|
ارجوكم افيدوني ماذا افعل وهل يقع الطلاق ؟
السلام عليكم ورحمة اللة وبركاتة
ارجوكم ساعدوني مشكلتي كبيرررررررررررة مررررررة وهي زوجي صار بينه وبين اخي مشاجرة عن طريق الجوال وبعدها دخل علي في البيت وهوه زعلان علي أخي وصار يقول لي كلام مرررررررة قوي وهو مرررررررررررررة غضبان مرررررررررة حتي صار مايميز من كلامة اي شي يعني كأنة مجنون من شدة الغضب .. وكنت خايفة منة وخرجت من البيت عند أهلة حتي يهدئ شوية بعدين طلبني وكنت مرررررررة خايفة منة وعندما دخلت البيت قال لي انت طالق طالق طالق خلاص صدمت وصرات ابكي بقوة ماحس الا دنيا سود في وجهة ليش انا وش ذنبي منك من خوي ارجوكم افيدوني ماذا افعل وهل يقع الطلاق والا لا :( |
لا حول ولا قوة الا بالله
طيب إنتي وش دخلك في موضوعه هو وأخوك الله يهديه بس بالنسبة للطلاق هو غضبان وطلاق الغضبان ما يقع حسب ما سمعت لكن لا بد من إستشارة شيخ إنتي الان في بيتك ولا عند أهلك؟؟؟ |
لا الان عند اهلي الان صرت ماتحملة الان مالي ذنب في الموضوع بس حقد علي بسبب اخي ماذا افعل
|
ايش طلاق الغضب ما يقع ؟
عمره واحد يكون جالس مع زوجته في مطعم و يضحك معها و يقول لها إنت طالق حبيبتي ؟ بالنسبة للطلاق فأسألي شيخ .. و الله أعلم .. و هو بينتقم من أخوك |
حبيبتي
روح الطير :أنا لما سمعت إن طلاق الغضبان لا يقع قلت تقريبا نفس كلامك لكن هذا له إعتبارات ومقاييس شرعية عشان كذا قلت لها لازم تستشير شيخ . لا أنا ولا غيري يقدر يفتي الا من هو من اهل الفتوى .. أسأل الله أن يفرج كرب أختنا ألم رغم الأمل |
عزيزتي أم عبد الله
أنا فاهمة عليك ، و أنا تعليقي أيضا على نفس اللي سمعتيه :) مو عليك أبدا .. السموحة يا عسل .. :) أختي إنت لا تسألي الشيخ ، اتركيه يهدا لوحده و إذا طلب يرجعك خليه هو يسأل الشيخ و لازم يعرف إنه الطلاق مو لعب |
الطلاق وقع يالغاليه دامك على طهر يعني مش حائض وهي تحتسب طلقه واحده الله يعينك ويصبرك
وزوجك مصيره بيندم ويرجعك بس خليك ببيت أهلك وترجعي بشروطك علشان يعرف زوجك أن الطلاق مو لعبه طيب المشكله الي صارت بين زوجك وأخوك بعيده عنك كل البعد؟يعني وش الي خلى زوجك يحقد عليك كذا؟؟؟ الله يسخركم لبعض ويصلح مابينكم اللهم امييين |
عزيزتي..لازم تسألي الشيخ ..مابنفع تقرأي فتوى مشابهة وتمشي عليها..لانه مسألة الطلاق مسألة دقيقة وكل حالة لها ظروفها وقد يسألك الشيخ بعض الاسئلة..الله يهدي بالك يااختي..والله يهدي زوجك..الطلاق مولعبة.
|
ألم رغم الأمل
أعانك الله ويسر أمرك جيتِ تفضفضي في المنتدى وتشاركينا أخبارك مافي مشكلة بس من جدك أنتِ تبحثين عن فتوى وعن سؤالنا هل يقع الطلاق أم لا ..؟؟!! هل فعلاً ترين هذا المكان مناسب لسؤال عظيم مثل هذا السؤال ..؟؟ ياأختي لعلمك أن من أصعب أبواب الفقة هو باب الطلاق فالحل : أن تتوجهي بالسؤال لأ اقرب مركز إفتاء قريب لديكم أو سؤال المفتي العام مباشرة أو سؤال شيخ موثوق و علم وتقوى . وأما أنتن أخواتي العضوات المجيبات بالحكم الشرعي على السائلة فلتتقوا الله ولا تصدروا الأحكام الشرعية دون دراية وعلم |
ياخواتي هو سئل احد المشايخ وقال لا يقع الطلاق في ساعة الغضب الشديد
اهلة كلموني علشان ارجع البيت ... هو خجلان من امي مايريد قابلة لانة ندمان علي الذي صار ماذا تنصحوني ... مع العلم بانة كل مرررررررررررة يزعل من أهلة او من اي شخص ثاني يرجع علي وخليني انا السبب ويقول روحي لهلك .. يمكن الطلاق احسن لي ارتاح منة... بس مابي اخسر حياتي من اجل كلام مالها داعي الحياة اكبر من كذا |
ارجوكم ماذا افعل هل اطلب الطلاق ونفصل عنة ... او اجرب مرررررررررة ثانية معة وعطية فرص
بس خايفة يراجع ويكرر هذا الشي ... كيف ادبة عن هذا الحركات علشان معاد تطري علية |
الله يعينيك يااختي ,,,
و دامك استشرتي شيخ و قال انه الطلاق ما وقع فالله الحمد بس نصيحة لا ترجعي بسهولة .. زوجك يلزم له فركة اذن عشان يحرم يلخبط الورق ببعضه لازم يفصل بين مشاكله و بينك الله يوفقك |
اذا اهله طيبين و خاصة امه اتفقي معاها اتك تسوي له درس عشان يبطل هالحركات
سيبي له الاولاد و اقعدي بيبت ابوك اسبوعين ولا ثلاثة خليه يحس كيف الطلاق .. يبتلي بالعيال و دراستهم و خدمتهم و اتفقي مع عمتك انها ما تتدخل ابد و تقول له عيالك اتكفل فيهم دامك اخطيت على امهم .. اتحملهم انت خليه يعيش التجربة .. عشان بعدين بعد ماترجعي يفكر الف مرة قبل ما يحلف بالطلاق |
انا توني مابقي جبت اطفال توني مالي الا سنة وشهرين
بس احس ان الدنيا صعبة ماكنت اعرف ان الحياة الزوجية صعبة كذا كنت اعرف انة حب وحنان وبيت يجمع بين روحين يهتمون في بعض وحبون بعض ..... بس نصدمت من الحياة كلة عرفت انة جرح وعذاب كيف اتعامل معة انا مررررررررة طيبة وحبوبة جيت من بيت اهلي كلي حنان وحب ورمنسية مرررررة ماكنت اعرف انها قاسية كذا وربي اكتب ودموعي علي خدي وقول ربي فرج همي وهم كل مسلم انا مررريت في تجربة مرة صعبة يمكن مابقي مر فية اي فتاة من هذا الزمن انعلا ماعندي اخوات اكبر مني علشان يصحوني ويعلموني ... وامي من الناس متعصبة علي العهد القديم يعني ماعندها لالف ودوران ... اارجوكم ياهل الخير لاتبخلون علي وافدوني ماذا افعل مادري كيف اتصرف |
أولا الحمدلله ان الطلاق لم يقع,
ثانيا لازم توضحين لزوجك(اذارجعتي) أو أي شخص من أقاربك أو أقاربه, يكون أكثر حكمة وأبلغ في توصيل المعلومة,ان موضوع الطلاق ليس بالسهل, حتى يتفوه بها في أي لحظة,وخصوصا لحظات الغضب, ووضحي له ليش الله وضع العصمة بيد الرجل لأنه أكثر عقلانية وتحمل للظروف الصعبة.. ولاتنسين فركة الاذن لابد منها,بطريقتك الخاصة لأنك أعرف بشخصية زوجك.. والله ييسر لك أمورك.. |
يمكن يسوي هذي الحركات علشان يطفشني منة مثل كل مررررررررررررة يزعل يرجع علي بدون سبب حتي لو زعلان من اهلة هو يمكن يبني اطفش منة وروح بيت اهلي
|
هي تقول إنه هو سأل ، ايش يضمنها إنه كلامه صحيح ؟
لإنه و الله أعلم اللي أعرفه ، اللي وقت الغضب لو كانت 3 طلقات .. تعتبر طلقة .. و أنا ما أفتي لكن هذا اللي أعرفه فنصيحة إنها تتأكد بنفسها ،. |
اية اختي سئل والشاهد ابوه واهلة ليش كذب وش مصلحتة
|
كيف اتاكد اختي
|
إرجعي أحسن لك اول ماتطلقتي انصدمتي وحسيتي بالهم والحزن بس بعد ماطلب رجوعك تتردتي وتغيرت مشاعرك لكن مشاعرك الاولى هي التي ستشعرين بها بعد رفضك الا اذا كان زوجك سئ جدا .. واذا كنتي مازلتي تحبينه اسألي شيخ موثوق به عن الحكم وارجعي له ولكن لازم اهلك يكلمونه حتى مايتكرر الوضع ...واتمنى لك التوفيق .. وبلغينا عن أخبارك اول بأول ... .. |
مرحبا حبيبتي
انا سمعت زي ما قالوا لك البنات ان الطلاق وهو غاضب لايقع وسمعت بعد ان المفروض ماتطلعين من البيت لان ممكن يرجعك بليله وحده اقصد با الجماع (والله اعلم) الله يصبر قلبك يااااارب ويسامحه على بالــــــــه الشغله لعبه ............................... |
كيف بالجماع ياختي ... انا يوم طلاقني انصدمت وصرت ابكي بقوة ولا عرفت وش اسوي غير اني طلبة اهلي بس
|
اتوقع ان الطلاق يقع لكن تعتبر طلقة واحدة ...
بشكل عام انصحك باستشارة احد المشايخ المعتبرين بنفسك للتأكد من وضعك .. حتى لو قال لك الشيخ ان الطلاق لا يقع لا انصحك بالرجوع له بسهولة .. طلعي عيونه قبل ما ترجعين له و حبذا لو طالبتيه برضاوة حتى لا يكرر ما فعله و لا يعاملك كحيطة واطية يفرغ عليها شحنات غضبه و مشاكله مع الناس ..! طالبيه بان يعتذر منك امام اهلك و يتعهد امامهم بالا يكرر خطأه و ان يعاملك باحترام |
الله يعينك بس انا رايي مو لازم ترجعي بسهولة لازم اهلك يعرفوه قيمتك
|
ارجوكم افيدوني كيف اتعامل معي هذي المشكلة
|
بعدين هذي مو اول مررررررة ازعل فية هذي رابع مررررررررررررة وأهلي زعلانين منة مررررررررررررة وقول اخوي خلاص لاعاد ترجعين مررررررررررة ثانية وانا ماابي الطلاق ولا ابي خرب بيت بيدي ماذا افعل ؟؟ ارجوكم ساعدوني انا ابي زوجي وبي بيت لكن ابي افرك اذنة ماذا تنصحوني وابي اي طريقة حلوة تقهرة وتندمة علي ذلك علشان يتوب من الطلاق
|
اقتباس:
الله يكتبلك الخير غاليتي |
وشفيكم ماتردون علي ارجوكم امحتاجة لكم لاتخلوني عطوني لو نصيحة وحدة
|
8
8 8 ماشفتي الفتوى فوق؟ |
مو قصدها على الفتوى لانها استفتت قصدها كيف تأدبه و ماا تخليه يفرغ غضبه عليها بالرايحة و الجاية و يحلف بالطلاق
امس كتبت رد و اختفى .. المهم غاليتي انتي الادرى بطبع زوجك هل زوجك حنون و طيب و يحبك و ما يقدر يفارقك ..... يعني هل تعتقدي انه فراقك صعب عليه و لو طولتي بيبت اهلك بيفقدك و يحاول يرجعك ؟؟ اذا كان كدا فا اجلسي ببيبت اهلك لغاية ما يتأدب و ماترجعي بسهولة الا بعد شرووووط و اهمها يوقف الحلف بالطلاق اما لو كان زوجك من النوع المعااند اللي مايهمه احد... ووجودك ببيت اهلك بيزيده عنااد.. و يقول خليك لغاية ما يطيح اللي براسك و ما يعترف بغلطه فا جلوسك ببيت اهلك راح يزيد الطين بله و لو طولتي اكثر ممكن يقول لا ترجعي اصلا وماعندكم اطفال يربطوكم .... فا في هذه الحالة بنصحك ترجعي بيتك و تحاولي معاه بالين و النقاش الهادي الخ شوفي ايش اللي يناسب طبع زوجك |
العزيزة "ألم رغم الأمل" ... ليس الطلاق بهذه السهولة وسيندم أشد الندم إذا ما استمر على هذه الحال ووصل إلى الطلقة الثالثة لا سمح الله حيث لا أمل للرجوع إلا ... تعلمين كيف طبعا :29: برأيي أن تختفي أنتي تماما عن الصورة وتتركي الأمور كلية إلى ولي أمرك سواء والدك، والدتك، أخوك مشاكل الرجال سواء كان زوجك مع أخيك أو غيره أنت لا دخل لك فيها .. هم رجال ويتصرفون بطريقتهم طالما أنك لم تكوني المخطئة فيما حدث ولم يصدر منك تصرف أدى به إلى لفظ الطلاق، فأنت إذا في الجانب السليم اختفي عن الصورة ولاتتكلمي معه أو تجيبي على اتصالاته نهائيا، وفليكن حديثه كله مع أهلك - أولياء أمرك لأن طلاق وخوف من غضبه ونقلة كل شوي بين بيتك وبيت أهلك صراحة حياة زوجية خالية تماما من الاستقرار والراحة النفسية والتي هي أهم أسس الحياة الزوجية .. إذا ما وفرها لك الآن، متى إذا؟ باجر تاخذين عيالك على كتفك وتروحين وتجين فيهم بيت أهلك، وأهلك مو دايمين لك (بعد عمر طويل طبعا) سمعي كلام إخت محبة، وخلي الكلام كله مع أولياء الأمور وخليهم يشدون عليه شوي |
اولا كم عمر زوجك ؟ ومامستواه الدراسي ؟ وهل هو مستقيم دينيا وأخلاقيا؟
وكيف تعامل أهله معك؟ الحل والله أعلم 1- اظهري له رفضك له وتفضيلك الطلاق أفضل من العيش معه واتركيه فترة من الوقت وبعد مرور مدة من الزمن وأثناء فترة المحاولة منه ومن أهله 2- املي عليه شروطك وواكتبوها وبحضور والده وبعض من محارمك 3- اطلبي رضاوة مبلغ من المال قبل رجوعك له 4- اتفقي مع اهلك واخوانك بعدم الاختلاط معه في تجارة او صداقة او أي شيء حتى لاتكوني الضحية |
اولا عمره 31 سنة ومستواه العلمي الكفاءة اما الدين يعني اذا هو صاحي يصلي واذا هو نائم لا يصلي واما عن تعامل أهلة معي فان اهلة يحبوني مررررررررررة ويفضلوني علية ودئما في صفي بس فية صفة حلوة انة حنون وطيب مررررة
ماذا افعل ارجوكم .... هل من حل اقدر فية اخذا حقي منة .... |
هو حتي صار مايقابل ابوي وخوي ابد اذاصار عند اهلة عزيمة يروح اي مكان ويصد عن ابوي وخوي .. ليش طيب
|
اختي اتمنى ميقع والله يوفق بينكم بس امور الطلاق اللي زي كدا لازم شيخ لان الشيخ يسال زوجك انتى في حاله غضب وكنت ناوي الطلاق وغيره من الاسئله وثلاث طلقات ياختي مره واحده معتقد تقع تعتبر طلقه واحده والله اعلم وسئلي شيخ افضلك كمانلان الافتاء بالدين صعب مشاكلم يرجال خلوها بعيده عن حياتكم الزوجيه حتى لاتدمورها وتقعون بطلاق البينونه الكبرى فديك الساعه ميمديك ترجعها
|
وش ريكم يابنات خلية يكمل اجرات الطلاق وخلاص لاني استخرات وراتحت في الاستخارة للطلاق
انا عارفة ان الطلاق شي كبير بس وش اسوي يعني اخلي اهلي يكلمونة او ارسل علية رسالة اقول فية لو سمحت كمل أورق الطلاق وبس والا ايش ... ارجوكم افيدوني |
أهم حاجه لاتبيني له أنك ودك ترجعي له بالعكس أظهري له أنك خلاص ماعدتي تبغيه لأنه بيفرط فيك بسهوله الطلاق مو لعبه هذا أنتم بأول مشواركم والطلاق على لسانه لازم يكون له درس قاسي علشان ماعاد يعيدها أبدااااااااااااااااا
الله يفرج همك ويسعد قلبك يالغاليه اللهم أمين |
وش فيكم ماتردون علي انا ابي منكم نصيحة .... ارجوكم افيدوني
|
لا تبخلون علي ياخواتي انا محتاجة لكم كثيرررررررررررررررررر
|
اختي واضح انج ماتبين الطلاااق
ارجعي له وبشرووووط اسأل الله ان بهديه لطريق الصواب ورزقكم الذرية الطيبة الصالحة بالنسبة لأهلج وعلاقته معاهم فلا تفرضين عليه ان يتسامح من اخوج كشرط للعودة له ..لأن هالشي بينه وبين اخوج وعلاقتج مع زوجج حاولي انها ما تتاثر مع علاقتج بأهلج... بالتوفيق |
| الساعة الآن 06:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©