|
مقاسات الملابس
كيفكم يا صبايا
إذا صار كل جزء من جسم الوحده يتبع مقاس يعني صاير تباين في أجزاء جسمها فهل تختار الملابس تبعا لأكبر محيط عندها في جسمها ؟ وكيف إذا اعتمدنا هذا الأمر هل نقوم في كل مره بتضييق الأجزاء اللي تكون واسعه ؟ كذا بيكون غير عملي وايش فايدة الملابس الجاهزة إذا بنعدل في كل مره واطلعت على بيانات المقاسات في الانترنت فوجدت أنها تتفاوت وهكذا هي في المحلات يعني في الأخير دائما نشتري بالاضافة لاعتمادنا على المقاس التقدير ومو دايما تضبط شكل الموديل يأثر وحتى الخامة المستخدمه أنا أكره الترجيع والاستبدال أحسه يزهق ومرات ودك تجربين المقاسين الأقرب لك من نفس القطعة فلين تآخذين وحده البيت صعبه تروحين ترجعينها وتآخذين المقاس الثاني وترجعين البيت ثاني وتجربينه ممكن يطلع أنسب أو لا فيطلع الأول اللي استبدلتيه أنسب على علاته |
انا عن نفسي اخذ معاي للسوق بلوزه واقيس على القطعه اللي ابشتريها
بس مشكلتي بملابسي الداخليه |
مقاسي عادة معروف هنا .. عادة المقاسات الاوربية تكون مضبوطة
و احيانا حسب موديل الملابس تتغير المقاسات مثلا اذا كان موديل البلوزه ضيق جدا و انا حاباه فضفاض .. اخذ اكبر من مقاسي شوي و بالنظر اعرف الحمدلله .. بس كانت تواجهني مشكلة .. اذا اشتريت طقم قطعتين او بجاما قطعتين فا لازم احد القطعتين ما تجي علي و عندي صديقة مقربة جدا جدا بمثابة اخت عندها عكس مشكلتي فا كنا نشتري نفس الطقمين و نتبادل القطع :) قياسات البناطيل او التنانير تعرفيها من الاكتاف ( هذه سمعتها مادري وين :) بس المهم سمعتها من حد تمسكي التنورة و تحطيها على الكتف من ورا و اذا جت من الطرف للطرف معناها راح تناسبك ان شاء الله او يحطوا الذراع جوا خصر التنورة و لو وسعت الذراع معناه راح تناسبك |
الملابس الداخلية لها طريقة في القياس ..
اولا خذوا القياسات الموضحة بالصور و بعدين طابقوها مع الجدول التالي http://www.chromfashion.com/images/d...s/bra-size.jpg مثلا اذا كان القياس (1) من 63 الى 67 فا قياس محيط الصدر هو 30 و قياس (2) من 75 الى 77 فاقياس قصعة الصدر هو AA يعني القياس النهائي بيكون 30AA اتمنى يكون واااضح لاني فااشلة بالشرح :) |
اختي اكيد تعتمدي على المحيط الاكبر و تصغري بعض الاجزاء .....
اختي انا اعتمد على الشبر في اختياري اقيس محيط الوسط ثم محيط اكبر حجم....(الارداف) وطبعا الاجزاء العلويه تقيسي بشبر محيط الصدر والخصر ممكن يتضيق...اتمنى فهمتيني ... وصديقتي تعتمد على متر صغير تضعه دائم في حقيبتها ومسجله مقاستها في ورقه... اما مسألت الاختيار بين المقاس الافضل بصراحه انا كثير يصيرلي كذا فأخذ القطعتين واروح غرفت القياس اقيسها بسرعه واختار الافضل وارجع وحده واشرط على البائع اني باخذ قطعه وبشوف الانسب..... اذا معي قيمتها حاسبت عنهم كلهم ولرجعت القطعه يرجع افلوسي واذا مامعي يبقى زوجي رهينه عندهم لين ارجع من غرفة القياس:d واذا كان لديكي تحفظ على خلع الملابس بغرف القياس فانتي غير مضطره لكشف وجهك او خلع ملابسك يمكن قياسها من تحتها... واما مافائدت الجاهز اذا بنعدل فيه ...فيبقى للجاهز جماله وتميزه من حيث الخامه والالوان والموديل ... اتمنى اني جاوبتك على جميع اسألتك وافدتك. موفقه خير.. |
اقتباس:
والله أستصعب آخذ معاي بلوزه وأقيس عليها بعدين الفساتين والأشياء قطعتين كلها تفرق والملابس الداخلية أنا مو دايما تضبط معاي خصوصا مع تغيرات الحمل والرضاعة على إني مجربة الطريقة اللي شرحتها الأخت نوره جزاها الله خير وفي مواقع بس تدخلين قياساتك تحسب لك شاكرة مرورك |
اقتباس:
وايش بيكون الأحلى بعض المحلات حفظت مقاسي عندهم وبعض المحلات اللي مو عادة أشتري منها أتوهق ماأدري آخذ هذا المقاس ولا ذاك ومادري صراحة فكرة مطابقة الكتف من ورا أحسها طريفة طيب لو وحده عرض أكتفاها أكبر من تحت ولا العكس لكن بجرب على اللي عندي في البيت أشوف تضبط معاي ولا لا بعدين أعتمدها والملابس القطعتين مع بعض والفساتين دايما تسبب لي مشكلة خصوصا الفساتين مناسبة من جهة وما تدخل من الثانية والله يعين المقاسات الحين بعد الزواج مو ثابتة شوي ننحف شوي نمتلىء والملابس الداخلية مع الحمل والرضاعة أنواع التغير شكرا لاهتمامك وجزاك الله خير على شرح مقاسات الملابس الداخلية الله يسعدك |
اقتباس:
صراحة فكرة تعديل الملابس الجاهزة مزعجة بالنسبة لي يعني يكفي تعب الدوران في السوق بعد بنلف على الخياطين والمشاغل ومين اللي بيضبط تصليح الملابس الجاهزة لأن مو الكل يعرف لها فدائما أتمنى آخذ ملابس تصير تمام مضبوطه علي عشان ما أشيل هم تصليحها لكن يبدو فينا فينا تصليح بعض القطع اللي نشتريها لأن مقاساتالجسم ما تصير ما تطابق القطعة بالكامل لازم أجزاء تحتاج تعديل وفكرة صديقتك اللي تآخذ متر صغير مره عجبتي الله يجزاك وياها خير بكذا ايش ما صار الموديل ولا المحل اللي نآخذ منه نقدر نقيس القطعه ونقارنها بقياساتنا أما بالنسبة لغرف القياس ما أطيقها وما أقيس إلا فساتين السهرات وقمة القرف بس فكرة إني آخذ القطعتين ما طرت لي خصوصا إني أقدر أرجعها وآخذ فلوسي مع الفاتوره كل محل وحسب أنظمته الله يعطيك العافية وشاكرة اهتمامك |
هلا عسوله والله مره فرحت اني قدرت افيدك ....
اما مسألت القطعتين اختي اشرطي على المحل سواءً ماركه او عادي انك بترجعي وحده ماراح تاخذي الا وحده لان المحلات العاديه احيانا مايكون عندهم نظام الترجيع .... والماركات احيانا يكون عندك فرصة ترجيع وحده ويحسبها عليكي ولا يرضى مثلا لو بتغيري اللون بعد كم يوم او ترجعيه كله لذلك انا صرت اقولهم لاتدخلها بالكمبيوتر خلي المبلغ على جنب عشان لايحسب الترجيع علي وانا بصراحه اروح اقيس بغرف القياس بنفس السوق ومثل ماذكرت كثير ما احتاج اني انزل ملابسي اكون عامله احسابي بلبسي اني اقدر اقيس من تحت التنوره والبلوزه قطن ماسكه على الجسم عشان اقيس من فوقها...لان زوجي يزعل مره لو رجعت للمحل مرتين وانا بعد اتعب يروح الوقت ونزلات السوق على لبس واحد روح وارجع قيس وبدل ولا رجع عشان كذا صرت اقيس اللي ارتاب فيه لو ماضبت معي الاشبار او شكيت بالموديل بيجي حلو علي ولا لأ............... وكل عام وانتي بخير.. |
من جد الترجيييييييع مشكله
يطفشنا ويطفش الرجال التنوره اعرف انها مقاسي احطها على وسطي ولو وصلت لعظمة الحوض من الطرفين يعني تجي اما البلايز شوي حوسه معاها بس ماما تعرف بالنظر تقولي دا يجي دا لا |
المقاسات أمريكيه أو أوربيه أو صينيه لكل منهم مقاس خاص ..
يجب أن تعرفين مقاساتك .. هذا اللي عندي .. |
سبحان الله في محلات بيختصرو ويوفرو بالاقمشه
مقاساتهم مزعجه لحد الان ما ارتحت بملابسي الا مع Debenhams و Dorothy Perkins اثبتي على كم محل اشتري منهم في نقطه ثانيه المقاسات الانجليزيه تلخبط اعتمدي القياسات الاوربيه 38 =8 40=10 42=12 44=14 46=16 48=18 في محلات تبيع مثلا ال38 قياس 10 هنا تحصل اللخبطه و في محل هنا اسمه Primark هذا ما انصح احد يشتري منه لانه القياسات عندهم عدم اصغر من المحلات الثانيه بقياسين على الاقل حتى بملابس الاطفال وما اعرف لحد الان الناس ليش تشتري منهم ؟؟ |
في بالاسواق شي اسمة غرف القياس تكون قريبة من الحمامات اعزكم الله
|
غربة .. تصدقي انتي اول وحدة اشوفها تمدح بمقاسات دبينهامز :)
مقاساتهم صغيرة و لا يمكن اللي عندنا غير اللي عندكم :) ابني بلبسه مقاس اكبر من عمره عشان يجي عليه مقاسات نكست تجي مضبووطة بس دبينهامز لا مادري ليش ممكن على الكبار تضبط احيانا لكن على الاطفال ابدددددااااااا ابني عمره سنتين و اخذ له تبع ال 3 سنوات عشان يناسبه .. و مقاسات بريمارك العكس بحسها كبيرة بلوزاتهم مقاس 10 تجي كبيرة و ملابسهم الداخليه و حتى ملابس الاطفال مرة شريت بجاما من عندهم ليوسف ..رغم انها على عمره لكن طلعت كبييييييرة ... كولور... مالك الا تاخذي القطعتين للبيت و تقيسيها و ترجعيها :) |
نورا فعلا قصدي مقاسات الكبار
تجي مزبوطه كانك مفصلتها هلايام عاملين على ملابس السيدات اشتري قطعه و خذي الثانيه مجانا اشتريت منهم بنطلونات و بلايز المهم 10 قطع طلعو ب37 باوند و فرحانه لان البنطلونات طويله و تغطي القدم كمان:17: (( الملابس الي اصلا بلتخفيضات )) اما الاطفال انا عموما احب اطفالي يلبسو اكبر من قياسهم فضفاض حتى التي شيرت يكون كبير عليهم ما احب الضيق يطلع شكلهم مرتب :22: ،،،،،،،،،،،،،،،،،،،،،،،،، بريمارك ابدا ما ناسبنا ،،،،،،،، اتعقدت من الترجيع اخر شي بطلت ما اشتري منهم الا لما ينزلو ويخلو ام العشره بباوند و يكون ملابس داخليه او ملابس للعب بلحديقه |
اقتباس:
ويبقى القياس في السوق عندي مشكلة والله يعيني على نفسي غير انه طفش وصعب أفك العباية ولا من تحتها فوق الملابس غرف القياس تصير بعيدة وأنا وحده عجازة كل شوي بروح أجرب هذا غير إني مابعرف أقيم مع الانزعاج اللي أكون فيه فما أقيس إلا ملابس السهرات لأني من وين لوين أشتريها وربما لأني مو متعودة فأستصعب مسألة القياس في السوق لو أجبر نفسي كم مرة يمكن تمشي ما قصرتي يالغلا وشاكرة لك اهتمامك ومساعدتك جزاك الله خير والله يبارك لك في رمضان وييسر لك صالح الأعمال |
اقتباس:
صحيح أحط التنوره على وسطي في المحل بس مثلا لو كانت جينز ما تنفع دائما هذه الطريقة والبلايز يا تسوي مقاسك بالشبر مثل ما قالوا لي الأخوات أو فكرة المتر الصغير في الشنطة واللي عجبتي وإن شاء الله بأطبقها أسعدني مرورك وكل رمضان وانتي بخير |
اقتباس:
بسبب اختلاف الشركة هذا التحويلات بعض المرات تفرق حتى لين تبحثين بالنت وتقسين نفسك وتشوفين مواقع تطلعك s مثلا وأخرى m جزاك الله خير وكل رمضان وانتي بخير |
اقتباس:
وعلى كلامك فعلا بعض المحلات يختصرون ويوفرون بالأقمشة وأنا ألاحظ هذا في الملابس اللي أشتريها للصغار ومحل Primark اللي قلتي عنه مو موجود عندنا شاكرة جدا مداخلتك والله يوفقنا واياك لصالح الأعمال في الشهر الفضيل |
اقتباس:
لكني ما أفضلها كثير القياس فيها صعب ومقلق بالنسبة لي غير الزحمة وغير بعد موقعها فودي قدر الإمكان أستغني عنها شكرا لك وكل عام وانتِ بخير |
اقتباس:
لكن عادة أركب القطع أساسا اغلب السوق صاير كذا أما البيجامات اللي بقطعتين آخذها على مقاس الجزء الأكبر ويمشي حالها حتى لو صارت فضفاضة من مكان مشكلتي الأكبر مع الفساتين واللي آخذها البيت وأجرب وأضطر أرجع لو ما صارت مناسبة شكرا لك ومبروك عليك الشهر الله ييسر لنا فيه صالح الأعمال |
:) ، أكثر مقاسات ضابطه معاي
نيكست وزارا و إتش آند إم :/ وأكثر مقاسات أكرهها ... تبع مانغوووووووو عذاب ! |
| الساعة الآن 05:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©