|
ليه مافيه قانون واضح للحضانه .. !!
بسم الله الرحمن الرحيم
السلام عليكم ورحمة الله وبركاته ادري متأخره بس مبروك عليكم الشهر وعساكم من صوامه وقوامه يارب الحمدلله على كل حال انا مطلقه وباكمل سنه وعندي 3 بنات ( 9 سنوات - 7 سنوات - 4 سنوات ) الله يحفظهم ويرزقني برهم انا ذبحني التفكير ياعالم .. كل يوم نسمع سالفه ان الاب جاء عند الباب ومعه امر من المحكمه واخذ بناته :11: طليقي كان بياخذ بناتي بس انا رفضت وقلت جب لي ورقه من المحكمه وتاخذهم .. انا قلت هالكلام لاني كنت واثقه انه ماراح يحكمون له بس انا ماراح وترك لي البنات :17: انا كنت مكلمه مختصين ومحاميين وقالوا البنات من حقك وريحوني بكلام كثير لدرجه قالوا البنت لامها حتى لو تزوجت تاخذها جدتها ( أم الأم ) ولا فيه قانون انه بعد سبع سنوات البنات لابوهم .. لكن الواقع الي حوالي كل بعد فترة اسمع ان اب اخذ بنته لما كملت سبع !! شلوووووووووووون ..!! لحد يجي تجرح بالكلام .. انا اقصد الاباء المهملين الي مادروا عن عيالهم قبل الطلاق يدرون عنهم بعد الطلاق !!! بعدين مافيه مثل الأم حتى لو كانت مهمله تكون اهون من الغريب ياناس ريحوني كل زيارة لابوهم اكون حاطه يدي على قلبي وادعي لاني مريت بتجربه اخذهم شهرين مدري كيف عشت هذيك الفترة الله لايعيدها ابي اعرف في حكم واضح للحضانه ؟ عندي كتاب لقاضي مبين احكام الحضانه وهي لصالح الام بس هل هي مطبقه في المحاكم ؟؟ وين اسئل ؟؟ من اسئل ؟؟ لو ابوهم جاب ورقه من المحكمه كيف اتأكد انه جد راح المحكمه ؟ هل يحكمون له بدون حضوري او تبليغ لي ؟ الله يطمن قلوبكم على ذريتكم طمنوني جزاكم الله خير. |
اللي اعرفه ان البنات يررحون لابوهم بعد تمام سع سنين
هذا اللي اعرفه |
اذا كنتي تبي تعرفي الجواب الشافي ادخلي على الجمعيه الالكترونيه للطلاق في المملكه العربيه السعوديه وسوف تعرفين الجواب الشافي ...
|
هلا اختي موهبة الكويت
ايه هالقانون يقولون كان اول الحين فيه توجه ان البنت تكون مع الاصلح .. والارجح تكون مع امها الا اذا شاف الشيخ غير ذلك لكن كل هالكلام اقراه واسمعه لكن مااعرف احد شخصي مر بتجربه تبين هالشي شاكره مرورك اميرات هلا حبيبتي ايه دخلت وناقشت وكلامهم كله ان الام احق بالبنت ثم ام الام ثم ام الاب ثم الاب لكن فيه امهات يكتبون بالمنتديات ان الاب مايدري عن بنته سنين بس تكمل 7 سنوات حكموا لهم بالمحاكم .. ان بس ودي اعرف مافيه قانون ثابت كاساس ويختلف حسب الحالات؟؟ وانا خوفي لاكملت بنتي الصغيره 7 سنين بياخذهم كلهم .. والله اني عايشه برعب مايعلم فيه الا رب العالمين تخيلي كل يوم يمر وكل ساعه وكل لحظه تفكرين وش مصير بناتك وكيف حالك من بعدهم بنهار من التفكير كيف لو صار واقع الله يستر |
قد تكون حركة ضغط من طليقك لكي ترجعين له انتي وبناتك .
|
اقتباس:
لو الام تعرف ان امها تستطيع ان تكون الحاضنه لبناتها من بعدها كان ما احد قدر ياخذ البنات لكن المشكله ان حنا الحريم جاهلات بحقوقنا .. ان كنت خايفه فالاستاذه هيفاء خالد في جمعية الطلاق الالكتروني تعرف تاخذ لك حقك و تخلي بناتك في حضنك .. |
كاني مرة سمعت ان اذا ما المراة ا تبي عيالها يروحون عند ابوهم
قبل ما تتزوج تكتب تنازل حق امها عن الاطفال هذا بحالة الزواج اما في حالة اكمالهم لسبع سنين الصراحة ما عندي اي علم بس انصحج تدقين على محامي وتسالينه احسن |
اقتباس:
|
طيب ليش ماتتفاهمون احسن لكم ...يكون واحد بالعائله رشيد يتفاهم معكم لان مافي مثل التفاهم هو يروح للمحكمه مو حب لبناته لا يروح علشان يقهرك بس لكن الي انا اشوفه تصالحون وتتفاهمون الله يوفقك ويعينك البست العباة روحي طامري للمحاكم خوذي امر للبنات انهم يكونون عندك خليك اقوى منه لكن انا اقول تراضوا احسن لكم
|
الله يفرج همك ويبرد قلبك
|
توي مقفله من عند المحامي
انا ولدي عمره 5 سنين ... ابوه يبي يسافر به قال لي الولد من حقك .. وبعد سبع سنين .. يخير الولد ... أما البنت فهي من حق ابوها بعد سبع سنوات.. و أزيدكم من الشعر بيت جد الولد من حقي لكنه له حق يسافر معه وإذا ما رجع ن السفر ارفعي قضيه يجيبون لك الولد غصبا عنه ... |
اقتباس:
|
وش الي اسمعه زدتوا ناري نااااااااااااااااااااار
يالله الطف فيني وفي بناتي ياعالم ماابي اتكلم بابوهم بس هو انسان مو صاحي انا تطلقت منه مره ورجعت وقعدت معه سنه قلبه مليااااااااااااااااان احقاد .. مع انه هو الي غلطان علي وانا الي طفشت وطلبت الطلاق لكن لما رجعت فتحت صفحه بيضاء معه من وراء قلبي بس عشان بناتي ولاتقولون انتبه لانه انكر فلوس لي عنده قبل الطلاق وبعد مارجعت مارجعها واستمريت اساعده يعني واضح اني فتحة صفحة بيضاء ونسيت كل الي راح وتعاملي كان معه زين ولا باين اني زعلانه لكن هو صار يعاملني زي الجماد انا والكنبه وحده وزاد شره وصار يتحكم ليته خلاني عنده زي الاخوان بس .. كان صبرت لكن صار يتحكم ونفسه شينه ويقط كلام وصارت علاقته مع اهلي اكثر من رسميه .. واشياء كثيره صارت تعبتني نفسياً اكثر من تعبي اول يعني البعد عنه غنيمه فصارت لي مشكله مع مره ثانيه وطفشت وطلبت الطلاق اخذ بناته وحطهم عند امه بعيد عني وعنه وبناتي تعبوا وااااااجد ماعندهم احد بالبيت الا جدتهم فرحت اخذتهم وجبتهم عندي .. والحين ولايدري عنهم ابد ماكأن له بنات يسئل عنهم يشوفهم كل 3 اسابيع ربع ساعه بس لكن هو يتوعد انه لاكبرت بنتي الصغيره ( عمرها 4 سنوات ) بياخذهم مره وحده :( وانا كنت متطمنه انه مايقدر بس بعد تجارب المطلقات انهرت .. وين الي يقولون الحضانه للام حتى بعد 7 سنوات والا بس كلام برى المحاكم !!!!! ياربي لطفك وسترك ورحمتك مالنا الا الصبر والدعاء حسبي الله ونعم الوكيل في كل ظاااااااالم |
اقتباس:
ليه في هالموضوع مافيه كلام واضح وقانون صريح !! :( انا سئلت قاضي متقاعد .. يقول البنت حتى بعد سبع سنوات مع امها اذا ثبت انها الاصلح وقال هالكلام يعملون فيه بالمحاكم عندنا .. بس انا مادخلت محكمه للحين بس ودي اعرف عشان اتطمن ولا احاتي . اللهم لطفك وسترك يارب العالمين |
يا اختي قلت لك ادخلي على الجمعيه الالكترونيه للطلاق و سجلي .. وراح تسمعي كلام الاستاذه هيفاء اللي يخليك
توقفي في وجه زوجك بكل قوه و ثقه و راح تأكد لك ان البنات في حضانتك حتى يتزوجوا .. |
الله يارب يحفظهم لك وتفرحين بهم يارب ويكسبك برهم .. الله الي يملك نواصي العباد .. ادعي وأنا بأمر الكريم بدعيلك.. الله لا يحرم ظنى من أمه ولا أم من ظناها.. اللهم آمين ..
|
اقتباس:
وحافظته عن ظهر قلب :18:وارتحت وعرفت اني احق فيهم بس بعدين شفت نماذج حولي اخذوا بناتهم بعد السبع سنوات!! يعني هل القضاء للحين يحكم للأب بالبنات بعد سن سبع سنوات ! الحمدلله ابوهم للحين ماقال شي بس انا ودي ارتاح من التفكير في بكره .. ودي ارتاح ولاادخل في مشاكل معه بالحضانه ودي اكون واثقه انه ماراح ياخذهم مني اقتباس:
ادعي ربي ليل نهار مايحرمني منهم |
أول مرة اعرف انه مافي قانون واضح لحضانة الاطفال لكن يمكن هذا الشي لصالح الاطفال والاب والام كمان .. لانه لو كان في قانون محدد .. لن يكون في اخذ وعطا في المسألة وقد يكون احد الوالدين غير صالح ولا مؤهل لحضانة الاطفال وتربيتهم وبحكم القانون الجامد من حقه ان يأخذهم وهذا فيه ظلم ولا ننسى ان الاب كمان من حقه انه يعيش مع اطفاله ومثل ما كثير من الاباء غير صالحين لتربية اطفال ايضا هناك امهات غير صالحات لتربيتهم .. يعني المسألة بالعموم لا يمكن ومن غير الصحيح اننا نعمل فيها قانون محدد واتمنى ان مثل هذه الامور تحل بالتراضي افضل ولصالح الاطفال وبطريقة بحيث لا يحرم الاطفال تماما من احد الوالدين ويعيشوا مع الافضل لهم في كل مرحلة من عمرهم |
اختي الفاضلة السلام عليكم آمين كل عام وانتم بخير
انا سالت دكتور في الشريعة استاذ مساعد واصحابه جميعهم من القضاه بالمحاكم يقول القاضي الموضوع يحال الى لجنة الصلح هو قسم بالمحكمة الشرعية وفيه مشايخ واخصائي اجتماعي وان لم يجدو صلح للموضوع في حضانه القاضي ولم يطعن الرجل المطلق في بيئة تربية الزوجه وياتي بشهود يكون الراي بتخيير بين الاطفال بين الام والاب وان اختارو الاب يلزم بصلتهم بامهم بالزيارة لها وان اختارو الام يلزم الاب في النفقة تلزم الام بعثهم بزيارة والدهم كل بعد فترة ولا يحق لها تزويجهن لا موافقة والدهم وهو صاحب الراي بهذا عند بلوغهن الرشد وقد حصلت قصه ممثلة للزوجين انفصلا بعد ذلك حصلت مشكله على الحضانه والبنت عمره 12 سنه ورسالة الشيخ المعاملة للجنة الصلح وبعدين لم يتصالحا وفصل بينهم بتخيير البنت في مجلس الحكم والزم كل واحد بماذكرت آنفا هذا والله اعلم الله يصلحهن لك والله الموفق |
البنات بيرجعولك ولا راح يتحملهم زيك
لازم في البداية يغيظك ويحاول يضغط عليك سواء برجعتك أو رد اعتبار لا غير لازم تتحملي وتصبري ومصيره يردهم لك بس لا تحاولي تتناقشي معه كثير وحسسيه أنك مرتاحه والبنات عنده ومسألة القوانين والقضاء ابعدي عنها الحين لأن طليقك مقهور وردة فعله طبيعيه طالما أنه حاقد ستهدأ العاصفة ويترك بناتك لك بس اصبري واهدي الله يطمن بالك ويلم شملك |
| الساعة الآن 06:41 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©