|
مالحل مع مسامات شعر الساق
تعبت اخواتي من نظرة زوجي لرجولي وسؤاله عن سبب هدي النقط
انا ازيل شعر رجلي بماكينة براون بس ملاحظه رجولي صارت كلها نقط سود مكان كل شعره نفسي تساعدوني لوبخلطه اقدراحطها على رجلي وتشيل هاذي النقط السود تعبت من النظرات القاسيه من زوجي لاتقولوا ليزر لان زوجي مستحيل يخليني اسويه عفواً تم تعديل العنوان ليتضح المضمون.. |
قبل ماتشيلى الشعر افتحي المسامات في شي يفتحها مدري ايش اسموا زي الليفه واعملى حمامات مغريبه
|
يابنت مكه تقريبا كل اسبوع اسوي حمام مغربي بس موراضيه تروح
|
لا تتعبي نفسك حتى اللي عملو ليزر ما سلمو منها
بس حاولي تشيلي بالحلاوة يمكن تخف انا نفس مشكلتك بس كنت اسوي بالحلاوة و الآن بالمكينة مافي فرق الظاهر انها منابت الشعر |
ممكن تكون دائمة فيك ... لكن عندي لك طريقة عشان تخفينها ... لو حابة تلبسي قصير عند زوجك .. اتحممي وبعدها ادهني رجولك بشيء خفيف بزيت بييبي جونسن للاطفال وبعدها امسحي على جسمك بودرة محمود سعيد المنثورة تخفي هالسواد وتعطيك ساق مثير وناعم مع الزيت :) اختاري الدرجة الي تناسبك هي 3 درجات ... وعطينا رايك بعدها ... |
إن شاء الله بسوي طريقتك اختي بس اقدر استخدم اي بودره منتوره غير محمود سعيد
|
اكيد تقدرين بس شرط استخدمي بودره ((نورمل )) يعني بحيث انك لو حطيتيها ماتكون جص وتبهدلك ويكون شكلها كمان مو حلو بودرة محمود سعيد سعرها 30 وتعيش معاك وقريبه من الطبيعه لو وزعتي الباودر بشكل متساوي ومناسب كمان اي بوردة جودتها حلوة اكيد تفي بالغرض ... :) |
أختي أحياناً قد ينتج عن إستخدام الآله في إزالة الشعر ظهور شعر تحت الجلد وبالتالي تتكون نقط سوداء على المسامات نتيجةً لنمو الشعر بعكس إتجاهه الصحيح ..
إذا كانت هذه المشكله بالفعل فهذه الروابط قد تفيدك .. http://www.66n.com/forums/showthread...C7%E1%CC%E1%CF http://www.66n.com/forums/showthread...C7%E1%CC%E1%CF http://www.66n.com/forums/showthread...C7%E1%CC%E1%CF http://www.66n.com/forums/showthread...C7%E1%CC%E1%CF وفقكِ الله. |
عن تجربه حبايبي الماكينه تسوي مثل ماقالت الأخت نظرة أمل
لكن الحلاوة مامثلها شي صحيح انها متعبه بس النتيجه حلوه ومع الزمن تخفف الشعر .. |
مرحبا حبيبتي .....
انا سبق وحطيت طريقه حلوه حق الوجه بس في بعض البنات قالو للجسم راح تكون احلى ... وجربتها بصراحه رووووووووووووووعه لفتح المسام وتشيل الجلدالميت خذي زيت زيتون وادهني جسمك فيه ,وخذي ملح خشن بصحن ,وليمونه حطيها با الملح وحكي جسمك فيه والله مررره حلوه فادت معي كثير .....ولاتتأثرين من نظرات زوجك (الحلو حلو لوقعد من نومه ) الله يحلينا بعيون رجالنا يااارب ....(اميــــــــــــــــــــــــــــــــــــــــــن) |
لالالالالالالالا تشيلين رجولك بالماكينه نهائى ....وبترووووووح النقط السود بس بعد فتره من ترك الماكينه...واستخدمي الحلاوه وشوفي بنفسك وش بيصير.....
|
عزيزتي ..
إذا كانت مشكلتك : إن بعض الشعر ينبت تحت الساق ويكون (متدور تقريبا على بعضه) وإذا حكيتيه بقوة ينقشر وتطلع الشعرة.. فهذا يحدث لي مع إني ما أستخدم الماكينة وأشيل بالحلاوة أو شرايح الشمع .. والحل : تفريك جسمك يوميا وأعيد يوميا بعد وضع أي كريم على الجسم وبعد التفريك تضعين كريم مرة ثانية .. لتطرية الجسم بحيث تطلع الشعر لما تنبت إنسيابا للخارج وليس تحت الجلد .. حقيقة الطريقة يبيلها صبر كثير:21: ... لكني طحت عليها أيام التجهيز لأني كنت أدهن جسمي يوميا وأتروش وأفرك ولا حظت إن المشكلة خفت بنسبة 70 % .. والآن رجعت لأنه ما عاد فيه وقت للتفريك اليومي :d الله يعيني ويعينك .. |
قبل لا تشيلي الشعر لازم تتحممي بماء دافي وتليفي تمام
اهم شي قبل الشيل مباشرة واستمري بفرك الليمون على رجولك انا ارتحت من المسامات والنقط من بعد الليمون ورجولي تلمع ولا كأن ينبت فيها شعر الحمدلله |
ياملاك الروح الله يسعدك على كلامك الحلو و إن شاء الله بسوي طريقتك بس هل اسويها يوميا اومره بالاسبوع؟
|
تسلمي ياقلب القمر على مرورك بس الحلاوه تخلي الشعر يطلع كله تقريبا تحت الجلد
اختي شيهانه تسلمي على مرورك وتقريبا انا يوميا اتحمم وافرك جسمي باليفه يااخت رواء الايمان تسلمي على المرور بس هل افرك رجولي بالليمون بعد ماازيل الشعر؟ وهل الليمون يسبب حساسيه؟ |
هلابك وردة بين شوك
شوفي كيف قلبت اسمك :28: الليمون بكل وقت تستخدميه انا احيان قبل الحمام واحيان بعده واحيان بدون استحمام بس ما احب افرك ليمون بعد الحلاوة لأنه يحرقني افضل استخدام النشأ مع ماء بارد او ماء ورد بعد الحلاوة مباشرة لأن النشأ يقفل المسام ويهدي الجلد بعد النتف جربي طريقتي وصدقيني بتدعيلي :22: |
الله يسعدك يارواء الايمان ابجرب طريقتك وانا بدعيلك قبل ماشوف النيجه بس بعد كم يوم حلاحظ الفرق معليش اختي اسئلتي كثيره
|
الله يجزاك خير حبيبتي
عادي أسألي وأنا حاضرة الفرق بتلاحظيه من ثالث استخدام بس بشرط تطبقي كل الخطوات اللي قلتلك عليها أبدئي بالاستحمام كما أشرت وبعدها ليمون كل يوم او العكس ليمون وبعدين اتحممي وبعد الحمام نشأ بمويه باردة أو موية ورد واخر شي ترطيب استمري على هالطريقة قبل لا تشيلي الشعر ولازم تفهمي أن ازالة الشعر دائما بعد تنظيف الجلد من الخلايا الميتة بالليفة |
الله يسعدك اختي رواء الايمان انا اليوم جربت طريقتك وباستمر عليها كل يوم والله يجزاك الف خير اختي
|
مرحبا حبيبتي
طريقتي سويها مره با الاسبوع راح تكفيك اوكل اسبوعين ............... والله معانا ياااارب ...... |
ملاك انا مجربه طريقتك قبل وفعلا لها نفس تأثير الليمون وأفضل لأنها تنعم بسرعة
بس أنا جربت الملح مع زيت السمسم وردة نوعي بين الطريقتين ومارح تندمي |
ياملاك الروح انا بسوي طريقتك مرتين بالاسبوع وطريقة رواء الايمان كل يوم والله يسعدكم اخواتي ويجزاكم خير ويحقق كل امانيكم يارب
|
مرحبا اختي ..
اذا عندك امكانيه تعملي ليزر في الساق فانا انصحك به .. عن تجربتي مافي احسن من الليزر تصير الساق نااعمه ومن دون مسام .. تقريبا راح تحتاجي اربع لي خمس جلسات .. وماراح يطلع الشعر انا عن نفسي مااستخدم الحلاوه ولا الماكينه من يوم الليزر .. مريح وفعال |
يااختي انا ماهندي امكانيه اسوي ليزر وتسلمي على نصيحتك
|
اهلا اختي اتركي الماكينه وخليك على الحلاوه
وبعد الحلاوه ادهني بزيت الزيتون او ادهني بنبات السعد وخذي طريقة جابر القحطاني في استخدام نبات السعد لأنه حلو ويخفف الشعر كثير ومثل ما قالو الاخوات الملح والليمون افركي جسمك بها تبيض وتزيلك المسامات مع الوقت وقبل الحمام بنص ساعه رطبي جسمك كويس علشان مع الفرك تروح المسامات والله يوفقك ويوفقنا للخير |
كل اللي قالو الاخوات فعلا نتائجه مبهره وفعلا طريه مجديه لاخفاء منابت الشعر بس ازيد عليهم لو تعرفي حجر الغار اشتريه ياقلبي ادهني ساقك بجل استحمام يعني لوكس او اي حاجه قبل الاستحمام يعني تدهني الجل شور وانتي جافه مو مبلوله واتركيه ينشف على ساقك زي اللوشن بعدين مرري حجر الغار بحركه دائريه واستمري عليها صدقيني انا كنت زيك وعند استعمالي للحركه دي انبسطت جدا والنتائج بتكون حسب استمرارك على المساج هذا |
الله يعطيكم العافيه ياكاندي ودانا بس الحلاوه تخلي الشعر يطلع جوة الجلد ويااختي دانا فين الاقي حجر الغار ؟
|
الشعر يطلع جوه من الحلاوه؟؟
اجل انتي غير كل الناس ههههههه الحلاوه هي اللي تطلع الشعر من تحت الجلد عموما حجر الغار تلاقيه في التخفيضات العاديه بريالين حتى وتلاقيه عند العطارين الاصلي منو لونو اسود والتجاري يجيكي الوان وعلى شكل قوالب يعني مثلا على شكل مسنطيل او شكل رجل اكرمك الله وملون بالوان موجود كمان في بودي شوب قد شفتو مره في سله لو تعرفي الحجر دا اصلا استخدامو لازاله الجلد الميت تبع كعب القدم فهمتي علي قلبو |
الحل
[:22:الليزر[/[/ انا جربته بنفسي وادعيلي وتظهرررررر النتيجه بعد اربع جلسات |
السلام عليكم ورحمة الله وبركاته :
مشكلتك ياأختي يبغالها انك تعرفي الاسباب اولا ثم تعالجيها السؤال : هل عندك زيادة في شعر الجسم بشكل عام ؟ اذا عندك هالمشكلة ......... انصحك تستعملي حبوب ديان35 لانها تخفف شعر الجسم والحاجة الثانية في مستحضر جديد اسمه " إبيسيفا" يدهن منه يوميا بعد غسل المنطقة جيدا ويمنع ظهور الشعر بنسبة 50% بعد 4 الـــــــــــــــــــى 6 أشهر من الاستعمال المتواصل ومنه 4 انواع كريم للوجه ولوشن للجسم ومزيل رائحة 2في1 وبخاخ للجسم كامل وكمان في نقطة لازم تسويها لان بشرة الساق تختلف عن بقية الجسم لانها سميكة وتحتاج تقشير مستمر كل اسبوع عشان تتمكن الشعرة من اختراقها بدل ماتنحني وتختزن داخل الجلد وتسوي مشكلة الحبيبات السود |
جربي الشمع وبطلي عن الاله لأن هي اللي تجيبلك وتزيدلك اياهم وسوي صنفرة بملح مع زيت قبل الازالة وادعيلي
|
الله يسعدكم اخواتي على مروركم وجزاكم الله الف خير
|
اختي ما قلتي استفدتي ولاحظتي اختفاء المسام والا الحال على ماهو عليه بشرينا حتى نستفيد ونطبق
|
الله يعين انا بعد عندي نفس المشكله
|
والله يااخواتي مازلت اعاني من نفس المشكله وعشان كذا فكرت ارجع اشيل شعر رجولي بالحلاوة واوقف استخدام الاله يمكن هيا السبب
|
حبيبتي وردة كيفك وكيف زوجك والاولاد
ان شاءالله حياتك احسن حبيبتي بالنسبة لموضوعك هذا فشوفي الاله مابتنتف الشعر نتف الا اذا كان شعر الوحدة منا خفيف جدا الاله في شعيرات بتنتفها لانها خفيفه وشعيرات بتكسرها ولما بتنكسر الشعيرات لانها غليظة توضح ويبقى شكلها نقطه سوداء وهذا هو السبب فما في احلى من الحلاوة لانها تنظف بضمير :) وثاني شي تزيل الجلد الميت ولو استخدمتي الحلاوة قبلها حطي مطهر ادهني بيه المنطقة اللي بتشيلي منها الشعر وبعد يجف استخدمي محلول من ماء وسكر وادهني به المنطقه حتى يجف وبعدين شيلي بالحلاوة وبعدين حطي ليمون مع زيت زيتون وادهني به المنطقة اللي شلتي شعرها وخليه فترة واغسلي وبهيك ماعاد بتشوفي الشعر الا كل فترة طويله وبترتاحي من النقط السوداء وربي يوفك :) |
الله يسعدك اختي رونا ويهنيك بحياتك ويرزقكي باللي تتمنيه يارب العالمين
انا وزوجي واولادي كلنا بخير الحمدلله وحياتي الحمدلله احسن من اول انا جربت طريقتك ومررره استفدت احس بشرتي صارت ناعمه موزي اول كنت احس بشعرات قصيره و إن شاء الله بستمر عليها ويارب النقط اللي برجولي تروح لاني تعقدت منها |
حبيبتي وردة خبرينا ايش اللي استعملتيها عشان غيرك يستفيد
|
يااختي رونا انتي واخواتي اللي شاركوني موضوعي انا الصراحه استخدمت خلطة لقيتها في النت واستفدت منها كثير احس النقط اللي برجولي خفت عن اول وهي
صابونة غار ابشريها وانقعيها بكاس ماء ورد ليله كامله بعدين اخلطي معاها علبة جلسوليدكبيره+ملعقتين كركم جسم+ملعقه كبيره سدر+علبة فكس صغيره+علبة صغيره جلسرين سائل+فنجان قهوة لكل من<زيت زيتون+زيت خروع+زيت لوزمر> وبعين حطيها بالثلاجه واليوم اللي بعده استخدميها انا احطها على جسمي ووجهي لمدة ساعتين بعدين اغسل جسمي بالليفه وصابونة البابايا ويمكن استخدام اي صابونه طبيعيه مثل صابون زيت الزيتون اوصابون الطاووس وبالنسبه للشعر اللي برجولي صرت اشيله بالحلاوه وقبل مااشيله اخلط سكر+ماء واحطه زي ماقالت اختي رونا الله يسعدها واتمنى يااخواتي اللي تستفيد من تجربتي تدعيلي معاها |
| الساعة الآن 09:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©