مشكلة مصاريف النفاس
 

- الحمد لله رزقت ببنت مثل القمر زوجتي انسانه ناشزة
تخطيط الزوجة مع أمها من بداية الحمل لعمل النفاس في بيت اهلها دون علم الزوج .
- أخذ كل أدوات التجميل وجواز السفر والذهب والعطورات والملابس عدا قمصان النوم على دفعات أوقات زيارتها لاهلها .
- حضرت إلى البيت يوم الخميس مع أخوتها وأخذت كل ملابسها وذهبت حتى بدون مع السلامه .
- الذهاب إلى زيارة أهلها كالعادة ورفض العودة إلى البيت من الشهر الثامن بحجة كرسي الحمام (و الهدف هو التمشية مع أهلها ) وأخبرتها بعدم موافقتي بذلك فرفضت العودة وأخبرتها بأني سوف أزعل لو ماخرجتي فقالت لاتزعل أنا لن أرجع معك .
- الخروج بدون إذن ( أسواق – ملكة – زواج - السوبر ماركت – تمشيه........الخ ) دون إستئذان .
- تدخل أمها كشريك منافس معايا في زوجتي في كل صغيرة وكبيرة فكانت تأملها في النفاس وأنها راح تسوي لها نفس حلو .... الخ انا الام مقاطعها 6 اشهر وهي تتحرش وتريد تعرف اخباري من زوجتي عن طريق جوال زوجتي .
- مصروف الولادة كان على التأمين الطبي .
- بالنسبة لمصروف النفاس أخبرتني أنها تريد أن تعمل النفاس في بيت أهلها فأخبرتها أنا غير موافق فأصرت فقلت لها لك الف ريال فقط ( تشتري فيها العسل والسمن والدقيق ....... الخ ) روحي لاهلك يسوا لك النفاس على حسابهم مو هم يعرفوا يخرجوكي ويمشوكي وماتستأذني أو نفاسك في بيتك وأنا اتحمل فقالت أنا راح اتسلف من أهلي وماراح ارجع لك بعد النفاس حتى ترجعها قلت لها أنا ماراح ادفع ريال واحد فوق الي دفعته سواء جلست اربعين يوم وإلا مائة وخمسين يوم أو العمر كله ماراح ادفع غيرها والان انتهى الاربعين ومارجعت . قالت ادفع الي عليك عشان ارجع يعني صار بيت اهلها مثل الفندق ادفع والا البنت محجوزة
- رغم هذه الاخطاء التي سببت فجوة كبيرة بسبب ام الزوجة وتدخلها مع العلم ان النفاس يلزم الزوج وله حرية الاختيار إما في بيت اهلها أو يقول في بيتي وانا اخترت في بيتي .
بعد الاربعين حضرت كي اخذ زوجتي فرفضت واخبرت ابوها فقال تعال بكره وارسلت رسالة وقالت لاتجي الان الزوجة في بيت اهلها ولاتريد العودة إلا بعد دفع مصاريف النفاس التي لاأعلم كم المبلغ اصلاً
انا قاعد افكر في الزواج من أخرى ..........

الله يصلحك يا اخي الكريم

ماعندك سياسة تعامل مع الزوجة وصدقني الزواج من أخرى مو حل

خليك واقعي شوي ولا تعاند وحاول تغير اسلوبك مع زوجتك وتنسيها أهلها بالصبر والنصح الغير مباشر

أنا معك هي غلطت كثير بس إلى متى تواجه الغلط بالغلط؟؟

يا اخي الكريم أنا ماقلت هي على حق
هي غلطت بس أنت عالجت غلطها بغلط وبكذا تفقد هيبتك عندها صدقني
وتصبح الحياة بينكم عناد في عناد

راجع نفسك الله يهديك وحاول تعالج الغلط بحكمة وسياسة تناسب طبيعتة زوجتك وحاول تأثر عليها وتكسب طاعتها

صدقني هذا مو عيب ولا صعب بس يحتاج لشوية صبر + تنازل

والله ياجماعة الخير لو اني غلطان بأقول اني غلطان مافيها شي وكلنا بشر

لكن هذه الزوجة ناشز وتسمع كلام امها وهي راح تخرب بيتها حسبي الله عليها

إسمع نصيحتي وإهدأ ,, وأتصل بها وكن حنون وعاطفي معها وحدثها عن إبنتكما وعنكما الإثنين وأضحك معها قليلاً وأعتذر لها ,, وتعال حدثنا عن النتائج ,,, لاتشد على طول الخط ,,

البنت بايعه ومايهمها تقول الله يخلي اهلي

ابصراحة خليها تقعد في بيت اهلها يصرفو عليها انا موقف نفقتها لين ترجع عن الي في راسها

كيف لو اريد اخذ بنتي ؟؟؟

ماهو الاجراءات المطلوبة

اخي الكريم ويلكوم ,,

موضوعك مكرر و لا ادري مالمبرر لاعادة فتح نفس الموضوع و انت لم تتفاعل مع الموضوع السابق:

http://www.66n.com/forums/showthread...=207472&page=2

عموماً , ارجع و اقول الغلط عليك 100% , فانت لم تحسن معاملة زوجتك و لم تحاول احتوائها ثم تأتي لتقول ان امها تشاركك فيها !!
لماذا لا تقول انها تهرب من قسوتك و عنادك الى حضن امها و اهلها الدافيء ؟؟

اما الزواج من ثانية فلا انصحك لانه بكل بساطة لا اعتقد ان هنالك امرأة ستتحمل طريقة تعاملك !

على مايبدو أنك عصبي .. ولاتعرف كيف تتعامل مع النساء ,,,

فالتعامل مع المرأة ليس كما هو التعامل مع الرجل ,,

أخي على الأقل أعمل بوصية الرسول صلى الله عليه وسلم حين قال "أستوصوا بالنساء خيراً" ,, وعلى الأقل أيضاً قدٌر مجهودات حملها والتعب الذي عانته فترة الحمل ,, يجب أن تتعاونوا سوياً في أن يسند بعضكما بعضاً ..

أعذرني لكنني أرى أنك المخطيء وعليكَ إصلاح خطئكَ ,,

قم بالإتصال بها وحدثها بكلمات حنونة وعاطفية ورومانسية وكن "إنساناً" معها ,, وسترى التغيير والنتائج ,, كما يجب عليك الإعتذار إذا أخطئت في حقها فالإعتذار يعبر عن قوة شخصيتك وعن أخلاقك العالية بالإضافة إلى أنها صابون للقلوب وإذابة للتراكمات ,,

هلا اخوي لو انا بمكانك كان اتركها لين ترجع لي .... اتركها اقطع علاقتك فيها لمدة شهرين ... اذا مارجعت بعد شهرين ارسل لها رسالة قلها تبين ترجعين او ابحث عن زوجه غيرك .... اذا قالت لك ابحث ( ماراح تقول ان شاء الله ) خلها على ذمتك دور زوجه ثانيه .... وهذا الحل لو بمكانك سويت كذا ... او سو الحل التقليدي خل احد من جماعتها يكلمها لك ويرجعها لك بالهدوء .... والله يعينك ...

لاحول ولاقوة الابالله

ليش تمنعها من التمشية مع اهلها هما اهلها ولو مو ضامن اخلاقهم ليش دخلت بيتهم وطلبت منهم عارف ليش تتمشى مع اهلها لانك انت بنفسك قلت تتركها في البيت من الصباح وما ترجع الا في الليل لانك تكون في عملك واهلها ماشاء الله ملاهي وتمشيات وغيره ليش تنحبس في البيت وانت مو فاضي تمشيها وهي ما تمشي الا مع اهلها . طيب ما تبي اهلها يمشوها مشيها انت واعزمها على مطاعم ووديها الملاهي متل اهلها

بعدين الحرمة شايلة ولدك في بطنها وتترجاك تعغير كرسي الحمام وانت ولا انت هني . من السنة الماضية وانت كرسي الحمام كرسي الحمام ياخي غيره ياخي ريح زوجتك ياخي حرام عليك

بعدين تحاسبها على كيس الزبالة قال ايش لو كان تقيل يعني انت تشتري وتصرف وكلامها عن بخلك غلط والمفروض تنكتم وما تتكلم والله نقعد باليومين والتلات ما نطبخ ولا ناكل شي في البيت ونلقى كيس الزبالة وش تقله اصلا كيس الزبالة ما يوزن واي شي يبان فيه

اتقي الله

يااخي انت غلطان ومليةن غلطان

انارجعت لمواضيعك القديمه وياليت الكل يرجعلهاعشان يعرفوا انك غلطان

يااخي البنت لازم تسوي نفاسهافي بيت اهلهاهذاشي معروف في كل المجتمعات ترى الولاده ماهي هينه خصوصااذا بكر

يعني ايش تبغى في نفاس قاعده عندك غيربكاء الطفل ولازم امهاتساعدها


بعدين انت الين الحين ماغيرت كرسي الحمام ياشييييخ اتقى الله في هذي الحرمه المسكينه (انت عارف ان الكرسي

العربي الي عندك اساسا يجيب البواسير خصوصاللحامل


وبعدين ليش ماتعطيهافلوس عشان تجهزنفسهاللولاده ايش فيهايعني لولعطيتهامصروف التجهيز كل الحريم يجهزون للولاده


موبس زوجتك يااخي..في كل موضوع يخص زوجتك تجيب طاري الفلوس والمصروف من كلامك يبدولي انك(بخيييل)مااقول

الاالله يعين الحرمه عليك هذابدل ماتفرح بحملهاوتريحهاوتسوي كرسي الحمام وتجهزانت وياهالاستقبال المولود


تقوم تقول زوجتي ناشزبس عشان سوت نفاس عنداهلها عمرك سمعت ببنت سوت نفاسهافي بيتهاخصوصا اذااول مره الاالقليل الي ماعندهم امهات


يااخي هذي زوجتك وهذي بنتك اصرف وجيبلهم الي يبونه لاتبخل عليهم

الله يحفظلي زوجي الي مومقصرعلي بشي واذاولدت يوديني عندامي وخواتي عشان يهتمون في وارجعله مرتاحه وعروس

وبعدين طلعات زوجتك الي ماستاذنتك فيهااعتقد طلعاتهامع اهلهاموناس غرب يااخي خليهاتتمشى وتوسع صدرهاشكلك كابت عليهاوحابسها وهي عندك

(ارحموامن في الارض يرحمكم من في السماء)

بالله عليك ماستحيت على وجهك يوم اهلهاسلفوهافلوس وانت ولاكانك موجود فيه وحده تتسلف من اهلهاعشان نفاسها وزوجهاموجود

لعلمك مصاريف النفاس ترى موبس عسل ودقيق وتمرلا يااخي لازم تشتري ملابس المولود وملابس لهاعشان تستقبل الضيوف

وسريرالمولود

انامتاكده انه لومافيه تامين طبي كان خليتهاتولدفي البيت عشان ماتدفع فلوس الولاده

تراك غلطان والي تسويه زوجتك شي معروف في مجتمعاتناحتى لوتزوجت الثانيه اذاحملت كرسي الحمام بيتعبهاوتقلك غيره

الي من الاساس المفروض يتغير لانه متعب حامل ولاموحامل

واذابتولدبتروح عندامها لاتفكربس زوجتك الي كذا وانهاغلطانه لا يااخوي انت الي غلطان وبصراحه ماعندك اسلوب

المفروض الحين تسويلهاالكرسي عشان لماترجع تفاجئهاولاتروح تجيب هديه ذهب عشان تحس ان لهاقيمه عندك

لعلمك اغلب الرجال يهدون حريمهم بعدالولاده

خليك كريم مع زوجتك عشان تمشي معاك على الحلوه والمره

والله ان العيشه معك تقصرالعمرمااقول غيرالله يعينهاعليك وعلى بخلك

والله انك نرفزتني بتصرفاتك مع زوجتك ...لا وتبغاهاترجعلك كمان عندهاحق لمااخذت ملابسهامن عندك لوانك مريحها

ماتترك وتروح حتى كرسي الحمام مايكلفك شي مارضيت تغيره لوماهومتعبهاوهي حامل ماتقولك غيره

ويوم قلتلهاخلي نفاسك ببيتي ليه ماسويته لهاالنفاس ماينفع لهاالكرسي العربي

اعوذباالله من الشيطان الرجيم....استغفرالله العظيم...استغفرالله العظيم

ياليت الكل يرجع لمواضيعه قبل لاتعاتبوني عشان تعرفون انه هوالغلطان وان زوجته معاهاحق يوم خرجت من بيته

ارجع لمواضيعه السابقه وتعرف انه هوالغلطان لا تنصحه وانت ماتدري ايش الي مسويه في زوجته


مافي زوجه تترك زوجهامن دون سبب

لوانك تعطيهامصروف ماتاخذمن اهلها كلامك مومنطقي


ليش تخليهامن غيرفلوس...ايه عندهاحق تتسلف من اهلهاوالمفروض تردلاهلهاالسلف

استغرب من كلامك يااخي ايش يعني استغلال...ماتستحي يوم تتركهامن غيرمصروف واهلهايعطوهاانت

احرجتها قدام اهلها..متسلفه منهم ولاتبغى تردالسلف...زوجتك نفقتهاواجبه عليك

المشكله في كل مره ينصحونك الاخوان لكن ماتقتنع كل همك انك ماتدفع شي..ترى الدنيافانيه والفلوس

تروح وتجي...شكلك يوم عطيتهاالالف هذيك الليله مانمت..

سمعت كلام امهافي ايش يعني..

عشان قالتلهاخلي نفاسك عندي مافي ام ماتجيب بنتهاعندهابعد الولاده عشان تريحهاوترجع

لزوجهاعروس..ومافي ام تخرب بيت بنتها ولاتحسب على الام الي قلبهاعلى بنتها

وحط في بالك اي وحده بتتزوجها بتروح عندامهاوترجع بعد الاربعين واي وحده بتتزوجها بتجهزلولادتها

واي وحده بتقلك غيركرسي الحمام

بس انت مشكلتك الفلوس ماتبغى تطلع الريال اعوذباالله من الشيطان تاخدبنت الناس وتدفنها

انت فاضح نفسك واضح انك غلطان

كل تفكيرك في الصرفيه

طيب بنتك اذااخدتهابتصرف عليها تحتاج حليب وتحتاج غيارات وبامبرزومصاااريف ماتخطرفي بالك

يعني تحتاج 1000ريالشهريا..لاتجيك جلطه بس

واضح انك بخيل وماتصرف كل مره ادفع وماادفع...فضهاسيره يااخي الحين عندك بنت وتحتاج اب حنون

وتعيش بين امهاوابوهازي بقية الاطفال ليش تحرمهامن جوالاسره..ليش تبي تاخدهامن امهاالي حملت فيها9شهور

مين راح يتقبلهابعدماتاخدهاوالله ماحديتحملها يمكن قدامك لكن من وراك حتى مايغطوهااذانامت

تعوذمن الشيطان وخليهامع امهاورجعم البيت وقفل الاسطوانه هذي..اوقف وقفت رجال شوف كم تسلفت

زوجتك من اهلهااكيدقايلتلهم سلف ورجعه

وردالسلف ولاتحرجهاصدقني بتكبرفعينهم...الرجال مايخلي زوجته تاخذريال من اهلهادام انهافي ذمته

ذكرتني بغايتي الرضا

سبحان الله

رفع