كره زوجي لي وحقده علي
 

سلام كيف حالكم جميعا مثل ما انتو شايفين في مو ضيعي زوجي يكرهني ولا يحب يسمع صوتي ومن امر تحبه يغلط ويسب ويلعن حسبي الله ونعم الوكيل وبيتهم يدرون عنه بس ما يبون يطلعونه غلطان عمري 22 سنه وصار لي 3 سنوات ونص متزوجه مو حرام سني صغير وعايشه جدي عيشه مره يعني حياة زوجيه ما فيها لا حب ولا تفاهم ولا ثقة تعتبر حياة زوجيه فااااشلة حاولت مرات عديده اصلح واغير لكن ما يبي يسمعني يقول هي حياتي عاجبتنش زين مو عاجبتنش في الطقاق كلامه وسخ يحب يطعني وما يعبد ربه يكره اهلي ومنعني من اهلي ولي يوم واحد في الاسبوع اطلع بيت اهلي حتى الشرطه اشتكيت عليه مالقيت حل شسوي والله العظيم تعبت يبي يجنيي بعيد الشر عنكم يقول كلام ويقول ما قلت حتى وقت النقاش اصيح ادبح عمري على حضي اقول له اني يتيمه حرام عليك تسوي فيني جدي زوجي انسان بخييييل عليي وعلى غير لا ساعدوني صراحه مو قادره ولا عارفه شقول عجزت واني اشكي حالي ابي حل لاعت جبدي واني اتكلم عن نفسي بس ساعدووووووووووني الله يخليكم اتمنى تردون عليي

وعليكم السلام ورحمه الله وبركاته


طيب ليش يكرهك زوجك ويكره اهلك


يمكن في شئ في صدره عليكم


كم سنه متزوجين؟؟؟؟

وهل عندك اطفال؟؟؟


وضحي مشكلتك لنستطيع مساعدتك

عزيزتي هدي اعصابج ترا المشاكل ما تنحل في وقت واحد يبالها صبر

انتي منفعلة من زوجج الله يهديه بس ما عليه اصبري هنا وان شاء الله راح تحصلين الجواب اللي يريحج بس انتي هدي اعصابج وخليج ويانا واسكتي عن زوجج ها الفترة

ما ذكرتي في موضوعج غير سلبيات ريلج :
لسانه وسخ ويغلط عليج وايد
عصبي ما يتفاهم وشكله قلقل صبر
ما يحب اهلج ويمنعج من زيارة اهلج
ما يعبد ربه (يعني مقصر بالصلاة ولا ما يصلي أبد!)

انزين عزيزتي انتي عايشة معاه 3 سنين ونص معقولة ما فيه ولا حسنة ؟ اذكري حسناته وايجابياته هنا ولو كانت تافهة في نظرج

وبعد اذكري متى بدأت الخلافات بينكم يعني من سنة سنتين او من بداية الزواج ؟

وهل عندكم أطفال ؟

غارقة في همي هلا حبيبتي يمكن واني اكتب كنت تعبانه ومضايقه واي شي تبينه بقولج سألتيني عن مقصر في الصلاة ولا ما يصلي ابد زوجي للاسف الشديد ما يصلي ابد وسالتيني عن حسناته مع الناس طيب وحبوب على قولته والكل يحبه من بداية زواجنه يعني اقصد ليلة العقد وهو يحاول يقهرني دايما يقول بشوفج لمتى تتحمليني وقاله اخوي هي غلط وقدام اهله انه اسوي لزوجتي وبعطيها وبوديها اذا قعدنه في الشقه اساله ليش تجذب قال عشان لا اطلع غلطان عندي ولد واحد الله يخليه يا ربي ويخلي الجميع ان شاء الله ذكرت له حسنه لما بولد الى يوم ولادتي كان يمزح بس مزح ثقيل كان عل باله ادلع عشان ادلعني عمره ما زعلني وراضاني يقولي اني ماخدنج خدامه وحق اولاد وبس ليلة ولادتي حضني على المستشفى وقعد اصيح لما حس اني خلاص تعبانه اذكر قال لاختي قولي ليها تسامحني وعائلتي وعائلته علموني بالي صار اتمنيت لو شفت هالموقف ولما ولدت خلاص يعني يوم واحد الا صاح عليي كان خايف يخسرني

وعليكم السلام أختي

اللي فهمته من بين سطور رسالتك أنه زوجك يحبك لكنه يعاملك بقسوة شوي .... عيبه انه ما يصلي لكن باقي أخلاقه طيبة ... دام انه طيب مع الناس وكريم فراح يصير طيب وكريم معاك اذا انصلحت علاقتكم ..

ما تيأسي أختي فالعلاقة ممكن تتصلح وبسرعة راح تتفاجئي منها لو كانت الطريقة صحيحة .. حتى لو مر سنين وسنين مو بس 3 سنين .وأقولك هالكلام عن تجربتب الخاصة ...

كانت علاقتي بزوجي علاقة سيئة الى أن صرت ادور على طرق كسب الزوج .... حطي بالبحث هنا بالمنتدى أو بجوجل " كيف أسعد زوجي " أو " كيف اكسب زوجي " وراح تلاقي مواضيع كثيرة تفيدك .

تاكدي اختي انه الغلط والعلاقة السيئة لا يمكن تكون الا من خطأ من الطرفين الزوج والزوجة الا في حالات نادرة .
أكيد في شي ممكن تسويه تخلي ذيك الساعة اللي أظهر فيها حبه لك هي ساعات حياتكم كلها ...

ما تركزي على كل كلمة يقولها وتحفظيها لعمرك كله ... في كلام كثير ينقال بوقت الغضب وهذا الكلام لازم تنسيه وتحاولي تتذكري حسناته .. تعلمي طرق كسب قلب زوجك وطبقيها واصبري ... ممكن تحتاج وقت حتى تجيب نتيجة ... وممكن تنجح شوي وبعدين يرجع مثل أول ... كرري المحاولات كل مرة بطريقة مختلفة الى أن تصير علاقتكم ممتازة

ربنا يوفقك ويهدي زوجك ويصلحه لك

هذي بعض المواضيع اللي فادتني جدا أختي

http://www.66n.com/forums/showthread.php?t=210309

http://forum.sedty.com/t69480.html

هل تقصدين انه مغصوب عليك ؟؟؟

هلا نور دبي صار لنا 3 سنوات ونص وعندي ولد امي تحبه محبه عظيمه وهو يمزح مع اهلي بس يقول لي سبحان الله من ادخل بيتكم مادري اعتفس يعصب ويصارخ عليي قدام اهله بكلام سب ويقول انتي جبتي لي الفقر مع اني قنوووعه جدا جدا جدا يسمع كلام الناس اي احد يحتاجه ما يقول لا لو كان تعبان او راقد يقعد الا اني يمنعني ازور اهلي لو كان في سبب انه يكره اهلي ليش يسب والدي وهو متوفي قبل لا يتزوجني يعني عمره ما شافه بيتهم يتحكمون في ولدي مع اني امه وزوجي دايما يكذب ويعصب على اتفه شي يقول لي والله العظيم من اشوفش او اشوف رقمش اضايق حرااااااااام والله حرااااام

زوجي بالعكس مو مغصوبين على بعض عن طريق خطبة

الله يعينك ياعمري

كذا دايما احنا الحريم الي نتاذى ونصبر ونحتسب اما الرجال اقل شي سويتيه طقها زواج ثانية وثالثة

الله يعين

الجأي للدعاء

سلام عليكم شخباركم حبايبي اني دايما اقول سلاح المؤمن الدعاء والصبر مفتاح الفرج ورب العالمين يمتحنه في الدنيا يعني هذا امتحان من رب العالمين بس مو معناته انه نسكت عن الغلط ليش اذا اتعطلت سياره نحاول نصلحها ليش ما نقطها او اي شي يكون غالي الثمن فشلون حياة زوجيه مثل الشي واني عندي الطلاق مو الحل المناسب لان لو كل زوجين صارت ما بينهم مشكله تطلقو محد ضل متزوج اخر مره كان زوجي اخدني لبيت اهلي لما نزلت من السياره ضربني ع راسي عند بيت اهلي والشارع مليان ناس اضايق من تصرفاته والا يسويه فيني ابي زوجي يحبني واحبه نعيش حياة مستقرة من غير مشاكل

كم عمره زوجك ؟؟

زوجك يحبك لو كان ما يحبك كان طلقك من زمان ..

لكن زوجك غير ناضج و تصرفاته غير راقيه .. الظاهر يا اختي ان البيئه اللي عايش فيها و البيت اللي

تربى فيه كلهم على هذه الشاكله ..

لماذا تسكتي على الضرب و الاهانه ؟؟

زوجك شايفك ضعيفه عشان كذا يتعامل معك بهذه الطريقه ..

لو انه شايف زوجك قويه بحكمتها و عقلها و ليس بالصراخ و عدم الاحترام كان عمل لك حساب ..

مشكلة زوجك في التربيه .. فهو محتاج لطولة بال و سياسه عشان تقدري تكسبيه في صفك ..

اختي كوني أعقل من زوجك و اصبري و كلميه في الموضوع لكن بكل هداوة و عقلانية .. ولا تنسي الاكثار من الدعاء و قراءة القرآن .. الا بذكر الله تطمئن القلوب ............ ربنا يخليلك زوجك و يحنن قلبه عليكي

أميرات شخبارك بقولك عائلة زوجي غير عن زوجي تماما صحيح لازم تكون في مشاكل واني عايشه معاهم واعرف عنهم اذا ابو زوجي يقول انه اعترف انه ولدي الا هو زوجي حمار مكرم السامع بس احين صارو ما يرضون عليه زوجي عمره 26 سنه اني فعلا ما اسكت عن الضرب والاهانه ودايما يقول عني غلطانه يعني مستحييييييييييل يقول مره وحده انه غلط وهو فعلا يشوفني ضعيفه يلعب فيني مثل ما يبي يدري ابوي متوفي واخواني متزوجين كل واحد عايش مرتاح حتى زوجي يقول محد يحبج زوجي يحترم الكل ما عدا اني يقول لي انه متأسف يوم اخدني واني احاول القى لي باذن الله

شكرا جزيلا لكل من يساعدني وينصحني

الله يفرج همك يالغالية ربي كريم
أكبر مشكلة في زوجك أنه مايصلي أنسان ماأدى حق الله عليه كيف تبغيه يأدي حقوقك
الله يهديه ويسخره لك اللهم أميييين

هذي المشكله دايما اقوله انت مقصر مع ربك فشلون معاي

مشكلتي مالها حل يعني في نظركم؟؟؟

وين ضيوف المنتدى سؤال دايما زوجي يقول انتي من نفسج لازم تعرفين زوجج شنو يبي احترت وحاولت ابي اعرف ما يرضى يقول بس شلون يا ربي اعرف ؟؟؟؟؟؟؟؟؟؟؟؟؟؟؟؟؟؟؟؟

بالفعل المرأة التي تدعي حب زوجها هي أقرب الناس الى قلبه والإحساس بمشاعره

زوجك يريد أن يثبت لنفسه أنك تحبيه , فالحبيب يشعر بحبيبه لقربه من قلبه .. والعكس

يااختي تصدقي حزنت عليك لكن ربي بيساعدك صلي الليل وادعي بالهدايه لزوجك والله يفرح قلبك ويحنن زوجك عليك

اسمعيني يا أختي .. توقفي عن الاهتمام به عامليه كأن لاوجود له في حياتك إذا عصب وصارخ لاتردي عليه وكأن الهواك يكلمك مهما فعل تجاهليه اهتمي بنفسك واستخدمي اسلحتك الأنثوية دون الاقتراب منه حينها سيستغرب لماذا تهتمين بنفسك كل هذا الاهتمام وانتي بعيدة عنه ؟ لا تعتبريه في الأولوية ضعي نفسك أولاً واهتمي بنفسك لكن أهم شيء دون التقصير في حقوقه واذا سألك لماذا تهتمين بنفسك هكذا ؟ أخبريه انك تفعلين كل هذا لأجل نفسك .. واذا أخبرك مرة أخرى انك يجب ان تعرفين مايريده دون ان يتكلم ؟ .. أخبريه انك لست وسيطة روحانية تقرأين الأفكار إذا أراد شيء فليتكلم .. طنشيه سمعتي طنشيه انشغلي عنه بقراءة كتاب أو هواية أو العبي مع ولدك لكن طنشيه .. وصدقيني لا يؤدب الرجل مثل التجاهل خصوصاً لو كانت الزوجة غامضة ومثيرة

شكرا اخواني واخواتي لكم