|
تسلط اهلي على مهر اختي
السلام عليكم
راح ادخل بالموضوع لانها ضرووري وهـــــــــــــامـ اختي تملكت وزواجها اول العيد ان شاء الله والمهر 50 الف ابوي اخذ 30 الف بالغصب وعطا اخوي الكبير 5000 ريال بالغصب عن اختي وامي اخذت 5000 ريال غصب عنها وبقا لها 10000ريال اسالكم بالله هذولا اهل وقسم بالله اختي تدق علي كل يوم اتعذب لما اسمعها تشكي وتبكي من العذاب اللي هي فيه لاني مجربه نفس الشي وحلفت امي انها ماتشتري قمصان نوم المشكله امي غيور بشكل فضيع تقول انا ايام زواجي مارحت لسوق وش الدلع اللي انتم فيه المشكله رجال غريب مو منا لو سال وقال وين المهر وش تقول المسكينه قسم بالله ماني قادره استوعب اللي انا فيه وحلفت امي انها ماتاخذ فستان حتى ايجار ودقت على خلق الله اللي بناتهم تو تزوجو تطرهم فستان لزفاف اختي ياناس والله يمكن محد يصدق اللي اقوله ورب البيت اني مازليت عليكم تخيلو اختي في يومين بس انخفض السكر عندها وارتفع الضغط قدرة الله ادعولها تكفووووون الدكتور يقول حالتها تعبانه مررررررررررره ولو ماجبتوها كان توفت امانه تكفون ابي اساعده واشتري لها حتى الذهب ماشافته تقول ماحسيت اني عروس ابدا" وربي راحمتها تعبانه نفسيتها كانت بتهرب من البيت بس انا هديتها بس المشكله زوجي حتى انا مو موظف طالب وحالته صعبه حتى زواج اختي يمكن ما احظره بس تكفون ياهل الخير اللي يعرف فاعل خير يدلني عليه ابي مساعدات ابي اساعدها باللي هو بس قسم بربي لادعيله اللي يدلني وربي ظروف صعبه جدا" نعيشها انا واختي انا عاني من مشاكل نفسيه وتعبانه انا كنت اهلي صايره لي مشاكل مع زوجي وكانت امي تضربني وانا ام وتقول روحي اشتغلي قسما" بالله تضربني قدام اخواني ويضحكون وابوي جالس وتضرب ولدي عمره سنه ماتناديه الا اليتيم والله ياناس حاله صعبه ما اقدر اكمل بس ادعولنا تكفون اللي يعرف احد يساعدني |
إذا عندكم هذه المشاكل .. فالأسلم لها ألا تهرب بل تتزوج و تخرج مما هي فيه ..
عسى الله يفرجها .. عزيزتي .. تجري الرياح بما لا تشتهي السفن .. ليس دائما نحصل على كل ما نريد .. الأسلم لها أن تساير أهلها .. و حاولي تشتريلها بباقي المهر .. بحدود بسيطه .. و انتهى الأمر .. و تتزوج و تكون بحياه جديده .. و لا تذكر أهلها إلا بكل خير عن زوجها حتى و إن كان طيب .. لأنه بمرور الأيام لا تضمنه .. يمكن يتغير عليها .. أعرف قصص مشابهه لأم توفي زوجها و عندها 9 بنات و ولي امرهم أخوهم و مجنون ليس كامل الأهليه .. زوجتهم و أخذ كل المهر .. لكن نحن عندنا نشتري بغير المهر مال خاص لذلك .. و يأخذ منه .. و زوجتهم أفضل زيجات تقريبا كلهن ناجحات ما عدا واحده .. أعرف قصه واحده تزوجت بعد عناء طويل لأن الوالد لا يريد تزويج أحد من بناته .. حتى مهر كله أخذه .. فستان كان تفصيل من عند الزوج .. صبرت و الآن عندما سألت أمي عنها .. ماشاء الله زوجها ليس أفضل منه بالأخلاق و الإلتزام .. ماشاء الله الله عوضها لأنه أبوها الله يهديه .. و كثير من القصص .. |
اااااااااه والله نفسيتي تعبانه مرررررره ادعولي
ماعاد احب اسمع مشاكل بس اختي تقطع قلبي اذا شكت لي مالها غيري بعد الله سبحانه |
|
الله يجزاكم خير يارب
|
الله يفرج همكم
|
امــــــــــــــــــيـــــــــــــــن
|
وش هالطمع حسبي الله عليهم ؟
|
حبيبتي .. مابيد اختك الا الدعاء و الاكتفاء باللي عندها الحين
شوفي قوني اتصلي عليها وقويها و شجعيها .. قولي لها مو مهم الللبس و التجهيز الان المهم بس تتزوجي و تروحي لزوجك و تخلصي من هذه الهم .. شجعيها تقوم تصلي و تدعي ربي يسهل لها امورها و اتفقي معاها تتصرف بال10000 هذه و ربك يدبرها الفستان دوري لها شي مستخدم .. بس من بعيد مو من الاقارب .. و مافي داعي للتجهيزات الكثيرة .. يعني شوفي الاماكن اللي تبيع اشياء رخيصة و تشتري طقمين و لا 3 و ملابس نوم خفيفة .. و حتى اذا انتي معاك شي جديد اعطيها ياه و بالنسبة للذهب اذا قدرت تشتري من ال 10000 شي خفيف تشتري و اذا ماقدرت خلاص .. تستغني عنه و امرها لله الاهم انها تتزوج و تخلص و تنتقل لعند زوجها و ان شاء الله يطلع ولد حلال و وصيها لا تقول له انه ابوك اخذ الفلوس بالغصب .. و انما تقول له انه ابوك كان عليه ديون و محتاج الفلوس ضروري فا اعطته ياهم و ان شاء الله زوجها يطلع طيب و يعوضها باذن واحد احد يعني حاولي ترفعي من معنوياتها مو انتي كمان تحطميها... خلاص ربي بلاكم باهل قاسيين .. لا تقعدوا تندبوا حظكم لكن دوروا عن طرق تستغلوا فيه المبلغ اللي معاها ولو باشياء بسيطة و تتموا الزواج و خلااااص الله يسهلها امورها و يبارك لها في زوجها و يااااربي يكون نعم الرجل الصالح اللي يعوضها عن اللي شافته |
الله يفرج عليكم.............
|
انا اقول لك ردي مثل رد الاخت الكريمه "الله كريم "
اهلك اسمحي لي واضح انهم ما يخافون الله فيكم ، ولكن وش العمل وهم الاهل والعزوة اختك ما لها غنى عنهم وإذا طالبت بحقها يمكن يعادونها ، والزوج ما تقدر تستعين فيه لأنه ما تدري بالزمن وما يسوي الحل لأختك هو الصبر ثم الصبر ثم الصبر والصبر مفتاح الفرج خلها تسوي العرس على الضيق ، في حدود المبلغ أللي عندها ، وإذا زوجها سألها عن المهر تقول له إنها عطته اهلها لأنهم محتاجين جداً جداً ، وتطلب السماح منه ، وما تقوله على الحقيقة ، لأنه يمكن لين عرف يسوي سالفة كبيره ومشاكل مع اهلها وبعدين هي راح تخسر اهلها ويمكن بعد تخسر زوجها ، ومن لها بالدنيا غيرهم . إختي مشكلة اختك ألحين اكبر من مشكلة فلوس وعرس ، مشكلة اختك ألحين هي كيف تقدر تروض نفسها على الصبر وما تستسلم للأحزان والهم لانها ممكن بالهنفسيه اللي فيها تدمر حياتها خلها تفهم ان الفلوس تروح وتجي وإن بالفلوس الواحد يقدر يأدي طاعة الله عليه في صلة الرحم وبر الوالدين ، وإن فلوسها اللي راحت تعتبرها ثمن للسعادة اللي ممكن تحصل عليها في بيت جديد وحياة جديدة .. وخلها تعرف إن "من يتقي الله يجعل له مخرجاً ويرزقه من حيث لا يحتسب" إذا اهلكم باعوكم علشان المال إنت اشتروهم بالمال ، ترى الثمن تقبضونه عند رب العالمين ، في الدنيا قبل الآخرة .. صدقوني انت مهمتك ألحين يا اختي انك ترفعي من عزيمة اختك وتهوني عليها امر المال والعرس والسمعة بين الناس ترى اللي جاي لها اكبر من اللي راح منها بإذن الله تعالى وخلها تستعين بالله العظيم نعم المولى هو ونعم النصير سلام |
المشكله ياناس فوووووووق ماتتصورون
اهلي سحبو باقي المبلغ والصرافه باسم ابوي واي شي تسحبه اختي تجي رساله ع جواله امي اخذت العشره الباقيه وراحت تفصل غرفه لها وفصلت مطبخ وفرشت البيت وصبغت بويات ياناس قهر يبونها تموت قهر المشكله امي دايم تدعي تقول جعلها تموت علشان مايصير زواج وافتك انتم يمكن ماتتخيلون الحقد والكراهيه اللي في امي علينا ورب الكون مازليت عليكم بحرف الحين ابي حل |
للاسف أن بعض الاباء والامهات والاخوان يجدون مهر المراة حق لهم وهم يعلمون أن الاسلام قد جعل المهر حق للمراة فقط هي التي تتصرف فيه ومن واقع هذه التجربة فان الزوج يردي أن يرى من الزوجة كل شيء جميل من ملابس وعطورات ومكياج ..... الخ وتفنن في ذلك وما تقدمة الى بيت من مساعدات مثل غسالة أو متطلبات المطبخ وغيرها من الامور التي يشعر بها الزوج أن الزوجة ساهمت معه في بناء هذا البيت فهذا سوف يجعل الزوج يقدر أهلها وأنهم لم يرموا بنتهم من أجل المال
لكن أهلك وضعوا العراقيل في الزواج والله يستر على مستقبل هذا الزواج أعلم الكثير من الاباء يدفعون من جيبوبهم من أجل اغزاز بناتهم وعدم التقصير عليهن أمام الزوج حتى يشعر الزوج بمدى كرم هولاء الاباء بل هذا يدفع الزوج الى التفكير الف مرة حينما يحصل سوى تفاهم بينه وبين زوجتة فيتذكر كرم الاهل والوقف معه لذا ترائه يتراجع دون أن يلحق الاذاء في هذه الزوجة هذا من وجهة نظري وهذا الذي أنوي أعمله من ابيني إن شاء الله إذا احد تقدم لها وهو مد يد المساعدة لها وله والإغداق عليها وليس الاخذ منها أسال الله لاختك الفرج وأن يتفهم زوجها وضعها وأن يتنشلها مما هي فيه |
أختي تصبر و تصبر و الفرج جاي بالطريق ..
ماذا عساها تفعل .. لا شئ .. تتزوج بالقدر البسيط ع فكرة السعاده ليست بالمال .. أجل قد يكون سبب و لكن ليس أساسيا للسعاده ... ماذا يعني لوتزوجت بالقليل ,, بعد 10 سنوات إنما هي تزوجت و خرجت من منزلها عن رجل كريم يحسن معاملتها ,,, هل سيفرق عندها إن تزوجت ب5000 أو 500000 ألف ... نفس الشئ ... الأهم أن تتزوج .. و الله يتمم لها على خير .. لا تجعلي من المال عرقله لزواج أختك ... |
جزاكم الله الف خير
بس انتم مافهمتو قصدي اللي بيتزوج اختي مو منا عارفين يعني من الناس اذاشافو شي مايسكتون وخالته مكلمتني وتقول خلي اختك تشتري اشياء حلوه لانه بيسوي حفله ثانيه عندهم بالدمام والله ياناس ماشرت شي عليه الكلام انتم يالبنات حطو نفسكم بمكانها قسم اني راحمتها يعني شي يفشل صدق كيف اذا قالت عطيته اهلي وظروفهم تعبانه بيقول اهلك ماشافوا خير فقراء انتم واشياء كثيره متوقعتها واختي رفضت الزواج بس ابوي مصر علشان مايرجع المهر |
أختي .. إن شاء الله زوجها يتفهما .. و الله الفلوس مو كل شئ بالدنيا .. صدقيني ..
إن شاء الله بيحترمها و بيحبها .. و عادي إذا حبها بسامحها .. يمكن الله عوضها بالشخص .. في مقوله دائما من أختي الله يحفظها يوم أكون متوترة و عندنا مناسبه .. الجمال ليس بالفستان و غلائه و من أي مصمم .. هنالك جمال اسمه جمال الروح و أناقه الإنسانه في مشيتها و ابتسامتها و تعاملها مع الآخرين .. هذا يضفي جمال على أي فستان أنه يكون الأفضل .. بالتوفيق .. الله يعطيها على نياتها .. |
يعطيك الف عافيه
الله كريم |
انا اللي اعرفة ان الاهل يعطوا البنت عشان تكمل تجهيزها
يعني انا اخذت من عند ابوي 20000 زيادة غير مهري المهم قلبي لازم تصبرينها وان شاء الله زوجها يطلع ولد حلال ويكمل لها تجهيز |
اختي انتي باي مدينه ؟؟؟
|
انا بالرياض
ادعولي ياناس تكفون |
وربي منقهره حدي
الله اكبر الله اكبر شنو هالناس بلا ذمه ولا ضمير وين احنا بعهد الجاهليه وحتى عهد الجاهليه ما سووي جذي لا حول ولا قوة الا بالله يالله فرجها ع هالبنت المسكينه وربي عاشت جو مع اختج ومعاج بس ما نقوة الا الله ينصر كل مظلوم ع ظالمه لا اله الا الله هذا لو زوجه ابوها ما تسوي جذذي والابو والاخوان عاقبتهم عند ربهم لازم تحاولين تجمعين لها مبلغ عشان تطلعينها قدام الحموله حلوه ولو ملابس بسيطه الله لا يسامح امج تراني منفعله وبقوة من فعلتها ذكرتني بيدتي الحين ويانا تبينا نتزوج بالقوة تلحق ورا ابوي تقوله اغصبهن الحمدلله ابوي فاهم وما يطيعها والسبب انها كانت قبل مظلومه وتبينا كلنا مثلها عاشت ظروف تبينا نتعايش هالظروف بعد الله يزيح همها الله يفرجها عليها لا اله الا الله باجر شلون تنزف شنو يقوولون عنها اهل زوجها بالغصب دازين بنتهمولا شئ بيدها وحتى زينه ماكو ع الاقل معطينها شئ تشتري ذهب شئ لا تيأسين اختي وحاولي تكونين سند لها حتى بعد الزواج لا تخلينها تزيد كربه سانديه اشتري لها بعض الاغراض ادري انج مثل ما قلتي الماديه بعد ما تسمح حاولي تدبرين شئ من اللي عندج ذهب شئ بس الصراحه لو مكانها لا قدر الله برفع قضيه على اهلي صبرت ع ظلمهم بعد ع زواجها يلحقونها اعرف وحده تزوجت وسوت مشاكل امها خلتها تطلق ورجعت تزوجت وتطلقت وتزوجت وتطلقت ثلاث مرات السبب الام تبي تاكل المهر !! خوفي يلحقونها بعد زواجها خليها تستغفر وايد وتقرأ قرآن لا يسونها اهلج بعد عشان الفلوس يارب فرج همها ويا فضيحتهم باجر ما يعرفون يسنعون انفسهم قدام الناس يسنعون بيتهم وانفهم بالمظر ونسوى ان بتهم ضيفه وبتمشي وبيجي يوم يحتاجونها يارب سخر هالاهل للمسكينه هذي يرب آخذ حقها منهم وعاقبهم ع فعلتهم باي حق باجر حتى لو تتزوج بيزعل منها زوجها لو شافها مو مسنعه وين مهرج اللي اعطيته لج !!!! روحي كلوه اهلج !! نفس كلامزوج لزوجته واقعه وسمعتهايوم تطلب منه فلوس عشان تشتري شئ اومحتاجه او تبي تسنع غرفتها يقول لها روحي جيبي 500 دينار اللي آخذهن اخوج فلان منمهرج واشتري فيهن ليش تطلبين مني وانتي بدل لا تشترين فيهن شئ تتسنعين لي ولزوجنا سلفتهين للناس !! يارب يكون زوج حنون عليها وينسيها الالمها وهمومها ويفج كربتها صج ودي اساعدج ما بيدي غير الدعاء يارب فرج همها |
تسلمين ياقلبي
والله يسمع منك والله وربي منقهره مثل اللي صار فيني مابيه يصير باختي قسم يوم تزوجت كان يعايرني باهلي يقولي يالفقارا نفسكم ضعيفه ماصدقتو بالفلوس ماشفتو خير وكل يوم يضربني لانه شايف ماوراي سند ويهيني وربي مايفكني منه الا امه الا هي عمتي وما عندي احد ياخذ حقي غير ربي سبحانه مابي اختي تشوف اللهي شفته |
اقتباس:
حاوليي انتي اختها الوحيده بكل ما عندج وربي يوفقج ويسعدج حتى لو بشويه لا تتركينها بترد لج هالمعروف ان شاء الله ربي يكون بعونج |
جزاك الله الف خير
|
الله يكون بالعون يارب
|
| الساعة الآن 10:40 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
