|
دلــــــــع فروســــي أريــــــد حل؟
سلام عليكم بنااات شباب
اخباركم طيبين؟ ولدي بس يبكي ومدلع على الاخر:( يعني يبكي على اتفه الأسباب والدمووووع اربع اربع كأن احد موته من الضرب:( فاليوم يبكي عشرين مرره اتخيلو ابوه يقوله اجلس هناااك فروسي يقوم يبكي لاااااااازم احد يراضيه وبعدين يسكت صااااااار نكدي تجي اخته تلعب معاه او يتصادمو يقوم يبكي:( يروح يجري بالشارع او بالبارك او بالمدرسه يطيح طيحه خفيفه يبكـــــــي:( والله بنتي تطيح عشرين الف مره وماتبكي تقوم وتكمل وتتخااصم معاه وتضربه صاارت تخيلو شافته بكااي كل مره تستقوي عليه ويشتكي باليوم عشرين مره شوفي لميس شوفي لميس ولما يجي من الحضانه اقوله وش سويت يقول فلان طيحني فلان دفني الابله ماخلتني العب وووالخ بس يشتكي(طبعا هو يدرس بار تايم)ييييييييوه صرت اكره طبعه وكل مره اقوله انت رجااال لاتبكي انت ولد شجااع لاتبكي افهمه بالأدب مب رااضي:( صرت الأن كــل مايبكي اشيل العصى واقوله اسكت ادا ماسكت اضربه:( شسوي طيب؟ اجي اخااصمه فارس لاتسوي كدا يقوم يبكي:( للعلم هو عمره ماانضرب غييير هالأياام لانه زودها على الاخر وينضرب مني بس وابوه مايضربه واللي يقهرني اكثر ويفقع مرارتي ان ادا ضربته يجي ابوه ويرااضي قلت له مئة مره لاتراااضي يقول عشان صوته يجلس يصرخ كأن احد مات من عنده لاسمح الله شسوي معاه؟ ممكن دلعناه على الاخر لأنه اول طفل لي ولأبوه:) بليييز ساعدوني هو عمره 3سنين ونص يعني اربع سااعدوني مرررررررررررررررررره معصبه انا:(:( |
:)
نورا نمتي؟؟ |
ممكن انك تقولي له عن واحد من اصحابه انه مايبكي ويسمع كلام ماما وتمدحي في الولد عشان يحاول يصير مثله
تحاولي تشجعيه انو اذا صار رجال وماعاد يبكي بتديه هديه والا تخرجيه للملاهي والا لأي مكان يحبه الله يحفظه لك وتشوفيه بأحسن حال هوه واخته يارب |
[COLOR="YellowGreen"]مالومك تعصبي :( اخوي الصغير كذا هذا ولدك عمره 3 اخوي 8
ويبكي من اتفهه الامور ودايم اهواشه اقوله انت رجال مو على اي شي تنزل دمعتك <<مسويه اني اربيه بس نصيحتي اذا صاح لاتراضونه لانه يبكي اليييييييين تراضونه هو متعود كذا خلوه يبكي الين يسكت من نفسه وسوي له اسلوب العقاب مو الضرب يعني ماتخلينه يشوف التي في فتره معينه كافيئه مابين كل فتره وفتره وقلي عشانك رجال وماتصيح واذا شفتيه صاح قولي لا فروسي مايصح فروسي رجال صح فروسي تلقينه يمسح دموعه ويقول ايه كنت العب عليكم مجربتها هالحركه :) بس بعد ماتعبين راسه انه كبير ومايصيح وانه رجال ماشالله عليه ومن هالكلام الي نفخ الراس خلي راسه ينتفخ ...:) واذا مثلا ماوقف صياح قولي اصلا يلعب عليكم مايصح حتى شوفا فروس مايصح يلعب هو مو بيبي عشان يصح واسئليه صح تلعب ماتصيح بيسوى نفس الحركه اهم شي لاتراضونه لانكم عودتوه مايسكت الا اذا احد راضاه [/CO LOR] |
وعليكم السلام ذكرتني (بأصغر العنقود) بولد خالي ، دائماً يبكي على كل صغيرة وكبيرة ، وإذا قلت لخالي تراك خربت ولدك بكثرة تدليلك وتلبيتك لطلباته رد علي : تراك ما تدري لأنك عزوبي :( ؛ ترى الضنى غالي.... فباين أنك مدلعته ويكفي لما كتبت اسمه "فروســــي" في عنوان موضوعك :25: لذلك حاولي تتجاهليه لما يبكي .... ولما يجي من الحضانة لا تسأليه سؤال عام ..!! حتى ما يجاوبك الإجابات المعهودة ...:29: بل إسأليه عن الأنشطة التي من المفترض أنه قام بها و لا تكثري التعاطف معه تتعاطفي معه وكذلك لا تهدديه بل تجاهليه عندما يبكي .... !!!! وانشغلي عنه 7 وأيضاً ممكن تطلبي الإستشارة من نفس القائمين على الحضانة إذا لاحظوا شيء عنه وكان ممكن يساعدونك في كيفية التعامل معه والله يصلحه ويخليه لكم عزوبي بس رجل يمنع وضع الروابط الخارجية |
.. العزيــــزة .. ( ام فارس ) ..
.. انا أتفق مع الاخ الكريم ( عزوبي ) .. بكل كلمه .. .. فارس عرف نقطة ضعفك أنتي وابوه , وعرف انه لما يبكي , تتحقق كل طلباته ورغباته .. لذلك صار ( دلوع ) وعلى أقل سبب يبكي !! .. الحل يا عزيزتي .. انك تطنشيه لما يبكي .. وتكملي الا أنتي تسويه , ولا تعطيه اي مجال انه يضغط عليك , لانه راح يرفع نبرة البكاء اذا شافك مطنشته , ما عليك منه , أستمري وطنشيه , ولا كأنك تسمعي احد يبكي ,, بعدها راح يقلل من البكاء .. .. والأهم أنك تحاولي تعلميه انه ما يتحسس من الآخرين ويجي يتشكى .. يعني لما يجي من الروضه ويتشكى انه فلان دفني , او ضربني , قولي له ( انت قوي يا فارس , وقلبك أبيض وطيوب , واكيد انت سامحته , وشوف ما صار لك شيء , لانك قوي وشطور , وتحب الناس ) .. ترى بنتي عمرها 8 سنوات , ومثل أبنك تتشكى , لكني أطنشها , وقل عندها التشكي .. الا في الامور القويه جدا خخخخخ .. ودائما تحاول تستميلني ببكائها , واطنشها , الين ف[I]مت انها بالبكاء ماراح تحصل على شيء , وانها لازم تجي وتتكلم وتقول شنو فيها وشنو تبي , والحوار هو الافضل من البكاء والتشكي ,, والحمد لله تغيرت وايد .. ..وكمان في نقطه , انك لا تطلبي من فارس انه يجلس بنبرة قويه , او بصراخ , قوليها له بهدوء , واذا بكى طنشيه .. وهو بعد فتره راح يصير غير , وراح يقل الدلع منه , ويصير يسمع الكلام ومن غير ما يبكي .. .. الله يحفظه لك من كل شر .. وتشوفيه سعيد بحياته .. |
خخخخخخخخ يانورين و الله ضحكتييييني على فرووسي الله يحميه ..
شوفي الحين بدا ابني بالنظام هذا .. اذا قلت له عيب يركض للغرفة الثانية و يبكي .. اول كان ابوه يروح يصالحه و احيانا انا بس شفت الوضع صار لاا يحتمل على كل فسفوسة صاير كدا :) اخذ جينات خالتو الطويلة :) دايما تزعل على ابسط الاشياء :) المهم الحين بخليه يبكي لحاله و مابروح له و لا بخلي ابوه يروح .. صاير يبكي شوي و يرجع يبوسني و يضحككني :) عشان ارضى اكلمه فا اشوف في تحسن ,,., زي ماقالوا الاعضاء .. ابنك استحلاها و شاف انه اموره تمشي بالبكاء .. فا مسكها عليكم .. اتعلمي تطنشيه لغاية ما يسكت .. اول ما يبدأ يبكي .. قولي له بحزم ما بسمعك و لا بعطيك اللي تبيه الا لما تسكت و سيبيه .. و يوم ورا يوم بتلاقيه بطل هذه العادة بس اصبري شوي لانه اتعود عليها الحين و محتاج وقت عشان يتعود على غيرها المهم بس التطنييييش لا الضرب بينفع و لا المحايلة بتنفع .. بس التطنيييش و اتفقي مع ابوه ابدا ابدا ما يتدخل و يروح وراه يصاللحه ابببببببدا و شي ثااني .. حاولي تدخليه اي شي رياضي .. شوفي نادي قريب يكون اما كرة قدم او كاراتيه او اي شي .. برضو الرياضات تقوي الطفل .. الله يحميه و اخته و اللي جاي ياارب |
اقتباس:
سويت زي ماتقولي ماافيه نتيجه:( يزيد بكى:29: تسلمي على الدعوه ولك بالمثل يالغلااا |
نورين انا كان ابني كدة وصرت اخذه لغرفته واقله بس اتخلص بكى انا برا تعال وياويلك اذا اجيت وانت بتبكي خلص بكاك وتعال والله من كم مرة جابت نتيجة الحمدلله جربيها والله يعينك وانت ايش اخبار حملك ربي يقومك بالسلامة يارب
|
اقتباس:
تسلمي ياعطر المنتدى:) مشكوره يالغلااا:28: |
أنا زوجي عكس زوجك ، إذا خاصمت ولدي يجلس يضحك :D
و إذا ولدي صاح و بكي ، أبوه يضربه على طول .. زوجي على باله ضربه مزح ، بس الولد ما يفهم تدري ؟ أنا الأسبوع اللي فات جلست لولدي في البيت .. و كان زي كذا وضعه ما كان يحتمل ؟ على اتفه شئ يبكي و يصيح و حتى في الشارع .. و ماكان كذا بس لإنه يستخدم الطريقة هذه مع الشغالة و الشغالة يوم يبكي ولدي تعمل له اللي يبغاه على طول المهم .. صار يبكيييييييييييييي .. أطنشه و لا كأنه موجود .. و مرات أعمل نفسي اتكلم مع زوجي و إني متحمسة .. و أقول له اعمل نفسك مانت شايفه .. صار ولدي بعد كذا يعرف إنه الطريقة هذه مرة ما تمشي معنا .. و يوم ابوه يخاصمه ، يجي عندي يبكي .. أقول له اسمع كلام أبوك .. بالقصد علشان تكون لأبوه هيبة .. لإنه الأطفال أذكياء و الولد ماحد يمشيه غير أبوه ،، فصار ما يبكي و يعمل حركات الدلع قدام أبوه .. و كان حتى في السوق و في الشارع يعمل لي نفس الشئ و يرتفع ضغطي .. بس امسك حالي قد ما أقدر و أسكتتتتتتتتتتت و اتمالك أعصابي .. و أعمل له اللي يبغاه .. يقوم يزودها .. و اتحمله كمان مرة تانيةة .. و مرة ثالثة خلاص ياكل مني علقة .. مع إني أنا مستحيل كنت أضربه .. مرة في السوق كذا سوا فيا ، يصيييييييييييييييييييييح و يرفس و يسحبني و أنا مطنشته و ماشية مع زوجي .. قلت لزوجي ، خليه علي أنا اتفاهم معاه بس إنت طنشه .. و أنا ما أحب أهزئ ولدي قدام أحد و نصير فرجة للناس.. على الجنب كذا أخدته ، و هو يبكي و يصيح بدون سبب بس دلع .. وقفت على جنب ، و أعطيته الضربة هذيك على كتفه .. و صار يبكي و يطالع في أبوه .. و طبعا ولدي ماتوقع أضربه لإني مرررررررررررررة أطول بالي عليه .. بس من جد زودها زي كذا .. قلت لزوجي معليه خليني اتفاهم معاه ، اخسره .. و زوجي بعد و تركني اتفاهم معاه و الحمد لله متفقين في التربية.. المهم ، خاصمت ولدي و كنت جالسة في نفس مستواه.. قلت له لما ماما تقول ( لأ .. يعني لأ ) .. و ما تعدي 5 دقايق ، إلا أشوفه يضحك و يلعب و يحاول يعمل حركات يحاول يضحكنا .. و بعدين يوم شفته كذا ، قمت حضنته و بسته .. و تكلمت معاه .. و من بعد الأسبووع هذاك ، الحمد لله ما صار يتعبني و لا يتعب أبوه .. فإنت طنشيه و إذا في الأخير مرة زودها ، أعطيه علقة محترمة من وقتها ، و تقولي له لا عاد أسمع صوتك .. و خليه يبكي و لا تكلميه .. و هوو من بعدها راح يبطل الحركات هذه .. لإنه لو استكر كذا فراح يتعبك إذا كبر |
اقتباس:
مشكووووور اخوي :28: |
اقتباس:
تعرفين اليوم بكى مرتين والمرتين نااام فيهم توي احس صووته مبحوووح يحزن والله:( |
اقتباس:
صحيح لازم يصير قوي من صغره مب طالع لنا لا انا ولا ابوه تعرفيني قويه:23: |
السلام عليكم
الله يكون بعونك هذه الغيره وما تسوي لسه ما اجا اخوه ولا اخته في اطفال كتومين يشتغلو من تحت لتحت ،،،،، زي بنوتك و اطفال ما يتحملو يلفتو انتباه زي ابنك كويس انك من تولدي حيكون بلرسيبشين ترتاحي من حساسيته بس استمري على طريقه التطنيش انا ابني مثل ابنك بس خلاص اتعلم يمشي مزبوط بس يشوف ابوه يجننه ،،، في ا لبيت و السوق مشكله الرجال انهم يخربون و يفتكرو انهم همه اي فاهمين الطريقه الصحيحه يبكي و يدلع و يزن على ابوه الطريقه الي اتبعتها ابدا ما اعطيه وجه من يصرخ ويبكي او يعاند اسحبه و ما احط عيني بعينه و اركنه على جنب و اطنشه يصرخ ويبكي يحاول يجذب انتباهي و بالاخير يسكت وينام مثل ابنك و احيانا ما ينام اول كم مره طولت شاعات بعدين بدات تقل و بلاخير استسلم ما تكلميه الا بعد ما يسكت ويهدا و كلمتين ثلاثه و احضنيه يعني انك لسه تحبيه طولي بالك ما بقي شي علمدرسه هيئيه و اشترو الهدوم و اغراض المدرسه و جهزوها ،،،،،،، قبل الزحمه وقبل لا تثقلين |
ياأنه يغار من أخته ويبغى يلفت الأنظااااار حوله
أو أنه تعود ياخذ الي بيغاه بهذا الأسلوب أحنا كذا في البدايه ندلع وبعدين تجي فوق راسنا بنتي الكبيره برمضان تخلص خمس ومع ذلك بكائها كثير مع أنحنا نطننننننننش بس خلاص تعودتت من هي صغيره الله يعين |
.. العزيزة ( ام فارس ) ..
أكيد قلبج يعورج على فارس , لما يبكي وتطنشيه .. بس لازم ما تضعفي .. ويشوفك ضعيفه , وقلبج يعورج عليه ,, .. لانه راح يستغل هالشيء ويزيد من جرعه البكاء , ويرفع صوته أكثر .. لا تستهينين بالاطفال ,, تراهم أذكياااااء ... ..اهم شيء بس يبكي ,, لا تكلميه , لا تلتفتي له .. ابدا .. يعني كانك ما تسمعي شيء .. وان شاء الله .. راح يصير فارس عن جد فارس ورجال وقوي .. بس يبى لك تصبري شوي .. .. الله يحفظ لج عيالج .. |
نورين
يمكن مرات يكون نعسان و يبدأ ينكد ، ولدي مرات كذا يوم ينكد .. أقول لأبوه تراه نعسان .. بس إذا متأكدة إنه مو نعسان مافيش أحسن من التطنيش لحد ما يسكت و بعدين تكلميه .. |
نورين
يمكن مرات يكون نعسان و يبدأ ينكد ، ولدي مرات كذا يوم ينكد .. أقول لأبوه تراه نعسان .. بس إذا متأكدة إنه مو نعسان مافيش أحسن من التطنيش لحد ما يسكت و بعدين تكلميه .. |
فكرتيني بفهودي :( مستفز بصوته صار عنده مهارات وابداعات بالبكا والصراخ بشكل فظييييييييع
ولاتفه سبببببب لا ويعصب الاخ و ازا اخدت منه شيء يصرخ ويجري ويخبط ابواب الخزانات و الادراج قال واحيانا يرمي حالو عالارض ويصير يبكي منتظر انو نشيله ازا شافني بحرك ملعقة في صحن بحضر الاكل وماشاف شيء دخل تمه يصير منهار وصراخ مستفز لابعد درجة مرة سمعت صوته وانا اسفل العمارة وازا بناكل قاعدين وخلص لقمة وماحطيت التانية بسرعة هاتك فضايح ويروح جمب الباب بالذات ويصرخ احيانا الظاهر عارف فيها فضايح الشغلة فظيع فوق متتصوري فهد عمرو سنة و9 شهور ماشاءالله المشكلة مادلعناه زيادة ابدا وكمان ماحرمناه يعني مدري وش فيه هالولد مزاااااااااااجي احيانا اقلو هات ماما هس ينهار بكا واحيانا امسكو من النرفزة وارميه برة المطبخ مثلا بشوية عنف لانو بكون مثلا بلعب في الغاز والنار تلاقيه جلس عالارض وعادي جدا راح يكمل لعب سبحانك يارب ههههههههههههه والله قبل مبارح عالغدا جمب الباب راح يصرخ صراخ مو طبيعي وزوجي نرفز جداااااااااا لانو بنقهر ومابحب صوت حد فينا يطلع برة وكان حيضربو وهديته وراح دخل جوة وانا الي مسكتو ورحت رميتو عالارض في غرفته و دفشته وضربته خفيف وسكرت عليه باب غرفته الله يعينك ويعيننا اكيد الي بقرا كلامي حيقول عني شريرة بس الي ام مثلي وعندها ولد بالذات مش بنت حيشعر بمشاعري قبل كنت ازا قرات حد ضرب ابنه احقد عليه بس الان متفهمة الوضع تماما الواحد احيانا تفلت ايده من الاستفزاز الي يسببه الاطفال فظيييييييييييييييييييع ابني فظيييييييييييييييييع ماشاءالله عليه اكيد بتقولي وين المفيد في كلامك ههههه اقلك كل ميصرخ بدون سبب او بدلع واستهبال او يرمي حاله عالارض اتركه واطنشه واخليه يموت حاله بكا وبالاخر فجاة يسكت وتلاقيه قام و سكت عادي جدا وقتها اضحنه و اقلو شطور حسيت الامر خف شوي بعد هالاسلوب وطبعا حسب الموقف لو مثلا قاعدة بيخرب في السرير وبيخبط فيه بقلو هشششششش هسسسسسس وبعنفه لانو مخرب فظيع بصير يبكي بقلو هش هش ماتبكي اسمع كلام ماما وممكن يسكت احيانا بس لما احسو بتدلع وبستهبل بدون موقف معين وبدون سبب بطنشو تماما الله يهديهم يارب وسامحيني |
| الساعة الآن 06:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©