|
زوجي يعلم ولدي يسبني
عندي ولدين ولدي الكبير عمرة سنتين وشهرين
زوجي يعلمويقول له قول لماما ياحيوانة ويقول ولدي ليا ياحيونة وابوه يضحك له ويفرح ويصفق لة ويقولة انت بطل وولدي يفرح ذاحين كل شوي يقولي ياحيوانة ويتفل عليا وقدام الناس حتى ذاحين يعلمو يادوبة يا...... كل لما ارفض لولدي شي يسبوني ويتفل عليا ويضربني ساااااااااااااااااااااااااااعد وني |
وقفي زوجك عند حده ولا ترضي بأن يعلم أولادك مثل هالاشياء الناس تتنفرز لما تسمع أولادها تقول مثل ههالكلام وزوجك يعلم أولادكم يليت بالفعل تقفي وقفة حازمة في هذا الامر
|
اقولة حررررام عليك انا ام
حملت فية وتعبت وتجي تقولة كذااا قال لا بس علشان يسب الاولاد الثانين ؟ عذر اقبح من ذنب |
الله يكون بعونك أي اب هذا و اي تربية هذه اذا كان الهدف من ذلك هو التدريب على سب الاولاد الثانين كذا خليه يعلمه يسبه هو ويقوله سبني لأن الاولاد الي بالشارع اولاد من جنسك بكذا يضبط الدرس |
الله يعينك زوجك محتاج من يربيه ..
كيف راح يكون موقف زوجك اذا ابنك سبه امام الرجال ؟؟ قولي لزوجك انت مسؤول امام الله عن تربية ابنك .. رأي العابر عجبني .. |
زوجي طيب ومتربي
لكن غلط بهاالاسلوب انا ماكتبت كذا علشان تسبو بها الاسلوب |
الوالدان هما المعلم الأول للطفل. فالطفل يتعلم أولا بالتقليد؛ لذا يجب أن يكون الوالدان قدوة ومثالاً جيداً يحتذي به الأطفال في كل الأمور. وهذه من أكثر الأساليب الخاطئة شيوعاً عند تربية الطفل الا وهي التذبذب في معاملة الطفل: يعد أسلوب التذبذب غاية في الخطورة؛ حيث يعاقب الطفل مرة على سلوكاً ما، ومرة أخرى يُثاب عليه مثل أن يسُب الطفل أباه وأمه فيضحكان له؛ في المقابل إذا قام الطفل بهذا السلوك أمام ضيوف يقومان بتوبيخه أو ضربه؛ وعادةً ما يتسبب هذا الأسلوب في خلق شخصية مزدوجة لدى الطفل ولا تجعله يعرف الصواب من الخطأ. يجب عليكي ان تكوني حازمة مع زوجك في تربية اطفالك من خلال الحوار او ارسال بعض الكتب على ئميله الخاص أو تشترين له الكتب الازمة في أهمية تربية الأطفال. و الأسلام ركز عليها كثيرُ حتى نصنع اجيالاُ واعون في ظل الهجمة الصهيونية في افساد اعقول ابنائنا. والله ان كم مسؤولون امام الله في تربية اطفالكم . |
اقتباس:
والله امرك عجيب يا اختي...شلون طيب ومتربي ويعلم ولده سوء الاخلاااق..! واصلا ليش يعلمه يسب خلق الله عييييب وسوووووووء أدب..! الله يصلحج ويهديكم للأخلاق الحميدة التي علمنا بها الرسول صلى الله عليه وسلم |
دام إنه طيب و متربي ، ليه تشتكي منه ؟
ما نفع النقاش معاه ، خلاص إنت امزحي مع ولدك يوم يسبك ولدك و زوجك يضحك و اضحكي معهم و قولي لولدك حبيبي قول لبابا إنت حيوان و اضحكيييي .. و إذا زوجك زعل قوليله بأمزح و علشان يتعلم يسب الأولاد و شوفي كيف راح من حاله يتغير ؟ و يبطل من حاله .. ما أعرف ليه يا حريم تقهروني و ما تعرفوا كيف تتصرفوا ؟ :D ذوقيه من نفس الكاس ، لا تكوني ضعيفة و بدون شخصية ؟ حلوة هذه ؟ ولدي يسبني و زوجي يعلمه ؟؟؟؟ لييييه أراجوز أنا عندهم ..؟؟؟ و لا ملطشة ؟؟؟؟؟ |
لا حول ولا قوة الا بالله انا انجن اذا اولدي مسك ها الكلام من الاطفال واتضايق ومافيه طريقه ما اسويها علشان ينساها وهو حافظ كل الي اسمعه منهم ولا يدري وش المعنى لو تقول له وشلونك قال الحمدلله ياويا ويا واذا شافني عصبت وقمت بوريه الشغل قال اسف يعني يدري انه غلط هذا وهو من الناس كيف الاب المعلم
ما اقول لك غير الله يهديه غصبن عليه ويبيلك استشاري اسري يكلمه ويفهمه ان الي يسويه خطاء |
اقتباس:
صح صادقة طيب و متربي واضح أصلا أكبر دليل يعلم ولده يسبك بعدين مافي أحد سب زوجك تشتكين منقهرة منه و ألحين إنقهرتي عليه ( بدون شيئ أصلا ) |
أختي أنا كنت الاحظ أخوتي إذا أحد من أولادهم سب أو قال كلمة شينه حطت له فلفل في فمه ( طبعا مو تملين فمه لا بس شويه ) و الحقيقة التجربه ناجحه أحد أولاد أختي عمره الآن 14 سنه يقول و الله يا خالي إذا كنت في المدرسة و سبيت واحد إن أتخيل أمي ورايه و بتحط لي فلفل عموما جربي و شوفي |
انا لو مكانك الطش الاب وولدوة هدي اسمها قله تربية
|
اقتباس:
أجل في نظرك هذي هي التربية!!! قولي لزوجك: (رحم الله امرء أعان أبنه على بره) مو أعان ابنه على السب!! أبسط شي تسوينه انك تزعلين لما يعلمه.. وتقومين تعاقبين الولد على طول.. وقولي له كل ما يسب راح أعاقبه .. لا تكونين سلبيه وتستعطفينه!! وتقولين له بكل ضعف: حرام عليك أنا ام حملت وتعبت وتجي تقوله كذا!! |
اذا الأب بيعلم الولد سلبية وحدة,
حاولي تعلمين الولد ايجابيات كثيرة, لأن فرصتك ببتكون معاه أكثر, أثناء وجود الأب خارج البيت للعمل مثلا أو سهران مع أصدقاءه.. |
يااختي لازم تقولي لزوجك يوقف هذا التصرف ولايعلم الولد عدم احترام امه ولازم تقولي لزوجك انت ترضا ولدك يسبك وبعدين لازم ولدك ولدك تضربيه اذا سبك وتوقفي زوجك عند حده لان هذا يسمى قلة احترام واعذريني اختي
|
يفترض به ان يعاقبه ان سبك من تلقاء نفسه، لا ان يعلمه على ذلك..
على كل حال، لا تكوني ضعيفة ومستسلمة.. اوقفيه عند حده واتخذي مواقف جادة كان تقولي له هل تحب ان اعلم ولدي ان يشتمك؟؟ |
الإخوة الأفاضل أعتقد أن العضوة تستفسر عن كيفية التعامل مع ابنها و ليس مع زوجها فأعتقد أنها قادرة بإذن الله أن تتعامل مع زوجها و تناصحه |
كل ماسوى الحركه هذي قدامك وهو موجود حطي بفمه فلفل ولازعل زوجك قولي انا ما ارضى يكون ولدي كذا اذا انت ترضى علمه كيف يسبك انت
|
الاسلوب انك تعززين فيه السلوكيات الحسنه وتشجعينه عليها بهدية
حطي لك جدول مقسوم فيه سلوكيات ايجابيه سلوكيات سلبيه حطي له نجمة اذا اعتذر لك عن اي لفظ مو حلو |
اقتباس:
بالعكس اللي يبي التوجيه الأب أولا ثم الإبن ثانيا |
أستغرب منك زعلتي يوم قالوا الأعضاء زوجك محتاج من يربيه!!!!!!! أجل وش الحل اللي تدورينه..!!؟؟ إذا اتربى زوجك طبيعي ولدك بيتربى |
ونعم الأب . الله يعينك يا أختي .. أعيدي تربية الأب وبعدين فكري في الأبناء .
لا حول ولا قوة إلا بالله العلي العظيم |
طيب ومتربي كيف يعني ؟؟
يعلم ولده يسب أمه وتقولي طيب ومتربي والله امرك غجيب زوجك هذا يبي تربيه من جديد حتى يعرف كيف يكون أب ومربي أجيال الله يعينك ويتولاك برحمته... المهم وقفيه عند حده وخليه يعرف الأدب والحياء بالالفاظ |
إنا أشوف إنتي لازم تعلمين ولدج إن هذا خطا وعيب وكفخيه على حلجه لو سب خليه يخاف يسبج وبالنسبه لريلج قوليله باجر عيالك بيتعلمون يسبونك وجدام بتندم وكل الناس بيعايرونك إن عيالك مب متربين لازم تعلمهم يحترمون أي إنسان أكبر منهم وخصوصا والديهم باجر بيشرفونك ويشرفوني وفهميه إن تربية الطفل الصعبه أول 5 سنوات إذا عديتوها بسلام إن شاء الله راح تكون أمور أطفالكم هينه والله يكمل ريلج بعقله ويهديه
|
| الساعة الآن 09:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©