|
مالحل في اسلوب خطيبتي الجاف
السلام عليكم ورحمة الله وبركاته،،
عساكم بألف خير اخواني واخواتي الاعزاء.. الله يعينكم على مشاكلي لاني توي خاطب والله ييسر الامور مشكلتي مثل ماهو بالعنوان.. اسلوب خطيبتي جاف معي رغم اننا بنكمل شهر بعد ايام مازرت خطيبتي بعد عقد القران لاني في منطقة ثانية.. لكن بيننا تواصل يومي بالمسجات او اكلمها بعد يومين او ثلاث ايام مشكلتها جافة في الكلام والأسلوب رغم انها ليست الوحيدة.. عندها اخوات واخ وحيد وهي اكبرهم انا ما اقول تغرقني حب لان "ممكن الخجل يمنعها" .. لكن على الاقل تتود لي يكون في نعومة معي... يعني احسها تكلمني مثل ما تكلم احد صديقاتها لا دلع ولا نعومة رغم اني مغرقها دلع وحب وربي يشهد علي.. بتقولون لمح لها لمحت لها ولو قالت كلمة دلع بالغلط مدحت فيها وبكلمة اللي قالتها عشان تفهم.. وعلمتها اني محتاج دلعها تدلع يوم وترجع حليمة على عادتها القديمة :( الحماس اللي فيني بدأ في انحسار ماصرت اتحمس اكلمها ولا حتى اسافرلها يعني اقول في بالي تذاكر وهدايا ولا فيه ريق حلو اجل وشوله اخسر واتعب نفسي على الفاضي اذا استمرت كذا مدري وشلون اتزوجها وتجلس عندي بهالطريقة.. لانها ماحاولت تتودد لي او تحبب بنفسها عندي وش تتوقعون سبب الجلافة والدباشة باسلوبها؟؟!!! اذا عندكم حل الله يرضى عليكم كيف اخليها تغير من اسلوبها وتكون اكثر انووووووثة ونعومة احتاج دعواتكم.. الله يجزاكم عني خير الجزاء ويرزقكم ماتتمنون |
السلام عليكم ....
بالعكس أعتقد الموضوع يستحق التذاكر والهدايا لتقف على الأمر على حقيقته وعلى أرض الواقع .. لأن كثير من الناس تختلف حقيقة عن الهاتف ... فلا تبكر في الحكم عليها واعطها فرصة للتعرف على شخصيتها عن قرب .. وليس لمرة واحدة بل اكثر من مرة ... الله يوفقكم ويقدملكم الخير والصالح |
الصراحة ما ادري وش اقول لكن قلت شي كبير يمكن قلته من دون ماتدري انت تقول( يعني اقول في بالي تذاكر وهدايا ولا فيه ريق حلو اجل وشوله اخسر واتعب نفسي على الفاضي اذا استمرت كذا مدري وشلون اتزوجها وتجلس عندي بهالطريقة.. لانها ماحاولت تتودد لي او تحبب بنفسها عندي ) اول شي يا صاحبي بينك وبين زوجتك مافيه شي اسمه ( ما اعطي الا لازم اخذ ) يعني اذا زوجتك طبعها كذا لا تعالج الخطاء بخطاء وتقول لازم مثل ما ماراح اعطيها لانها ماتعطيني مقابل الشي الثاني ماعمر احد لقى في زوجته كل اللي كان يحلم فيه ويتمناه لانه نفسه هو لازم يكون فيه نقص ولكن مثل مقال النبي عليه الصلاة والسلام (لا يفرك مؤمن مؤمنة، إن كره منها خلق رضي منها آخر) الشيء الاخر المكالمات قبل الزواج الهدف منها معرفة كل شخص الشخص الاخر وفهم نفسيته وماذا يحب وماذا يكره ؟ وليس الهدف الرئيسي منها انها تدلعك وخطيبتك انت اول شخص بحياتها ويمكن ماتعرف الاشياء هذي لكن مع الايام راح تحس انت بالفرق ومثل ما قلت انت الى الحين ما كملتم شهر على بعضه بس اهم شي لا تنظر للصغائر ونصيحة ( نصيحة مجرب ) اشتري لك كتب عن الحياة الزوجية ككل مو مثل اكثر الكتب تتكلم عن الحياة الجنسية واذا ماتحب القراءة اشتري لك اشرطة عن الحياة الزوجية راح تعرف وتكتشف اشياء انت بنفسك ماتعرفها لانه بصراحة احس ماتعرف اشياء عن اساسيات الحياة بين الزوجين ( المعذرة يعني وتحملني ) :o وبالتوفيق لك |
اقتباس:
تسلمين اختي على ردك.. هذا انا بروح الويك اند هذا وبشوفها وبجلس معاها يمكن تحس شويه.. واتمنى انها تكون مثل ماقلتي ان اسلوبها يختلف عن الهاتف وجايب معايه هدية وشغلات حلوة لها لعل وعسى الله يوفقك اختي ويرزقك ماتتمنين |
اقتباس:
واياك والله يعطيك العافية ويجزاااك خير |
تصدق اخي نفس المشكلة معي
يوم اتصلها حلوة وتدلعنا وماشاء الله عليها وبعدها اسبوع صيام ابغى حل؟ انا مو مقصر معها |
اقتباس:
هلابك اخوي... والله مثلك مدري وش السبب وادور على الحل؟؟ مدري هل البنت تسمع نصائح من النوع اللي اثقلي عليه ومن هالكلام او طبعها الجلافة واذا تدلعت واظهرت انوثتها يعتبر تطبع يوم وترجع لطبيعتها :: مشكللللة اذا تزوجت وهي على طبعها هذا انا بروح هالويكند وبرجع اعطيها اسبوع.. وما ادري هل؟ اسحب عليها واطنشها حتى تسأل وش السبب واقولها ولا اصارحها واعطيها اللي مضايقني وشوف وش عند البنت من سبب |
اخي انا بنت انا من شواري انك تتكلم معها في عدة مواضيع وغازلها شوي ثقل عليها وقولها امن شو متضيق انت بس بسلوب وانت عندها وشوف الاسلوب المناسب وقولها عن الموضوع ويا اخي الوحد مو بهدية يجبها او شيى غالي ما تدري البنت اشى فيها انا اقترح انت تصرحها اسمع اقعد انت وياها وقولها حد غصبك على وهي حتسلك ليش قولها انو كذا كذا كذا وشو ف بعيدن اشي يطلع معك بس امانة لاتزعلها لاني انا خاطبة مثلكم واليوم الى ازعل في من خطيبي يوم اسود والله يوفقكم
|
اخوي انت اصبر وترى اللي حوليها يخربون جد
انا متملكة يقولوا اثقلي اهدي ترى الرجال مايحب البنت اللي موثقيله تكلم معها مره ومرتين ولاتياس ابد وبالعكس الزيارات بتقربكم حق بعض اكثر جرب انت وراح تعرف |
وش دعوى مو هي معطيتك بوكيه ورد يوم الملكه أو أنا واااهمه:25:
ومادري أنا أتوقع بالبدايه أبكون خجلانه وماراح أتدلع بعدين مع الميانه تطلع العلوم:d وممكن يكون طبعها كذا!!!يعني جلفه ترا عادي في بنات كذا!!!!لكن المشكله أنت مررره مأمل بالدلع والخنج واللي مدري وش اسمه أهم شي الاخلاق:d وأنا من رأيي انك تقولها انك تحب الشي هذا وتتمناه وان شاءالله تحاول تعود نفسها!!وتكون زي ماتبي.. الله يوفقك يااااااارب:) |
عليكم السلام والرحمه،،
وضعت خطيبي في موضعك وحسيته يتكلم عني ^_* صبراً أوخيي على المره حاول تساعدها يمكن البنيه خجوله وتستحي وتبي احد يدفعها لهالكلام قلها اكتبي كل الكلام اللي تبين تقولينه بورقه وقلم وخله تسمعه لك ++ مالقيت غير هالوسيله والله يوفقكم ويجمع بينكم بكل خير. |
تبي الصرآحه .. دآيم دآيم البنت ينصحونهآ بـ الثقل
وانا قبل ماكنت مقتنعه بهالنصيحه لاني طبع فيني احب اعبرر مقدر اكتم مشآعري .. بس والله الرجآل لدلعنآهمـ آهملونآآ وآكبر مثآل خطيبي بارد معي .. وآنآ كلش مو مقصره واقتنعت غصبآ عني بنصيحه الثقل فـ خطيبتك يمكن لسا ماتعودت عليم وتستحي ويمكن احد قالها اثقلي لا يطفش منك وكذا يعني انت قولها انا بعيد عنك ومحتآج للـ حنآن منك والمصارحه احسن شي |
يااخوي باقي توك
بعد ايا م تكمل شهر !!! توها مااخذت عليك انتظر شؤي .... ان ماتجرءت مع زوجي بلكلام والرومانسيه الا بعد 2 او 3 علئ مااظن لكن لااخفيك كان في شؤق ومن هلاشياء السطحيه والمسجات هي الي كانت فيها حب وشؤق اما بلصؤت حب وغيرها بصراحه كنت اخجل جدا مع انه يشجعني لكن ما تجرءت الا بعد ماهو بدء معي وبدء معي بلكلام بعد شهرين او 3 .... وكان كله بسب احراجي منه واذا جاء عندنا ببيت اهلي فيقؤل لي مااصدق انك انتي اللي تكلميني !!! والسبب خجلي منه ! اذا بس سمعت صؤته انحرج منه وتعرق يديني يسلم ونتصافح بليد فيضحك والسبب يديني غرقانه من العرق وميته خجل ومااطلع الا باامي ...!!! بلبدايه !! الاهم انت صارحها اذا استمر الوضع .. |
وعليكم السلام ورحمة الله وبركاته
ياأخي .................. والهدية لها تأثير زورها واهديها وقل لها من الكلمات والعبارت الحلوة وتغزل بشكلها ولبسها قل لها دلوعتي وامدح دلعها وانوثتها حتى لو ماكانت دلوعة مثل ماتحب لأنها مع الوقت بتتدلع وبتحس نفسها إنها فعلاً دلوعة انت علمها .. علمها تحبك فهمها بحاجتك لحنانها ودلعها باسلوب حلو وليس باسلوب كأنه فرض أو امر ربما تسمع من البعض ( اثقلي حتى يحبك وتكبرين بعينه) لأني انا الآن ينصحوني بالثقل على خطيبي لكني لا استجيب لنصحهم اسأل الله أن يسخر لك خطيبتك ويسخر لي خطيبي ياحي ياقيوم |
اقتباس:
انا ماخطبت واتزوجت واحدة الا وعارف اخلاقها لاتقولي اهم شي الاخلاق (البنت حلالي على اساس تدخل اخلاقها مع الدلع والنعومة مع حلالها) تحياتي |
اقتباس:
دلع ونعومة وكل مااتمنى وفجاءة سافرت ادرس ورجعت وهي متغيرة 360 درجة بس اجت فترة حسيت انها تعبت من فراقي عنها وبتحاول تأجل كل شي الى بعد الزفاف الان علاقتنا عادية لكن جافة على امل العرس القريب |
شوفو بقولكم رأي البنات في ذا الموضوع بمااني كنت منهم
احنا السعوديات كلنا كذا ولاتلومون ماتعلمنا الرمنسية ابدا حتى ابائنا وامهاتنا ماكنا نشوف رومنسيتهم وماعمرنا شفنا الرومنسية وجه لوجه :D يعني كيف تبونا خلال كم يوم او حتى كم شهر نتغير 180 درجة معادلة مستحيلة واغلب البنات يخجلون مو متعودين يبيلهم وقت وفي شي ثاني صراحة ايام الخطوبة بعد شهرين راح مني الخجل بس برضو كنت مرة متحفظه مع زوجي عارفه انه من حقه وانو خلاص كتبا العقد واعتبر زوجته شرعا بس برضو كنت متحفظه مو عشان ماكنت احمله مشاعر لابالعكس كنت احمله مشاعر واميله بس بنفس الوقت كان في خوف من الشخص الي فجأة صرت اتكلم معه ويمكن انا في حياتي ماسمعت عنه ماكنت عارف ايش خلفيته االثقافية ايش تفكيره فقلت افضل شي اكون متحفظه لما اعرفه صح صح ومااتورط بعدين رغم اني احب الوضوح والصراحة واتذكر بقية 5 شهور متحفظه بس بعدين تغير الحال يوم عرفته وعرفت تفكيره اتمنى تكون الصورة واضحه عندكم طبعا تكلكت من وجهة نظري انا تحياتي |
الصراحه الرجل كائن غريب
لو كانت جريئه بأسلوبها قال اكيد لها ماضي ومن هذا الكلام يااخوي لسا ماكملتو شهر وحتى لو كملت شهر تبغاها تصير مره جرئيه اصبر الصبر حلو كانت وحده من صاحباتي فترة الخطوبه جافيه بما تعنيه الكلمه كنت استغرب منها واقولها مايصير تقول لا خليه كذا وبعد الزواج ماشاء الله تبااااااارك الله اذكروا الله اهلها واهله في منطقه وهي وزوجها في منطقه تقول خلاص اطلع كل مواهبي مالي غير زوجي وصارت تنصحني بالجرائه اصبر عليها ماتقدر تصير جريئه عليك على طول وترى فترة الخطوبه غير لمن تكون جالسه معاك في بيت واحد تقبل مروري واسفه على الإطاله |
أخوي لاتستعجل على رزقك
الخير جاي بس عطها فرصة تتعود عليك اكثر لأنه صعب على الوحدة تتعامل مع رجل بجرأة حتى لو كان زوجها قبل لا تتعود عليه ويتعود عليها .. وبالتوفيق |
اسمحلي اخوي بكون معك صريحه وعلى بلاطه انت عجول+ غير متفهم شو اللي مافي انوثه ومافي رقه توك شهر وماخذ بنت اول مره تكلم ريال والله حزنت على خطيبتك يحليلها حرام عليك والله بتسحب عليها ليش؟؟؟ لانها ماتعرف تهمس وما تعرف تقولكلام حب في أول شهر!!!!.. اصبر على بنت الناس وبعدين ترا البنات شخصيات .. في نوعية من البنات ماتعرف حق الهمس والكلام الناعم ومثل ماقال الأخ في رد سابق هذي فترة للتعارف والنقاشات الخفيفة وهي اكيد جالسه تتعلم وتقرا وتشوف انت اعطيها مواضيع من النت وحذاااااااااري حذاري تقولها ألفاظ مثل انوثه بتجرحها بتكون في مشكله بتصير في ألف مشكله واوصيك يا اخوي لاتظلم بنت الناس ترا الدنيا سلف ودين سالفة مافيها انوثة ترا هذي مب سالفة |
اقتباس:
المشكلة مو معطيتني فرصة اتغزل فيها.. ومع ذلك احاول اتغزل فيها بحدود واتصيد فرص ومرة ارسلت لها اني اشتقت اسمع صوتها وسالتها متى الاقيها فاضية ردت بعد المغرب بدون كلمة حلوة او شي.. اتصلت عليها بعد المغرب لقيت خالها معها!! :( وهي عارفة بتكون معاه بذاك الوقت مشكورة على ردك والله يوفقك اختي |
اقتباس:
مشكلة اذا كانت تسمع النصائح... لو انا اسمع مثل هذي النصايح يمكن ما اكلم الا بالشهر مرة .. لكن اسمع واعمل اللي اشوفه مناسب الانطباع الاول دائما يبقى تأثيره اكبر الله يجزاك خير اختي ويوفقك |
اقتباس:
بعد ما كلمتها قالتلي بدون ما اسأل انه البوكيه عمتها مهديته لها وخالتها شارت عليها تعطيني منه <<< مافي اسلوووووووب يعني لوقالت مني كان احلى اكثر شي مقلق راحتي ان ماعندها اسلوووب ياخوفي طبعها كذا بعد الزواج... نعيش كأننا اخوان في بيت او شياب لمحت لها واني اموت بدلعها اقل شي تظهر الدلع >>> "دلع البنات الطبيعي" تكلمت بكالمة وحدة حسيت يعني فيه دلع واستبشرت خير.. وبعدين ماحولي احد الله يوفقك اختي مشكووورة |
اقتباس:
ما اتوقع جرأة لانها كانت جريئة في الكلام معي..والحين الله يديم النعمة علينا التكنولوجيا ماخلت قاصر ترسل مسج لو مستحية من الكلام واشتريت اوتجراف فخم مع هدية حلوة وكتبت لها كلام غزل وشوق مني.. وبخليه عندها واذا جيت المرة الجاية باخذه منها.. كنوع من التحفيز ويوفقك اختي ويرزقك ماتتمنين لازلت انتظر حلولكم |
اقتباس:
بصراحة مدلعها بالكلام..هل لو اخفف من دلعي لها وكلامي معها يجيب نتيجة؟؟ لأنها وقت تكلمني .. تكلمني مثل ماتكلم البنت صديقتها بالضبط وصوتها عااالي مع انها بوقت الملكة وقت جلست معها كان عادي.. ما ادري هل لسا مو مستوعبة انها تكلم خطيبها صرت اجبر نفسي في الفترة الاخيرة اني اكلمها اسلوبها نفرني منها الله يهديها بس |
اقتباس:
هههههههههههههههههههههههههه أجل مو منهى:d ولايهمك اذا هي حبتك وارتاحت معاك طبعآبعد الزواج راح تبحث عن اللي يرضيك وراح تكون زي ماتبغى والله بنات أعرفهم يتغيرن بعد الزواج يعني بطبايعهن علشان ترضي زوجها فإن شاءالله مدامك تكون منهم. |
أخوي
مرات الوحدة تخاف أيام الملكة إنها تتعلق بخطيبها لحد ما تروح بيته فيمكن إنها تخجل و تستحي منك ؟ أنا ما قلت لزوجي كلمة ( أحبك ) غير بعد الزواج ، ما تعودت أقولها لأحد و كنت أخجل منه |
وعليكم السلام مع رأي الأخت رسـيـل والأخت انتظار الفرج الهدية واللقاء هو افضل تعبير ورسالة تصل لخطيبتك وتحرك مشاعرها تجاهك أول ما يكسر خجلها في التعبير عن مشاعرها .... فلا تستعجل ما زلتم بأول الطريق والله يتمم لكم على خير عزوبي بس رجل |
اقتباس:
الله يخليلك زوجك ويحفظكم انا بعطيها شهرين وبشوف النتيجة .. اذا حسيت مثل ماهي بقولها صراحة لو خجل اكيد راح ولو ثقل وتغلي بطلبها تشيل الثقل اللي ماله داعي المشكلة لو كان طبع.. راح تخلي الحياة بيننا صعبة ومعقدة مشكورة اختي والله يعطيك العافية |
اقتباس:
هلا بك اختي بروحلهم اول زيارة هالويكند ومعي هدايا.. وبشوف النتيجة والله يشهد علي اني اقلها كذا.. "لكن ياليت قومي يعقلون" احيانا اقولها دلوعة "اسمي"... اقولها اموت بدلعك وبحبك وهو مافي شي من الأساس بس عشان تحس اما بالنسبة للنصايح اللي يقولونها كثير من الناس اثقلي ومن هالكلام والله بئس النصيحة لان مصيرها بتكون زوجته.. وش فادها الثقل لو شال بقلبه عليها والله نصيحة من اخوك المسلم لاتعيرين هذه النصائح اي اهتمام والله يسخر لك زوجك ويوفقكم يارب |
اقتباس:
ياهلا فيك لكن اكيد اهلها اعطوها صورة عني وهم سألو عني بالتفصيل الممل بعد لكن ما اتوقع انها ماتسمع من اللي حولها عن الدلع الاسلوب الحلو.. اكيد البنت لها احتكاك وتسمع من اللي حولها سواء بزميلاتها المتزوجات او خالاتها او عماتها اوالاقارب والنت الحين بحر من الافكار والمعلومات.. يتعلم الانسان منه والله استغرب من البنت مثل كذا ماتعرف.. مثل خطيبتي جافة وماعندها اسلوب او شوية نعومة وجهة نظرك قد تكون صحيحة مشكوووورة اختي والله يوفقك |
اقتباس:
الله يجزاك خير بالضبط نفس الكلام اللي في بالي اقل شي يكون عندها اسلوب دلع يجذبني >>> "ما اقصد الجنس اقصد دلع الانثى" عشان لا احد يفهمني غلط |
اقتباس:
وضعك اخوي افضل من وضعي .. لان خطيبتي من الاساس مافيه الله ييسر امرك ويتمم لك على خير ويسخرلك زوجتك |
اقتباس:
ماخطبت البنت الا متأكد من اخلاقها باصبر شهرين زيادة على أمل تحسن الوضع اتمنى من خطيبتي تتغير مشكوووورة والله يعطيك العافية |
اقتباس:
هذا انا بصبر شهرين على أمل التغيير الله ييسر الامور الله يعطيك العافية اختي |
اقتباس:
اهلا بك اختي وبصراحتك وين عمرها كله ماقرأت مواضيع مثل كذا؟؟ مشكورة على نصيحتك |
اقتباس:
اتمنى من كل قلبي |
اقتباس:
ودي اعرف قبل مايجي الفاس بالراس ما ابي اغامر واتزوج على أمل التغيير وانصدم فيها بعد الزواج |
عذب الكلام ننتظر مستجداتك بعد الويكند............
|
أنا فاهمة عليك أخوي .. انت ما تقصد انها تكون جريئة في دلعها مثل ما فهمت بعض الأخوات.. تقصد انها تكون أنثى برقة وعفوية.. الحين أخوي هي ممكن تكون هكذا من داخلها ولكن ما تعودت تظهر أنوثتها ومشاعرها نتيجة طريقة التربية.. لو هو الوضع كذا فأبشر أخوي ان شاء الله مع التعود عليك بتتغير..ترى في بنات كثير كدا ومع أزواجهم يكونون غييييييييييير،، أو انها من داخلها جافة مو بس أسلوبها يعني طبيعتها هي فأعتقد ان الأمر سيتطلب منك مجهود أكبر..
انت حاول تستكشف ذلك من شخصيتها وأفكارها.. الله يوفقك.. |
| الساعة الآن 09:13 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©