|
امي و دراستي و تجريحها المستمر
السلام عليكم اعتقد انه هذه اول مره اكتب في هذا القسم المهم مشكلتي هي امي الغاليه و رأيها في دراستي انا تزوجت عن حب قبل 5 سنوات و تزوجت في اخر سنه في الثانوي, بس حملت و ما خلصت السنه الأخيره امي فرحت لزواجي اكبر فرح واعطتني هدايا مثل اغلبية الأمهات.. و فرحت اكثر بحملي و غرقتي كمان هدايا. بالرغم من انه في اخ و اخت اكبر مني.. الا انه جا نصيبي و تزوجت قبلهم. فأنا كنت اول وحده تزوجت و جبت اول حفيده لهم بسبب اصراري الشديد على انهاء الثانويه و دخول الجامعه و تشجيع زوجي على ذلك.. تمكنت و الحمدلله من دخول الجامعه. بين فتره و فتره امي ترمي على كلام جارح و مضمونه انه مش عاجبها دراستي و ان مسؤليتي الوحيده هي زوجي و عيالي. احيانا لما اتكلم معاها بالتلفون و اشتكي من صعوبة الوضع بين البيت و العيال و الدراسه.. تقلي انتي الي جايبه لنفسك, ليش ما خلصتي دراستك قبل لا تتزوجي او ليش جبتي عيال اذا تبغي تدرسي الحين بدأت تقول لأخواتي الصغار انهم ينسو شئ اسمه زواج و دراسه في نفس الوقت يا أما يخلصوا دراسة الجامعه يا أما يتزوجوا وينسوا دراسه بصراحه شخصية امي قويه و انا ما اقدر اقلها يا امي هذي حياتي الخاصه و بما انه زوجي يساعدني و يشجعني بالدراسه ايش المشكله. امي الله يطول بعمرها و يخليها طيبه وحبوبه و ست بيت شاطره بس ماهي متعلمه بس تعلمت القراءه والكتابه علي يد الوالد الوالد الله يطول بعمره كان بروفسور في الجامعه وهو ومن اشد المشجعين لدراستي والأثنين الله يحفظهم دااااااائما على خلاف في هذه النقطه امي ماهي مستوعبه او فاهمه اهمية العلم و الشهاده و ماخذه المسأله انه شي مفروض يكون الشخص منتهي منه قبل لا يتزوج خاصة ان اختي جايلها عريس هي تحبه و تبغاه و امي ترجع و تردد لا تكوني غبيه مثل اختك الي هي انا ابوي يشجعني ويضرب فيني المثل عند اخواتي و يقلهم شوفو اختكم ما شاء الله صغيره و متزوجه و عندها عيال و تدرس و حياتها ماشيه ولا احسن. كيف افهم امي انه هذي حياتي وانا و زوجي مرتاحين و الشهاده اذا ما نفعت اليم تنفع في المستقبل امي تحسسني اني حياتي كلها ماشيه على غلط |
ياهلا بالغالية ..
ياقلبي من عنوان الموضوع فكرت انك ما تبغي تدرسي و امك تزن فوق راسك عشان تكملي الدراسة ,, فعادة اغلب الامهات يحبوا يشوفوا بناتهم واخذين شهادات تنفعهم ... امك ماهي ضد دراستك.. بس مسكينة شايلة همك ... دراسة و بيت و زوج و اطفال ووغربة و سن صغير .. بس ماتعرف تظهر لك قلقها و خوفها عليك الا بشكل لوم و عتب فلا تولميها هذه هي طريقتها باظهار مشاعر الخوف عليك .. و الحين هي بعقلها انها تبي توفر تعب على خواتك لما تاخر زواجهم لبعد الدراسة ... شافت تعبك فما ودها تتعب اخوتك . اضيفي شايفة زوجك بسم الله مهنيك فا زي اللي تقول خلاص ايش بتسوي بالشهادة .. طالما انك ما بتشتغلي فاليش تتعبي .. اسمعي ياقمر برايي ...انتي بشكواك حتى لو على سبيل الفضفضة تزيدي الطين بلة :) ... اولا بطلي تشكي لها .. بالعكس دايما بيني لها انك مرتاحة و قادرة توفقي و زوجك يساعدك الخ ... عشان ما تحمل همك .... ثانيا دايما احكي لها قصص عن اللي تتطلق او تتارمل وماعندها شهادة كيف تتبهدل . بعكس اللي شهادتها بيدها ووقت ما حبت تشتغل و تعيل نفسها و اولادها بدون ما تحتاج حد ... دقي على هلوتر .... و يارب تتفهم اهمية العلم و الشهادة حتى للمتزوجة الله يوفقك يارب |
غريبه اكثر الامهات يشجعون بناتهم على التعليم
خلص مرة ثانيه لا تشتكين لها عشان ما تسمعين كلام يجرحك الله يوفقك بدراستك |
اقتباس:
كالعاده اول وحده ترد...و الله ينشرح صدري لما اشوف اسمك بمواضيعي بس لا تخوفيني....بسم الله ما شاء الله يا دوب اخلص كتابه الاقيكي راده شفتي حظي, لا تاتي الرياح بما تشتهي السفن فعلا اغلب الامهات يشجعوا بناتهم علشان الشهاده و عشان يضمنوا مستقبلهم بس امي غير.. امي لسه عايشه في جيل زمان قاعدة امي هي انه البنت تكرس حياتها لزوجها و عيالها و بس و الباقي كلام فاضي هو انا لما احكيىلها عن وضعي مو على اساس شكوى شكوى لا بس فضفضه هذي امي ما ابغى اتمثل المثاليه عليها, هي احيانا تقولي الله يرزقك الي تبغي بس اكثر شي تقولي تستاهلي انتي الي جريتي ورى وجع الراس حاولت افهمها انه الشهاده راح تنفعني بكره اذا لا سمح الله تطلقت ولا ترملت و لا صار شي لزوجي ساعتها راح اضطر اني اشتغل و الشهاده هي اول سؤال تقلي بطلي هذه الافكار و تفائلي بالخير و اذا لا سمح الله صار شي فابوكي و اخوانك موجودين عجزت افهمها انه هدفي و اني ابغى ارضي نفسي و زوجي معجب بمدى تماسكي في الموضوع هذا و يقلي انه يثبتلي انك واعيه و فاهمه امي و انا اعرفها تعبنا عليها انا و ابوي اشكرك حبيبتي على المشاركه |
اقتباس:
اشكرك اختي على الرد ولا غريبه و لاشي بس امي الله يخليها من جيل زمان زي ما قلت اشكرك |
ما في احلى من الانتصار والنجاح بعد التعب،،،،،،،انا فخورة بيكي انك متزوجه ومصرة اتكملي دراستك،،،،بالرغم اني ما كنت متوجه الا اني صارتلي ظروف صعبه مره من امي ومره من اختي ومره من الدراسه نفسها،،،،مرات كنت اعزم اني اوقف بس بعون الله كملت وتخرجت،،،،،كنت احسب نفسي ما اقدر بس الحمد الله، الله قدرني،،،،،صدقيني امك رح تكون فخورة بيكي لما تتخرجي اسالس مجرب ههههههههههههههههههههه بس هي يمكن تخاف انك ما تهملي بيتك،،،،انتي اثبتي العكس وغيري تفكريها بتخرجك،،،،وكوني قدوة حق اخواتك والله يوفقك
|
لا تكلمي امك عن اسرار بيتكم
لا زين ولا شين دايما رددي الي الله رايده بيصير لان بعد فتره ما راح تحتررمك لا انت ولا زوجك |
وضحي لها دائما انك مبسوطه من وضعك وما ينقصك شئ
وان الشئ الوحيد الي بيضايقك كلماتها تعرفي انا حاسه فيكي لاننا في نفس الوضع بس الفرق ان زوجي هو الي لسه في الجامعه ولا تتصوري النقد من ناس كثييييييييير |
الله يستر على اولادنا ،،،،،،،،،، لا نروح نسهى ونعاملهم بطرق منفره
نصيحه من مغتربه ما دام ابنك صغير و عندك بس طفل واحد وزوجك موافق خلصي دراستك و قولي لماما كل بلد ولها ظروفها الخاصه اولادي محتاجيني متعلمه في البلد دي حتى افهم عليهم ويفهمو عليه |
اقتباس:
مبروك على النجاح و التخرج حبيبتى.. انا الي فخوره بيكي :) والله طريق التخرج طويل قدامي و مع ذلك مصره حتى لو بعد 10 سنوات, المهم اوصل الحمدلله انه الوالد و اخواني و اخواتي و زوجي مشجعين,,, مافي الا امي هي الوحيده المعارضه اشكرك |
اقتباس:
نعم...... هذي امي الي تتكمي عنها |
اقتباس:
و الله وضحتلها و شرحتلها ان انتقادها و كلماتها تجرحي و تضايقني تقولي لو تبغي اني امدحك و افرح فيكي,, بطلي دراسه و شيلي مسؤلية بيتك والله حاسه فيكي,, اتخيل لو زوجي هو الي يدرس كانت امي ما رضيت اني اتجوزه اساسا موفقين ان شاء الله,, و لا تخلوا كلام الناس يأثر فيكم |
اقتباس:
حبيبتي غربه انا عندي طفلين مش وحد بنتي 3 سنوات و ابني 5 شهور حاليا انا في اجازة الأمومه لمدة سنه المشكله ن امي فاهمه و مستوعبه اهمية الشهاده بس مش متقبله اشكرك |
اقتباس:
لانها امك هذا يريحها اكثر جربتي طريقتك جربي طريقتي احسن ما بعد فتره تجرح فيكي و بزوجك وما تعرفي تردي عليها لانها امك و تحمليها ذنبكم طبعا بادب و ذوق هيه حتبطل تسال و تدخل وهي بنفسها حترتاح و تمدح فيكي استقلاليتك ومحافظتك على بيتك |
الله يثبتك ويحفظ لك اولادك
هالسنه اللي اجازه استغليها بالتحضير للسنه القادمه وادرسي عن طريق النت لاجل وقت ترجعي للدراسه ان شاء الله تكون السنه سهله عليكي وما تحسي انو صعبه عليكي طالما الوالد يشجعك ومعك واخوتك وزوجك امك رضاها سهل هم هكذا امهات زمان حافظين افكار انو الزوجه للزوج والمطبخ والاولاد فقط قلبهم نظيف وابيض وصافي مثل اللبن الحليب برضاهم الله سبحانه وتعالى يوفقنا ويرضى علينا تصدقي وانتي تكتبي تخيلت والدتك شبهتها بجدتي رحمها الله ,الله يطول بعمر والدتك جدتي كان قلبها صافي وابيض ونفس الافكار يااه كم اشتقت لها |
اقتباس:
خاله غرين اسعدتيني بمشاركتك مسألة اني ادرس بالبيت و على النت جربتها و انا حامل بأبني,,, و الله مررررره صعبه ابدا ما انصح اي وحده عندها اطفال صغار وبعدين بصراحه جو البيت كله ما يشجع على التركيز اتذكر اني كل شوي اروح اسويلي شاي و لا كوفي و لا اروح على سريري عشان قيلوله و اتذكر انه في مية شغله لازم اسويها قبل لا ابدأ دراسه و يروح اليوم و انا ما درست فعلا مستغربه كيف نجحت...اللهم لك الحمد الله يرحم جدتك و يرزقها الجنه و كل اموات المسلمين اشكرك :) |
اقتباس:
والله صعبه يا سوسو اني اصير رسميه مع امي ما شاء الله انا و امي حبايب و صحبات و كلامنا ما يخلص و مع ذلك في حدود حمرا ... في اشياء ما نتكلم فيها ابدا تقريبا متفقين على كل شي الا مسألة الدراسه هذي اشكرك |
اقتباس:
ما دامك بعيده و ما بتشوفك لا تكلميها عن الاشياء المختلفين عليها اعتبري مساله دراستك خطوط حمرا اقتباس:
وزوجك كمان لا تنسي ممكن في يوم تحرجك امامه من غير ما تقصد حتضلو صاحبات وكلامكم ما يخلص و خطوط حمرا كثير انتو الاثنين ما تتعدوها تكون موجوده امور كثيره حتختلف نظرتكم الها ان شاء الله تكون فكرتي وصلت بوضوح لك ولا شكر على واجب :d |
عزيزتي انا لا اؤيدك في موضوع انه امك تجرحك هي تعتبر انه مصلحتك الاسريه والزوجيه بانك ماتكملي والكلام الي بتقوله دايما على مسمع منك حتى تكرهك بالدراسه
عارفه مافي وحده الا واختلفن مع امها في مواضيع كثيره تخص الدراسه او المستقبل بس دايما الام يكون غرضها مصلحة بنتها في الاول والاخير ممكن انت تحاولي تسايريها وبالاخير سوي الي تبيه انا في امور كثيره بحياتي امي معترضه عليها العديد والعديد منها مايخصني ومنها مايخص بناتي وحتى زوجي وتحاول معاي وبعض الاحيان بتزعل وترجع بالاخر كل ماتفتح معك الموضوع بادليها بابتسامحه وقولي ان شاء الله مايسير خاطرك الاطيب وبس |
تعرفي يا اختي اموت في اولادي
مره كنت جالسه بمجلس وكان في بنت و امها الام اتكلمت بلمجلس كلمه ضد زوج ابنتها البنت بهدوء نظرت لامها و امامنا ردت اعتبار زوجها قالت لامها و انت ايش دخلك بلموضوع و ايش دخلك بزوجي سكتت الام وما فتحت فمها بكلمه انا نفسي خجلت من تصرف البنت بعد فتره عرفت الحكمه من تصرف البنت مع امها حتى ما تزعل وتقطع و ترجع مثل ما ذكرتي الكل يرتاح ويعرف حدوده و بعد فتره الام حتمدح فيك محافظتك على بيتك و استقلاليتك وما ترجع تقلل من قيمه تصرفاتك و تربيتك و قرارات زوجك و القائمه تطول الام ما تكون واعيه بكلامها ومو قصدها و حرمه كبيره لكن هل تكون كذلك عندما تكون مع صاحباتها وزوجه ابنها و في كل مكان ابدا تكون في قمه الذوق و المعامله الطيبه و الحنونه ان شاء الله فكرتي تكون وضحت للجميع |
اقتباس:
اهلين يا مشرفتنا الله يخليلك و يحفظلك اولادك يهمها مصلحتي ما قلنا شي بس ليش التجريح يعني انا بالغه و عاقله و متزوجه و عارفه مصلحتي و ماني انانيه اني اقدم مصلحتي الشخصيه على مصلحة عيلتي امي طيبه و على نياتها و الي بقلبها على لسانها بس مسألة الدراسه هذه تتدخل فيها بين فتره و فتره اشكرك |
اقتباس:
لا لا امي مستحييييييييل تسوي مثل الموقف هذا ابدا صدقيني و بعدين امي فعلا فخوره فيني لأني متزوجه و عندي اطفال و تحترم زوجي و تعزه -- بنظرها هذا هدف كل بنت ...زوج محترم و محب و اطفال صالحين انا سعيده بحياتي الزوجيه و سعيده بكوني ام رغم الصعوبات و راح اكون اسعد اكثر لو حصلت على الشهاده اشكرك |
ماشالله عليك تبارك الله عليك
الله يوفقك ويسهل امورك وخذي امك بطريقه مختلفه اكسري الروتين وخذيها بشوية كوميديا وبشرينا |
اقتباس:
اشكرك اخي على دعواتك طيب اعطيني مثال للطريقه الكوميديه اشكرك |
| الساعة الآن 01:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©