أريد الطلاق وزوجي رافض( قراري الأخير)
 

السلام عليكم ورحمة الله وبركاته

لا إله إلا الله محمداً رسول الله

أنا مليت من موضوعي الأول واتعب إذا فتحته

( أريد الطلاق وزوجي رافض)


بعد كل محاولاتي انا وزوجي للتفاهم والانسجام اللي عشناه الفترة الأخيرة
تفاهمنا على اكثر النقاط وذكرت أنه تغير كثير للأفضل وأنا قربت منه اكثر
وللأسف بعد كل هذا رغبتي بالطلاق زادت وكرهي له زاد

بمجرد ماننسجم مع بعض ونتآلف مانكمل يومين إلا ويصد عني وكرهي له يتجدد

يازوجي فيه انفصام بالشخصية أو أنا فيني شي

أو علاقتنا فيها شي مو طبيعي

هو يقول احس ان نفس زوجك السابق للحين فيك
وإذا كانت نفس وش علاجها
أنا اليوم شبه منهاره استغفر الله

واحد مرح جزاك الله خير


.بصراحة لا لا لا
مافيه حافز للإستمرار
بس اعاند مشاعري واقول اصبري

رواااء ضعي الرقيه الشرعيه

واستمعو اليها معا


رح تتعبو بالبدايه مع الرقيه ولكن بالاصرار كلو ان شاء الله يزول

الله يعينج ويصبرج

بس ممكن سؤال شلون يعني يصد عنج شلون يعاملج؟؟؟؟؟؟؟؟؟

رواء الله ييسرلك أمرك ويكتب لك ألي فيه خيرحبيت قبل ماأسجل خروجي النهائي أودعك وموفقه دنياوأخره والله أستفدت من أشياء كثيرة ومنهانصائحكم لي قبل مسافرسوريعطيكم العافيه في أمان الله لجميع الأعضاء

السلام عليكم عزيزتي..

انت شكلك خلص حطيتي فكرة الطلاق ببالك وانت نفسك مش حابه تكملي ففي كل مشكلة كبيرة كانت ولا صغيرة بترجعي بتفكري بالطلاق..

بالله كيف رح تقدري تعيشي حياتك مع زوجك هيك؟؟

شيلي فكرة الطلاق من بالك وحاولي تصلحي، شغلي الرقية، اقرأي قرآن ، ادعي الله يسخرلك زوجك..

والله يهدي سرك، آمين يارب..

أختي من الحكمة أن لا تتخذي أي قرار وأنتي غاضبة أو متوترة,

واستنفذي جميع الحلول قبل اتخاذ أي قرار,

ولا تنسي ضعي الرقية الشرعية في قائمة حلولك..

والله يكتب لك الخير..

اختي الحبيبة..

عندما تصارحينه وتسألينه عن اسباب صدوده بماذا يجيبك؟؟

ولدي سؤال اخر قد يكون هو السؤال المحوري، وسامحيني ان كنت صريحة زيادة عن اللزوم، ولكن غرضي هو الوصول للسبب الحقيقي لرغبتك في الطلاق:

هل تحبينه؟؟
ام انك تحسين انه رجل كبير، وكنت تتمنين الزواج بشاب في مثل عمرك؟؟
اقصد من سؤالي، هل تحسين بعدم انسجام تفكيركما؟؟ هل هو في وادي وانت في وادي؟؟
هل تحسين بالفجوة التي يسببها فارق السن؟؟

بانتظار اجابتك غاليتي..

أعذروني ما اقدر ارد عليكم رد فردي

زوجي بمجرد مايوصل لرغبته ينقلب وحش كاسر ولا كأني زوجته
واللي كان يلومني يقول ارجعي بيتك انا ماكنت اقدر ارجع قبل لا اتأكد من صدقه
صرنا نطلع زي ماقلتلكم وعشنا ايام حلوه كلها تفاهم وشوق وانسجام ولا حبيت اقسى عليه اكثر
قلتلكم سافرنا يومين وشي طبيعي لابد نعيشها وكاننا في بيتنا
بعد مارجعنا انا رحت بيت اهلي لاننا متفقين ع السفر بعطلة الصيف ولا رح نرجع لبيتنا الا بعد مانرجع من السفر

وعدني زي كل مره نطلع وكنت بروح مشوار ضروري جلست انتظره من العصر الى 10 بالليل وبعدها اتصلت رد علي بدون نفس قال نعم ماني جاي
تجاوزت هالموقف وبعدها اتقرب منه وهو يصد وبعد يومين قال اجيك تجهزي وانتظره من المغرب الى 11 وبعدها ماصار يرد علي
انهارت اعصابي ونفس الشي حاولت اسيطر ع الموقف وهو نفس الشي ساعدني واعتذر
بعدها صار موقف مانع الحمل اللي انقلب فيها وحش من جد وعاد كل الماضي عشانه

الايام اللي سافرنا فيها عيشته فيها وكأنه ملك حتى رجوله اقبلها وعززت ثقتي فيه وحاجتي له
واحتسب بعملي وجه الله قبل رضاه
وكعادته بعد ماطاح اللي براسه صار يناقض كلامه ووعوده وتراجع عن اتفاقه ورجع لوحشيته وتصرفاته السخيفه
ياحقارته مايستحي قبل لايوصل للي يبيه يعتذر ويوعد وبعد مايشبع حاجته يتناقض
وياليت انا اشبع حاجتي منه متجاهله نفسي عشان راحته
ومن حقارته يقول احمدي ربك احط فمي على فمك انا عمري ماسويتها مع اللي قبلك بس انتي احسك طاهره
انا ما ابي ادخل بتفاصيل العلاقة الخاصة اكثر من كذا ولكن هذا غيض من فيض
ولعلمكم
من تزوجته خلال سنه ونص سافر 4 مرات لحاله والحين طالع بموضوع تجارة برا
ولا عمري اعترضت على سفراته بس بديت اشك باخلاقه بعد موضوع العباية المخصرة
هذا كله وهو يحلف يقول ما ارضى غروري احد زيك ولا ملى عيني غيرك
انا الحمدلله واثقه من نفسي ومستغربه من تناقضاته
لاحد يقول البسي قولي افعلي
كل شي اسويه حتى الرقص ارقصله وهو يقول ماشفت بحسن تبعلك احد
في النهاية
على ايش اضيع باقي شبابي معاه فوق كل سخافته
لا اطفال ولا اشباع عاطفي ولا إعالة تليق بمستواه المادي
حنيته بمزاجه ووفقاً لرغباته الخاصة وإذا راق صرفني وإذا تذكر راتبي يجحف
مو بخيل عشان ارتاح ولكن مو متحمل مصاريفي ومصاريف البيت زي اي زوج

اتزوج شاب محدود الدخل واصرف عليه وعلى نفسي يغير علي ويحميني من الفتنة ويحفظ عواطفي
ويرغب بالانجاب والاستقرار ولا اخسر صحتي عشانه

لا تلوموني على صراحتي انا منهاره

بسم الله رواء وش فيك غاليتي
بعد ما فرحنا و قلنا بترجعين وش اللي طرأ عليكم
أكيد في شيئ
أوصيك بالرقية الشرعية و التروي و عدم الإستعجال
تكفين طمنينا عنك
و إن شاء الله نسمع عنك كل خير يارب

اختي الحبيبة..

زوجك غريب فيما يخص بعض تفاصيل لعلاقة الخاصة( القبلة) عفوا لصراحتي، ولكن يا اخواتي ارجوكن لا تهاجموني، الا انه فعلا يتمنن عليها في امور هي الف باء العلاقة الجنسية وتعتبر بديهيات ومن اقل حقوقها وابسطها على الاطلاق..

ليس لي يا اختي ان اتدخل اكثر في هذه المساحة، الا انني اقترح ان تعطيه الفرصة الاخيرة، كي تكوني ارحت ضميرك وفعلت ما بوسعك، ولا تلومي نفسك بعدها، وان لم يتغير، فلكل حادث حديث، دعينا لا نستبق الاحداث..

صراحه يا اختي .. دوري سعادتج .. شخص يقول مااحمدي ربك عشان.. شنو شايفج مثلا.. بس يشبع الي يبيه وينساج هذه اناني.. وثاني شي لا تسوين مثل بعض البنات تضيعين عمرج على امل انه يتعد واحسن واذا تعدل بعد جم سنه يا سمح الله عشر ولا عشرين؟؟؟؟؟ يعني ماباقي من العمر شي يعني سنتين بس تسنانسين معاه بعدين الله يستخيره.. لا حبيبتي عطيتيه فرصه كافيه لو انا منج حده والله شهر ناعتدل ادور راحتي... ماضيع عمري عشان انهب يعتدل لو فيه خير وعتدل جان اعتدل من اول من من سنينن..

وانصحج تطلقي منه على طول

وتركيه عنج

جوفي خلج عزيزه
كل مادورتي سعادتج ولا رضيتي تعشيني معاه
هو بحس بالنقص وبيقترف من ايل يسويه...
وثاني شي انا اخذها قاعده شخص مو مرتاحه له ماعطي نفسي صبر اجوف راحتي اول.. لمتى البنات بضلون جذي؟؟؟؟؟؟؟ هو طول حياته متلذذ وانتي عليج الي تصبرين وتنطرين عشان يعتدل ليششششش يا سمح الله هو له رب وانيت مالج رب يعني؟؟؟؟


انا لو ادش مقابله قبل الزواج شخص ماعجبني ماقول انه بيعتدل على طول ارفض

لمتى بصبر يعني
ولا تجازفين اكثر
ترا العمر بضيع من عمرج مو من عمره
هو ارودي مستانس وماخذ الي يبي

تحياتي

الله يفرج همك يارب ويهدي زوجك

جربي الرقية وإن شاء الله تنفرج
فيه كتاب صغير اسمه الرقية الشرعية لك ولأهلك
جامع آيات وأحاديث الرقية عن العين والسحر والمس

أقرأي بالموية اللي تشربون منها
وانتي خليك على يقين وأنتي تقرين

وسورة البقرة تطرد الشياطين عن البيت

ولما تعوذين ولدك الصباح والمساء عوذي زوجك ونفسك معه 3 مرات لأنها شاملة(أعيذ نفسي وزوجي وابني بكلماتك التامة من كل شيطان وهامة ومن كل عين لامة)

ربي يسعدك يارب

الرقيه الرقيه الرقيه هي الحل بعد الله

الله يفرج همك ويعوضك بلي احسن منه هذا شخص اناني يدور علئ رغباته ومصلحتك

....

أستخيري الله أكثر من مره وربي يكتب لك الي فيه الخير وين ماكان
الله بفرج همك غاليتي ولاتنسي الأستغفاااااااااار

اخبارك يارؤاء

الله يفرج همك يالغاليه ويعينك .....

رواء طنينا عليكي..

شو صار معك؟؟؟

كلم اخوي يقول لو بترتاح بعد الطلاق اطلقها بس ادري ان الطلاق مو راحة لها
ويقول حبها انحفر بقلبي ولو اقدر انساها طلقتها
انا بعوضها كل اللي راح بس خليها تصبر علي وعلى تقصيري سنة بس

ياناس انا انجنيت من تصرفاته مره اسد ومره حمل وديع

طيب ليش سنه بالتحديد؟؟

بصراحة انا اقولك اللي ماحد قدر يقوله لك زوجك يدفعك دفعا للخلع لا يريد الطلاق لكي لا يخسر مادفعه

اخذك مطلقة وكلامه عن زوجك الاول واضح كل الوضوح بعدم اقتناعه فيك

اذا كان هو يتشيم عن المطلقات ليش ماخذك ؟؟؟

وليش ماخذا بكر يقتنع فيها ؟؟

او ليش انحد ياخذك وانتي عندك تجربة ؟

ما أدري أنا أفضفض أو أبي حل

زوجي رفض بشدة طلاقي وهددني بأمور لا تعقل
حاولت اهديه وجاريته بالكلام وحاولت اقنعه وبالفعل هدي بس مصر على رفضه
قلتله أنا مو مرتاحة معك وذكرت أهم الأسباب صار يكابر ويقول أدري انك مو مرتاحه بس لاتحسبين الطلاق فيه راحه
ولو أقدر أنساك أكسر قلبي وأطلقك بس صعب أنساك
متناقض شوي يهدد وشوي يستعطف
آخر شي صرت أخوفه بالله وهو يستهزئ
وقلت طلقني واحتسب فيها وجه الله يمكن ربي يعوضك بأحسن مني
وقال جملتين ماستوعبتها
_ مستحيل أطلقك قبل لا أرد اعتباري
_ واخليك تندمين لأنك وافقتي علي من البداية

من وقتها نزل علي صمت غريب وسرحان حتى وأنا بين الناس