|
رحت عني وضعت أنا
.. السلآإم عليكم , في خآإطري ضيقه وتعب ودي آإقول كل اللي بقلبي عشآإن آإرتاح وبسس :( آنا مخطوبه لولد عمي وهو تقريبا آصغر مني بـ ثلآإث سنين طبعآإ كآن بينآإ علآقه قبل لآيخطبني .. خطبني قبل لآيتوظف بحكم علآقه أبوي بـ عمي قويه حيييل ., وبرضو أإنا كنت آحبه وهو يحبني قبل كنآ نهتم بعض بشكل يومي ونكلم بعض بشكل دآإيم وبعد الخطوبه زآإد الاهتمام لدرجه إني اصحى وآنام على صوته .., يعني تعودت عليييه صآإر شي يومي مثل الغدآ والعشى شي ضروري وكنت آحب هالاهتمآم منه وازعل اذا تآخر دقيقه بميعادهـ .. وبعد آإيام توظف .. وصآر انسان مختلف عن قبل .. يجي من الدوام مايكلمني آحيان ينام ويصحى اليوم الثاني يدق دقه ويسكر بحكم إن الجوال مقطوع يطنش رسايلي له حتى لو كان جواله مقطوع يقدر يشحن ويكلمني ! اذا سالته يكلمني بعصبيه .. مثلآ .. { ومارديت وش صار يعني .. آو ماقدرت آشحن } ! كثررر الزعل بينآ لدرجه إنو تعودنا مانكلم بعض بوقت الزعل احيان اتنازل واورح ادق او ارسل عشان يكلمني واسمع صوته صرت اخاف يكون بحياته شي مغيره عليّ واجهته وقلت له أنت تغيرت عن قبل .. يقول بسببك إنتي ماتقدّرين ظروفي إنا ادوام بشغل فيه "شفتات " و " الجوال مقطوع " وآجي تعبان أبي ارتاح وانام وانتي تزيدينها عليّ بزعلك .. طيب وانا ؟ وين اهتمامك اللي قبل تبخر ؟ لغيتني من وقتك بعد ماتوظفت ؟ طيب اذا انا بقّدر ان عندك ظروف ليه صرت عصبي عليّ وماتراضيني اذا زعلت ! والله بقلبي كلام كل مره اقول له هالكلام مايرد عليّ او يقول بسبك انتي ! آحيان اخاف من كثر الهوآإش والزعل اللي يصير يكرهني , لاني انا اكرهه نفسي اذا زعل حتى لوكان هو الغلطان بحقي ماحب ازعله ولا ارتاح بيومي .. آوقات افكر ننفصل ونفكك هالخطوبه وارتاح عايشه بهم بعدهـ عني .. وهم ليه تغييير عليّ بطريقته وآسلوبه هو / تغيييير حيل صار مايحب يسمع لي كلمه ولاياخذ بخاطري و عادي انام منه زعلانه .. يحز بخاطري بعد ماكان مايعرف يزعلني وكل كلمه مسموعه وكل شي بخاطري يسويه ... وربي إني ماعاد فيني تعبت آحسني مخنوقه وضايق صدري حاولت انشغل عنه سجلت بدورهـ و اخذ لغه بس ازعل ويتكدر خاطري لاصرت اسوي شي وهو مو معآي .. تعودت اقوله ويفرح معي وعشاني .. بجد آسفه لاني طولت بالكلام بس آنا محتاره وتعبانه وكل تعب العالم فيني |
السلام عليكم
اغلى احساس انا بعد مثلك خاطبني واحد من قرايبي اصغر مني باربع سنوات تقريبا بس ماكان بيننا الا رسايل طبعا انا ما ارسله ابد اهو بس اللي يرسلي واطنشه وكان يبي يكلمني ورفضتتتتتت لاني ماابي اتعلق في واحد انا ما ادري يمكن مايكون من نصيبي حتى ولو كان يظهر لي حبه لي تدرين انا لو مكانك الحين ابدا اخفف اتصالاتي وسؤالي عنه وبإذن الله اهو بيرجع لك انتي بس اثقلي شوي ولاتفكري تسوي اي شي الا بعد الاستخااااره والدعاء |
الله يعينك هم كذا الرجال لما تتحسن ظروفه
يبدى يتغير ولا همه انتي وقفتي معاه ولا لا عندي و عندك خير |
احس مشكلتك ينفع معآهـ الثقل
لا تتصلي خليه هو الي يدق ويسآلك ليه منشغله عني |
يمكن ظرروف شغله بجد هي السبب وفعلًا مالتعب بيرتاح على طول وينام خليكي صبورة شوية وعامليه بحب لانكو بتحب بعض فعلاً |
انا أحب أنبهك .. إذا كان بس خاطبك مو مملك عليك يعني ما بينكم عقد , ترى ما يجوز أبدا بل ويحرم عليك ..
يمكن هو حس ان علاقتكم كذا حرام وحب إنه يتغير .. ملكي عليه وسوي اللي تبين وعاتبيه براحتك .. لكن على هذا الحال انا اقولك انتبهي !!! والله يهديك .. |
انا شاب والعكس حاصل معي لكن مو بذيك الدرجة
وشكلي هبداء اطنـــــــــــــــــــــــش |
الله يهديكم ياعمري لازم تتملكوون بعدين تكلمو بعض !!!!
|
خفي شوي اثقلي
وهل ممكن نعرف نوع الوظيفه اللي توظفها؟ وبعد كم المده من استلامه للوظيفه تغير عليك؟ |
انا مع اخواتي دلوعه الناس وهدوء مزعج كلامهم عين العقل ماودي ازودك على اللي فيك بس المفروض ماتكلميه انا ملكت بس قبل لاتطلع نتيجه التحليل ودق علي على الجوال وعييت اكلمه خفت يطلع في التحليل شي وينفسخ العقد بالرغم من انه كان يقول لاهلي راضي باللي فيها بس حطيت عقلي براسي وفكرت بالعقل لو فيني شي ماراح ياخذني وحتى وانا مملكه كان يطلب مني بوسات وارفض قلتله كل شي بعد الزواج والله اني كبرت بنظره بس انتي الله يسامحك حتى لو كان ولد عمك ومن لحمك ودمك المفروض ماكامتيه امكن اخذ عنك فكره وامكن الشباب بالدوام فتحو عيونه على اشياء من خلال تجاربهم ترين تصير بالدوام دائما زوجي يحكي لي عن كلامهم بالدوام واقوله مو اي شي يقولونه تجي تراقبني فيه بالرغم من معرفتي بثقته فيني بس عشان ماعطيه فرصه لان الشباب يوسوسون بالواحد
فانصحك بالاستغفار عما فعلتيه واسالي الله ان يغفر لك لانه لايحل لك اتمنى ماتزعلي حبيت انبهك اسالي مجربه تقبلي تحياتي |
اختي انتي اثقلي عليه وحاولي تخلينه يرتاح اكيد هو مشغول من الشغل وضغط الشغل
فخففي مكالماتك ومسجاتك ولاتعودينه انك انتي تراضينه وحاولي تلتبسي العذر مهما كان واذا شفتيه متضايق قفلي تطمني عليه وقفلي ع طول حتى مايحط حرته فيك |
والله دا الي ناقص
طفشانين يقومو يحطو حرتهم فينا احنا نداري وندادي زي مانسوي مع الصغار وهم مو عاجبهم العجب خير ان شاء الله انا مااشوف عذر ابدا مررررررة مايقدر يسرق من الوقت دقيقه وهو في السيارة راجع يكلمك انا بخير وتعبان وحنام يرسل مسج يشحن بعشرة يرسل كول مي والله الرجال لو يبغو يهتمو يهتمو لو فيهم تعب قد ايه :29: :29: :29: :29: بس كده هم لمن نحب ونهتم تجيهم حالة استهتااار يقهرررررووووووووو يموتو قهر الله يريح قلبي وقلبك اغلى احساس انا فاهمة احساسك انا نفس حكايتك مع نفسهم اسمعي احنا لازم نتفق اننا نطنشهم عشان يشوفو كيف الحياة ماتسوى بدوننا ترا والله لو ماعبرناهم مااحد بيطل في وجيههم رضينا بالهم والهم مارضي بينا اش دااااااااااااااا |
اخواتي صادقات بكلامهم وانا معاهم برايهم
|
روححححححي مون يجنن اسلوبك ههههههههههه شكلك جد مقهورة تعرفو ضيفوني معكم انا نفس الحالة وشكلي حاسمع كلام البنات التطنيش ثم التطنيش احس ارجال مايحسو بقيمتنا غير لما يجربون الحياة من غيرنا خليكي ثقيلة ولا تهتمي فية مرة ترى يمكن هو ياخذ اسلوبك انك تقيدية وهالاحساس مايحبوة الرجال فاربي يعينك ويوفقك يارب
|
هذه ضريبة التعلق الزايد من اول المشوار , لا وعلى كلامك امك كنتي على اتصال معه قبل الخطبه , فالرجل هنا قد وصل لمرحلة تشبع منك واصبح الان يعتبرك مجرد شيء عادي عنده وليس كزوجه , فانا اعترض على المكالمات الكثيره قبل الدخله والمبالغه فيها بالطبع , لان كل واحد منكما وبالذات هو بحكم انه رجل وصل لمرحلة الملل معك (وانا اسف على الكلمه ذي ) .
الحل هنا اختي الكريمه ان تثقلي عليه قليلاً وحاولي ان لا تعكري عليه وهو في مزاج مزعج , خليك عاديه جداً امامه كما هو , فإذا دخل الغرفة وما كلمك او شيء فأعتبري هذا شيء عادي ولا تكلميه , يعني بالعربي دعيه هو من يبحث عنك ولست انتي من يبحث عنه . الله يوفق فيما بينكما |
اقتباس:
وكلنا نعرف هذا الكلام لكن نظل نبرر لأنفسنا لنرضي هوى النفس.. فعلا وعن تجربة هذا الكلام 100 % أختي انا مثلك في بداية الخطوبة وبعدنا أنا وخطيبي ما نعرف بعض كويس.. ولأني أنا كان لي تجربة سابقة وفشلت.. وقررت هالمرة أن أجعل العلاقة من بعيد لبعيد ولكن أيضا لما حسيت انه دايما مشغول عني بدأت أنا أقرب!! ومن وقت للآخر أرجع وأقول لنفسي لأ لازم أثقل عليه وأخليه هو اللي يبحث عني.. ثاني شيء وهو الأهم انه علاقاتنا وكلامنا في فترة الخطوبة_ قبل العقد _ لا تجوز وبالتالي فالله تعالى لا يبارك فيما لا يرضيه.. أختي الحبيبة لتجدي السعاده الحقيقية اجعلي تعلقك الأكبر بالله تعالى واجعلي همك ارضاءه سبحانه ،، وستجدي السعادة والراحة وسيبارك الله لك في حياتك الزوجية ان شاء الله تعالى معه.. الله يوفقك يا رب ويتمملك على خير.. |
أنا فاهم طبيعة زوجتك .. لإنه حصل بفترة من الفترات تغير على زوجتي ..
شوفي أختي .. هو الآن انشغل بحياة جديدة "حياة الوظيفة" .. وبحكم علاقتكم القوية وعدم وجودكم جنب بعض "متزوجين يعني" .. جعله يدخل بمرحلة ملل وحاجة للتغيير .. لكنه رح يرجع لوضعه الطبيعي .. إنتي لما تزوديها عليه باهتمامك واتصالاتك ووو .. هو بيطفش .. كل شيء يا أختي زاد عن حده انقلب ضده .. وبعدين في نقطة مهمة .. راجعي علاقتك معه من قبل ما يحصل هذا التغيير .. يمكن حصل موقف منك أو من أهلك خلاه يتأثر هذا التأثر .. ربي يوفقك لكل خير |
هلا والله .. بما اني جديده واول مشاركه لي بهذا المنتدى .. أول شي ياقلبي لاتتعبين عمرك معاه وتشغلين بالك هو عنده اشغاله وانتي الهي بأي شي ثاني فكري وش بتسوين بالزواج وايش وايش وايش انا كذا لاتضايقت منه ابدا افكر وش اسوي بالزواج عشان اشغل مخي .. عموما انتي خففي اتصالاتك منه عشان هو مايبدا يطفش وماتكثر مشاكلكم ... والله يعين الجميع |
ياقمر طنشي
والله في يوم طنشته ونمت لمن صحيت لقيت 15 مسج منه ولمن اتصلت قالي مااقدر استغني عنك ياجعلني فدا صوتك الليل بدونك مايسوى انا اسف وعمري ماراح ابعد عنك علما بانه كان سهران طووول الليل مستنيني بس انا كبررررررررررت المخده ونممممممت خللليه والله لمن تطنشيه يرجع ويدور زي المجنووون |
الله يكون بعونك ..
يمكن الرجال صدق مشغول .. لاتاخذك الأفكار والوسآويس .. بالعكس لما تشوفينه تعبآن من شيء ما "قولي عسى الله يوفقك أنا مقدره وضعك وأنا جنبك ومالي غنآة عنك من هالكلآم اللي يشرح الصدر .. ورآح يتغير بأفضل حآل وفقك الله أختي :: |
| الساعة الآن 01:15 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©