|
امي جرحتني((مستجدات في الرد22))
السلام عليكم ورحمة الله وبركاته
كل عام وانتم بخير وصحة وسلامة وعساكم من صوامه ويقيامه وينعاد عليكم بالصحة والعافية وكل الاماني الحلوة.. لا اعرف كيف ابدا كلامي المشكلة من نوع اخر انا صارلي فترة عند اهلي وكما تعلمون اني جيت ارتاح عندهم شوي عشان ماحتك بزوجي ونبعد عن بعض شوي وعن المشاكل وجلست في ديرتي مع الاهل طبعا الاهل هي اختي الاصغر مني وامي الوالد متوفي وامي متزوجة من امريكي بس مسلم هو جالس معها في بيتنا وكم مرة قلت لامي خليه يشتري بيت له وروحي معه تطنشني او تزعل طبعا ماارتاح في بيتنا ابد ونفسيا مااقدر افك حجابي عنده ولا اخذ راحتي في البيت ويتكلم بصوت عالي ومتنرفز على طول وطبعه مرة شين وانا احترمه لاجل خاطر امي حتى مرات يشخط فيني ومرات يعاملني زين مافهمت له متقلب هو بزنس مان يسافر امريكا ويرجع والحين رمضان قلت لامي تكفين خلينا نرتاح منه شوي واشبع بالجلسة معك لانه من يكون معها مستحيل اقدر اتكلم مع امي كلمة على بعضها ,,قامت تصارخ بوجهي وقالت لي روحي بيت زوجك اذا مو عاجبك جلست ابكي وسكت ورحت بردت حرتي بالشغالة وقلت لها روحي نظفي غرفتي طبعا الشغالة لمن سمعت اهانة امي لي قالت انا مب فاضية انظف جن جنوني وقعت اصارخ وابكي لاني حسيت ان الشغالة ماحترمتني وخاصا لما جلست امي تقولي روحي بيت زوجك وازعجتينا ومن ذا الكلام الجارح المهم حبيت ان الشغالة ماتجلس في البيت وخاصا لما امي حطمت بقيمتي قدامها وصار ترد لي كلمة بكلمة لا تقولوا عني متكبرة والخدامة مو ادمية والله اني اعاملهم احسن معاملة ..ثاني يوم طلبت من امي ياتغادر الشغالة ياانا قالت لي انتي غادري والشغالة ماراح افكها حسيت اني رخيصة وان امي جرحتني بالحيل جلست اللم هدومي وشوي هي دقت على خالتي عشان تمنعني اني اسافر يعني امي ماتقدر تجيني تقولي لا تروحي او تراضيني كلمت اختها عشان تكلمني .استحيت من خالتي وجلست والان انا بغرفتي افطر لوحدي ولا اكلم احد لا الشغالة ولا اختي ولا امي رحت جبت شغالة خاصة فيني عشان تقدم لي الفطور وعلى الاقل اللقى احد اكلمه في البيت ..طبعا بتقولوا لي ليش ماتروحي لزوجك؟ سؤال منظقي مثل ماعلمتكم اني اتفقت مع زوجي هالسنة اقضي شوي معه وشوي مع الاهل على بال مايجهز لي بيت كويس وياثتته لان بيتي الي بالسعودية ماارتاح فيه وزوجي بفترة رمضان يكون مشغول مع اخوانه وبيته الاول قلت اخليه براحته واقضي مع اهلي رمضان ومنها ابتعد عن زوجي شوي عشان ماودي اخسره ياجماعة ربي وصاني على امي وادري انها حتى لو تظلمني او تجرحني لازم اصبر ولازم اخضع انا امي ان خاصمتني يوم اتعب وكل شى فيني ينهار مقدر على زعلها وتعودت مني اني دايما اجيها واراضيها لكن هالمرة مابي اراضيها لانها جرحتني ولن اكون عاقة لها الله ياخذ عمري قبل لا اوصل هاليوم لكن بصراحة حسيت انها قست علي كثير تصدقون والله ماحكيت لها لحد الان وش جرى لي مع زوجي ولا حتى حضنتني صرت اغار من زوجها الي اخذها مني ياجماعة قولوا لي هل معي حق اني اقولها روحي اشتري بيت انتي وياه وخلي بيتنا فحاله على الاقل اذا ضاقت بي الارض مع زوجي اجي بيتنا وارتاح؟ هل يحق لي اني ازعل من امي .؟ وخاصا انها ماتتنازل ابد ولا تقول حتى كيفك ولا حتى حاولت تراضيني بكلمة .. مو المفروض تجي وتقولي لا ترفعي صوتك على الشغالة بيني وبيني وبينها مو قدامها تطيح من قدري؟ هل ارجع لزوجي وانا محطمة ؟وش اسوي بالله عليكم ..سامحوني انا جدا تعبانة والله حالي متكدر |
السلام عليكم
حقيقة أختي ولا تزعلي مني أراك المخطئة على طول الخط .. تسأليني ليه ؟ أقولك : 1- انتي جاية عند أهلك لترتاحي وليس لتضايقيهم وكلمتك لأمك عن زوجها جدا قوية ....وما كان لك حق تقولين لها - على حد قولك - خلينا نرتاح منه شوي ...ورد امك عليك كافي وما أزيد عليها .. 2- ما كان لك حق تقولين لأمك تخلي زوجها يدور أو يشتري بيت وتصير معه وأنتي التي جرحتيها وليس العكس ... 3- مالك أي حق أن تقرري أن شغالة اهلك تروح أو تجلس ... فأنتي لن تقومي بالعمل عنها اذا ذهبت ..بدليل أنك تريدين احضار خادمة ( لتقدم لك الأفطار ) ...ورد أمك أيضا كان كافي ولن أزيد .. 4- انتي التي عزلتي نفسك عن أهلك بسبب حالتك المزاجية وتصرفاتك الانفعالية المتهورة ... وأخيرا ... كوني هادئة في بيت أهلك وأنتي ضيفة والضيف يجلس باحترامه - مهما قلتي ان هذا بيت أهلك تضلين بعد زواجك ضيفة أي لا تقررين من يبقى ومن يخرج .. أرجو أن تتحملي مني فنحن هنا اخوة ولسنا هنا الا لإسداء النصيحة الأخوية الصادقة وفقك الله ،،، |
هو بيت مين بلضبط
اذا كان بيت ابوكي الله يرحمه قسمتو الورث ولا بعد اعتقد لو تسالي حتى توزعو الورث خالتك الي كلمتك حتى تبقي بلبيت كلميها تفهم من امك او تكون واسطه خير بينكم |
اقتباس:
انا مع هذا الراي خفي شوية ع امك هذا زوجها وليس من حقك متا مليتي تطيريه صح انه بالنسبة لك ولا شي سوى انه زوج امك لكته بالنسبة لامك جنتها ونارها وانت عندك حياتك فلماذا احتكار حياة الاخرين؟؟؟ |
اقتباس:
من حقي اشكي لها همي واكلها لمن يكون هو ماحصل فرصة حتى اشوفها ماقلت شى عيب وبالنسبة للبيت هذا بيتي انا واختي في اسمي انا وياها يعني هو المفروض يروح يستاجر او يشتري بيت وياخذ زوجته انا وربي ماني مرتاحة ابد وهو في البيت بالنسبة للشغالة حتى لو اخظئت ماتهزئني امي قدامها |
مكانه الانسب ..
الاشراف ؛ |
شكرا لكم مشرفة
|
اقتباس:
وهذا البيت حقك انتي واختك وكان الاجدر به ان يشتري او يستاجر بيت له ولزوجته الي هيه والدتك وانتي محقه في ماقلتي بشأن زوج امك لاني تخيلت نفسي مكانك لن اتقبل ان يعيش زوج امي في بيتي ولكن لا اعرف ماهو التصرف الصحيح والملائم لتتفاهمي مع امك في هذا الموضوع ... لانه جدا حساس وممكن امك تزعل منك اكثر لو ناقشتي معها الموضوع واما بشأن الخدامه فكان الافضل ان لا تتصرفي معها بهذا الشكل لان تحت تصرف اهل البيت الي همه اهلك وانتي اخطأت عندما خيرتي بينك وبين الخدامه الله يفرج همك ويرزق الذريه الصالحه لي تملي عليك حياتك يارب |
اختك ما عرفت رايها من وجود زوج امها معها بلبيت
انا ما احرضك على امك لكن الحق حق اذا كلامك صحيح و البيت الك انت و اختك يعني البيت من حقكم انتم الاثنين زوج امك ما اله حق يجلس بلبيت و لا حتى امك من بعد زواجها من واحد ثاني بعد ابوكم اعطوها حقها من الورث ما دام امك هذا اسلوبها معاكم فما في غير هذه الطريقه وصلي لها خبر بهلشي بطريقه مباشره او عن طريق خالتك و ان شاء الله تبدا تتصرف كام و تعرف الي لها و الي عليها ما سمعت كلمي اهلها او اهل الوالد وهمه يتصرفو معاها هي من حقها تتزوج وتبدا حياتها ما افي اعتراض لكن تطردك من بيت ابوكي و باسلوب جارح صحيح هذا زوجها ،،،، لكن انت ابنتها و اتعلمي امك كيف محافظه على مشاعر زوجها و راحته |
اقتباس:
وللأسف لم أكن مع ... :25: ردا على المستجدات التي أوردتيها في ردودك بشأن أن المنزل مكتوب باسمك واسم أختك ... أقول لك : ما هكذا تورد الأبل .... معك الحق في البيت ؟ نعم معك الحق في الأسلوب ؟ لا وخليني أناقشك بمنطقية ... أنتي متزوجة ولك منزل مع زوجك ... يعني ربي ساترها عليك .. ولم تذكري أن اختك أشتكت من الوضع مع امها .. فماذا تريدين من المنزل ؟؟؟ اذا على موضوع انك تبين تاخذين راحتك مع امك فأنتي تقولين أنه يسافر لأمريكا للعمل فاحرصي على زيارة امك في هذه الفترة ... اذا كنتي تريدين الاستفادة من المنزل من الناحية الاستثمارية فأنتي تحكمين على اختك أن تسكن عند زوج أمها في حلاله وليس في حلالها ...فهذه الخطوة اذا رغبتي بها عليك التريث الى زواج أختك ... اذا ... ليس من برك لوالدتك طردها من المنزل بحجة أنه منزلك وانك تريدين من زوج امك أن يشتري منزل ويأخذها معه ... هذه الخطوة يجب أن تنبع من أمك بدون ضغوط منك أو من غيرك ... ( وهذا من باب برك بها وليس من باب أن لها حق ) واستخدم كلمة طرد لأن هذا ما عناه كلامك لها ضمنيا وهذا ما جرحها ... مرة أخرى تحمليني |
اقتباس:
وخاصا انه يرفع صوته وغير مؤدب ومتنرفز وقد رفع صوته علي لما حاولت اهدي الوضع بينه وبين امي قالي مو شغلك ومارديت عليه عشان احترمت امي الحين انا ربي وحده الي عالم فيني ومحتاجة اجلس مع امي شوي وهو جاي يمتحنا برمضان قلت لامي خليه بس ياجل جيته على بال ماسافر اانا ولما شدت معي بالكلام قلت لها خله يشتري بيت وروحي معه انا فعلا غلطانة اني قارنت نفسي بالشغالة لكن عصبت المفروض امي ماتعاقبني قدامها وتقولي روحي بيت زوجك والله موقف لا يحسد عليه انا ماودي اخسر امي بكل الاحوال وودي رضاها بس انا مجروحة الحين |
اقتباس:
|
السؤال ياجماعة الخير هل اروح لامي واقولها سامحيني واراضيها رغم انها اهانتني قدام الشغالة واطلقت علي كلام جارح ولا اخلي الوضع زي ماهو واسكت لين اسافر ؟ انا الحقيقة مجروحة وحتى وان راضيتها مابيكون من قلبي وش اسوي ياجماعة تكفون ساعدوني
|
اقتباس:
|
اقتباس:
اختي اعيد لك مرة اخرى زوج امك لا يعني لك شي وانت متضايقة من وجوده لكن افهمي هذا الرجل زوج امك ...زوجها,,,, يعني انسان مهم جدا لها وجزء كبير من حياتها فلا تستهيني به امامها ولا تضعي امك في دوامة وتوتر وبين نارين انت ابنتها التي لا تتخلى عنها والدليل انهك في بيتها الان وهو زوجها سكنها التي لا تستغني عنه وانت تعلمين اهمية الزوج للمراة حتا ولو كانت كبيرة في السن... لو كنتي لا زلت بنت ممكن اعذرك انك تريدين الاهتمام لك فقط لكنك متزوجة وتفهمين وتعين اهمية الزوج انبهك فقط انك تدخلين امك في دوامة وتشعرينها بالتيهان ..\ كوني مكانها وجربي ان تحتاري من ترضين.... ابنتك؟؟؟ زوجك؟؟؟ ام نفسك؟؟؟ امك تحتاج وجود زوجها معها ...الا يكفيها سفره الكثير ؟؟ نحن بالشهر الفضيل وكل زوجة تتمنى ان تعيش هذا الشهر مع زوجها... كبري عقلك :22::d ولا تنسي انه لا تعارض بين ان تكون امك مناصفة بينك وبين زوجها ... انت ان جلست معها ساعة ساعتين ..3 يوم امك يحوي 24 ساعة!!!!!! |
اقتباس:
المفروض على الاقل تخليني اكلم الشغالة ولا تدخل |
اقتباس:
|
ملخص مشكلتك انك تغارين من زوج امك
لأنك تشعرين انه اخذها منك , وكأنها ملك لك وحدك وتبحثين عن المشاكل وتجلبيها لنفسك ! فكري بحياتك الزوجيه وزوجك افضل من التفكير بزوج امك اعانك الله على نفسك |
اقتباس:
تخيل يابو حكيم امس ارسلت لي ايسكريم مع الشغالة وقالت لها قلها لا ترده على امها وصرت اقول للشغالة معقولة امي قالت لك كذا ؟ فرحت كثير وقمت اركد لها زي الطفلة وحضنتها وقلت لها ياامي والله مقدر على خصامك لاعاد تخاصميني ولا تجرحيني وصرت ابكي بحضنها مسحت على راسي وقالت لي خلاص روحي نامي وارتاحي طلعت غرفتي وانا فرحانة خلاص مراح ادخل بحياة امي ولو انه لي الحق فيها لكن الشكوى لله رضاها يكفيني تدري يابو حكيم اختي مو زيي والله ماتفكر الا بمصلحتها لا همها حنان ولا شى ولا حتى همها زوج امي تفكر كيف تسحب من امي مصلحة بس لكن انا افكر كيف اشبع حنان منها وتقولي كلمة حلوة تغنيني عن كنوز الدنيا الله كريم وربي يعوضني خير |
اختي دام عندك كل هذا الحنان
وجهيه بوجهته الصح لا تضيعين عمرك و انت بايدك سعادتك عندك بيتك وزوجك كل الحنان وجهيه لاجل بيتك وزوجك و الله يرزقك بلذريه الصالحه شوفي كلمن يدور مصلحته اختك و امك انت كمان روحي بيتك و اتعوذي من ابليس |
اقتباس:
|
هذي المرة الثانية امي تطردني من البيت وتعالمني معالمة سئية واتهمني اني اغار من الشغالة واني ابيها تطلع من البيت عشاني غرت منها بالله هذا منطق؟
وازيدكم من الشعر بيت زوج امي ارتد عن الاسلام وهو الحين لا يصوم ولا يصلي وقلت لامي ان زواجه منه اصبح باطل وهي ماتسمعني بعد الكلام الجارح الي سمعته من امي صرت اخاف من المستقبل امي معها توكيل بكل املاكنا وانا قررت اني اللغي التوكيل خوفا من اني اجد نفسي بالشارع بيوم من الايام مدري يمكن مااستمر مع زوجي واجد نفسي بدون مؤوى هل تصرفي اني اللغي التوكيل صح ولا غلط ارجوكم ساعدوني |
اتصلي على شيخ من الشيوخ و احكي له
عن زوج امك و انه ارتد و عن تصرفات والدتك و بنفس الوقت اعرضي نفسك على طبيب نفسي يشوف لك حل في الضيقه النفسيه الي انت فيها الله يفرج همك |
اختي طنشي وارجعي لزوجك منتي مجبوره تتحملي هذي الاهانات
ما اقدر اقولك شي ثاني |
لكي بيت وزوج ليش تهيني نفسك؟
|
اقتباس:
هذا غير الشك والوسواس الي انا عايشة فيه والهم والغم وهذا ذكرته في موضوعي الثاني قلت ابصبر هالسنة واصير شوي عند اهلي وشوي عند زوجي لين اعطيه فرصة يشوف لي بيت كويس وياثثه على راحته هذي السالفة ومافيها ..الشى الثاني والله استحي اقول اني معرف اطبخ وزوجي تعب من كثر الاكل في المطاعم وقلت منها اجلس شوي مع اهلي واجيب طباخة اتعلم منها الطبخ على الاقل اريح زوجي في الاكل ....لقيت الاهانة والبغض من امي وزوجها والامور تزيد وفي نفس الوقت مابي ارجع لزوجي وانا نفسيتي تعبانة عشان مابي اخسره وربي لا تحملني مالا طاقة لي به |
اقوووولك دقي على شيخ وخبرييه ان زوج امك ارتد عن الاتسلام وربي يعدمووه والله ترتاحي
بدون ما احد يعرف دوري على شيخ وقوليله اما وضعك كذا ما يصير والتوكيل الي عند امك الغيه بأقرب وقت تقدرييله والله ما اقولك ذا الكلام الى عشان خايفه عليكي من الزمن الجاي اللهـ يكون بعونكـ |
اصلا 99 بالميه من اللي يتزوجو ويعلنو اسلامهم فقط بالكلام امام الناس فقط
يعلنو الشهاده ويتزوجو ولا صلاة ولا صيااام ولا ولا ولا الا من رحم ربي الله لا يجربنا ويهدينا اسحبي التوكيل اذا ترك امك القوانين بالغرب تعطي للزوج نصف الاملاك يعني ورثك يروح لكافر انتبهي طالبي بحقوقك من البيت والمال امك لها عليكي حق الامومه ولكن زوجها لا الله يعينك ويقدرك |
اقتباس:
وماسويت الشى هذا عشان امي اصلا روحي تفداها لكن خفت اني اتشرد اخر ايامي جزاك الله خير حبيبتي على حرصك |
اقتباس:
|
اقتباس:
المشكلة بامي الحين مو فيه حسبي الله ونعم الوكيل |
بيدليكي على التصرف الي تتبعيه مع والدتك حسب الشرع و القانون
لان امك مهما كلمتيها حتجيكي من باب العقوق و طاعه الوالدين فتحرفي حدودك و الي الك و الي عليكي يعلمك الشيخ تسالي مين من السلطات المختصه حتى تبلغي عن زوج امك و اذا يفرقو بين زوج امك وامك هذا اذا كان كلامك صحيح و ارتد عن دينه و امك شوفيلها وحده مختصه بلدين تكلمها اله يسهل امرك |
اتفق مع اختي الكريمةرسيل
انارالله بصيرتك اختى صابرة ووفقك |
اقتباس:
|
| الساعة الآن 07:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©