|
إلى متى وأعضاء هيئه التدريس في الجامعات بلاحسيب ولارقيب ... والظلم عيني عينك:(
شي منشر في الجامعات بدرجله ملحووووظه
القهر ان الاستاذ يظلم الطلبه ويعطيهم درجات مايستحقونها واذا جاء الواحد يشتكي مايلقى احد يوقف معه او ياخذ له حقه انا كنت اسمع هالشي منتشر في جامعه الملك سعود وسمعت انو الوضع تحسن حاليا قبل لاادخل الجامعه اخترت جامعه الامام واكبر همي هالنقطه اني مانظلم صح الظلم عندهم اقل بس مهما كان ظلم :29: لكن للاسف انا صار لي 5 مستويات بالجامعه ماحملت ولاماده (ماشاءالله ) الحمدلله شاده حيلي وودي اتخرج وانا ماحملت ولا ماده هالترم هذا جاء عندنا استاذ معطينا الاخ 10كتب كلها مراجع مع الشرح الي يشرحه في المحاظره:( البنات التزمو بكتاب واحد قال لهم انو هو الاساس والباقيه مراجع اختبرنا الفصلي وناخذ 8 ,9 .11.من عشرين اغلب الطالبات ذاكرو من الملزمه الي فيها شرحه تنناقشنا مع الاستاذ مع المناقشه قالت بنت انا ذاكرت من الكتاب ولا سؤال لقيته جاي من الكتاب:( يعني لامن كتاب ولامن شرحه جايب الاسئله من وين مادري قال لنا خلاص قدمو بحوث في المنتدى وعلقوا على بحوث الطالبات الي بتعلق هذي الدرجه بتكون لها تحسين واجلس يومين واحولت عيوني وانا اعلق على بحث كل طالبه واذا بنت علقت على بحثنا رديت عليها << ابين له الاخ اني متاابعه معه مرررررره الاختبار النهائي ذاكرنا من الكتاب وفيه حوالي 6 ملازم منزلينها الطالبات اخذت ملزمة بنت شاطره كاااامله ذاكرت الملزمه والكتاب :18:ودخلت وحليت وجايب اسئله ترفففففففع الضغط كانه يقول تحلمووووووووووووون تنجحون عندي:11: حليت الحمدلله طلعت وانا ظامنه النجاح :17: واشوف الدرجه الا الاخ معطيني (هـ) :( مرسبني وخلاني احمل الماده وانا ثلاث سنين احاول مااحمل ولاماده بالاخير يرسبني ووالقهر اني حاله زين واغلب البنات معطيهم مقبول وبعظهم تقول ظامنه الامتياز .. طيب ماادام ماعندك ذمه وظمير نجحهم كلهم :29: ليش يرسبني:( هذا ليش مايتحاسب ليش تاركينه كذا دخلت منتدى الجامعه والكل يسب فيه الي حصل موقف من هالظلم يذكره ووتوقعون مثل هذا لو اكلمه يعدل لي الدرجه الي مثله مايخاف من دعاوي الناس :( والله احس خانقتني العبره الله لايحلله مانمت ذاك اليوم واسبوع وانا شايله همه واحل زين واشارك بالمنتدى ويحملني الماده :29: الي وده يفضض فضفضه من هالنوع يتفظل المايك بيده:d |
والله الظلم معروف في الجامعات وفي بعض الكليات انا او 3 سنوات قضيتها في قسم غير رياض اطفال وكنت شاطره ومجتهدة وفي الاخر رسوب في 8 مواد وانا مجوابه وفي الاخر مافي تصحيح ولا في امانه والسنة الا بعدها من غير مااشترى الكتاب ولا كتب كلمة صح الواسطه نجحتنى بس تركت القسم والحمدلله دخلت قسم تانى ومشيت بي مجهودى بي اعلى الدرجات ولله الحمد
امس اختى دخلت موقع الجامعه تشوف درجاته لقت الاستاذ حاطتطها غايبه وهيا اختبرت وراحت ومعها ورقة الاسئلة وباقي المواد ناجحه بي تفوق وبنحاول نحل الموضوع والله يسهل كل شي لازم نمشي بي الواااااااسطه الله يعوض عليكي والله شي يقهر الرسوب |
مشكوره بنت مكه على مداخلتك
فعلا صار فيتامين واو هو الي يمشي الامور :( والي ماعنده الله يعينه |
جبيبتي اذا انتي متأكدة من اجاباتك وأنها تستحق النجاح فمن حقك تقديم طلب لإعادة تصحيح اختبارك .. وسيتم تشكيل لجنة لهذا ...وإذا ثبت صحة كلامك سيتحول الاستاذ الى مجلس تأديبي ...
طبعا هذي من حقوق الطالب التي لا يتجرأ طالب أو طالبة على استخدامها الا فيما ندر ... حيث أنه لو صار فيها ذمة ناقصة من ناحية الجامعة مؤازرة للأستاذ فالطالب سيكون المتضرر الأول من طلبه لحقوقه .. وفقك الله وأسعدك بالشهادة |
فكرت اني اطلب مراجعه ورقتي
بس نفرض اني ماخذه درجه مو كامله يعني درجه ترسبني المشاركات الي بالمنتدى هي الي ترفع الدرجه على كلام الاستاذ قال اي نقص في الدرجات مشاركات المنتدى بتزيد وانا لما طلعت ظامنه النجاح بس هو اسئلته ماتدرين انتي حاله صح او خطاء ... يعني تقريبا يعتمد عالذكاء اكثر من المنهج من ظمن اسئلته اختاري الاجابه الخاطئه ماقلنا شي بس تحط لي اربع سطور ووتحول عيوني وانا اركز بكل كلمه من كل سطر ادور الخطاء وحليته زين ناويه حاليا اخذ رقمه واكلمه وبشوف مشكووووره رسيل عالمشاركه |
السلام عليكم
إذا الواحد يبغى يأخذ حقه ينتظر إذا استلم وثيقة التخرج وانتهت علاقته بالجامعة يجي لدكتور ويفرغ غل أربع سنوات في هالدكتور ويهينه ويخرج بصراحة فيهم غطرسه وكبر لكن الله يتولى أمرهم هم معدودين على أصابع اليد في الجامعةالواحدة لكن الله يسلط عليهم |
اقتباس:
وماذا أستفيد كطالبة مهضوم حقي من فشة الخلق دون ان يتحاسب الظالم وترد لي حقوقي ؟؟؟ الا اللهم خسرت اجر صبري فقط |
والله ياخ منادي جت ببالي اكلمه واقوله انت ماتخاف من الظلم وهيك يعني <<مع شويه فشه خلق
لانه قاااهرني بس يمكن خيره من ربي ان الرقم ماجاني وانا في لحظه غظب لاني في هالحالات ماتفرق معه حتى كنت اكلم صديقتي واقولها جيبي لي رقمه ابقوله وابقوله وقبل لااسكر بقوله انا فلانه الفلاني اذا بخاطرك شي سوه <<<مخربتها مخربتها وش اكثر من انه محملني الماده والله معك يارسيل اجر الصبر بس والله يكفي صبرنا على محاظرته الي تغث واسئله الشهري الزفت شاكره مرروك اخ منادى+_+ |
الله يسعدك يا أختي زعلانه بس عشان رسبك طيب اش رايك في دكتور في أول سنه جامعيه لنا كان يدخل المحاضرة و يبدأ بتحطيمنا و إهانتنا ( أنتم كالحمار يحمل أسفارا ) ( القسم هذا يحتاج فلوس الي فقير يشرفنا و يطلع برا ) ( يدخل بالكاميرا و يصور و ببراءه نسأله ليه تصورنا يا دكتور و بكل وقاحه يجيب ( أبعلقها في حديقة الحيوانات )) من أول المحاضرة إلى آخره و هو يسب و يسخط دكتور آخر رسبني في مادة و أنا واثق إني ناجح فيها و راجعته قال أنت ناجح بس كذا ما أبغاك تنجح دكتور آخر رسبني في مادة و مريت من أمام مكتبه و ناداني و ضحكه صفراء تعتلي وجهه و يقول تعال يافلان أضيف لك مادة عندي عميد الكلية أدخل عنده أريد أن أضيف ماده لي الحق فيها يأخذ الورقة و بكل وقاحة يمزقها دكتور يرسبني في مادة لمخالفتي توجهاته الليبرالية دكتور يرسبني في القرآن لإعتقاده أني لبرالي يالله يا أختي لو أذكر لك و الله ممكن تبكين من الظلم الي عشناه في الجامعة و السبب أن الجامعة عنصرية مقيته جدا ( حضر - بدو - ليبرالي - إسلامي متشدد - جامي - قصاصين ) و أنا الحقيقة لأني لم أرضى أن أكون مع أي فريق و آثرت أن أكون أنا كما أنا و بما أؤمن به عانيت معانه كبيرة جدا أتذكر دكتور تجادلنا طوال المحاضرة حول الحجاب و قيادة المرأة و لله الحمد أفحمته قابلني بعد المحاضرة قال لي أنت ما يبدو عليك التدين يعني توقعت طلاب آخرين يجادلون و ليس أنت فقلت له يعني لازم أسبك و اكفرك و أقل لك أنت خالد مخلد في النار عشان تصنفني لكن إذا حبيت يا دكتور تصنفني فضعني في خانة الغرباء و طوبى للغرباء ( و لد الإسلام غريب و يعود غريب فطوبى للغرباء ) و كان نصيب أن رسبني و عندما راجعنه قال لي لإنك من الغرباء :d أسأل الله أن يسامح و يغفر لكل من أساء لي سواء كنت أعلم أو لا أعلم |
اخي معدن الرجوله بصراحه اهنييييييييك على صبرك
انا لو مكانك ماااتحمل ابد ابد وكله كوم والي يصور كوم ثاني :( مشكووور عالمشاركه خيو |
هذا يسمى تخلف حضاري
|
الله يعينكم
و الي يجي يشوفهم هنا كيف ياخذون الدكتوراه مافيهم واحد فاهم يجي ويروح ما يعرف يكمل كلمتين بالانجليزي الا من رحم ربي ،،،،،،، حتى ما اعمم يدورون الجامعات السهله و الدكتور السهل و من يقوم بلنيابه بشغلهم ،،،،،،،، ارجع وا قول الا من رحم ربي ويرجعون يسون انهم ما شاء الله عباقره الله يكون بعونكم اتذكر كان عندنا دكتور يقول ما اريد مراجع مصريه و كتب ما اعرف من وين و جيبو من كتب اجنبيه طب ما دامكم فلته و فاهم و عبقري زمانك سويلك كم كتاب وفيدنا بعلمك الواسع و اتذكر دكتور طول السنه و هو دكتور بالاقتصاد امثلته كلها عن بياعين الايس كريم على السواحل ،،، يا اما انه محروم ايس كريم او انه له سلسله اكشاك بيمشي شغله |
الله يعينكم صراحة ... لا تعليييييييق
|
بروستد فعلا تخلف حظاري وشلون نتطور واساتذه الجامعات كذا :(
شاكره مرورك الغربه مره فعلا مو كلهم انا بجامعتي الاستاذات<<النساء مكافحات بشكل ويعطونك علم بمعنى الكلمه بس القسم الرجالي :( استغفر الله بس بعد مو كلهم والله فيه عندنا استاذ قراءات يالف كتب في القراءت وعتمده كتبه وشرحه حلو للماده نورا شااكره مرورك |
معدن الرجولة الحق حديد
|
الله يعين عزيزتي على الحركات اللي تصير في الكليات والجامعات
بعض المواد أكون حاله فيها يصير أجيب درجة نازلة ومواد أقول شكلي بنجح على الحفه أطلع ناجحه بتقدير وحده تقول في الاختبار النهائي لأحد المواد الأدبية أو الدينية اللي فيها كتابة كثير تقول ماعرفت إلا جواب السؤال الأول أو الأول والثاني ما ني متذكره لكن الفكره إنها نسخت أجوبة الأسئلة اللي تعرفها مكان اللي ماعرفتها ونجحت بامتياز في المادة يمديك على كذا وبعض الدكاتره الله يسامحهم عندهم حاله لو مارسبوا نص القسم فأكثر مايرتاحون وهذا اللي صار لنا مع دكتوره كانت تعطينا أحد المواد رسبت تقريبا ثلثين الدفعه إذا مو أكثر لو أحد سألك شايله مواد تقولين ايه على طول يقولون مادة فلانه استهدي بالله وهذا الحال إلا من رحم ربي لأن فعلا مروا علينا دكاتره يصلحون بذمة وضمير ويقولون اللي تبي تراجع ورقتها نطلعها لها عالشاشة ونوريها لكنهم قلة الله يعوضك خير وإن شاء الله تآخذين المادة عند أحد غيره أو تحاولين ترفعين تظلم بس لا تخربيها زيادة مع الدكتور لو صار مافي إلا هو مع المادة يحطك في راسه وماعنده مانع يرسبك مره واثنين |
بامكانكم جميعا رفع الموضوع الى الجهات المسؤلة العليا ولا اعتقد سيمحون لمثل هولاء بهذا العبث
الجامعات في معظم بلداننا العربية زي بعض يتعاملون مع طلاب الجامعة وكأنهم طلاب في الثانوية او المتوسطة تعاملا ومنهجا والحليم يعرف السبب |
ذكرتيني باللذي مضى... انا تخيلي وحده حسبي الله عليها رسبتني 3 مرات في مادتها مع ان مادتها سهله؟ وأسألتها واضحه؟ الى يومك وانا اتحسب عليها اذا ذكرتها بس هي اجنبيه وواضح حقدها علينا تبي ترسب بس ... وإلا أول ما جت للجامعه ما تدري ان الدعوى فوضى عندنا وكانت تخاف مننا بشكل والله اني اخذت عندها A+ بس بعدين تفرعنت وصارت ترسب ومحد يحلم يجيب الدرجه كامله عندها الله ينتقم لنا منها ان شاء الله.. والثانيه بعد أجنبيه نفس الشيء بس طولت وهي تنجح آخر فتره بدت ترسب البنات والحمدلله ما كنت عندها بس يقولون انها تقول ان استاذه فلانه قالتلها لا تنجحين البنات ! ههههه شر البيلة ما يضحك .وش رايك؟؟ طبعاً مو الكل كذا بس الأغلبيه ولا نقدر نقول شي انا اذا رسبت ما اناقش الدكتوره ولا شي عشان ما تحطني في بالها ولا ابيها تحفظ شكلي اصلاً عشان ما اعشش بالجامعه عشان ماده وإلا مادتين ... الحمدلله الحين تخرجت وارتحت من ظلمهم. |
والله يا اختي صدقتي بكل كلمة قلتيها
لكن المشكلة مو هنا المشكلة في التعليم نفسه ,, الحين لو سئلتي 90% من الخريجين عن تخصصهم ماراح يجاوبونك الا باجابات نظرية لا تغني ولا تسمن من جوع ,, طيب ايش فائدة العلم هذا اذا كان صاحبه ما يقدر يطبقة على ارض الواقع ,, هذه جريمة بحق العلم وبحق المجتمع اما ظلم الطلبة فهذا امر هين مقارنة بظلم العلم نفسه الله يحسن اوضاعنا ان شاء الله |
كنت أسمع الكثير من هذا الكلام بصراحه ..
أنا لا أوفقك الرأي .. للآن معظم الدكاترة اللي درسوني أعطوني حقي الحمدلله . درجاتي اللي تثبتني .. دخلت شعبه كان بها 60 طالبه .. الحمدلله أنا لم أكن أشارك كثيرا و لكن كنت A بالماده .. حسب مجهوودك .. الله يوفقك .. و خلي علاقتك طيبه باللي يدرسك الماده . حتى الأجانب لا تسبين فيهم يعرفون السب حتى لو بالعربي .. حاولي الدنيا تجاارب .. |
كلامك يا أختي أنفاس العطور صحيح يحصل من بعض أساتذة الجامعات ظلم لبعض الطلبة
وبعضهم إذا حطك في رأسه الله يعينك وربما يهددك ويقول أنت من الآن حامل المادة قصص حصلت وتحصل من بعض دكاترة الجامعات ولقد حصل لي ظلم سامح الله من ظلمني وعفا الله عنا وعنه |
انا ايام الجامعة اكثر من دكتور صارت لي معاه نفس المشكله ..
لدرجة واحد من الدكاترة حملت عنده خمس مواد على مدار السنين .. الين وصلت سنة رابعة .. وانا شايل مواده .. لدرجة صارت عندي عقده انه مستحيل اتخرج الين يا " يموت الدكتور ذا " او احول جامعة ثانية " بس رحت اشوف كشوف الدرجات .. لقيت طلاب جايبين امتياز .. رحت للطلاب اللي درجاتهم عاليه وسالتهم واحد واحد : كيف تجيب عنده درجة عالية !!!! وعلى قول الشاعر : اذا عرف السبب .. بطل العجب .. وابشرك : الخمسة مواد كلها صفيتها في سنة رابعه .. طلعت على سنة التخرج ... بدون عفش .. واخر سنة بدت تظهر الامتيازات ( ولله الحمد ) ولاحملت ولا مادة ... ( وهذا كان قليل عندنا في الجامعة ) .. وهكذا مع كل الدكااااتره .. خصوصا اللي سمعتهم مشهورة في الترسيب وهضم الحقوق .. منهم كان لازم تروح له المكتب بعد المحاضره : بكذا يعتبرك طالب ناجح .. بعضهم : لازم تجي تسأله ( تسوي نفسك مافهمت .. وبعد مايشرح ( تفتح اسارير وجهك على الاخر وتقول خلاص فهمت يادكتور شكرااااااا. وبعضهم لازم تداوم عنده في الصف الاول ... الخ لخ .. لدرجة صار كل دكتور ندرس نماذج اسئلته في السنوات السابقه ( خصوصا الدكاتره المشاهير في موضوع الترسيب وتعقيد الاسئله .. اخرتها صرنا نصكر على الدكاتره .. كل المراجع جنباها .. وصورنا المهم منها ووزعنها على بقية الطلاب الحلول قبل الاختبارات .. صارت حرب بيننا وبينهم ... الين تخرجنا واخذنا حقنا .. خلاصة كلامي : لابد ان تعرف من اين تأكل الكتف ... ... يمكن كلامي مايعجب كثيرين ... لكنه حل لواقع نعيشه ... بعيدا عن المثاليات .. لانه الكل يعرف انه الدكتور اعلى سلطه ( للاسف ) .. حتى عميد الجامعة مايقدر يقوله شي ... وهذا الشي مانقدر نغيره .. فعلاجها في رأيي : لاتتحدى احد ماعنده شي يخسره .. اذا رسبك انت الخسران .. مو الدكتور .. فخذ حاجتك واتوكل على الله شوف حياااااتكـ ... |
مشكوووووووووورين الي ساااندوني وحسيت اني ذكرتكم بذكريات مااضيه :)<<بس شي حلو
وبالنسبه لي شكلي اباخذ الماده عند دكتور ثاني لانو يقولون ماينجح كثييير الي قهرني اني فيه كم بنت مذاكرين ملزمه ورقه وحده تخيلو منهج بورقه ونجحوا:( وانا كم ملزمه مع الكتاب وبالاخير يرسبني <<لازالت منقهره بس والله خففوتي عني وبالنسبه للي يقولون راجعي الدكتور اور ارفعي مااقدر لانو الي ضامنه درجاتي فيه هو مشاركات المنتدى <<الي بتعوضنا عن النقص على كلامه :( يعني مافيه فايده يلا الله يعين بس لازم الواحد يذوق التعب شوي في الجامعات والا مايصير:( |
من يقول أن لدينا جامعات اصلاً ؟
|
انا اتفق مع العضو المتألق انا و الهنا ... لابد و ان تعرف من اين تؤكل الكتف
فلكل استاذ جامعي اسلوب و غالبا ما يكون قد أخذه عن اللذين درسوه اثناء دراسته الجامعية او دراسته العليا ... فهناك من يريدك ان تشارك ... فشارك معه ... و منهم من يريدك ان تكتب ... فاكتب له ... و البعض يحب الكلام خارج موضوع المحاضره و خارج اوقات المحاضره ... فالله يعينك على صحبته الشاهد ان معرفة اسلوب الاستاذ يسهل عملية النجاح و بدرجات كبيره انا استاذ جامعي في طور التحضير ( يا ويلي منكم :29: ) و اثناء سنة المعيدية لم ارسب احد و لله الحمد الا اذا كان يريد الرسوب ... على الرغم من وجود بعض العينات التي تثير التساؤلات ... كيف نجحو من المرحلة الثانوية او حتى المتوسطه ... انا لا ابرر لاحد و لكن للأسف توجد تراكمات سلبية في البنية التعليمية ... اخوكم معلم القلوب |
بياض الغيم
شاكر لك مرورك معلم القلوب عارفه قصدك انت والعضو انا والهنا فعلا كثييير مثل ماقلت اما مشاركه او بحوث او تملى ورقه الاختبار وغيره بس هذا مفهمنا انو اهم شي عندي مشاركه المنتدى وكل ماشاركت بنت في المحاضره الجايه يشكرها ويقول مشاركتها بس شكله ينجح عالبركه :( شاكره لك مروروك |
انا طلعت من تخصصي بسبب مدرسة كانت سعودية
شرحها والزبالة اعزكم الله واحد كنا احنا 400 طالبة ماعدوا موادها الا 50 طالبة فقط انحشت ودخلت ادرس على حساب زوجي ولو في مدرسة الخير ترفع صوتها علي |
وش اقول
وش اخلي انا انظلمت بما فيه الكفايه بقسم واضطريت انقل من الجامعه كلها بسبه الظلم بس الحمدلله احس الوضع احسن عن اول بشوي اما عن زوجي يقول مره مذااااااااااااكر وماادري من وين جايب لنا هالدكتور الاسئله افكر افكر واخذ القلم وبسم الله ويكتب تفاصيل المبااااراه مع فريقه المفضل وبالاخير طالع نااااااااااااجح بذمتكم بعد هذا فيه تصحيح واخوي كان تخصص انجليزي منجحينه بكل المواااااااااااااد وبتقدير ومرسبينه بالقران لكن لاحول ولاقوة الا بالله من الظلم |
الله المستعان أنا أعمل بالجامعة بس والله أحاسب نفسي كثيرا وفي ترم أخروا علينا التوصيف وخلوني أتنقل بين فروع الجامعة أدوره مع إن المفروض هم يجيبوه للأعضاء وأوصي فلان وعلان وبعد شهر ونصف درست الطالبات بس كان كتاب كبير والبنات خايفيين فقلت لهم ولا يهمكم الفصل كذا محذوف للتأخير والفصل ذا نعداد ولما سألتني الجامعة قلت إنتوا الي تأخرتوا بالتوصيف
وأحب أحط أسئلة موضوعية ويعلم الله أسأل البنات ايش يحبوا ( طريقة الأسئلة ) ساعات أحس إن البنات يفكروني غبية وطيبة حيل بس أنا ما أحب أشدد لأني كنت بموقفهم وتعبت:( |
توته زوجها
الله يعينا ع الي فاهمين دور المعلم هو السلطه بس :( اسعدني مرورك منوووور اهم شي زوجك عرف من وين تؤكل الكتف على قولة احد الاعضاء :) عطر المحبه ماينفع تدرسيني :) خخخ بس بجد حركتك جدا حلوه واذا خففتي عالبنات وضحي لهم انك مراعيتهم ومراعيه زحمة المواد وقولي لهم انو باإمكانك تعطيهم المنهج كامل <<<عشان مايتوقعك طيبه بزياده ع قولتك :) |
| الساعة الآن 04:40 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©