|
مكالماتنا ممله خاليه من الأمور الجميله
السلام عليكم ورحمة الله و بركاته
الله يسعدكم ريحوني أحس إني متضايقه شويتين و مو عارفه أتصرف راح أقولكم كل شي بس ان شاء الله تفهموا عليا لأني حاسه كلامي راح يكون متلخبط الحكايه و ما فيها أنا صار لي شهرين و شويه مملكه و طبعا أكلم خطيبي المهم من بداية المكالمات و إلى الآن هو اللي يتكلم أكثر مني أنا ما أعرف أتكلم معاااااااااااه أبدا صراحه بديت أحس بملل و خايفه يكون هو كمان مثلي بدي يحس بملل ايش أسوي كيف اتكلم البعض يقول ليش ما تقولي له كلام حب زي يا حبيبي و يا عمري وووو إلخ بيني و بينكم ما احس بأي مشاعر حب اتجاهه شعوري عاااااااادي مو قادره اتجاوب معاه نفسي انبسط و ابسطه أبغاه يشتاق لي و أشتاق له هو دايم يقولي مشتاق لك و وحشتيني تخيلوا قبل كم يوم سافر و ماكان يكلمني يدوووووب بس رساله في اليوم بعد مارجع حسيت الاموووور عاديه و كلامنا بااااااااااااااارد كلامنا يوميا يتكرر (متى صحينا و ايش أكلنا و فين رحنا و حالة الجو و ايش حصل معانا اليوم .....إلخ ) باختصار مليييت و ما أبغا الملل يوصل له نفسي أسوي أي شي نفسي أجدد نفسي ننبسط ساااااااااااعدوني هذا الشي مضايقني وانتوا يا شباب أي واح] فيكم ايش الكلام اللي يعجبه و المواضيع اللي يحب ان خطيبته تكلمه فيها |
بنوته اول شئ الله يخليكم لبعض ويجمعكم على خير
وترى البنت مهما كانت شوي ماتتكلم مع خطيبها كثير وانتي لاتقولي كذا صابك ملل لا خلى الامور عاديه وشوفي انا الحمد لله مملك من سنه والى دحين اكلم حبيبتي ومثل ماقلتي هي ماتتكم كثير بس مخلي الامور عاديه والله تروح الساعات واحنا نتكلم مع بعض ماندري لكن ماتصير الامور تقتصر على شي معين لا اي شي في بالك قوليه حتى في حياتكم الخاصة اتكلموا في بيتكم في زواجكم واحلى ايام تتكلموا فيها ايام الملكة والايام اللي اتقابلتوا فيها بعد الملكة الى دحين واااااااهم شي الصراحة والثقه واتمنى لكم حياة زوجيه مليئه بالسعاده واللحظات الجميلةالرومنسيه |
flove12345
أشكرك من أعماق قلبي بجد بجد نفسي ننبسط مع بعض كلامنا باااااااارد حتى هو لما ما اتكلم صار كل شويا يسألني ايش بك وانا والله مافيه شي بس ما ادري ايش اقول له قفلت من عنده متضايقه و جيت هنا اكتب لكم عشان تساعدوني أشكرك مره ثانيه |
بنوته...
انا ابغى منك شي واحد انك تجلسي مع نفسك جلسة مصارحة ليش انا افكر كذا ان كلامنا باااارد او اي ش ثاني لاانتم بالنسبه لكم روحين في جسد واحد حتى ومهما كانت الظروف ماتوصل انك تقولي الكلام ذا هذا انتي خلقك ربي كذا وهو كذلك فالافضل انك تروحي بتفكيرك بعيد عن الاشياء ذي وخلى دايم الحب بينكم وحتى لو ماعندك كلام تقوليه له اتصلي فيه واطمني عليه ولاتحطي في بالك كلام معين لاخلى المجال مفتوح اذا مره مافي كلام قولي له اني بس حبيت اطمن عليك واسمع صوتك لانك انت بالنسبه لي حياتي وعمري وكل دنيتي ونصيحة اذا ماتتكلموا كثير خلي الرسائل بينكم دائمه واليوم ماشاء الله مواقع كثيرة مليانه رسائل حب واتمنى لكي السعاده واي استفسار اخر انا حاضر لاني بصراحة زي مااحب السعادة لنفسي احبها لكم والله يوفقكم |
الله يسعدك ياااااارب دنيا و آخره
والله ماقصرت طيب قولي أنا الآن قفلت من عنده وحسيت إنه ماعجبته المكالمه ايش رايك أنا نفسي أرسل له بس ايش أقول قلبي يعورني ماحب يقفل إلا وهو مبسوط وراضي عني |
اديه مسج وقولي انك ماكان قصدك تزعليه اوتضايقة بشي لكن بصراحة انا من اول ماادري اش اتكلم
معاك فيه ولما سالتني بصراحة ماادري اش اقولك لكن عموما انت حبيبي وتبقى تاج راسي ولازم تتحملني شويه لاني حبيبتك وترى احنا اثنين في حياة واحده ومهما كان لازم كل واحد يتحمل الثاني وانت عمري وطيبتك وحنانك تفوق كل شي ... وشوفي بعدها رايح يتصل وتسمعي منه كلام حلو ودائما خلي الكلام الحلو بداية المكالمه وانتو قدايه وانتو تكلموا بعض |
(صار لنا شهرين و نص)
على فكره هوا ما اتكلم أو وضح لي إنو زعلان أو متضايق أبدا بس والله أنا أعرفه وملاحظه تصرفاته و كلامه استنتجت انه بدي يمل و ممكن يلمحلي أوقات انه يحب التغير و التجديد و يكره الروتين ما حبيت أستنى حتى يجي يصارحني ويقولي انه وضعنا بدي يتخلله الملل يعني قلت لازم أنا من نفسي أتحرك و أسوي أي حاجه هو طيب مره وحنون و مافيه منه ماشاء الله ربي يحفظه و يخليه ليا بس مشكلتي ما احس باتجاه بالحب مشاعري عاديه ما احس الكلام الحلو يطلع من قلبي لو إنها كلمة يا عمري أو يا روحي ما أحسها تطلع من قلبي أقولها بس عشان لازم أقولها أتوقع لو كنت طايره في حبه كان حالي أفضل من كذا |
اختي في البدايه بقولك انا مريت في هذي الشي يعني حسيت بملل زوجتي وما كنت اعبر عن مشاعري مره ماعبر عنها شي بس مع الوقت تغير كل شي وانا انصحك من ناحية عشان لا تملون اقري كتب عن الحياة الزوجية في كتب مفيده مثل كتاب الرجل من المريخ والمره من الزهره وكتاب الرجل من المحيط المراءة من البحر هذي كلها تتكلم عن عقليت الطرفين وكيف يفكرون وحاولي ترسلي له هذا الكتاب عشان يقراها تسفيدون منها وتتعلمون من بعض بعدها تطرحي مواضيع سمعتيها ومشاكل قرتيها عشان تقدرين تعرفين كيف نمط تفكيره وكيف يكون الحل في نظره يكون في نقاش وتعرفي شخصيته . وانا مجرب هذا الاسلوب والحمدلله اسلوب عرفني على شخصيتها اما من ناحية المشاعر مع والوقت راح تتغيرن تعبرين عن مشاعرك مو شرط من اول 3 شهور انا زوجتي كانت تقول يالغالي جالسه تقولي 3 شهور على نفس الكلمه ا مع الوقت سارت تعبر عن مشاعرها عادي لا تشيلي هم والله يوفقكم تحياتي كنت هنا عاشق الرحاب |
عاشق الرحاب
ألف شكر لك أخوي الله يوفقك و يجزاك الخير على ردك بإذن الله راح قرأ الكتب اللي قلت عليها باقرب فرصه يعطيك العافيه |
[rainbow]انا صديقتي كانت مثلك واكثر اتخيلي ملكت لمده 6شهور وكانت اطول مكالمه بينها وبين زوجها يمكن 5 دقايق بس مو اكثر كان يتصل يتطمن عليها ويقفل مابينهم كلام كثير زي اي اثنيين مملكين وطفشت لدرجه انها وصلت لمرحله فكرت بالانفصال هيا كانت تحبه من قبل الزواج وهوا يصير ولد خالتها بس ابدا ماكان بينهم كلام اتوقعت بعد الملكه راح يعيشو احلى فتره بالعكس ماكانت تحس بالحب ولا تقدر تتكلم معاه ياما نصحتها وكنت امسك جوالها اكتب لها رسايل عشان ترسلها له المهم اتزوجت والله العظيم ماشاء الله اتغير الوضع تماما صارو يحبو بعض اكثر ويتكلمو عالجوال وقت مايكون في دوامه وعايشين احلى عيشه( ماشاء الله تبارك الرحمن)
انتي بينك وبين نفسك فكري اش الاشياء الي حابها تعرفيها عنه واساليه عنها اساليه عن طفولته كيف كان وكده حاولي تفتحي معه مواضيع اساليه عن الزواج كيف حيكون وكيف نتخيلين بيتكم جيبي اي موضوع شيق ودقي واتكلمي معاه حاولي تبادري بالاتصال عشان يحس انه مهم عندك بيني له و إن شاء الله هالشي بينعكعس عليكي وعليه وبتصيري تموتي فيه إن شاء الله اتمنى اكون افدتك اختك دروبـــــــــــــــــــــــــــــــــــــــــــ[/rainbow] |
اقتباس:
حبيبتي بنوته هذا الشاب أصبح زوجكِ شرعاً وانتِ مأجورة على ادخال السرور على قلبه بوحي له بشوقكِ وهيامكِ به حتى لو كان هذا الكلام غير صحيح وهذه الأيام من أحلى ايام العمر فلا تضيعيها , وانتِ بالتأكيد تحبينه لأنكِ الآن تبحثين عن طريقة تسعديه بها تكلمي معه عن حياتكما المستقبلية وتناقشا في كل تفاصيلها لو حضرتي دورة أو برنامج جيد , اطلبي منه مشاهدته وبعدها تناقشا عن الموضوع المطروح وخاصة البرامج الأسرية نوعي في كلامكِ والكلام ببلاش ياعسولة |
الله يسعدكم يارب
حبيبتي .. خلي الكلام يطلع منك وقت الحاجة .. كيف يعني مو شرط تكلميه في وقت المكالمة المحدد اذا مريتي بلحظات حزن و ضيق .. على طول اتصلي فيه و قولي له حاسة اني متضايقة شوي و ماحد بيشيل همي غيرك .. و احكي له على اللي مضايقك نفس الشي اذا حصل شي يفرح على طول اتصلي فيه و قولي له لم تكلميه بذيك اللحظة مشاعرك بتقودك و بتطلع كل الكلام منك و بعدها هو بيتعلم منك و بيصير كل ما احتاجك جد اتصل فيك ومرة على مرة بتنفتح مواضيع كثييرة .. |
حطـي في بـالك شغلـه ياقلـبي ( الحـب مو بالـكيف ) مافيـه حـب يتكـون بسرعـه .. مشاعر الإنسان مو بيـده مايقدر يتحكـم فيـها روقـــي ياقلــبي لـيش أحسك متـوتـره و تضغطين على نـفسك يا حـبيبـتي أهم شي إنك مرتاحه له و هو مرتاح لك الحب إن شاء الله تعيشونـه بعد الزواج (: الله يـوفقك و يـتمم لك على خيـر |
مشكلتك بسيطة ان شاء الله ..
حاقولك على كم شي يساعدك وتغيري الروتين فالمكالمة .. اول شي تقدري تسوي فيه مقلب مثلا :d بس طبعا في مواضيع مهي حساسة عشان لا تسير مشكلة مثلا قوليلو انا مابغا اولاد فجأة كدا :d < مرة مو حساس :d مدري يعني انتي كدا حاولي تشوفي ايش الشي اللي مايحبو زوجك وتسوي المقلب فيه بتفتكروها ان شالله لما تتزوجو بعدين .. وكمان لما تجو تنامو خليه ينومك ويحكيكي حكاية مثلا :d وخليه يغنيلك .. او يكتبلك شعر او اي شي حاولي تكوني مرتاحة فالمكالمة .. واتكلمي عادي لا تخافي من الكلام اللي تقوليه ولا تفكري فيه كتير .. ولا تحسي انك مضغوطة وانك لازم تبسطيه فكل وقت .. عادي ترا بين اي زوجين تمر حالات روتين .. بس يعتمد على افكارك والاشياء اللي تسويها عشان تعدي فترة الروتين دي بسرعة .. ان شالله يتغير الحال بينكم وتسيرو اسعد اتنين فالدنيا .. بالتوفيق يا رب ودعواتك لينا =) |
| الساعة الآن 10:18 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©