|
معاناتي مع زوج مدمن نساء
السلام عليكم
بذكر قصتي لكم واتمنى ترشدوني معاناتي مع زوج مدمن حريم وسنتين انا وياه ع ذا الحال من شاتات لا ايميلات خاصه وفيس بوك واخيرا نت لوق اللي طايح فيه مدري وش فيه كم مره زعلت ورحت لا اهلي ابيه يتادب وقالولي ناس احقريه وحقرته بس ماقدرت اشوف واسكت ولما ابكي من القهر مايطيب خاطري يقعد يتحمد علي ويقول متخلفه ومجنونه وعقلي عقل بزر وش اسوي غصب وربي غصب عني واذا جيت جلست عنده وهو ع النت يضربني ويصفقني بوجهي لما اطلع من المكان اللي هو فيه وجواله ع السايلنت دايم ودايم يراسلهم ويطقطق بجواله واذا جت مكالمه طلع برا والمحادثات يحذفها والمحفوظات يحذفها انا خلااااااااااااااااص ما اقدر اتحمل فيني الضغط وامس قسم بغت تجيني جلطه منه يضربني علشانهم ويوم طلبت الطلاق قال انا ابيك واذا ماتبيني وكارهتني طسي لا اهلك وكل شوي يهددني والله لا اقطك عند اهلك اخليهم يكرفونك لانه يعرف تعامل اهلي معي وامي مهددتني تقول لو جيتي مره ثانيه راح اخذ جوالك وابيعه واخليك خدامه لي ولا اخوانك تعبت محد راحمني وقبل رحت لا اهلي ابي اخليه يتادب امي تضربني وتاخذ مني مصروف ولدي وابوي يضايقني يقولي انتي مطلقه واخواني يجوني ويذبون علي كلام محد يتحمله والحين اذا رحت لهم محد يسلم علي مع اني اختهم الكبيره تعبت ياناس وين اروح زوجي يقول انا كذا عاجبك اهلا وسهلا مو عاجبك طقي براسك الجدار كاني خدامه عنده والله ياناس حتى رمضان ماصام الا يومين والباقي مفطر يقول تعبان ما اقدر اصوم ولما اصحى الظهر الاقيه ع النت مواصل وينام واذا صلو المغرب صحا وقال جيبي لي اكل ولا غسلي ملابسي ولا نظفي البيت ولا عازم ربعي ع الفطور قسم اني اكر كر مو طبيعي مع هذا مو مبين بعيونه وقبل اسبوع جايبه لها هديه طقم رجالي ساعه وخاتم وسبحه واشياء حلوه ابي اتقرب منه مع اني وربي متسلفتهم من اختي بس قهرني وربي كل يوم ابكي قهر وين اروح دلوني تكفون واذا زعلت ما كلمته قال امشي اوديك السوق يحسب السوق اكبر همي مع ان زواج اختي قريب وماسويت شي تكفون ارشدوني وش اسوي تكفوووووووووووووون |
عليك بالدعاء ياأختي أحنا الحين بشهر فضيل تقربي الى الله أكثري من النوافل تصدقي ولو بالقليل
قلب زوجك بيد الله هو القادر على تسخيره لك الله يهديه ويعينك ويعطيك الصبر الله يفرج همك يالغالية |
صلحي اللي بينك و بين الله ،. و ربي راح يصلح لك حياتك مع أهلك و زوجك
قلت لك كذا ، لإني حاسة بك ضايعة و تايه و حاطة الأمل في زوجك اتركيه ، ربي يحاسبه .. و اشغلي وقتك لأشياء تفيدك البكاء و الصياح بتقصر عمرك و ما تفيدك |
الله يكون بعونك يارب قصتك تقطع القلب
بدعيلك ليل نهار |
انصحك تنزلين موضوع بقسم الاستشارت
ويردون عليك استشاريات خاصه روحي لقسمهم وما راح يقصرون معك تلاقين قسمهم بهل الرابط http://www.66n.com/forums/forumdisplay.php?f=70 او روحي قسم المشاكل المحلوله ولا تنسين كبريها تكبر صغريها تصغر لا تصيرين حساسه مره وتشيلين هم ترا ماحد بيلتفت لك خليك قويه |
جزاكم الله الف خير
ويعطيك العافيه مدام ايمان |
اقتباس:
أختي الفاضله .. تحيه طيبه .. أولا.. في هذه الساعه الاخيره من الليل أدعو الله بأن يفرج همك ويزيل كربك .. وعليك بالصلاه والدعاء أثناء السجود وكثرة الاستغفار .. ثانياً .. جربي مره اقعدي مع امك وابوك اشرحيلهم وضعك بهدوء وقوليلهم عن تقصيره مع الله فكيف إذا بتقصيره معك وانك تحاولين تصلحينه لكنك محتاجه وقفتهم معك ..وانو اذا هم ماوقفوا معاك وحس هو بقوتهم فهذا بيزيده اهمال وتسلط .. ثالثاً .. أنا معك بالدعاء وبانتظارك لاخباري بالتغيير الايجابي .. تحياتي .. (((أنثى بس غير ))):o |
الله يعينك اختي
وكلي امرك لله وصلي قيام الليل والله يفرج همك المهم انتي حاولي تتقريبن من الولده وتعرفين ليش تعاملك كذا اما من ناحية زوجك خلي الوضع عادي لما تشوفينه قاعد على انت او يكلم بالجوال لا تجلسين معاه ولا تناقشينه ماله داعي تنكدين على حالك عشان خاطره وهو ولا همه انتبهي تطلبين الطلاق وبعدين وين تروحين اذا علاقتك مع اهلك مو زينه فخليك ببيتك احسن لك الله يفرج همك بها الشهر الفضيل |
أعانك الله وفرج همك يُنقل إلى القسم الأنسب.. |
كان الله في عونك
حبيبتي ما عليكي الا الدعاء ان شاء الله يلاقي لحظه اجابه طنشي زوجك شوي وركزي بعلاقتك مع الله هو سبحانه من سيصلح حالك وحال زوجك |
اختي الكريمه كان الله بعونك
لاتطلبي الطلاق ولاتشكي الى اهلك اصبري الى ان يتوب ويكبر عقله طنشيه وعيشي حياتك واذا شفتيه مع حريم ابتسمي وقوليه الله يهديك اهتمي بنفسك كثيرا وان شاء الله يتعدل مستحيل يبقى كذا كل مالانسان كبر كل ما حس بالمسؤليه اكثر |
سبحان الله الله يعينك على ما ابتلاك ويصبر عليه تقربى الى الله بالدعاء والعباده وان شاء الله يفرج لك همك |
الله يجزاكم خير
|
الله يكــــــــــــون بعووونك مادري تلاقينها من مين ..
حبيبتي زوجك مقوي عينه عليك بزياده لانه عارف اهلك ايش يسوون معك وكيف يعاملونك حبيبتي هولويلقى من يوقفه عند حده صدقيني تنكسر عينه وراح يحسن معاملتك انتي حاولي تتكلمين مع واحد من اخوانك يتكلم معه وراح تشوفين كيف بيتغيرراح يحسب حساب ان في وراك ارجــــــــال ومنتي رخيصه.. وعليـــك بالدعــــــاء اشغلي نفسك في الاستغفاروراح تفرج لك بأذن الله .. |
ياقلبي عليكي
والله حاسة بمعاناتك لاني تقريبآ مثل وضعك من ناحية الاهل بس شكلتي مع زوجي تختلف والله مصيبه هالاهل ماكان هالبنت بنتهم كل اللي خايفين منه كلام الناس وبنتهم تروح وطي وزوجك هالتافه هذا طنشيييييييييييييه والله مايستاهل تتعبين نفسك عشانه وهو لو لاقي اللي يوقفه عند حده من اهلك ماسوى هاللي قاعد يسويه وبصراحه انا ماأييد ان المره تصبر على زوجها ابدددددد تصبر تصبر وبالنهايه يتززوج عليها والا بقدرة قادر ينصلح حاله بس بعد ايش بعد مايجيها ضغط وسكر!!!! بس انا عارفه انو صعب عليكي عشان اهلك انا اعاني مع اهلي مثلك الله يعينك بسسس مالك الا اللجوء لله قبل كل شي ادعي ان الله يهديه ويهدي اهلك بعد |
والله مافيه حل الا تصبرين ولا تنجبين اولاد هذا علشان لوطلقتي تصيرين شخص واحد ماتكونين شخصين
|
شنوو شنوو وين قاعدين احنا !!!
حبيبتي شاف ما وراج ظهر استهان فيج .. بس طنشيه ، لا تعطينه ويه خله يكلم بنات لين يشبع ... سوي واجباتج ولا تنتظرين منه حقوقج صججججججججججج " اللي ما يخاف الله ينخاف منه " الله يعينج على بلوتج .. ويحنن قلب هلج عليج |
عزيزتي ....
بما انه وضعك مع اهلك اسوأ من وضعك مع زوجك فما لك الا انك تجلسي في بيت زوجك ارحم لك ,,, مثل الاخوات ما اقالولك اعملي التجئي الى الله وادعي فان دعوة المظلوم مستجابه ,,,, واكثري من الاستغفار ,,,, لكن لا تتعبي نفسيتك ولا تنقهري ولا تتنرفزي اهم ما عليك صحتك ياحبيبتي ,,,, اهم الخطوات اللي المفروض تاخذيها الان : - لا تحاولي الانجاب الان نهائيا ولا تفكري انه ممكن الطفل يغير شي الانسان اذا بيتغير راح يتغير من قرارة نفسه مافي شي يجبره ,,, هذا اولا - ثانيا عيشي حياتك اعملي واجباتك معاه لكن ما ان تنتهي انسي انه موجود بالبيت طنشييييييييييه اعملي لنفسك برنامج يشغلك عنه نزلي برامج من النت تخص الكمبيوتر وتعلمي عليها شوفي ايش ميولك واشغلي نفسك فيه ... - اهتمي بلبسك بمظهرك لا تهملين نفسك بالتفكير ترا كثرة التفكير تقصر العمر ,,,, - اجتمعي مع صحباتك سواء بزيارتهم او الخروج معاهم لاي مكان نسائي تغيرين جو وتبعدي عن جو البيت ,, - اذا شفتيه يكلم سواء بالنت او بالجوال ولا يهمك سوي نفسك مو شايفته ولا كانه موجود وحسسيه بهالشي . - ابتعدي وتجنبي اي تصادم معاه نهائيا اهم شي عشان ما تعرضين نفسك للضرب من شخص جبان مثله.. وان شاء الله راح يتغير الحال للافضل باذن الله ... الله يسعدك وين ما كنتي ويبعد عنك كل مكروه ... - |
السلام عليكم اختي
قصتك كثير كثير مشااابهه لقصتي والا الان مازال على ادمااانه بس للامانه غير معاملته معي وصار احسن بكثير اول شي ادعي له ثاني شي بقولك شنو انا سويت وحسيت فيه شويه تغيير بس الاكيد انه مازال على علاقاااته بس خف كثير عن اول ومع السنين باذن الله بيعقل اول شي خلي بنفسك روح الامل والتفائل ولاتقولين تعبت لان هالكلمه تخليك تتعبين بالفعل ادري وربي حااسه فيك بكل شي لاني عانت مثل ماعانيتي واكثر لاني خليته هم بحيااتي انتي لاتهتمين لسوالفه اضحكي وسولفي معه ولا كنك شايفه شي الا اذا صاار شي واضح قدامك تكلمي معه بس لاتكلمينه باسلوووب هواش وعصبيه ترى مابتفيدك العصبيه اول كلامك قوليله منت صغير واعلمك الصح من الخطى ولا انت مراهق واقدم لك النصاائح انت كبير وفاهم وعاقل وتعرف ومقتنع ان اللي تسويه مو صح وانه بيخرب عليك حتى حيااتك مع شريكة حياتك اللي هي انا انا مالي الا ادعيلك وهالشي باراده رب العالمين لانه صار عااده عندك بس قوليله انا زوجتك اذا تبيني بتعرف تدل طريقي وتبعد عن تفاهاتك واذا تبي تطير بتعرف تطير لكن لاتتوقع بعد مااتبي كل شي اني برجع لك حتى واحنا ببيت واحد بعتبرك ولا كنك بحيااتي وخليك قول وفعل مو انك ماتكلمينه مسويه زعلانه لا كلميه واضحكي بس لاتكونين معه مثل اول صبي اهتمامك على نفسك انتي اهتمي بحالك والبسي وتكشخي وعيشي حياتك ولا كنه موجود ربي ولدك وحاولي اذا انك ماكملتي دراستك تكملينها عيشي لاتخلينه اكبر همك اشغلي تفكيرك بدراستك وبولدك وبزيارات اقاربك بكل شي الاهم ماتتعبين نفسك عشاانه وربي لما يشوف انك معد تهتمين بهالامور ليصير هو اللي يجيك يبي اهتمامك الاول بس يبيله وقت خلي عندك صبر وقوه تحمل انتي قويه اكيد باااين عليك القووه خليك قد قوتك انظري للحيااه لاتغيرين من حيااتك اللي قبل الزواج اي شي اهتمامك لنفسك روحك الحلوه لاتغيرين شي اعتبريه اضااافه فقط ربي عطاك هي بحياتك الاهم تبينين له قوتك وعزمك وربي لتتغير حيااتك وضحي قوتك باهلك وبدونهم قوليله لاتتوقع ان اهلي ضدي انك بتذلني بالهشي او بياثر على نفسي خليك قويه واجهي اهلك وواجهيه بقوتك وعزمك درااستك دراستك هي اللي بتفيدك من بعد الله سبحانه وتعالى والله يهديه ويصلحه لك ويوفق بينكم يااارب |
الله يكون بعونك يالغالية
ياربي مدري وش اقولك الله يسامح اهلك لان هذا من جد مايستاهل حسبي الله ونعم الوكيل وكلي ربي على امرك |
الله يجزاكم الف خير
ما اقدر اتحمل الظلم اللي انا فيه لو ناقشته او سبيتهم ولادعيت عليهم ضربني لين يطلع الدم من جسمي عايشه بعذاب والله فيني الضغط والسكر تعبت محد وقف معي يوقفه عند حده حتى العيد رفض اروح اصلي واشوف الناس والله شي يقطع قلبي مدري شسوي يكتمني قدام اهله اذا طلبته شي طلبت اروح لسوق ابي لي شي حق العيد قال انكتمي وروحي لغرفتك ساعدوني تكفون حتى المصروف اخذه من فاعلين الخير الله يجزاهم الف الف خير وهو مايدري ولا يخليني اروح لا احد الا عقب مايكسر خاطري بكم كلمه تسد النفس وربي ماروح السوق ولا اسير لا احد الا ودمعتي ع خدي ومكسوره |
ياقلبي قلبااااااااااااااه حسبي الله ونعم الوكيييييل اسمعي وانا اختك: ربي اذا حب عبد ابتلاه وهذا ابتلاء من الله خليك قوية صبورة وادعي ربك صبح وليل ان يصلح شانك وييسر امرك ويريحك من هالعذاب لك النصائح: 1- اجعلي تركيزك ليس عليه بل على ابنك 2- لاتجعلي طفلك يرى مايفعله ابوه لك امام عينه فلربما يفعل مايفعله اباه( يجعله مثل القدوة له) 3- خليك قوية مؤمنة متفائله بان الله سوف ينصرك على من ظلمك سواء زوجك او اهلك 4- خليك متجدده كل يوم اظهري عليه بشكل وخليك ثقيلة ولاتهتمين بما يفعله بالنت او التلفون 5- اجعلي من نفسك مثقفه اقري كتب كثير اذا طلعك وقفي عند المكتبة واشتري مجموعة كتب < الزوج تجذبة المرأة المثقفة 6- قبل كل شيء هذي دنيا وسعي صدرك ولاتفكرين فيه ويجيك المرض هو موسع صدره لابعددد حد وانتي اللي تاكلينها 7- امامه سولفي مع ابنك واضحكي خليه يعرف انه مو اكبر همك 8- بالنسبة لااهلك ليش هم معاك كذا ؟ اسالك بالله! هل كنتي مضايقتهم او مسوية غلط مما جعلهم يسيئونك بمثل هذه المعاملة؟ |
بالنسبة لااهلك ليش هم معاك كذا ؟
والله نفسي ادري وش السبب من بعد ماتزوجت قلبو علي مره وحده اسالك بالله! هل كنتي مضايقتهم او مسوية غلط مما جعلهم يسيئونك بمثل هذه المعاملة؟ اقسم بالله العلي العظيم سويت معهم اشياء ماراح يسوونها معهم اخواني لين يموتون لدرجة اني كنت اغسل رجول امي واسوي لها مساج لها واعتني فيها وازيت شعر امي وامشطه لها وهي عمرها 45 سنه يعني مو عجوز وابوي يوم كان يسكر دايم يبكي وهو في حالة سكر فيه حاله نفسيه واضمه وابوس راسه واحاول افهم وش اللي يحس به واخواني كلهم يضحكون عليه ويستهزؤن فيه وانا ابكي مقهوره ع ابوي وكنت اشيل له اكل يوم يكون نايم لان امي ماتبيه ياكل وكنت تطرده من البيت وتسكر الباب عليه واروح افتح له الباب وادخله واتحمل هواش امي وضربها لي علشان ابوي واول زواجي كنت اخذ فلوس من زوجي واعطيها امي لان ظروفهم شوي صعبه وفسحة اخواني علي من غير الهدايا اللي كنت اجيبها لهم واحد واحد والحين محد معبرني اه يالقهر بس |
كااان اللله في عوووووووونك
تلاقيها من وين والا من وين دام اهلك مو معك اصبري الله يعينك استغفري كثير لين ربك يفرجها ولاتفقدي الامل وكملي دراستك وانشغلي عنه |
باب الله دائما مفتوح اطرقيه آخر الليل بالدعاء والاستغفار والتذلل له
وارضي الله بالطاعات والاستغفار وترك المعاصي وتأكدي أن بأذن الله حيانك سوف تتغير فرج الله همك وسخر الله زوجك وهداه |
انا الحمد لله
ما اقصر في السنن والنوافل والاذكار والدعاء بالحاح ان الله يسخر لي زوجي واهلي وانا جدا" متفائله ولله الحمد ولكن اتحطم اذا شفته يحطمني قدام اهله او يتلفظ علي حتى امه اذا ولدي طاح ولا صقع راسه ولا طلع فيه جرح قالت لي جعلك للحمى ماتنتبهين لولدك الله يهديها انا ولدي شقي بزياده ومايسمع الكلام لانها دلعته وخربته علي والحين والله ما اذوق طعم النوم الا الساعه 9 او 10 الصباح لاني اجلس اواصل معه ينام من الساعه 10 بالليل ويصحى الساعه 3 الفجر وانا اللي اقعد بها وش اسوي تعبت محد فاهمني ومقدرني |
بصراحه الله يعوضك خير باهلك وبزوجك وبصراحه نار زوجك ولاجنت اهلك معليش ياقلبي تحملي زوجك وطنشي حطي على جرحك ملح واسكتي وش بتسوين الرجال لو بيخون خان لو انك من الحور عيونهم فارغه بس روحي للي ماينام الحي القيوم هو احن عليك من اهلك وزجك والناس كلها ادعيه وتضرعي له انسي زوجك ومشاكله انتبهي لنفسك واهتمي بمضهرك غيري نفسك مو علشانه علشانك اذا في امكانيه تسجلين في النادي سجلي او معهد او اي شي سلي عمرك قد ماتقدرين ابعدي عن الوحده اهلك خففي زياره خليهم يحسون بقيمتك وادعيلهم ان ربي يسامحهم ويهديهم وصدقيني مع الدعاء راح يجيب ربي لك زوجك الين رجليك الله يوفقك يارب ملاحظه سالفه الهدايا والدلع هذا انسيه مايستاهل
|
ما لك غيييييييييير الدعااااااااااااااااااااااااااااااااااااء
والاستغفااااااااااااااار الكثييييييييييييييييييييييييييييير وابعدي عن كل ما يغضب الله عز وجل اشغلي نفسك بالقراااااااااااان وبالصلااااااااااااااة ولا تتهاوني فييييييييييييه والله معاااااااااااااااااك |
الله يجزاكم الف خير
انا ماقدر اشوفه يكلم وحده واسكت ما اقدر وربي وشلون اتحمل يارب صبرك |
| الساعة الآن 07:27 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©