و نفس ما يفكر عن زوجته الحالية؟؟؟
هذا انسان تعبان... زوجته جايبتله الاولاد و عاشت و صبرت عليه و هو جاي يزحط لها؟؟؟؟؟ ابعدي!! و هدديه ما يقرب لك بعد اليوم و بس..:( الله يوفقك... |
شوفي قلبك ممكن توقفيه الحين لانك لسه ببداية الاعجاب
و تاجيل الموضوع و سماعه و التواصل معاه و الليونة راح تزيد الموضوع تعقيد .. لو حابةتسمعي رأيي ارسلي له ايميل .. قولي له كلمتين يابن الحلال .. الله يوفقك مع زوجتك و اولادك شوف طريقك و لا تعترضني و الا والله بقول لاهلي يشوفوا حل معاااك لازم تكون الرسالة حاازمة عشان يحس انك جادة مو تلعبين عليه بعدها اقطعي المسن .. سوي له بلوك و احذفيه ... ا اذا في بينكم اتصالات اقطعيها فووورا .. اذا تعرض لك بالجامعة .. زي ماقلت لك وااجيهه ... قوليها بصريح العبارة مابي معك اي اتصال او سؤال و سيبيه و امشي هاوش ... بكى .. قام .. قعد مالك دخل قوي قلبك و اذا اعترض طريقك هدديه انك بتقولي لابوك انه في حد يضايقك و بتخليه ابوك يتصرف معاه الموضوع محتاجة قوة شخصية و حزم ... هذا اذا كنتي فعلا جااادة اما اذا بتقعدي تقولي لي كسر خاطري و بكى و انا ما اقدر و من هالكلام ... فا اكيد راح يظل وراك لانه يحسبك مبسوطة و تثقلي عليه ... اما بالحزم بيعرف انك جدية الله يوفقك |
اختي ترا زميلك يتسلى والا مو جدي بالمووضع
لاتضيعين مستقبلك ودراستك بتفاهات الله يوفقك ويكتب لك الخيير |
اقتباس:
انا بعد افكر اقول بعد عشرت هالعمر يقول ماتنفعه وانها اميه وماتلبس وما عندها نقاش وسلوب ومن هالكلام.. دائما يشكي الحال انه مظلوم من ناحيتها وانه ظلموه وزوجوه صغير .. صعب اهدده لانه خايفه صعب كل يوم يطلع لي بوجهي بالجامعه.. وصراحه خايفه يسوي شي ضدي بالجامعه بس ماتوقع لانه طيب .. انا صج خلاص مابي اكلمه لانه هو مو باله زماله ودراسه في باله حب وزواج تعبت منه.. وتشكر على التفاعل بالموضوع والنصائح |
طريقة انك تبعدي عنه هو انك تعرفي انه لعاب يلعب من وراء زوجته و سيلعب من خلفك ان لم يتوب الى الله...
و ايضا تخبري اهلك او اخوانك فيه على السريع.. و بعدين الغيه من المسنجر و الايميل نهائيا!!! هو اجنبي عنك.. بعدين لا تسلمِ عليه او تنظري اليه.. تجاهليه تماما... بهذه الحركات ان شاء الله تتغلبِ على الشيطان اللي في رأسه... او اعملي مثل ما قالت لك الاخت نورة و لا تيأخذك رأفة عليه! هذا يريد يهدم معنوياتك و كرامتك و يتسلى بك.. |
اقتباس:
لا مابينه غير المسنجر وبالصف. وعلى فكره كل يوم يطحن على سالفت الموبايل بس انا اتهرب.. لانه صج ماتخيل نفسي اكلم وفوق هذه متزوج وعنده عيال.. حرااااام احسه خيانه.. هو يقول انه مو خيانه وانه شرع ومن حقه :( انا خيتو والله جاده ابي يبتعد عني.. لانه تعبني.. كله يطحن عن الزواج.. ويحاول يفر مخي .. اقول له يمكن ابوي مايرضى.. يقول اذا انتي تبين تقدرين تعارضين وتقولين ابيه.. وانا صعب اعارض اهلي صعب. وانا الحين بسوي الي قلتيه مابدش المسنجر لانه مابتسحمل كلامه .. لانه اعرف من بكلمه بالموضوع بقول انا ابكي وانكجرحتيني وكسرتيني ومن هالكلام وارد اهون.. قاعده افكر اكتب رساله على الايميل وطرشها وانه لازم يشيل هالفكره من راسه ويتركني.. والله يسعدج حبيبتي |
اقتباس:
هو يحلف جدي .. وترا هو الي نافخ راسي بسالفت الزواج وانه يبي يكلم ابوي. بس انا مابيه ومابي اتسلى وضيع مستقبلي وخرب بيت.. جميعا يارب تشكر اخوي يعطيك العافيه |
اقتباس:
قلت صح هو يحبني ولو نفرض وافقت وخذيته ماضمن انه مايدور غيري بعدين !! انا الحين ماحذفته. اول بكتب رساله وبطرشها واذا رد عاند بقول له بعلم اهلي لانه صج تعبت وشكرا لك |
اقتباس:
يتمادى معك بالنقاش لحد خربان البيوت اقطعي الاتصال بصرامة و بسرعة... لا تدخلي بالتفاصيل و لا تردي على ايماله كمان |
نسيت اقولك
انتبهي على صيغة الرسالة بحيث انها ما تبين انكم كنتو على علاقة مثلا لا لازم تبيني انه هو يجري وراك و انتي مو راضية بهالشي مثلا يابن الحلال .. الله يوفقك مع زوجتك و اولادك شوف طريقك و لا تعترضني و الا والله بقول لاهلي يشوفوا حل معاااك عشان لو طلع نذل ما يستغلها ضدك الله يحميك من شره |
اقتباس:
بس لاني اتا كنت اتعاطف معاه لانه دايم يقول لي انه مظلوم وانه يبكي |
اقتباس:
عيل شنو اكتب؟ |
اقتباس:
|
اي وبقولكم شغله..
ترا هو ساعدني وايد بالدراسه وسوا عني واجبات كثيره وغير المخلصات.. اشكره عليهم ولا اطنشه .. خوفه يقول عني مصلحجيه !! قولو لي شكتب كلام مرتب |
اقتباس:
ما عليك من كل هذا.... طنشي... اركضي بجلدك بعيدة عن المصيبة و العار يا اختي اقتباس:
لا مو لازم تفهميه لالالالالا... الحياة بتفهمه ... انت اركضي بجلدك بعيدة عنه فورا.... اكتبي ما قالته لك اخت نوورة..و بس اكتبي: يابن الحلال .. الله يوفقك مع زوجتك و اولادك شوف طريقك و لا تعترضني و الا والله بقول لاهلي يشوفوا حل معاااك لا عاد يكون بيننا اي اتصال الله يوفقك |
اقتباس:
راح اكتب واسوي الي قلتوه يعطيكم العافيه |
انتبهي أخاف يتبلى عليك بمصيبة والا شيء !!
يمكن هذا استدراج منه انتبهي !! وانصحك اتركيه بدون لاتكتبين رسالة ولاشيء !! وعلمي أهلك !! الله يستر علينا وعليك ,, ! |
قولي لأهلك و خلاص حطي حدود ما بينكم
لو هناك حدود من البداية ماكان تجرأ |
اقتباس:
المشكله خيتو انا طرشت من اشوي رساله.. اوكي .. بس مارد .. كل ايل قاله ابيك ضروري دشي المسنجر.. انا ابيه يقول اوكي خلاص الي تبينه يصير.. هو يباني ضروري بالمسنجر .. ومو عارفه ليش ؟؟؟ ومو حابه ادش لانه اعرف بقول انه يبكي واني جرحته اوف تعبت صعب اعلم اهلي :( من جذي علمتكم لانه اعرف عصبيين وبسون سالفه اخاف يهاشوني .. امي مو مثل بعض الامهات الي تصادق بناتها وعادي يقولون ايل يصير.. امي لا على طول عيب وهواش وابوي هم مثل الشي :( |
اقتباس:
|
هذا ابليس يريد ان يفسد عنك النجاااااح ويلهيكي عن الدراسه والتفوق
مثل ما قال اخونا الذئب والخروف انا نصيحتي انسحبي بهدوء مثلا اطلبي منه ان يؤجل موضوع الزواج لبعد التخرج هذا رجل وزوجته بعيده عنه ويريد يتزوج لحاجه في نفسه وما ان ينتهي من الدراسه ويكون شبع منك سيتركك ويعود لزوجته واولاده واكيد مازال اربعيني يعني عنده اولاد قريبين من عمرك 16 او 18 المسنجر مثلا :آسفه اليوم مريضه او آسفه اليوم كتير مشغوله عندي فرح كل يوم حجه شكل اول حجه وباقي الحجج تخرج منك لوحدهااا رح يفضل يتكلم لان شهوته قاتلته ويريد الزواج اعذب دهر ولا ارمل شهر فما بالك الللي زوجته بعيده عنه ثم اهلك لن يوافقو عليه لذلك رح تفتحي عليكي باب كبير يدخل منه ريح قوي انتي بغنى عنه دراستك ثم دراستك ثم دراستك صدقيني رح يدمر لك مستقبلك وحياتك بكلامه المعسول ادعو الله لك ان يرزقك الزوج الصالح اللي يستاهلك وهو اللي يمطر عليكي كلام معسول ومن قلبه |
اقتباس:
صح اذا كلم اهلي بسون لي سين جيم ومن هالكلام وبالفعل اعياله تقريبا قريبين مني بالعمر.. صحيح ترا هو دائما يقول لي اني ملاك ماعرف ليش؟ مع انه حالي حال غيري.. واذا اقول له مايصير تقول لي جذي لانه حنا زملاء يعصب ويقول جرحتيني ويقول انه يبكي ! يقول انه مظلوم من اهله ومني :( ويعطيج او يعطيك الف عافيه على الكلام السليم والنصائح.. وانا بتحجج ابهطريقه وبتهرب من المسنجر |
اقتباس:
أختي الكريمة ترى مثله ما درى عنك ولا نزل علشانك دمعة ..... فلا تتركي الشيطان يضحك عليك ويصور لك بأنك جرحتيه وأتعبتيه ..... و إنك لازم تعتذري له ومن هالكلام اللي ما له معنى.... اتركيه وغيري عنوان إيميلك عزوبي بس رجل |
أنتي ليش شاغلة بالك فيه ... اتركيه الله لا يرده ... خليك حازمة واتوكلي على الله ... بكرا يجي اللي يستحقك ...
لا تدفني نفسك معاه .. :29::29: . . الله ينور بصريتك ويوفقك في حياتك |
اقتباس:
الل ارضاه لبنتي ارضاه لك مازال متعود على الظلم من اهله خليه يتعود منك هذا كلام معسول ليقضي بها حاجته ووقت يتخرج يرجع لعائلته ويترركك مجروحه مع حب فاشل وخديعه حاولي تشغلي نفسك باشياء وتحججي بها ان كان بالجامعه او بالبيت ودايما اخترعي حجج تملصي به بشكل ما يحس انك تتهربي منه ابقي واعيه جيداااا فانتي متعلمه ومثقفه ولست اميه لتنخدعي بسرعه |
اقتباس:
سبحان الله رجل يحادث إمرأة غريبة عنه و يبدي إعجابه بها و نقول محترم جدا رجل يعيب زوجته عند إمرأة غريبة و نقول محترم جدا رجل يسعى في إنشاء علاقة مع إمرأة غريبه و نقول محترم جدا رجل لا يفكر في تبعات حديثه مع إمرأة غريبه و نقول محترم جدا رجل ينتهك عرض ( و ليس شرط أن يواقع حتى ينتهك ) فالعين تزني و اللسان يزني و اليد تزني و الغريب اننا نقول محترم جدا فعلا شيء مضحك صدقيني أختي أنا لا أهاجمك و لا أريد التطاول عليك لكن و الله إننا مجتمع مشوه لا يعرف الحق إلا من رحم ربي و ما يثير السخريه لدي انه أصبح في مجتمعنا رجل يزني و يدخن و نقول عنه متدين لا و وسطي اللهم يسر لهذه الأمة أمر رشد يعز فيه أهل طاعتك و يصلح فيه أهل معصيتك لا حول و لا قوة إلا بالله |
ما أزيد ولا أنقص,الأخوان والأخوات ماقصروا..
الله يسهل أمرك.. |
اقتباس:
يا بنت الناس ابتعدي عنه نهائيا هذا مدخل من مداخل الشيطان فكري في مراته المسكينة لا حول ولا قوة الا بالله العلي العظيم من وين جبتي احترامه هذا ال محترم جدا ال اتقي الله وابتعدي وخلي عندك كرامة لا تكلميه وانسيه من قاموس حياته ارجوك ثم ارجوك فكري في مراته لو كنتي انت مكانها اواختك في مكانها ضعي نفسك في مكانه وخلي عندك الشجاعة عشان تمحيه من المسنجر الزفت دا ولا تكلميه ولا شئ كلمي صحباتك البنات وخلي بالك من دراستك بدل هذه الخرابيط الله يهديك ويهدينا بس |
حبيبتي المجتمع في السعوديه غير البحرين وغير لبنانا
بمعنى ان الجامعات في السعوديه غير مختلطه والرجال هناك لا يحتكو بالنساء بتااااااااااااااااتااااااااااا لذلك اي كلمه من اي زميله له في الجامعه او العمل تفسر له بمعاني كثيره ومن ثم هو عمرو كبير وبعدو بالجامعه ادمجي نفسك مع اي مجموعه صبايا وانشغلي بهم وقولي له مشغولين نحضر نشاطات للجامعه اكيد عندكم نشاطات بالجامعه اشغلي نفسك معهم كل يوم اطلعي بسبب وحجه وطبعا اخبريه انكم ستؤجلون مشروع الخطبه قليلا |
أختي
الإختلاط في الجامعات مو حجة ، بعدي عنه قال يبكي قال و مجروح ؟؟؟؟؟؟؟؟؟؟ كذاب و مخادع يبغى يدخلك في المصيدة |
قال ببكي!!!!!!!!!!
اختي كم عمر معرفتكم حتى يبكي وينهار ويتعذب ووووو...... دموع التماسيح.. عموما الاعضاء لم يقصرو.. ارجوك انتبهي، ولا تضيعي مستقبلك.. |
اقتباس:
ثم ياأختي أليس في الجامعة فتيات في عمركِ تصادقينهن بدل هذا الاربعيني؟! وانتِ اخطأتِ من البداية لماذا تعطيه ايميلكِ؟ غيري ايميلكِ وانهي أي تواصل بينكما؟ ابدأ من الآن فبل فوات الآوان |
اقتباس:
وشكرا على النصيحه اخوي |
اقتباس:
ان شاء الله وهذه الي بسويه اكيد.. يعطيكم العافيه ماقصرتو والله |
اقتباس:
فتحت عيني على اشياء.. خوفه بعد مانتخرج يرج ديرته وانا اضل معلقه !! ان شاء الله بحاول اسوي هالشي.. وبعد شوي بخبركم شنو سوا اليوم بالجامعه |
| الساعة الآن 12:12 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©