|
عايزة رايكم وخصوصا الشباب
السلام عليكم ورحمة الله وبركاتة
بس بجد انا حاسة انى محتاجة رايكم وحاسة اد اية روح الالفة اللى موجودة هنا انا متقدم على عريس هو جارنا بس انا مكنتش اعرفة ولا هو كمان صالونات يعنى هو سنة 33 سنة وماشاء الله علية بيصلى الصلاة فى وقتها حتى الفجر حاضر بالمسجد مواصفاتة الشكلية طول بعرض كدة زى ما اتمنيت بالظبط يسد عين الشمس ما شاء الله علية ظروفة المادية ميسرة عندة شقتة اعتقد كريم ودة من الهدية اللى جابها معاة المشكلة بقى هو تعليم عالى وكان بيشتغل فى مجال دراستة بس ساب الشغل وفتح كوافير رجالى انا عمرى ماتخيلت ان هتجوز حد بيشتغل كدة بعقلى انا موافقة لاكن لما با اجى افكر باولادى نفسى كان يبقى ابوهم فى مركز اجتماعى محترم ولة وضعة قولولى اعمل اية انا عملت استخارة بعد مقابلة التعارف وحسيت براحة وكان حد بيتكلم من جوايا وبيقولى انا موافقة طلبت من والدى يجى تانى هو كان عايز يجيب والدة للاتفاق وكدة انا قلت لبابا لا انا عايزة نقعد كلنا ونتكلم معاة ونشوف اراءة اية وتفكيرة ازاى وجة فعلا بس انا خايفة منة فتح كذا موضوع واتنقل بينهم كنت بجاوبة بس هو كان مش بيدى راى نهائى فى الموضوع ويقلب ع حاجة تانية مع ان انا شخصيتى مش مستسلمة او مليش راى بالعكس تماما انا اشتغلت واعرف اتكلم كويس واحكم ع الناس بس ساعتها كنت بجد مكسوفة ومش عارفة ارد واحنا بنتكلم قالى انا من اول ما شوفتك المرة اللى فاتت ارتحت جدا وكنت عايز اكلم والدك تانى يوم علطول وعايز اجيب والدى واجى وسالنى فاهمة حاجة قلتلة لا قالى احسن بردة !!!!! مش فاهمة انا ساعتها اتكسفت جدا ومردتش اصلا ومعرفتش هو يقصد اية اختبار يعنى وبيشوفنى جريئة ولا لاء ولا ولا هو كان يقصد اية مش عارفة وطلبت انة يجيى تانى وجة فعلا اتفقنا فى الاراء فى حاجات كتير واللى معجبنيش ومفهمتوش انا كتبتة ومحتاجة رايكم اعمل اية واختبرة ازاى عندة كام حاجة كدة خايفة منها وطبقا للاولويات فاكبر مشكلة ومش عارفة الانطباع دة صح ولا غلط شكاك (1) موقف بسيط جدا قدمت حلويات وعصير وسالنى انت اللى عملاة قلت لا شرياة بس انا اللى عملت العصير بعد ماخرجت من الاوضة سال اختى هى اللى عملت العصير وحاجة تانىة قالى انة فسخ خطوبتة اللة فاتت عشان اكتشف كدب خطيبتة وانها مش صريحة معاة جريئ (2) طلب رقم تليفونى من تانى مرة للمقابلة وكان عايزنا نقف فى البكونة بالرغم من اننا عاملين المونتال وموزعين انترية والمكان المتاح لينا مش واسع وهو قبلها كان واقف فية مع اخويا يعنى عارفة وكانا عايز يعرف رايي بصراحة موافقة ولا لاء قلتلة عملت استخارة وربنا ميسر الامور فطلب تانى وتالت راىى بصيت لة وابتسمت ونزلت وشى فى الارض من غير ما ارد عايز يملكنى (3) احنا اللى هنتفق علية حتى لو فية ضغوط من الاهل هنعملة فعارضتة وقلتلة انا فى بيت اهلى وفى حاجات هيجى رايي فيها بعد راى والدى ولاكن القرار الاخير هكون انا بردة اساة اعترض ومعجبهوش وكرر السؤال بشكل تانى قلتلة اللى انت بتتكلم فية دة صح بس فى بيتنا ان شاء الله حايتنا بينا وبس ومحدش هيتدخل فيها بردة عايز ياخد الكلام من بقى انا عشان يتكلم على اساسة حاسة انة عايز يلغى اهلى ودة مينفعش ------ (4) مش فهماها اصلا جاب المرة اللى قبلها شيكولاتة قالى دوقتيها استغربت وقلتلة لا قالى لية مرضيتش احرجة واقولة لما نبقى نوافق ابقى افتحها قلتلة عادى قالى عايز افهم قلتلة عادى بس اية السؤال الغريب دة وهربت من اجابتة وف الاخر قالى شكلك عايزة وقت تفكرى وانا كمان قلتلة حقك قالى حقنا احنا الاتنين وربنا ييسر الامور ودة بعد موقف التليفون علطول وقالى انا مش زعلان ومشى مقموص ساعدونى حللوا معايا شخصيتىة وازاى اعرف انة شكاك ولا لاء |
خالفتم توقعاتى
مكنتش متوقعة ان حد ممكن يطلب المساعدة وبيستنجد بيكوا ومحدش يرد عليا
خاصة اننى احسنت الاختيار والمنتدى من اسمة واضح يعنى وكمان القسم المناسب وقبل ما انزل المشكلة دخلت كذا مشكلة ولقيت فيها مساعدة وحلول للمشاكل المعروضة حتى اللى يدخل يترك بصمتة بدعوة علها تساعدنى فى تحديد مصير حياتى شكرا على اية حال |
يااختي ماتزعليش ..
انتي قلتي الشباب وياللا ننتظر الشباب حيردو عليكي ان شاء الله .. ربنا يكون معاكي استخيري وماتنسيش تتوكلي على ربنا .. |
اسال الله ان يفرج همك
وان كان فيه خير لك ييسره ويجعله من نصيبك وان كان شر لك يبعده عنك |
حبيتي اولا .. مبروك الخطبه
ثانيا ,, ماشاء الله عليك من كلامك احس انك امراه لها كيانها وافكارها وتقدري تعرفي الي قدامك وتتعاملي معاه لا تتوهمي ابدا ,, وااذا كان جرئ ,,فالجرئ احسن من الخجول البارد لو دقتي طبل بلدي مايتحرك والشكاك ,, لمن يشوف حسن نيتك ويعرف جوهرك راح تتمحي الصفه هذي ..يعني الشك لمن يتعدى الحدود مثلا يشك في اخلاقك او اهلك او روحاتك وجياتك هنا لك تصرف ثاني وهو مش عايز يمتلكك ليه ماتفسيرها انه عايز يأكد لك انه عايزك وانه انسان قليل الصبر عايز يعرف الرد ويبرد قلبه صح ولا لا؟؟ وااذا على الشغل ,, جارتنا اتزوجت زوحها وكان فقييير جدا ,,بعد الزواج بكم سنه يمكن 13 سنه تقريبا صار رجل اعمال معروف ماشا ءالله ولها بيت ملك ومو مقصر معاها ابد ((تزوجوهم فقراء يغنيكم الله)) انا حاسه فيك ,, انا مثلك التفكير بقتلنا |
اقتباس:
وانا عملت استخارة بس مش حاسة بحاجة وهعملها تانى ميرسى يا قمر عرى ردك |
اقتباس:
اللهم امين لى ولكى ولجميع المسلمين شكرا لمشركتى مشكلتى |
اقتباس:
ميرسى ياقمراية عايزة اقولك انا من جوايا نفسى امشى ورا احساسى وتفسيراتك معايا بس الخوف من المجهول ساعات بيكتفنا ويوقفنا عن الطريق اللى ماشيين فية ربنا ييسر الامور وشاكرة جدا رايك ومشركتك المميزة |
من قرأتي لكلامك لااجد اي مشكله في ذالك
وبما انك استخرتي وشعرتي بالراحه فأضن ان الامر ميسر لكِ من كلامك اشعر ان لديك شك زائد وقد يحطم حياتك ابتعدي عن هذا الشك |
اقتباس:
اشكرك اولا على مشاركتك يارب فعلا يطلع شك زائد بصراحة انا شايفة مميزاتة كتير ونفسى ميطلعش شكاك وانا عن نفسى هبتدى الاحظ موضوع الشك دة عندى لان اكتر من حد كدة علق عليها |
وعليكم السلام ورحمة الله وبركاته
اولا ً الف الف مبروك على الخطوبة وان شاء الله تكون فاتحة خير عليكي اقتباس:
ما تركزيش كثير اوي على النئطه دون ,, لان انتي كذى بئى بتتعبي نفسك ع الفاضي وبتعملي مشاكل في تفكيرك مفيش حاقة في الشغل اسمها عيب او بستعر من الوظيفة دي ,, الراقل ده بيكسب رزقه من تعبه والرزئ بيد ربنا مش بيد العبد الغلبان ده ,, كل بني ادم بيسعى وربك هو الي بيئسم الارزاء والحمد لله خطيبك دخلو كويس ,, ومعندوش عيب مادي بئي ,, طب فين المشكلة بئى المشكلة مش في شغلانة الراقل ,, المشكلة في دماغك دي وفي تفكيرك با النئطة دي ,, شغلانة الراقل مافيهاش عيب وادعي له انو ربنا يزيده من الرزق ويرزقه بحلاله ويبعده عن الحرام اقتباس:
بس ما اعتقد هذا الشي ممكن يخليه يفكر يفسخ الخطوبه والموقف هذا ما اظن ان يستاهل انك تحكمي على الرجال انه شكاك اقتباس:
كلامك الباقي من وجهة نظري اشوف انك حساسة كثير ,, وتركزي على كل صغيرة مثل الاشياء الي ذكرتيها امور عادية المفروض ما تهتمي فيها اختي نصيحة لك لا تعقدي الامور خليها عادي ,, في اشياء تستاهل انو الواحد يركز فيها ويحللها اما هذه الامور فهي امور عادية الله يوفقك اختي ^_^ |
اقتباس:
النقطة دة انا متفقة معاك فيها ان الشغل مش عيب وطالما رزق من شغل حلال ربنا هيبارك فية بس الجواز حياة كاملة مش ليا انا بس ولولادى كمان عشان كدة لازم التفكير فى كل صغيرة وكبيرة والاقتناع التام والرضا عشان وفعلا هى مسالة نسبية بيختلف تقديرها من شخص لاخر [QUOTE]علطه منك المفروض تقولي له الصراحه والمثل يقول الصراحة راحة بس ما اعتقد هذا الشي ممكن يخليه يفكر يفسخ الخطوبه والموقف هذا ما اظن ان يستاهل انك تحكمي على الرجال انه شكاك[/QUOTE حضرتك مفهمتنيش صح هو سال على الحلويات وقلتلة شرياها وانا فعلا شرياها وقلت لة بس انا اللى عاملة العصير وبردة انا الى عملاه وانا استغربت من سؤالة لاختى بعد ماخرجت من الاوضة وانا مكدبتش علية فى حاجة خالص من حقه اقتباس:
ياسيدى الفاضل مش من تانى مرة هتكسف اصلا اكلمة دة احنا لسة حتى مرتبطناش رسمى ولاقرينا الفاتحة هو بيجى لنا زيارات للتعارف صحيح كان عايز يجيب اهلة من تانى مرة وانا اللى اجلنا الموضوع دة شوية لحد مانتعرف على بعض شوية هياخد رقمى لية بقى وكمان انا قلتلة انا رقمى مش مع ولاد خلانى ولا كان مع زمايلى فى الشغل وانا عارفة انك مش هتبقى زيهم بس مش دلوقتى ولو عايز خد رقم البيت من بابا واتقمص ونزل اقتباس:
مشكور اخى على رايك ومشاركتك المميزة |
هلا يالغلا بالنسبة لنقطة التلفون لا تعملي منها قضية لأن من الطبيعي هو يطلب عدة امور وانتي تقبلي امور وترفضي امور هذا جدا طبيعي حتى لو زعل سيبيه يزعل اذا بينكم نصيب يومين وبيرضى بالنسبة لكل الأمور الثانية هي مسألة حساسية منك ومثل ماذكرت وحده من الاخوات التدقيق وكثرة التفكير عندك زايده حبنين |
اقتباس:
شكرا للمشاركة خلاص انا بدأت اصدق انى حساسة بزيادة واكيد هاخد بالى من النقطة دة بعد كدة |
| الساعة الآن 12:43 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©