|
هل أُقدم ولالا متردد
السلام عليكم ورحمة الله وبركاته ان شاء الله الجميع بصحة وعافيه اخوتي الكرام الاعزاء الافاضل انا بطريقي الى الزواج بإذن الله والمشكله اللي فيني ان وظيفتي راتبها لايكفي للصرف علي وعلى زوجتي ولذلك قررت بأن اشتري لي سيارة ليموزين عشان اضبط اموري وتكون ميزانيتي تكفي لي ولزوجتي وبصراحة انا خايف اذا تقدمت لأحد ودروا اني باشتغل تكسي يرفضوني وش رايكم ياليت الكل يتفاعل عشان اشوف ردود الافعال ولكم مني ارق التحايا |
وعليكم السلام ورحمة الله وبركاته
ربي ييسر لك امرك ويسهل موضوع زواجك ويقدر لك الخير . بالنسبة لموضوع التكسي هل تستطيع بعد زواجك ان توفق بين عملك ووظيفة التكسي وبين بيتك وزوجتك من حيث الوقت ؟ ثانياً هذا يعتمد على نظرة من ستتقدم لهم لهذه الوظيفة . ثم لماذا لا تشغل احد عليها فهذا افضل من حيث توفير الوقت والمجهود والعائد فبدل ان تشتغل عليها نصف يوم تشغل احد متفرغ عليها ويكون يوم كامل . فهناك من يشتري حتى سيارتين ويشغلهم وهو يستلم العائد ويكون بالاتفاق بينه وبين السائق اعتقد هذا افضل . |
اقتباس:
أختي نور الايمان النظام لايسمح بتشغيل أي عامل على سيارة التاكسي الخاصة,الا اذا كان لديه شركة فممكن,, أخي صاحب الموضوع اضافة الى أسئلة أختي نور الايمان السابقة, هل ستشتري السيارة كاش أم أقساط؟ وهل تستطيع دفع أقساطها شهريا أم لا؟؟ |
بصراحة ببيع سيارتي واشتري سيارة اجرة ميزانيتي ماتسمح لي بسيارتين وبصراحة انا لا اريد وظيفة ثانيه لأن الوظيفه بتخليني عالق فيها وبيصير ماعندي وقت اما الليموزين بيكون وقت فضوتي الله يجزاكم خير على ردودكم |
الله يكتب لك الخييير
ويرزقك من اوسع اوابه اما من ناحية القبول او الرفض هذا يتوقف على نظرة البنت واهلها في هالموضووع الله يرزقك بالزوجه الي تقدر تعبك وتسعدك |
بالعكس ماراح توافق عليك الا من تستحقك فانت تريد ان تعف نفسك بالحلال وان تلبي احتياجتك واحتياجتها بلكسب الحلال ايضا:22:
الله يوفقك وانا مع الاخوه هذا يعتمد على وجهة نظر من ستتقدم لخطبتها؟ عندي خطه اتزوج بعد الزواج اقترح عليها شراء التاكسي حينها هي من ستقف بجانبك لانها ترى مصاريف الحياه وتريد ان تلبى طلباتها:11: مبرووك مقدما الله يرزقك بالزوجه التي تستحق تعبك وتفكيرك:14: |
الله يوفقك ويكتبلك الخير يارب
الصراحة انت رجل رائع ولا تخاف ربنا حيرزقك بنت حلال ترضى فيك وبراتبك |
السلام عليكم ورحمة الله وبركاته
اخوي توكل على الله ورب العالمين يبي يرزقك ان شاء الله من واسع فضله الله يسخر لك ينت الحلال اللي توقف معك بكل حالاتك وتسعدك بإذن الله الله يوفقك يا اخوي دنيا و آخره |
موضوع نظريتهم لك يعتمد في بنات يبون الستر وبس
الله يوفقك ويجعل حظك بوحده منهم |
الله يرزقك
اشوف عادي جدا و اذا وحده رفضت الف يوافقون وانت تسوي هاذا ليه مو عشان مصلحة زوجتك و بيتك اذا مقتنع سو اللي تبغى |
توكل على الله يالعكس هذا لنفسك مش بس للزوجة لازم انت تسعى للأفضل لنفسك ولتحسين وضعك واحسن تلقى ناس ترفضك لانك تشتغل تاكسي ولا ان وحده تعايرك بالفقر وقلة البيسة والا بتحصل بنت ماعند اهلها ولاعندها مانع البنات ماليات البيوت يا اخوي والبنت اللي ترفض رجل يسعى لطلب رزقه بالحلال الله يحفظها |
ربنا يوفقك
وبالنسبه للتكسي انصحك تخلي مشاويرك للمطار هما بيحصلوا خير من دي المهنه ان كان التكسي يعمل بالمطار يعني المشوار من 100 الى 500 واكتر |
أخوي
اللي ترفضك لإنك تتكسب من الليموزين و إنت عندك وظيفة ، فمن البداية اغسل يدك منها .. :) بالعكسسسس شئ يشرف و يرفع الراس إنه شخص يعمل و يتكسب علشان يعف نفسه و يخلي الناس تحترمك أكثر .. :) بس ابحث عن عائلة طيبة .. أمي مثلا إذا أحد تقدم ، أهم شئ عندها الأخلاق و الدين و سمعته من ناحية تعامله مع أخواته و أهله .. عمرها ما سألت إيش راتبه و إيش وظيفته و اهم شئ معدنه .. و الحمد لله كل اخواتي مبسوطين مع أزواجهم و بعد زواجهم ربي يفتح عليهم ، أقول لزوجي نحن وجهنا خير على أزواجنا :D |
أولا أخي أسأل الله أن يرزقك الزوجة الصالحة و الذرية الصالحة ثانيا تعمل على تكسي و لا أي عمل حلال خير الف مرة أن تكون عاطل أو غير قادر على القيام بإلتزاماتك ثالثا قالته لك الأخت روح الطير رابعا عملك في التكسي سيكون فتنة لك فإتقي الله و لا تجعل مصدر رزقك طريق للمعاصي فينزع الله منه البركة و التوفيق القرآن في الليموزين لا يطفأ أبدا سادسا نسيت خامسا سابعا ليس لدي شيء بس حبيت أكثر النقاط وفقك الله لكل خير |
اقتباس:
الله يرزقك ببنت الحلال اللي تكون عون لك في الدنيا والاخره |
أخي الكريم ..
ليس هناك داعٍ لأن تأخذ سيارة ليموزين .. اعمل على سيارتك الخاصة .. وإن قبلت بهذا الاقتراح فلا يلزم أن تخبر أهل العروس أنك تعمل على سيارتك الخاصة .. لأنها ليست وظيفة رسمية لك .. وأنت لن تعمل إلا في أوقات فراغك .. وقد لا تستمر على العمل على السيارة فإما أن تمل أو يرزقك الله بوظيفة رسمية تغطي احتياجاتك .. لذا من غير المجدي أن تخبرهم أنك تعمل على سيارتك فهو عمل غير ثابت .. ولا أقول لك لا تخبرهم بسبب احتقار الصنعة لا .. فالعمل ما دام أنه حلال فهو عمل شريف يستحق أن يحمد عليه المرء ويحترم لأجله .. والإنسان المكافح لا بد أن نفخر به .. لكن كما أخبرتك لا داعي لكثرة التفصيل ما دام أن العمل على السيارة عمل غير ثابت وقد لا يستمر معك .. أسأل الله لك التوفيق والرزق الحلال .. |
روح ياأخينا الفاضل هذا قرارك أنت واللي تشوفه مناسب ومفيد لزوجتك وعيالك لاتشاور عليه احد إلا زوجتك ويعدين فيه رأي سديد لك مني ليش ماتختار بيع وشراء في سوق الأغنام تراها مناسبه لك احسن من الليموزين مع انه متعب بعض الشيء الله يوفقك أخوي ويسر الله أمرك
|
| الساعة الآن 02:19 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©