|
احب ولد عمي وابي حل
السلام عليكم ورحمت الله وبركاته
ودي اقولكم سالفتي ودي تساعدوني وتقولون رايكم فيها انا احب ولد عمي وهو اكبر مني بـ4 سنوات بس انا احبه حيييل ومن زمان وانا ودي اقوله اني احبه بس عاداتنا وتقاليدنا ماتسمح لي اصارحه واقوله اني احبه بس في الاخير لجأت للايميل خذيت ايميله وضفته عندي وكلمته وقلتله اني احبه وسولفت معه شوي بس ماقلتله منو انا او شنو اصيرله المهم قالي اسمحيلي بعطيج بلوك قلت لا لاتعطيني بلوك بسولف معك وكذا يعني قال خلاص يصير خير المهم اليوم الثاني دريت انه حذف ايميلي من عنده وزعلت وتضايقت حييييل :( ورحت ارسلت له رساله من ايميلي وكتبت له فيها اني نصدمت منه لانه حذف ايميلي المهم انا ابي اعرف اللي سويته صح او غلط ؟؟؟ وانا ودي اقوله من انا وشنو اسمي بس اخاف ياخذ عني فكره مو زينه بس والله ماسويت اللي سويته الا لأني احبه ..!!؟؟ تكفوووون ساعدووووني والله اني اثق في منتداكم لاني قريت مشاكل واجد وحلولها وحبيت حلولكم للمشاكل..:22: وقلت محد راح يساعدني غيركم..... :rolleyes: |
و عليكم السلام و الرحمه .. اقتباس:
بكل بساطه لأنه أعتقد أنه واحد مؤدب لأنه عاده اللي بس مؤدب و يخاف الله يلغي الإضافات البنات المزعجات .. فهمتي ... لا تعيدي هالحركه أبدا .. و لا تخبري أحد من أهله ... لأنه خطأ في خطأ .. استغفري الحين رمضان ,, الله يغفر لك .. اقتباس:
شوفي .. مثلا أخوي كان كير من البنات يتصلون فيه حتى بعد ما تزوج و أنا أذكر يوم كنت صغيرة أكثر البنات يوزعون ابتسامه له .. و حركاات .. كلهم لغاهم .. يعني ما تزوج وحده منهم .. مع أن أمي كانت ترشح له واحده منهم أذكر بس لأنها ابتسمت له .. رفضها .. تدري ليش ؟؟ لأنهم باعوا نفسهم برخص .. شوفي إذا تحبيه .. تقربي لأخواته .. إهديهم هدايا أي شئ .. كلميهم .. بس هو لا .. ع فكرة .. الأولاد اللي يسوون هالحركات إيميلات و مسجاات و من أرقام غريبه .. هذا إذا عندهم رغبه بالزواج من وحده .. أما الباقي بس للعب ... أما البنت المؤدبه نهائيا ما تكلم أي حد .. كوني مثل الأميرة .. كل شئ يوصل لباب بيتكم .. و انتي تاخذي اللي يناسبك .. الأميرة كل حد يسعى لرضاها بالطريقه الصح المتعارف بها .. أخبري مثلا أختك باللي استوى و خبريها أنه مثلا وحده تحب واحد و سوت نفس طريقتك .. أنتي قرأت هالكلام من منتدى و ما تذكري اسمه .. شوفي ما هي رده فعلها .. و أخبريها بقصه ثانيه .. عشان ما تكشفك .. شوفي ماذا ستقول ..؟؟؟؟ عليك بالدعاء أنه يكون من نصيبك .. و إذا ما كان .. ترى الله دائما يختار الأفضل للإنسان .. بس الإنسان دائما ما في شئ يعجبه .. |
مشكوره اختي (الله كريم 2010) ع النصيحه اللي ماتوقعت احد ينصحني اياها والله يجزاك كل خير يارب
وان شاءالله راح اسوي بنصيحتج |
إذا اعجبتك نصيحتي إدعيلي الله يعطيني كل اللي اتمناه إن كان فيه خير لي بالدنيا و الآخرة
|
امييين يارب يعطيك كل اللي تمنينه دنيا واخره
ويفرج كل همومك ياااااارب |
حبيبتي
الله يجعلو من نصيبك ولكن ايااااااااااااااكي تخبري احد باللي عملتيه مهما كان صلته فيك لا اختك ولا امك ولا اي احد ولا صديقه ولا ولا ولا ولا الايميل نفسو الغيه ربما حصل نصيب يوما ما ويكتشف ايميلك ويعرفك ورح يشك فيكي وانك مازال تكلمتي معه يعني تكلمي غيره ووقتها لن ينفعك التبرير اشغلي نفسك بحب الله سبحانه وتعالى ونحن في ايام فضيله اكثري من العبادات |
مشكوره اختي GREEN222 والله يجزاك كل خييير يارب
ولايحرمني من نصايحكم يااحلى خوااات وان شاءالله راح اسوي بنصايحكم اللي مثل الذهب وشكراً لك مره ثانيه والله يحفظ لك امك وابوك ياااارب |
حبوبة لاتستعجلين على نصيبك واللي سويتيه لايجوز ومو حلوة يعرف من إنتي عشان لاياخذ فكرة مو حلوة عنك صدقيني الحب قبل الزواج مايدوم للأبد خلك عالزاوج التقليدي أحسنا لك ولعائلتك الله يسعدك ويرزقك يارب |
ياقلبي ... اولا مفروض تفرحي انه سوى ديليت :) للايميل
معناه انه مو راعي بنات و خرابيط ... ثاني شي اللي سويتيه غلط .. لانه بياخذ عنك فكرة غلط ... اذا كان من نصيبك .. صدقيني مابتلاقيه الا داقق باب بيتكم و طالب ايدك اما اذا ماكنتي من نصيبه لو مهما سويتي ماراح يجيك فاخليك ببيت ابوك معززة مكرمة و خليه يفتخر باخلاق بنت عمه و ادعي الله بهذه الايام المباركة يجعله من نصيبك و ربي يستجيب ياارب عقبال مانفرح فيك على ابن عمك حبيبتي |
روحي مجروحه
و noora مشكروين خواتي كثييير كثيييير والله يوفقكم ع النصايح الثمينه والله مادري شلون اقولكم اني حيييل تاثرت بنصايحكم والله يكتب اللي فيه الخير |
اختي الكريمه
طبعا انتي غرفتي غلطك صديقيني راح يجي يوم في بيت زوجك وتتذكري تصرفك وتتندمي البيت تكون مرغوبه والكل يريدها عندما تكون عزيزة نفس محترمه وذات سمعه ولاترضى بالغلط واذا احد حاول يتحارش فيها توقفه عند حده ذيك الساعه تكبر بعين الشاب ويعزها ويحترمها ومايفرط فيها بس لو كنتي صاحبة حركات وعرف زوجك عمرك ماراح ترتاحي لان زوجك دائما يشك بك وماراح تتهني بحياتك معه وامني وثقي لو كان ابن عمك من نصيبك وقسمتك محد راح ياخذه غيرك واما اذا كان ربك ماكاتبه الك ماراح تاخذيه لو شنو سويتي لذلك عزي نفسك وقدريها ولا تسمحي لاحد ان يمسك عليك شيء غلط اكثري من الاستغفار في هذا الشهر |
انــــــــ بنوتة زوجي ــــــــــــا
مشكووووره اختي الله يجزاج كل خير يارب ع النصيحه |
غاليتي حبوبة أحمدي ربك انك ماغلطتي وقلتي له مين أنتي ؟؟
وألغي ايميلك وافتحي ايميل ثاني واستغفري الله بنية اذا ولد عمك فيه خير ربي ييسره لك وأدعي الله في الثلث الأخير من الليل والله يوفقك ويحقق لك ماتتمنين يارب ياكريم .. وباقي الكلااام ماقصروا الأعضاء كفوا ووفوا ... |
حبيبتي الي صارمعك شي عادي طبيعي
أنا لما كنت ف المراهقة أحب ولد عمتي و كنا أصدقاء نضحك و نتكلم مع بعض لحد ما أخته لاحظت ف انسجام بينا فكلمت كل واحد فينا ع جنب ان ف ايه بينكم حب؟ وطبعا انكرنا لأن بصراحة كان اعجاب فقط ع فكرة أنا كنت ف 15 و هو ف 25 بس حاليا برغم من اننا مرتبطين هو خطب وحدة و فسخت و أنا خطبني واحد ثاني مش من العيلة برغم من كدا أحنا لحد الأن بنضحك و نتحاور مع بعض لما اروح بيتهم و هو يجي عندنا أصبح كأخ ليا و ف الأخر احنا أهل و نعر بعض |
تبغين نصيحتي انسيه
الرجل الخليجي مستحيل يفكر يرتبط بوحده كانت على معرفة سابقة به بالخش والدس ولا حد يقولي فيه رجال إلي يقول كذا كذاب راح يفكر فيك تفكير مو كويس هو ممكن يمشي معاك ويمثل دور انه يحبك علشانك تحبية لكن مستحيل يتزوجك مستحيل المسلسلات إلي نشوفها كلها من نسج الخيال يعني لاتصدقو الحب الي يصير بالمسلسلات يعني لو جينا لأرض الواقع مو موجود الحب يجي بعد الزواج او قبلها اذا كان من طرف الأهل يعني يحبها من سمعتها من كلام اخواته عنها |
مطلقة صغيرة
جنافوزي حلوة المعاني مشكوووووورين والله يجزاكم كل خير يارب والله نصايحكم ذهب وربي يعطيكم العافيه |
الحب من الله انا عارفة انه شى مو بيدك بس خلك عاقلة ورزينة ربما تكوني بيوم من الايام زوجته وياخذ عنك فكرة سيئة انك خفيفة وطائشة وتصرفه معاك عين العقل بالعكس هذا يزيدك فخر لولد عمك وصح تصرفه معك المفروض ماتزعلين لانه مايكلم من هب ودب
وبعدين لو تحبينه صارحي امك وخلي الاهل يتدخلون بالموضوع ربما يكون من نصيبك والرسول قال (لاارى للمتاحبين الا النكاح ) |
انتبهي تعترفين له بحبك او تكلمينه سواء بالجوال او الاميل
بعدين يعايرك ويقول لو فيك خير ما كلمتيني واهلك ما يدرون الله يجعله من نصيبك يارب |
اختي الكريم تصدقين و الله اني كنت احب ولد عمي بس كنت كاتمه و تخيلي تغربت لمدة عامين بسب الدراسة و لكن الدي حدت معي و الله معجزة انه عندما قرر الخطبة اتصل بي و ابلغني انه يحبني مند ان كنا في التانوية و انه تردد في البوح لي
و الله لما اتدكر الي صار اقول سبحان الله نصيحتي لك اصبري اختي و الله لو هو من نصيبك حيجي هو و يطلبك بنفسه |
تقولين ما في علاقه تدووم بدون الزواج واذا تزوجت واحد ما تحبه
انا يوم اتخيل اني ابي اخذ واحد غير ولد عمتي اصير ابكيي ابكيي وتجينب حالت اكتئاب مو طبيعيه مع العم انه عمري 13 يمكن الي تكتبون ردود غلط في غلط ما حطيتم نفسكم مكانها |
مشكووووووورين خوااااتي ع الردوووود
اللي توسع الصدر وتجبر بالخااطر لاهنتم ع الرد حبااايبي |
| الساعة الآن 09:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©