|
طريقة ذكية لتخسيس الوزن بدون ريجيم
السلام عليكم ورحمة الله وبركاته :
في طريقة حكتها وحدة في احدى المنتديات لما كنت ابحث عن طريقة لتخسيس الوزن تقول الاخت ( قررت قرار عازم لارجعة فيه ان اشرب 10 اكواب ماء صافي يوميا .... وكنت على الرايحة والجاية كل شوي اشرب موية .... الصبح .. عند الاستيقاظ ... اثناء الشغل .. وانا بالسيارة .. وانا بالسوق ... يعني قارورة الماء ماكانت تفارقني .... وكانت فرضيتي في ذلك : ان الشخص السمين يعاني من ادمان الشعور بامتلاء المعدة .. فقط لاغير ... لاني لاحظت بنفسي هذا الشي لوكنت افطرت الصبح قبل دوامي فطور كويس ثم رحت للدوام ولقيت الزميلات جايبين اكل القى نفسي اجلس وآكل .... وكأني ما اكلت حاجة الصبح ..... واذا رجعت للبيت وفتحت الثلاجة ولقيت طعام شهي ... القى نفسي آكل كمان !!!! ولو احد من الاهل عزمني على اكل بعدها بنص ساعه .. القى نفسي .. مشتهية اكل كمان ... يعني هي تقريبا حالة عصبية نفسية ( سميتها ادمان الشعور بامتلاء المعدة ) يعني لازم تكون بطني مليانه باي حاجة علشان احس بالارتياح .... انتهى كلامها وانا قررت اعمل مثلها اجبر نفسي على شرب 10 اكواب ماء صافي يوميا بالاضافة الى ( نصف رغيف خبز بر مع حبة طماطم ) قبل كل وجبة ... وبعدين اقلط معاهم على الاكل واشوف كيف تصير نفسي بسرعة تشبع لاني لاحظت من تجربتي الشخصية ان هذي الاكلة تحسس بالشبع وبنفس الوقت سعراتها الحرارية منخفظة .. وطبعا بدون اي ريجيم .. ايش رايكم في هذي الفكرة ؟ |
فكرة حلوة جدا والله
وخصوصا ان دكاترة التغذية كلهم ينصحوا ف شرب الماء الكثيرررررررر وان شاء الله انفذ الفكرة معاكي وربنا معانا يااااارب انا فعلا نفسي اخس من غير ريجيمات والفكرة حلوة وسهلة موووووووووفقة حبيبتي |
يسلمو على المعلومة القيمة |
طريقة سهلة جدا"
|
الله يوفقكم وان شاء الله توصلي للوزن الي تبغيه
|
وعليكم السلام ورحمة الله وبركاته
إذا جربتيها ونفعت معاك خبرينا أنا إذا حسيت وزني زاد أجلس على التفاح فقط وأكثر من شرب الماء ولمدة ثلاثة أيام بعدها ينزل الوزن الزايد |
طريقة حلوة
شكرا |
الماء مفيد جدا لكل شي للجسم والبشره
بس اهم شي شرب الماء قبل الاكل بنص ساعه او اكثر لكن قبل الاكل على طول يسمن وبعد الاكل مباشره يسوي كرش موفقه حبيبتي وانا ها اليومين دااابه في المويه عشان عندي التهابات وقايله لي الدكتورة اشربي 15 كاس في اليوم<< انبط بطني من الماء |
ممكن طريقه حلوة بس انا اخصائيتى نصحتى بي نص حبه طماطم في اليوم فقط لانها تحتوى على سعرات حراريه كثيره
|
انصحكم بالابر الصينية الي تنحط بالأذن سويتها برمضان هذا إلي راح
صراحه انا اول اسبوع شهيتي كانت مثل قبل مافي اي تغير وجلست انا وخواتي نسبسب بالدكتور ونتحسر على الفلوس إلي دفعناها:d لكن بعدين ماشاء الله تبارك الرحمن لما اجلس على الفطور اتغصب على 3 تمرات وسمبوسة وحده وإذا مره 3 وبس مااقدر اكمل أكل واجلس لين الساعة12 أو 2 او 3 الليل واتحسر سحور خفيف مو حمية لا انا مالي نفس اكل :22: ومن بعدها وانا أذكر هالدكتور بكل خير وماتحسفت على فلوسي إلي دفعتها :) طبعا الدكتور لما حط الأبر قال لازم مشي يوميا علشان لو تنحفي مايترهل جسمك واشربي ماء بمالايقل عن 8 اكواب باليوم وبس |
للاسف احننا مانشرب مويا يالله كوبين ثلاثه باليوم
جزاك الله رخي |
أستخدمت طريقة الماء + حبة خيار وكم ورقة خس وكم قطعة بطيخ ثم على قولتك أقلط على الغداء ...
وأهم شي الماء قبل كل وجبة بنصف ساعة وكل شوي ( كل ساعتين كوب عشان ما انسى ) اشرب بين الوجبات الى ان يكتمل نصابي ذلك اليوم 8 كاسات ونزل وزني 5 كيلو |
والله حلوة فكرتها لازم اجربها لان قربت انفجر
|
اقتباس:
كلامك صح يبغالي اجرب المويه انا اعاني من وزني اللي رفع ضغطي !!! وزني تقريباا 75 كرهت جسمي وربي من يوم ماعرفت نفسي وانا دبدوووبه !!! اتعقدت من شكلي !!!! بس حابه أسألكي اش يعني رغيف خبز ؟؟؟؟ |
والله انا حاليا اجرب شراب من الصيدليه اسمو الترسليم
جبت عدة اشياء اللي مكتوب قربو سليم slim جبتو على طعم القهوه ومنه على طعم الشوكولا اضع الظرف في 200 مل حليب واشربو طعمو طيب ونزل وزني فورااا وعمل لي سد نفس عن الاكل وفتح نفسي للخضار مثل اقطع مثلا الفلفل الاخضر الحلو والاحمر والفطر اضعه مع قطعة جبنه صغيره بخبزه وآكل واكتفي بوجبه واحده فقط من غير احساس بالجوع ويعطيني نشاط لان فيه فيتامينات انما لازم اسأل الدكتوره لان معي سكر انما سعيده وزني نزل ولازم ينزل اكثر لازم اوصل لتحت السبعين كيلو حاليا وصلت لل75 وسعيده جدااا عقبال الباقي |
فعلا شرب الماء يقلل من الشهيه عن تجربه بس في ملحوظه حبيت اوضحها لبنت مكه و عذرا لصاحبة الموضوع
اقتباس:
الله يعينك على الرجيم بس حبيت اقولك ان الطماطم من الخضراوات قليلة السعرات فكل 100 جرام من الطماطم الطازجه تحتوي على 17 سعر حراري فقط لذلك استغرب قول طبيبتك :( و يمكنك التاكد من عدد السعرات على الانترنت |
وعليكم السلام ورحمة الله وبركاته
عن نفسي أشرب مويه بس أحياناً أكسل وأقل شئ أشربو 8 كاسات والحمدلله جسمي طيب وزني عال العال ,, بس برضو أبغى أنزل شويه منه مشكوره عيوني |
الف شكر
جاري التطبيق |
رائع ... فعلاً المــاء ممكن يساعد كثير .. الله ينحفنا من غير شر ..
|
رح اجربها من اليوم
بس مشكلة الحمام كل شوي هههه سوري |
شكراً عزيزيتي بجرب هالطريقة ان شاء الله ..
حلوة المعاني وين سويتيها عند أي دكتور ؟؟!1 |
فكره حلوه تسلمين بجربها
|
انا اشرب الماء بس يأذيني أعزكم الله بروحة دورة المياه
|
اقتباس:
سويتها عند الدكتور صديق (سوداني الجنسية ) بمستشفى المركز السعودي الصيني ( مركز العلاج بالأبرالصينية ) بجدة شارع صاري تقاطع شاري الأمير سلطان بحي السلامة خلف بنك سامبا او صراف سامبا مباشرة ورآهم اول مادخلت عنده سألني انتي بتكتبي باليمين ولا اليسار ؟؟ قلتلو : باليسار < كانت خايفة من الأبر وحطلي 3 ابر بأذني الي باليسار وابرتين باليمين ايش الحكمة !؟ ماأدري .. الأبر الصينية هي خمس ابر وزعت على الاذن اليمنى واليسرى بسعر 300 ريال وعطاني زي الكيس ينحط حوآلين الأذن علشان لما تستحمي ماتطيح وهو قال اصلا ماحتطيح الا اذا انتهى مفعولها سبحان الله وترآها ابر صغنونه جدا ويحطها بلزقة صغيرة بلون الجسم ويلصقها بالأذن وماتبين الا اذا الواحد دقق زين فيكي المهم صراحه مابينت معاي النتائج بالايام الأولى بس قالي الدكتور لازم تتبعي نظام غذائي صحي يعني اخفف من اكلي وابعد عن الاشياء الي تنفخ الجسم زي الحلويات والشبسات والمشروبات الغازية وهيك شي من هالأشياء المعروفة المسببة للسمنة + اني امارس رياضة او المشي لمدة نصف ساعة أو ساعة كامله علشان يتشد الجسم لانو قال : كثير ناس ينحفو كثير وبعدين يفكرو يمشي ويروحو النادي علشان يشدو جسمهم لكن ماراح يكون في امل ابدا لأن جسمهم ترهل فقال لازم اول ماتفكري تسوي رجيم لازم وضروري انك تمارسي رياضة معاها او تمشي علشان مايترهل الجسم المهم صراحه لما حطها لي ماعورتني ابدا وإلى الآن ماتعورني نتائجها حلوه تسد نفسك عن الأكل وانا الحين صرت عطيتها برمضان نحفت 6 كيلو بشهرين وهذا من دون ريجيم ومشي متقطع وماكملت وانقطعت عن المشي وصرت اكل عادي زي اول بس ماشاء الله وزني زي ماهو لازدت ولاحاجه وفي قابلية اني انحف يعني لو سويتها وراح مفعولها بعد شهرين عادي مابيزيد وزنك |
فكرة حلوة ,, والطماطم يسد النفس عن تجربه صرآحة
شكراً على الطرح |
والله انا مثلكم اعاني من زيادة الوزن وسويت المستحيل بس رياضة ماأقدر اسويها لأسباب صحية وايضاً السكر رغم انني لأكل الحلويات سبحان الله وراثة ولاكنت ادري عنه الى بالصدفة اكتشفته لأن كانت حرارتي دوووم مرتفعة ولأعرف السبب وبطني منتفخ كأني حامل سألتني الدكتوره اسأله وبالصدفة تقولي انتي حللتي للسكر قلت لا ماعندي الحمدلله سكر قالت نسوي تحليل ونشوف النتيجة وبالفعل طلع معي سكر انصدمت بصراحة لكن زوجي الله يهديه قطع علي طريق المتابعة وبس يطلب مني انقاص وزني ودوم يقولي اكلي صارت حياتي بس قلق من كل شيء ودوم كانت معي التهبات وارتفاع بالحرارة ودوم دمي نازل عن المستوى الطبيعي للأسف والكوريات البيضاء مرتفعة وبعدهااا مرضت وتسخنت لدرجة حسيت بالموت وقررت الرجيم الي يناسبني وهو اكل كل شيء بأعتدال ومن غير زيوت ولارز ولاخبز بس سلطة وخضار مسلوق بلي تنزل الوزن بشكل طبيعي وشرب ماء مستمر والشاي الاخضر وبدون سكريات بكل شيء واحياناً من غير عشاء واذا حسيت بجوع فواكة او جبنه بيضاء مع طماطم تعطيك الشبع وتسد جوعك وبعد صبر ومعاناه نزل وزني 5كيلو بس والله يابنات اني فرحت كان من المستحيل ينزل غير 2 كيلو ويرجع يصعد مرة صعب نزول الوزن مره تعبت والله يابنات لما اروح ازور اهلي بالشهر والشهرين ارجع نازل وزني رقم اني ماأحرم نفسي من اي شيء بس السبب النفسية لها دور .. والله طولت عليكم بس القصد الي حولك هم سبب معناتك الله يعين الجميع تقبلووو مني أجمل تحية متواضعة وأسفة على الإطاله |
جزاك اللة الف خير على هذة المعلومة, انا اكتشفت ان الشرب مع الاكل يخفض الوزن سواء كان مع الفطوراو الغداء اى مشروب عصير او شاى بدون سكر لأن المعدة تمتلى بسرعة ويتوقف الشخص عن الاكل وتقل السعرات الحرارية.
|
ماشاء الله طيب نحفي كم كيلو
|
| الساعة الآن 10:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©