|
كيف تتعايشين مع زوج بالإسم؟؟
إذا فرض عليك واقعك تكوني متزوجة :21: من رجل غير متكفل بك ماديا ومعنويا.....وأنت متمسكة به من أجل تكوني في المجتمع متزوجة لا مطلقة.... يعني ظل راجل ولا ظل حيطة ..مع إنه ظل الحيطة أحسن .. :d يعني مجرد رجل واجهة إجتماعية مو أكثر..:30: شلون تصرفين أمورك من غير ماتاخذين شوره كما كنت سابقا...:11: كيف يكون تعاملك معه...في كافة الجوانب بما فيه الفراش... هذا السؤال لوحدة يهمني أمرها..:25: أنتظر ردودكم الله لا يحرمني منكم.. :28: |
أصغرهم
موضووووووعك مررررررة مهم وكثير عايشيت متزوجين بالإسم أعرف كثير كثير والله أزواجهم مو شايلين أدنى مسؤولية والزوجة مصرفة كل أمورها لوحدها .. صعبة والله صعبة وربي راح يسألهم يوم القيامة على واجباتهم اللي ماقامو فيها المهم أنا مافهمت السؤال الأول .. قصدك كيف الزوجة ماتاخذ شور زوجها ؟؟ وليش تاخذ شوره اذا هو ماراح يصرف أمور البيت صح ولا لا .. معناته هي تصرفها بشورها هي أنتظر ردك ولي عودة |
أشكرك سمو الأميرة لتفاعلك..الله يسعدك ويسخر لك أحبابك أقصد كيف تخرج ,,تروح,, تجي ,,,وتمشي كل أمور الحياة بدون شوره؟؟ هي قبل هذا القرار كانت تعطيه مكانته كزوج تستأذنه وتشاوره الحين هي تبي تسفهه وماتاخذ رايه في أي شي ولا تطلبه شي... أتمنى المقصود وصل.. |
اقتباس:
الاخت الفاضله مايجوز تخرجي من دون شور زوجك وكثري من الدعاء باخر اليل |
اذا خلااااص فشلت في تعوديه على تحمل المسؤلية
تحتفظ بالناحية المعنوية ... يعني ما تكون حياتها كلها نكد بنكد تحاول تخلي الحياة بينهم بالبيت طبيعية .. من ناحية المعيشة و السوالف و الفراش يعني تكون تحملت جانب المسؤلية بس على الاقل تلاقي مقابل معنوي منه من مودة و رحمة و حب و حنان و عاطفة ... تشبع جانب على الاقل ... بدل ما تسفهه و تنكد عيشتها .. و تصير مسؤلية البيت عليها و مشاكل و حياة بلا طعم .. عادي تاخذ شوره بالطلعات واكيد ما راح يرفض لانه المفروض يكون مستحي على حاله طالما و انه كل شي على راسها و بالفراش ايضا تعامله عادي مو عشانه و انما اولا عشا ربها و ثانيا عشان تعف نفسها .. الله يوفقها |
اولا ابحث عن طرق للحل معه
مو ارضئ لئ طول واتحمل مسؤليه ! بل احاول واحاول واذا مانفع فبقؤل له انا خلاص من الشهر القادم انت تتحمل المسؤليه انت الرجل وانا المرءه انت تحمل عبئ الخروج والمقاضي وروحة الابناء وجيتهم ولا اتحرك هو من يتحرك واذا لم يؤجد جديد فاجهز شنطتي واقؤل يا تتغير او ارؤح لبيت اهلي اذا تعدلت وتبيني !فتعال انا انتظرك . |
هناك فرق هل قبل كان يشتغل ويصرف عليها ومعززها ومكرمها
والحين صار بدون شغل بسبب ظروف خارجة عن ارادته او هو من الاول كان غير مسؤول تفرق كتير مادام من الاول كان غير مسؤول هي كانت عارفة وصابرة اذن لازم تبقى على ماكانت عليه اما اذا كان صار حالو بسبب ظروف غيرت نمط حياتوه فالزوجة لازم تكون مع زوجها في السراء والضراء ولايصح الا الصحيح فحرام الزوجة تخرج وتدخل بدون علم زوجها لانستطيع تغيير الدين هي لاتغضب الله وتصبر على ماهي فيه لكن هو حسابه عند الله لان كل راع مسؤول عن راعيته |
أختي بدوية غير جزاك الله خير الأخت نورا والله كلامك عين العقل كيف التطبيق؟؟ التطبيق مو سهل عليها...تعطيه في الفراش وهي عايفته..والله حالها يحزززززن هي كرهت تصرفاته ونفسها طابت منه وحاولت فيه لكن هذا طبعه وما يتعدل تراه هو معنويا ماله دور بعد..وش فايدة حب وحنان وما يوقف معها مواقف الرجاجيل!!! الأخت همس اول شي والله إني حبيتك في المنتدى في الله من كتاباتك..الله يجمعنا جميعا في عليين.. ثاني شي هي كم مرة تشيل شنطتها وترح لأهلها لكنها ترجع ثاني لأنه مايسأل فيها وهي ماتبي تتطلق...وهي حاولت فيه مايتعدل...قررت تعيش كذا وتبي تهمشه كيف تعطيه في الفراش؟؟هذه النقطة مؤرقتها تقول ياناس أنا أحساس:29: |
الأخت أسيرة زوج هو من الاول كذا بس هي من الأول مو راضية بوضعها ولا قبلت فيه مرة تنصحه ومرة تزعل ومرة تهجره ومرة تروح لأهلها...مايتعدل راتبه وين يروح ماتدري ولا يطلعها على شي صراحة وضع لا يطاق ومافي حرمة تقبل فيه |
صح التطبيق صعب ...
بس لو بعدت العاطفة و فكرت بعقلانية اكثر .. بتقدر ان شاء الله هي مش حابة تتطلق و حابة تكمل حياتها معاه طيب تقعد و تفكر بمنطقية .. ايش بتستفيد لو حرمته من حقه الشرعي؟؟ معناه انها تحرم نفسها كمان ... غير لعن الملايكة فا تعطيه حقه .. على الاقل زي ما قلت تعف نفسها لا تفكر بالعلاقة على انها متعة له هو .. لانه بهذا الشكل بتفكر على انها امتياز تعطيه ياه بدون وجه حق يعني هو ما يسوي لي و ما يفعل لي فا ليش اعطيه و امتعه لااا و انما تنظر للعلاقة على اساس انه امتياز و حق و متعة لها هي اعتقد بهذا الشكل بتتقبل الموضوع ولو شوي .. الله يعينها ... اكيد موقفها صعب .. بس خلاص دام انها اختارت تتاقلم فلتحاول من كافة النواحي .. |
الاخت نورا الله يسعدك دنيا وآخرة أنا أمس قلتلها نفس كلامك هي قالت منع ماراح أمنعه لكن ما أقدر أتفاعل معاه زي أول..وهو بيلاحظ التغيير وأكيد بتصير مشاكل. هل يجدي إنها ماتتفاعل؟؟؟ تتم العملية باي شكل !!!!!!ولا تصير مشكلة؟؟ |
تسلمي ياقلبي عالدعوة الحلوة و لك مثلها ياارب
مو شرط يصير مشاكل .. بعض الرجال ما تفرق معاهم .. اهم شي انهم ياخذوا اللي يبيوه سواء برضى او غيره ... وبعدين هي ما راح تمنعه ... يعني راح ياخذ حقه .. مين الخسران الوحيد هي ... يعني عاملة زي اللي يزعل من شي و يمنع نفسه من الاكل فيكون هو الخسران الوحيد احد معارفي نفس زوج صاحبتك .. ساب لها مسؤلية 7 اطفال و رااااح يدور شغل بمدينة ثانية.. مو لانه مالقى شغل بمدينته .. لا هربا من المسؤلية و مايعرف لا عن امراضهم و لا مدارسهم و لا اي شي عايش لنفسه و بس و هي متحملة كل شي و راااضية و عايشة عادي و تعطيه حقوقه لما يجي عندها و تلبس و تكشخ له تقول انا اعف نفسي ما اعفه هو .. ارضي غروري و استمتع بحياتي ايش بيفيدني النكد .. المسؤلية و متحملتها متحملتها ,, فا خليني امتع نفسي معاه فا عشان كدا اقول التطبيق صعب لكن مو مستحيل و في ناس كثير عايشين مثلها اهم شي بس تعرف كيف تسيطر على مشاعرها و تغلب العقل على العاطفة |
احبك الله يالغاليه
لكن والله انقهرت هلحل مانفع اجل وش ينفع !!! طيب احاوره ...واحاول !!!,اشركه ببعض الامور باسلؤب حلو مثلا ابنزل السوبر ماركت فااقؤل له ودي انزل انا وانت اختر لك يوم كذا نتقضئ انا وانت ...ياحبيبي ومن هلاسلؤب الحلو هي باسلؤبها تخليه يحب انه يتحمل المسؤليه شؤي شؤي معها وتتقرب من وقت خروجهم للسياره ... تمدحه اذا جاب شيء تطلبه وقت غيابه تكلمه مثلا وتقؤل له كلام حلو ثنم تطلبه ودي تجيب بس كذا !! تطلبه طلب واحد فقط ...!!! وهو مااظن بيقصر ...بيجيب وتمدحه وتثني عليه .... اذا عن العيال توصي عيالها اليؤم يطلعوا للباب المدرسه بسرعه وتوعدهم بحلاوه اذا لعوا بدري!! وتكلم زوجها وتسؤي صؤتها تعبانه وتقؤل له جيب العيال الله يسعدك تعبانه مااقدر اسؤق ولا مااقدر اجيبهم يلله اوقف وبهلاسلؤب دلع ومكر شؤي لين يصلح الحال حبه حبه ! ولا تنسئ الدعاء ثم الدعا ثم الدعاء والاستغفار والله له تاثير عجيب سبحان الله والله مابيخيب املها ! والاهم من ناحية الفراش الله لايلؤمها صح مسدوده نفسها منه ومن حركاته ولكن تتذكر انها بتكسب اجر من الله علئ صبرها وعلئ هالشيء وتتذكر وتحط ببالها علئ قؤلة الاخت نوره انها هي تمتع نفسها وترفه عن نفسها شؤي وتستانس مو هو بلعكس وبترتاح اذا حطت هالشيء ببالها .. |
إذا القوة ما نفعت و لا جابت نتيجة
خليها تجرب اللين و الكلام الحلو .. لإن الكلام اللين له ( سحر عجيب ) أما أشيل شنطتي كل شوي أروح بيت أهلي ؟ مو حل أبدا |
حبايبي الله يسعدكم دنيا وآخرة ويفرج عن كل مهموم |
الجأي للدعاء
|
(المـــــــــــــــــــــــــــــــــــــدح)
على أقل شي ممكن يسويه زوجها في البيت,خليها تجرب وتشوف.. |
أنا والله العظيم كنت مثلك ولما طلبت منه يتحمل المسؤلية ويحس فيني أخذني وصلني لأهلي زيارة وماعاد شفته من هذاك اليوم .... حسبي الله عليه ... |
ياحببتي وربي الحال من بعضه لايهتم ولايسئل ولاشي
بس عليك بدعاء له بان ربي يسخرة لك والاكثر من الاستغفار وربي يفرج همك ويفرج كربتك ::: |
الزواج ستر وغطاء ومودة ورحمة وحقوق وواجبات.الزواج مسؤوليات \
الطلاق ليس عيب ولا حرام بس للاسف ازواج كثير يفضلو العداب على انها تعيش مطلقة وهنا يفشل اي حد على الرد لانه المرأة المطلقة بالمجتمع العربي غير مقبولة بتاتا بس المفروض انه الوحدة تسأل المشايخ على هدا النوع من الزواج !!!! |
اقتباس:
بس الفرق انه جت علي فترة وحاولت اتطلق وعيا ...وتعدل بكل شي لكن لازال الوضع المادي هو نفسة لا وابشرج زادت المسؤلية علي من هالناحية بزيادة طلبات العيال ...وطبعا لازال الاخ ماعندة ..فمالهم الا امهم ..:23: طبعا والوضع ف الفراش زاااد النفور حتى التمثيل كنت جيدة فية صرت سيئة وماصرت اقدر امثل ...وهو حاس ومقهور وساكت .. وانا مبيدي حيلة ...ونفسيتي اللهم لاشماتة خوف من الله من هالناحية بالذات ...وعلشان هالشكل كل يوم افكر بالطلاق عندي اتطلق ولا اظلم انسان بالرغم انه ظلمني بداية حياتي لين قريب ..:29: الله يخلف علي ويعوضني ع صبري بشي اشد فية ظهري امين يارب ... واذا لقيتي حل علميني .. |
واللة يااختي كنت اتوقع انة ماكو احد ثاني يعيش ماساتي لكن اكتشفت
ان هناك الكثيرات تصوري انا اكتب الان وهو يسمعني كلام عمري بحياتي لم اسمعة واللة لو كنت بنت شارع لا يقول لها هذا الكلام ويعيرني لانني صابرة علية وصبري هذا اولا لاجل اولادي وثانيا حتى لا احمل لقب مطلقة اما الفراش تصوري بعد هذة السنفونية التي اسمعها يوميا يطلبني للفراش انا لا امانع لكن للاسف اكون كالحجر لانني في تلك اللحظة اتذكر كل كلامة الجارح .وانا قلت لة انك ان طلبتني لا اردك لانة هذا حقك رغم انك مغتصب كل حقوقي اةةةةةةةةةةة لو تسمعين ما يرد علية .واحب ان اذكر انة لا ينام معي في نفس الغرفة وحتى من يطلب حقة كانني لست بشر فهو يقضي حاجتة بلمح البرقع ويتركني انا اتسال هل هناك اهانة وذل واحتقار اكثر من هذا |
اقتباس:
يعني مثلا ...ابسط مثال قص شعري التسريحة التوجيب حق فلانة وعلانة ...الذمة المالية ...كم اوفر ماوفر تغيير اللوك رجيم خرابيط ...ماسئذن فيها ولايهمني راية ...كان يهمني كااااان الحين نو نو ..:25: بس الزيارات والخروج لازم استاذن وواجب دامني ع ذمتة ....وتبين الصراحة لولا انه من اوامر الله ورسولة ...كان ظفتهم لقائمتي الخاصة ..ولا همني بعد ...تدرين ليش لان نظرتي للرجال نظرة قوامة وهو تخلى عن قوامتة ....طوعا وحملني اياها مرغمة ....وزاد الطين بلة ماعندة طموح يعدل من وضعة المادي...ويسعى ...:29: بخصوص مسؤلية من ناحية العيال طلعاتهم صرت احمله المسؤلية غصب يعني مرات اقول تعبانة طلعهم ...واذا مواعيد اتعذر باي شي علشان يروح اهو ...اتحايل بكل الطرق عالاقل يساهم ويشيل عني ..تدرين حتى تاديبهم وتوجيهم شايل يدة منهم مافية الا انا اوجة وادب ..ليش عادني متزووجة مدري :( ... |
اختي ملومك ولايحس بالنار الا واطيها لكن اختي الزمي طاعه زوجك وقومي بحقوقه وعند الله ميضيع شي ودعي ربي يسخره لكي فلربما ربي يحبك والله اذا احب عبدا ابتلاه اسال الله ان يسخركما لبعضكما ويسعدكما
|
الله يصبر الجميع الراااااحه التااااااامه في الجنه
والله إني أعرف بنات وربي حرام أنهم يرتبطو بأزواج عديمين المسؤوليه وصابرين عليهم سنين بدون تغير مستهترين بكل شي والسبب أنهم ماتحملوو المسؤوليه من البدايه وماتعبو في زواجهم كان الزواج كله متحملينه الاهل لدرجة إن وحده من قريباتي حتى الآن يصرف عليها أبوهاولمن تولد هو يجيب مقاضي المولود من ملابس وحليب ..إلخ |
مادام انها في عصمته وبيته تعطيه حقوقه وخاصة العلاقة
واذا كانت لاتريد الأنفصال يجب عليها تحمل ما سوف تواجهه وعليها المواجهة والاصلاح معه ولاتنس الدعاء والاستغفار اصلح الله الحال |
| الساعة الآن 07:23 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©