|
مين الغلطان ؟؟؟
السلام عليكم ورحمه الله وبركاته
اخواتي واخواني انا بحيرة من امري كثيررررررا ان شاءالله بكره الاهل رايحين العمره بس انا وابوي ماراح نروح... اليوم اختي الكبيره متزوجه تقول كل يوم راح اجي من الظهر لين الليل.. قلت لها وليه قالت علشان ابوي يتسلى مع البنات تقصد بناتها... قلت لها والله ابوي يطلع من 3العصر ولايرجع الا 9ويتعشى وينام وانا كل يوم بسوي لابوي غداء وعشاء ومابسوي لاحد غيره لاني عارفه بتجي الظهر وبتتغدى وبتطلع وبتخلي بناتها وانا ماابقى اتحمل مسؤليه وبصراحه انا كل يوم بطلع من العصر لين المغرب مع خطيبي لما قلت لها تعالي العصر واذا ناويه تطلعين تاخذين بناتك معاك انا مومسؤله عن احد قالت لو خليتهم بيت جدهم قلت لها مع مين بتخلينهم انا مالي شغل بأحد قالت انا كل يوم بجي بتغدى وبتعشى وطبعا مين الي بيطبخ ويشتغل انا...... انا انقهرت قلت لها لاتجين كل يوم كفايه اليومين الي تجين فيهم... ولاادري عنها... هل انا غلطانه بكلامي.... |
اختي الله يهداج يمكن اهي قصدها تقعد وياج مو قصدها اتخلي البنات اتصلي فيها وقولي لها ماكان قصدي اقولها بهاي الطريقه وحياج البيت بيتج وتقدرين اذا قالت لج انها بتخليهم قولي لها آسفه بطلع مع خطيبي وعادي اتصير بين الخوات |
عزيزتي شكلك متعودة وعارفه طبع اختك
انت خلص وضحتيلها الفكره انه ماحدا رح يكون بالبيت خلص ماعليك لكن كلميها عادي حتى لو هي زعلت قوليلها انا كنت بس بوضحلك حتى لاتزعلي ان تركتكم وطلعت ان شاء الله ماتكون اختك زعلت على العموم اكيد بترضى بعد فترة وبعدين اذا كانت موجودة وانت بتعملي الغدا ناديها تساعدك شكلكم ماعندكم شغاله برضه حاولي تتطلبي منها تساعدك بشغل البيت انت مابتقدري تجبريها ماتيجي لكن انت عملت اللي عليك وفهمتيها تحياتي |
بس لو وصلتي لها الفكرة بطريقة الطف كان احسن
اتصلي عليها ويطبي خاطرها \الله يخليكم لبعض |
عادي مااشوف فيها شي ..
هذه اختك و متعودين على بعض ... فا خلاص وضحتي لها فكرتك و المفروض مافي زعل بين الاخوات .... اذا اصرت و جت .... عادي تغدوا و اضحكوا و بعدين استأذني و اطلعي قبلها |
لا عادي المفروض تتفهم الامر
|
اقتباس:
اختي واعرفها كم تسافر امي وتخلي عندي بناتها وتطلع لاخر الليل وانا اطبخ والغداء والعشاء وانظف وكل شي ورى بناتها واهي ماتسوي شي... اليوم جات من الظهر الى الليل وانا الي انظف ورى بناتها الله يعين مشكوره |
اقتباس:
مشكوره |
حبيبتي الله يعينك
اكثر الاخوات اللي عندهم ابناء يتركون ابناءهم ويتكلون على بيت الاهل ويطنشون كل حاجه اذا عند اختك شغاله خليها تتركهم مع ابناءها وتنظف وراهم في بيتكم |
مش غلطانه يا قلبي
ناس عندها طبع الاتكاليه طبخ خففي من الاكل شكل امك تعرف تتعامل معها ولكن تاخذ وج عليكي اتركي اولادها وقت يوصل خطيبك واذهبي معه او اتصلي عليها تاخذ اولادها او ابوكي يكلمها تزعل شويه احسن ما انتي تاكلي بنفسك من الغيظ وتحقدي عليها ومن ثم حددي المكان اللي يجلس فيه الاولاد وهذا رح يفيدك بالمستقبل لاولادك ان شاء الله اقفلي غرف النوم ممنوع احد يدخلها ووو فقط الحمام وغرفة الجلوس نفرح منك قريبا ان شاء الله انتي وكل الصبايا والشباب |
اقتباس:
مازعلت اصلا وجات من الظهر لين الليل وقالت لي بكره لاتنسيني على الغداء انا وبناتي وزوجي... الله يعين شكرا |
اقتباس:
جات اليوم من الظهر لين الليل تعبت والله الله يعين |
اقتباس:
المفروض بس مين يسمع الله يعين |
اقتباس:
للاسف ماعندها شغاله يعني انا لوحدي اشتغل واهي مرتاحه الله يعين مشكوره |
اقتباس:
مشكوره |
الله يهدي بالك ويسعدك لاتكبري الموضوع وتسوي حزازيه بينك وبين اختك بسطي الموضوع واتناقشي مع اختك بهداوه ووضحيلها ماجعلك مستاءه |
اقتباس:
انا ماكبرت الموضوع بس للحين الوالده اسبوع من سافرت للحين واهي كل يوم تجي من الظهر الى الليل وانا شغل وطبخ غداء وعشاء ياليت لو تاكل بس اهي وبناتها الا حتى زوجها اكله عندنا واهي مرتاحه وصار لها 3ايام نايمه عندي بالبيت والله اني متضايقه تعبت من الشغل... مشكوره |
[quote=الحائــــرة;2450191]السلام عليكم ورحمه الله وبركاته
وبصراحه انا كل يوم بطلع من العصر لين المغرب مع خطيبي quote] وعليكم السلام ورحمة الله وبركاته .. مع خطيبكِ أو زوجك ؟؟؟ أقصد هل تم كتابة عقد الزواج؟ |
[quote=ثنيـــــان;2453216]
اقتباس:
نعم مخطوبه و تم عقد الزواج... |
طب انا كمان جايتك
امزح لا تروحي تصدقي قوليلها تجيب غداها وعشاها انشغلتي وما طبختي ما فيها شي ليش المجاملات اجازه وين بتروح يعني لبيت ابوها وا ختها تحسبك فرحانه فيها بكره اذا صار عندك اولاد وين راح توديهم بالاجازه ؟؟؟ |
انا من الناس,,,الي أتضايق,,وبشدة من موقف..هالخوات
يعني ان كان حبيبك..عسل لآ تلحسه كله المفروض..بما انها الكبيرة تتحمل هي المسؤلية... او ع القليلة تشارك... مرة انت طبختي..المرة الثانية..عليها... تطبخه تشتريه.. المهم..تساهم معك... أوتقعد ببيتها..ترتاح..وتريح... أبدا ما يعجبوني الحريم اللي بهالعقلية والتفكير السطحي هذا... ..حبيبتي...أحتسبي الأجر من رب العالمين والله لا يضيع لك تعب يارب... ان شاءالله تشوفينه...بزوجك,,وأولادك يارب |
اقتباس:
بالاساس ماتطبخ في شقتها معتمده على امي واحين اعتمدت علي عارفه اجازه بس بيتنا فاضي كلهم مسافرين وابوي مشغول يطلع مايرجع الا الليل وانا مشغوله مع خطيبي... يجي خطيبي و يجلس معاي وتكون هذه فتره الراحه الوحيده وباقي اليوم اشتغل... مشكوره |
اقتباس:
مشكوره |
>>>عذرا ليش مستحيل اختك...تطبخ !!
وانت شي عادي تطبخين... من الكبيرة...!! اصلا بما انك مابعد تزوجتي...ومسكتي مسؤلية تكونين انت الدلوعة...اللي ماتلمس شي... المفروض.. يكون كل شيبوجه اختك..مهوب بوجهك...انت... أنت الزم ماعليك ابوك... اختك وزوجها وعيالها.. أسمحي لي مسؤليةاختك... خلاص الى متى.. تتكل على غيرها عسى ماشر ... |
اقتباس:
مشكوره |
انا شاكه انه امك الله يرجعها بلسلامه متفقه مع اختك
لانها عارفه طبع الوالد بيطلع و حتبقي انت وخطيبك لوحدكم بلبيت فمتفقه معاها انها تجي وتقعد عندكم بلبيت حركات امهات ،،،،،، :30: حاولي تكسبي اختك بكلمه الطيبه الله يرزقك بلذريه الصالحه ويصيرو بنات اختك و اولادها حواليكي ويلاعبو اطفالك واختك تشيل اطفالك خلي نيتك لله ،،،،،،،،،،،،، ان شاء الله ما يضيع لك اجر |
اقتباس:
امس الجمعه وخطيبي اجازه وجى لي من العصر وطلعنا واتصلت لي قلت لها انا طالعه قالت لي بس ترجعين تعالي لي وبرجع معاكي البيت قلت لها مابرجع الا الليل قالت اي وقت قلت لها اسفه مابقول لخطيبي روح لاختي وانتي زوجك اجازه سكرت التليفون... وانا ماقلت شي لخطيبي... |
انت كارهتها ،،،،، من قلبك
اتصارحو من الان قبل ما يزيد في قلبكم الكره و تقطعو بعض بعدين في نقطه ما في ام بنت مملكه ما تراقبها او تحط احد يراقبها |
اقتباس:
مستحـــــــــــــــــــــــــــــــــــــــــيل انا اكره اختي لو تقتلني بإيدها ماااكرها ابدا بس كل وحده منا لها شخصيتها تختلف عن الثانيه اختلاف في الرأي مو اكثر اما كره لا مستحيــــــــــــــــــــــــــــــــــل |
أختي الغربة مرة مو شرط كره
بس هذه حركات أخوات ، يعملوها أخواتي معاي مرات و انقهر منهم :D يمكن أختك خايفة عليك ؟ علشان ما تجلسي مع خطيبك لوحدكم .. !!! بس هانت ، بقي شوي و أمك ترجع .. |
اقتباس:
ابدا ماتوصل للكره بينا ... مثل ماقلتي اخوات وكل وحده تفكيرها غير عن الثانيه مشكوره |
اقتباس:
طب الحمد لله انه مو كره ما دام اختلاف راي خلاص حاولو تتصارحو وتتفاهمو وخلو امكم تفرح فيكم انكم اخوات ومتماسكات وما تثاقلي من زياراتها ما تعرفي يمكن امك حابتها تجي عندها حتى من تكبر تعرف انه في احد يمر ويسال عنها يمكن ا نت ما حتكوني مثلها وحتنشغلي في بيتك و اولادك |
اقتباس:
يا روح ،،،،،،،:d شكيت من مر الشكوى :18:،،،،،،،، حلوه قمت اقول شعر:23: |
الله واكبر يادنيا
الحين قامو الاخوان والاخوات يكرهون بعض ولا يشتكون منهم ولا ذي تنقهر من ذي ولا ذاك ليش يكون احسن مني اخخخخخخخخخ بس انا لو عندي اخو ولا اخت اعطيهم عيوني قبل جسمي واجطهم فوق راسي بس وش اقول الحمد الله على كل حال <<<<<<<<<<<<<<<<وحيد امه وابوه |
اقتباس:
طيب امي تحب انها تجي كل يوم بس احين امي مسافره... الله يعين شكرا |
اقتباس:
احساس الظلم مو حلو انك تتعب وتشتغل واطبخ وانظف واتعب طول اليوم لوحدي ... الله يعين |
متفهمه جدا وضعك ...
طبعا انا ماعندي خوات بس كثير بنات كذا يجوون بيت اهلهم اكل وشرب وراحه .... بس الشرهه موعليها بصراحه ماعندها رجال يجبرها تقعد في البيت وتهتم فيه وفي عياله وتطبخ له وتنفخ له .... استغرب جدا من الرجال اللي يجلس دايم في بيت اهل زوجته ؟؟؟ احس مرة عيب ياغريب خلك اديب ... اقدرهم صح بس مولصقه واكل وشرب .... وبعدين الوحده اذا من الظهر لليل عند اهلها ليه تتزوج اصلا ؟؟؟ واذا بيقعد زوجها معها برضوه ليه تزوج ليه مايعيشون في حياتهم مستقلين ؟؟؟ انا لومنك اطبخ لابوي بس ... وهي حالها حالك ياتساعدك وتقوم معك ياتجلس في بيتها ياتجيب من المطعم ... وغريبه امك ماعندها شغاله ومدلعتها كل هالدلع وترسل غداها وعشاها ؟؟؟ يعني بعد اختك الله يهديها ماترحم ضعف امك وتعبها تبينها ترحمك انتي ؟؟؟ |
اقتباس:
وباقي لين ترجع امي واخواني اسبوعين... الله يعين... مشكوره |
الله يكون في عونك اختي
|
والله اني حاسة فيك الله يعينك عليها وعلى ثقل دمها
انا عندي اختي اصغر مني بسنتين ودايما متكلة علي انا اشتغل انا اطبخ وهي قاعده ماتسوي شي وهالمشكلة معاي من كنا صغار ... واحيانا تتصل على بنات عمي تقولهم سيروا علينا والله مشتاقين لكم !1 وبعدين تجيني تقولي بنات عمي راح يجون اليوم وتقعد عند التلفزيون .. طيب قومي اشتغلي معاي نرتب البيت نجهز الضيافة لهم .. تتحجج بالتعب وان مالي نفس .... الخ وامي ماكانت تهاوشها لان هذا طبعها .... لكن مع مرور الوقت صرت اوقف بحلقها على كل كبيرة وصغيرة وما اسمح لها تتكل علي باي شي .. وصرت دايما اتهاوش معها وصارت امي تقول " قبل عندي جنية وحدة الحين صاروا جنيتين " |
| الساعة الآن 06:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©