![]() |
ماهو الميل القلبي لاحد الزوجات
عندي سؤال للحريم
شي محيرني واسمع استفسارات كثير من الحريم عنه اقبال الزوج مثلا جنسيا على زوجه من زوجاته اذا كان معدد شي يفسر بالحب ولاموشرط ممكن يكون يرتاح لها من هانحيه وبس وعموما هل فيه قاعده من هاناحيه ؟؟ او تكون مجرد رغببه جسديه لادخل لمشاعر الحب والعشق فبها الله يسعدكم ابي اجابات تفصيليه من جد موضوع محيرني!!!! |
صعفوقة اتمنى ان تتقبلي ردي بصدر رحب
كثير من مواضيعيك تدور حول نفس النقطةو و اللي هي تحاولي تعرفي ان كان يحبك .. او ان كان يحبك اكثر من زوجته الاخرى .. حبيبتي نصييحة .. لا تهرمي نفسي بالتفكير بهذه النقطة لانها ما بتجيب لك الا الهم اعملي اللي عليك .. طيعيه .. عامليه بما يرضي الله .ز اجذبيه لك بالمعاملة الطيبة و الكلمة الحلوة .. تدلليه و دلعيه و سوي اللي يبسطه و يبسطك و بس وصدقيني مع مرور الايام راح تلاااقيه عندك و مايتممنى يفااارقك .. لا تقعدي تدققي بكل حركاته و ايش دلالاتها .ز دعي الخلق للخالق المهم انه يعاملك كويس و معطيك حقوقك و عادل بينك و بينها ... اما مافي القلب .. فلا تحاولي تعرفيه و انما حاولي تستميليه لناحيتك بكل الطرق .. الله يوفقك و يسعدك مع زوجك |
اقتباس:
وصدري رحب لاي تعليق وشكرا:d |
صدقيني اذا زوجك يميل لك في الامورالحميمه..هذامعناه يحبك..لان الرجال اذا مايحب زوجته ماينبسط معهافي هذاالشي..ياديه كواجب فقط ومايطلبهاكثير
ويبان اذاالزوج مرتاح معك من هذي الناحيه.اذا حسيتي انه يطلبه منك كثير معناه مرتاح معك...هذا كلام زوجي..ويقول الي قال كلام غيركذا لاتصدقوه.. |
اقتباس:
الله يسعدك كلام يطيب الخاطر بس موكل الكلام الي اسمعه يأيد عشان كذا الوحده منا تحتار!! ,:)الله يخليك لزوجك ويخلي زوجك لك, |
هذا السؤال من المفروض ان تساليه للرجال
|
اقتباس:
|
مـو شرط دليل على المحبة الشديده لكنه على الاقل دليل على عدم الكراهية
فالزوج ممكن زوجة يتزوج ثانيه ويمارس معها الجنس اكثر من الاولى لكن قلبه يكون معلق ومائل للزوجة الاولى اكثر |
بالنسبة لي انا .. فلا علاقة بين المحبه القلبيه و حب الجنس ..
فممكن ان احب زوجتي بجنون و لكن لا اشتهيها جنسيا كثيرا .. و قد لا اميل لاخري تماما و لا احبها علي الاطلاق و لكن اتمناها ان تكون زوجتي من اجل الجنس .. فلا علاقة اطلاقا بين العشق القلبي و حب الجنس .. الاثنان منفصلان عن بعضهما تماما .. بالنسبة لي علي الاقل |
اقتباس:
سبحان الله ... بصراحه انصدمت من تعليقك اخوى انا كنت واثقه من رايي فى هذه النقطه بس انت قلبت الموازين كلها هنا سؤالى كيف يمكن لرجل يلمس امرأه لمجرد الشهوه ...؟! نفسيا كيف يعاشر من لا يحب هل هذا الشئ معقووول |
هناك فرق بين ان المس امراه لا احبها و لكن في نفس الوقت لا اكرهها .. و هنا يكون الامر ممكن
اما لو كنت اكرهها .. فيستحيل ان المسها .. |
انا زوجي تزوج من شهر وصارت بيني وبينه مشاكل وتجريح من لدرجه كنت متاكده انو بكرهني ولمن اتزوج والي متزوجه يقول انها اجمل مني بكثير بعد شهر تقريبا اصبح يتصل علي ويبيني في الفراش ويقولي انه يحبني وما يقدر يستغنى عني قلتله ليه ما عندك وحده تعوضك عني قالي انت غيري وهو الي حسيته انه مرررررررررررررررررررر ه متشوقه ليه في الفراش وهو يقول انه يحبني انا مو قادزه اصدق انه يحبني وخصوصا على الي سواه فيني وبنفس الوقت اقوا بيني وبين نفسي هو عنده زوجه جديده وجميله جدا وما صارلوا شهر مو معقوله يكون مل منها هل طلبه لي في الفراش وبشده يدل على حبه ودي اعرف خصوصا من الرجال انا يا ختي صفعونه مثلك تما ما ها د الموضوع محيرني وبجنني هل زوجي يحبني انا ولا بس علشان يرتاح معي في العلاقه وهو يحلف انه يحيني ويموت فيني وما يقدر يستغنى بالله الي عنده اي فكره بنفسية الرجال قولولي تصرفات زوجي هل فعلا يحبني ولا وللمعلوميه زوجي مدمن زواج يعني متزوج اكثر من مره من قبل ما اتزوجه وهو ما يجلس اكثر من 3 سنوات الا ما يتزوج وانا ولله الحمد اكثر وحده جلست عنده ما شاء الله فما ادري يمكن يكون زواجه مرض او تعود ساعدوني وفهموني شخصية زوجي عجزت افهمه
|
|
اقتباس:
منجد تحتارين كبف يفصلون بين هالامرين مع انه احس انها حاجتين مرتبطه على الاقل بنسبه لنا احنا يالحريم مستحيل ماحبه واخليه يقرب مني... لك نصيحه مني اهتمي في شكلك سوي نيو لك على قولتهم تغلي شوي عليه جننيه وبعدين <دلعيه> لاتصدينه كثير يبعد عنك ويبي لك تصبرين سنه اوتحمل هي عشان يصير الوضع عادي بينك وبينه الله يكون في عونك رجال مالهم امان :11::11::11::11::11: |
الله يجزاك الف خير يافصعونه وما لنا الا الدعاء ادعو الله لي ولك ان الله يرزقنا حب ازواجنا اللهم اجعل قلوبهم تنبض بحبنا واجعلهم يحنو ويشتاقوا لنا دائما وابدا اللهم اجعلهم يحبونا من قلب ويحبوا كل شي فينا اللهم جملنا في عيونهم يارب يارب استجب لي ولا اختي واجبرخاطرنا فنحن في امس الحاجه اليك اللهم ارضا عنا ورضنا
|
اختي فصعونه اذا ما فيها احراج اوتدخل في خصوصياتك كيف تقبلتي زواج زوجكي عليك وهل رضيتي بسرعه وكيف كان شعورك وكيف قدرتي ترجعي علاقتك مع زوجك بعد زواجه يعني كيف تقبلتي الوضع وكيف قدرتي تلتقي او تقابلي زوجته الثانيه وكيف علاقتك فيها في اول زواجه والحين ما عليه طولت عليكي بالاسئله طبعا انت حره تبي تردي علي او لا بس لاني انا للحين نفسيتي جدا تعبانه من الموضوع ايام افكر بالطلاق والا يمنعني اولادي وما ابي استعجل واخرب بيتي واشتت اولادي خصوصا انا للحين في بيت اهلي وما اقدر اتحمل اسمع اسمها وزوجي يقولي بقسم البيت وانا مشترطه عليه لا تشوفني ولا اشوفها ولا تدخل على بيت ولا تجمعني معاها ابدا متخوفه جدا من رجعتي وما ادري كيف اتصرف من اول ما احد يجيب اسمه احس بكهربا اهلى يقولوي مؤقت بكر بتنسي وبتصيروا مثل الاخوات انا ابدا ما اتصور اني ممكن اتحمل اني اشوفها هي ما لها ذنب بس انا غيوره جدا واخاف من زوجي ما يعدل او يهيني او يحرجني قدامه او حتى يدلعها هي مليون فكره براسي وخصوصا زوجي من النوع الي يحب يقهر ني الله يهديه وسامحيني
|
علاقه قويه بين الحب والجنس...الحب يؤدي الى علاقه حميمه ممتعه وحركات رومانسيه ويستمواكثرمن ساعه
اماغي غياب الحب..قد يوجد جنس بس بارد جدا وغير ممتع وخالي الحركات الرومانسيه الي الكل عارفهايعني مايتجاوزالنصف الساعه انتي شوفي زوجك وحركاته معاك تحددلك مشاعره... ولاتاخذي غيركلام المتزوجين,,لان الغيرمتزوجين هناكثيرو خيالهم واسع ومايفهموافي هاالامور |
اقتباس:
ترى الرجال يميل للي تبسطه في الجنس...اهم شي عنده الجنس .. هذاالكلام لك وللي عندهاضره...وربي ماجبته من راسي كله من مصادرموثوقه |
اقتباس:
شفتي ان اهم شي عندهم الفراش وبس...وزوجي اكدلي هذاالشي.. |
تسلم يا ختي ليه الغرور الله يخليلك زوجك ادعيلي فانا محتاجه جدا الدعاء
|
لا طبعا مافي اي علاقة بين الحب والجنس بالنسبة للرجل
هذه الحقيقة للاسف احنا الحريم نعتقد ان الرجال احساسهم مثل احساسنا احنا الحريم ما نقدم الجنس الا للحبيب وحتى زوجك حبيبك اذا كنت زعلانة منه تجدي صعوبة في تقبله جنسياً صح ولا لا ؟ بينما الرجل غيييير الرجل عنده الجنس ما يتعلق بالحب والمشاعر المرأة التي تثيره جنسياً يمارس معها الجنس سواء كان يحبها او لا والا كيف تفسري طلبه ممارسة الجنس مع امرأة يراها اول مرة ؟ معقولة حب ؟ طبعا لا لكنها عجبته واثارته عشان كذه ماراح يرتاح الا اذا مارس الجنس معها ***** كلام بيني وبينك اختي الحبيبة لاني حاسة فيك ويشهد الله اني مقدرة مشاعرك جداا وفاهمتها جدا جدا شوفي يا قلبي ادري انه مو شي سهل تشوفي زوجك يروح منك لوحدة ثانية تحسي انه باعك وراح لها لكن هو ما يحس بهذا الشي هو شايف انه مارس حقه الشرعي ومن حقه انه ينبسط ويستمتع مع اكثر من وحدة دام الشرع حلل له المرأة لا تتقبل ان تكون عشيقة او زوجة لاكثر من رجل صعب جدا ، فاذا كانت زوجة لشخص ، وتركته لآخر فهذا معناه شطب الاول من حياتها بينما الرجل لا احنا في عرفنا الحريم انه اللي يحب ما يخون لكن الرجال غير زواجه من الثانية لا يعني كره الاولى الموضوع ماله علاقة بالحب يحبك ، ويحبها ، ويحب كل الحريم في الدنيا :d فلا تخافي ، محبتك في قلبه مستحيل تروح لكن دورك اكبر من اول لاااازم يكون لك دور فعااال عشان ترجعي زوجك لاحضانك واحب اطمنك لنقطة الرجل مهما تزوج وعدد ، تظل الاولى غييير واقولك شي كمان الاولى هي اللي خلقها الله عز وجل من نفس الرجل وهذا الشي مذكور في القرآن ليش ربي خلقها من نفسه؟ عشان يلقى عندها السكن اذا فقد السكن والراحة يدور على الثانية اسألي اي رجال في الدنيا انت ليش تزوجت ؟ يقولك سببين الاول البحث عن السكن والامان في حضن زوجة حنونة محبة الثاني اشباع الرغبة الجنسية طيب اسألي اي رجال معدد ليش تزوجت الثانية يقولك برضه سببين الاول ماني مرتاح مع الاولى ( تعرفي وقتها انه فقد السكن معاها ) الثاني التجديد والرغبة في تجربة اكثر من امرأة جنسياً طبعا فهو يوم يرغبها طويلة ، ويوم متوسطة الطول ممتلئة الجسم قليلا ، يوم سمراء ، يوم نحيفة كعارضات الازياء ، يوم جسمها فيه تقاسيم ...الخ الرجل بطبعه يتمنى تجربة كل شي ولو انه مارس الجنس مع كل نساء الارض الا واحدة ، لتمناها حبيبتي زوجك ضاع منك لانه افتقد السكن والامان معاك كل رجل في الدنيا يتمنى التعدد لكنها مجرد امنية الرحل يحكم عقله قبل عواطفه يتمنى ، لكنها مجرد امنية ولن تنتقل محل التنفيذ الا اذا فقدنا السبب الاول للزواج وهو السكن اما السبب الثاني وهو الجنس يظل في نفس كل زوج لكنه لن ينفذه الا فقد السكن فهمتيني ياقلبي؟ واقولك شي كمان كل رجل يتمنى الزواج اعتقادا منه ان لدى الاخرى ما ليس لدى الاولى وعندما يتزوج تذهب السكرة وتأتي الفكرة في البداية يبهره شكلها ، ويبهره انها شئ جديد ويميل لها اكثر من الاولى لكن مع الوقت تصبح مثلها مثل الاولى ولن يجد لديها شئ جديد ويبدأ بالتطلع لغيرها ، وهكذا والرسول صلى الله عليه وسلم ما اغفل هذه النقطة ووضحها لنا وقال ( اذا رأى احدكم مايعجبه فليأتِ اهله فان معها مثل الذي معها ) يعني كل الحريم في النهاية زي بعض هذا كلام الرسول صلى الله عليه وسلم اللي ماينطق عن الهوى يعني كلام ربي اللي خلقنا وهو اعلم فينا لكن الرجال يحبوا يتعبوا نفسهم :25: المهم عزيزتي لازم ترجعي زوجك لاحضانك عشان يحس بالامان والاستقرار معاك صدقيني الزوجة بالنسبة للرجل شئ كبير هي الامان ، هي الحضن الحنون ، هي الام ، هي الاخت ، هي الصديقة ، هي العشيقة هي اساس حياته ، هي بيته هي عائلته هي حياته اللي يعيش من اجلها ورغم هذا كله يتمنى ممارسة الجنس مع غيرها لكن اذا راح هذا كله يبدأ بالتفكير الفعلي في فتح بيت ثاني بحثاً عن الامان المفقود شوفي حبيبتي ادري طولت عليك بالكلام لكن انتي محتاجة كلامي هذا لاني احس انك ضايعة ومهزوزة ومو عارفة كيف تتعايشي مع مصيبة زواج زوجك حبيبتي اذا تبغي زوجك يرجع لك لازم تتوفر عندك عدة اشياء 1. السكن والامان والاستقرار 2. الحب الحقيقي اللي يحس انه طالع من قلبك (حتى لو اضطريتي تمثلي) 3.الرومانسية والدلع 4. الاهتماااام به عندما يكون لديك ومعاملته كانه سلطان زمانه 5. ان يشعر انك تحبيييه وانك متقبلة لزواجه حباً فيه طالما الشي هذا يريحه ، وتنسي الثانية تماما وما تخليه يحس انك تغاري منها 6. وهو اهم شي في الموضوووع كله بعد رقم واحد وهو ( الفن في الجنس) فاهمة ايش يعني فن لاااازم تكوني مثيييييرة بمعنى الكلمة وتخليه يحس انك تستمتعي معاه وانك ترغبيه وتشتاقي له وعفوا على الكلمة .. تشتهيه وانك تنبسطي مووت لما يكون معاك ، وانه في نظرك فنان ويعجبك ويثيرك وطبعا تترجمي الاحاسيس هذه كلها لافعال بمعنى انك تتزيني وتلبسي ملابس مثيرة ، واكيد كل وحدة تعرف ايش اللي يثير زوجها بالاضافة الى حركات الدلع والغنج والدلال واثارته حتى تجذبيه لك لاتستني انه هو يطلبك انتي جددي حياتك الجنسية معاه ، انتي عليك الدور الاكبر مو هو اذا عندك اطفال تصرفيهم ، وتفهميه انك صرفتيهم عشان تكونوا مع بعض تهيئي الاجواء وتفهميه انك سويتي كذا عشان تستمتعوا مع بعض وطبعا ما يحتاج اقولك على مقولة ( يتمنعن وهن الراغبات) هذه تجنن الرجال حتى النخاع آخر شي ياقلبي اقولك نصيحة من قلبي (عيشي لنفسك) زوجك عايش لنفسه ، راح تزوج وما فكر في شي الا في انه يريح نفسه وينبسط هم كذا الرجال لكن احنا الحريم مساكين نفني حياتنا وننسى انفسنا من اجلهم وهذا اكبر غلط وتراه ينفر الرجال منك واحنا نعتقد العكس انه يخليه يقرب منك عيشي لنفسك عشان انتي ترتاحي وهو كمان يرتاح وينجذب لك انشغلي بنفسك وبيتك واطفالك لا تنشغلي فيه ابدااا انسيه تماما وكأنه غير موجود مارسي حياتك الطبيعية هواياتك صديقاتك اهتمامك بنفسك عشان نفسك مو عشانه واذا جاك تذكريه ودلعيه آخر دلع لكن لما ما يكون عندك لاتشغلي نفسك فيه ابدا شوفيه اذا راح لاصحابه نسى كل شي اذا راح لزوجته نسى كل شي لكن احنا ما ننسى ازواجنا ابدا عشان كذه نتعب نعتقد انهم مثلنا واذا اكتشفنا انهم غير ، انجرحنا هم مستحيل يصيروا زينا اذن الصح اننا احنا نصير زيهم ونعيش لنفسنا اما زوجته انسيييييييييييييييييها تمااااااااااااما شيليها من بالك وكانها غير موجودة ، ابدااا لاتفكري هو ايش يسوي معاها ، هو ايش قالها ، هو فين راح معاها ، هو كيف نام معاها لاتشغلي نفسك فيها ابدا لانه الوحدة مجرد انها تتخيل زوجها ماسك يد وحدة غيرها يجن جنونها وتنزل دموعها غصب عنها فليش تتعبي نفسك؟ ليش تجيبي الغثا والحزن لنفسك؟ خذيها مني نصيحة ، الشي اللي فيه تعب لك ابعدي عنه مثلا جواله اذا فتشتيه ولقيتي رسايل منها تتعبي وتغاري ونفسيتك تتوتر اذن الجوال = مصدر تعب اذن الجوال باي باي لا تفتشيه ابدا وهكذا في كل شي يتعلق بزواجه فهمتيني حبيبتي ؟ زوجك اذا فكرتي في احساسه ناحيتك او ناحيتها ومين يحب اكثر ... الخ تتعبي اذن زوجك لاااتفكري فيه ابدا المهم تعملي اللي عليك ناحيته وترضي ضميرك قدام ربك وهو حر يميل لك اكثر او لها لاتهتمي ، اهم شي انك انتي ترتاحي لما تعملي اللي عليك ادري كلامي صعب بس عشان تعرفي تتقبلي مصيبتك لازم تكوني قوية وتحاولي الزوجة الثانية اذا فكرتي فيها وفي احساسه ناحيتها وايش سوى معاها تتعبي صح ولا لا اذن الزوجة الثانية ننساها تماما ولو جات على بالك على طووول قولي اعوذ بالله من الشيطان الرجيم هذا الشيطان اللي جا عشان يثير الحزن في نفسك ويخليك امرأة نكدية وتنكدي على زوجك لما يجيك وبالتالي تقوم بينكم المشاكل وينفر منك زوجك ويبعد عنك وبكذه يوصل الشيطان لهدفه خليك اذكى منه وخليك قوووووووووووية لازم تكوني قوية بقوتك تهزمي الشيطان بقوتك ترجعي زوجك لاحضانك حبيبتي كل انسان مسؤل ومحاسب عن نفسه فقط اذن اهتمي بنفسك واهتمي بصحيفة اعمالك ايش الفايدة لما تكوني التوب عند زوجك ، وعند ربك الله اعلم؟ اهم حاجة ربك اهم حاجة تكووووني التوب عند ربك انا عارفة انه احساس طبيعي كل وحدة في الدنيا تتمنى انها تكون الحبيبة في قلب زوجها ولو راحت المحبة تتعب وتضيع عشان كذه لازم نخلي هدفنا اكبر من الزوج نخلي هدفنا هو (الله) اننا نكون زي ما ربي يبغى مننا ، مو نكون زي ما ازواجنا يبغوا مننا والله ياقلبي اذا كنت زي ما ربي يبغى ، تلقائيا راح تكوني لزوجك زي ما هو يبغى ، وراح تلاقيه رجع لك وصدقيني حبيبتي احلى وامتع شي تسويه لنفسك انك تعيشي لربك والله وربي يشهد على كلامي انك بتلاقي لذة في قربك من الله ومناجاتك له احلى مليووون مرة من متعتك مع زوجك يمكن حتى تنسي انك متزوجة اصلا اذا وجدت لذة العبادة والله ماراح تهمك الدنيا حتى زوجك هذا من الدنيا ماراح تهتمي فيه لانك بتكوني واثقة ومتأكدة انه اللي عند الله في الجنة احلى مليون مرة من زوجك صدقيني الدنيا فااانية كلها ايام معدودة نعيشها ، واقولك شي كمان عشان ترتاحي خليها قاعدة عندك لاتبحثي عن السعادة والراحة في الدنيا ابداااا يعني لا تخلي هدفك في الدنيا انك تعيشي سعيدة ومرتاحة لانه ربي قال انه خلقنا في كبد الراحة الحقيقة والسعادة تبدأ في الآخرة ، مستحيل تبدأ في الدنيا لكن فيه في الدنيا حاجة اسمها (جنة الدنيا) ايش رايك تحاولي انك تدخليها عشان تلاقي الراحة الدنيوية وبنفس الوقت تكسبي الراحة في الآخرة تدري ايش هي جنة الدنيا ؟ هي ( لذة الايمان ) والله ياحبيبتي كلامي هذا خلاصة تجربة حقيقية انا عشتها كلامي هذا هو النتيجة الأخيرة الي وصلت لها بعد ما اتخبطت هنا وهناك ادور على حل والله انه هذا هو كان احسن حل واقولك بشارة كمان الحل هذا هو الحل السحري اللي يرجع زوجك لك والله ياحبيبتي انا ابصم لك بالعشرة اذا نفذت كلامي هذا مع الصبر وعدم اليأس واحتساب الاجر عند الله انا اضمن لك انه زوجك بيرجع لك زي زمان واحسن من زماان مليووووووووون مرة ولاتنسي انك الاوووولى ، يعني انتي وبس انتي اللي ربي خلقك من زوجك ، وفري له كل اللي يحتاجه وهو بيرجع لك ، لاتخليه يضيع بينك وبينها وبين غيركم مسكين تلاقيه هو كمان مو مرتاح من الغيرة والتعب اللي فيك صدقيني هو يحس فيك حتى لو ماتكلمتي احساسك يوصله واقولك كلمة اخيرة ؟ الرسول صلى الله عليه وسلم ، مين اكثر وحدة من زوجاته اللي يحبها وماقدر ينساها او انه اي وحدة من الباقيات تحل مكانها حتى بعد وفاتها؟؟؟؟ عارفة مين؟ خديجة رضي الله عنها ، الزوجة الاولى شفتي كيف حتى عائشة رضي الله عنها ، صح كانت اكثر وحدة يحبها ، لكنه ما قدر يحبها اكثر من خديجة رضي الله عنها ولما قالت له ابدلك الله خيراً منها ( تقصد نفسها ) ، رد عليها بالنفي وانه خديجة رضي الله عنها تظل لها مكانتها حتى بعد وفاتها ارتاحي واطمأني من هذه الناحية ، قلبه لك ، لكن ابذلي جهدك عشان يكون هو بشخصه لك يااارب يهدي سرك ويريح خاطرك ويوفقك في هذا الشهر الكريم واعذريني على الاطالة |
اقتباس:
|
اقتباس:
ما شاء الله لا قوة الا بالله ما هذا الرد الرائع ؟! بعض المشاركات تتمنى انك لم تقرأها وبعضها تعيد قراءتها عشرات المرات . |
اقتباس:
يارب لك الحمد كما ينبغي لجلال وجهك وعظيم سلطانك كنت خايفة ردي ما يلقى صدى في قلبك راح ادعي لك من قلبي في هذا الشهر الفضيل يارب يفرج همك وهمي وهم كل المسلمين والمسلمات وهم كل وحدة زوجها تزوج عليها :D الله يوفقك يارب ويسعدك دنيا وآخرة |
ربي يوفقك مع زوجك أختي الكريمة
و يا تالينا ما شاء الله عليك على ردك الراااائع |
lما شاء الله عليكي يا اختي (تالينا) والله كل كلامك درر كل الي قلتيه هو فعلا الي يدو في خاطري الله يسعدك ويدخلك جنة النعيم ادعيلي اني اكون قويه وقدر اطبق الي قلتيه فانا محتاجه الدعاء ايام اكون سعيده وما اشيل هم وايام كانه جبل على صدري انا واثقه بالله ولساني لا يتوقف عن الدعاء ولله الحمد اسال الله ان يتقبل لكن اعوذ بالله تيجيني وساوس من الشيطان اتخليني احزن وابكي وما اقدر امسك نفسي مع اني والله راضيه بالي قسمه الله ولكن الحزن مو بيدي احسه يهجم علي هجوم وانا احاول فادعولي واشكرك مره ثانيه من كل قلبي الله يسعدك ويوفقك
|
ابو حكيم ، بستان مزهر ، امل الحياة
جزاكم الله خير الجزاء أختي الحبيبة امل الحياة الحزن اللي يجيك هذا من الشيطااان هو العدو الاول والاخير لبني آدم كل غرضه انه يفرق بينك وبين زوجك الله سبحانه وتعالى قال انما النجوى من الشيطان ليحزن الذين آمنوا وليس بضارهم شيئاً الا باذن الله وعلى الله فليتوكل المؤمنون يعني احنا ايش نبغى توضيح اكثر من كذا حبيبتي والله لو تقرأي القرآن بتدبر ، لاحظي كلمة تدبر مافي ولا آية قالت اقرؤا القرآن كل الآيات تقول ( افلا يتدبرون القرآن ) عارفة لو تقرأي بتدبر وتتمعني في الآيات راح توصلي لأشياء ماتقدري تتخيلها والله العظيم انك راح تحسي براحة ما بعدها راحة الا بذكر الله تطمئن القلوب عارفة ايش يعني النجوى من الشيطان ؟ يعني اي شي يدور بين زوجك وزوجته وانتي تدري عنه هو من الشيطان هو قاصد انك تشوفي او تسمعي عشان تحزني عشان تتنكدي عشان تبكي عشان تتضايقي عشان تنكدي على نفسك وعلى زوجك عشان تعيشي حياتك كلها هم في هم وماتقدري تقومي على رجولك وتكوني قوية وتعبدي الله حق عبادته هذه كلها من مكائد الشيطان يبغى يخلي زوجك هو شغلك الشاغل ما تفكري ولا في شي الا فيه ، حتى مشاعرك كلها تكون موجهة لزوجك هذا هدف الشيطان خليكي اشطر واذكى منه ووجهي مشاعرك بصدق للي خلقها ربي ترى خلقنا لعبادته ، ما خلقنا عشان نرضي ازواجنا رضا الزوج سبب من اسباب كثييييييييرة توصلك لرضا الله ليش نخلي رضا ازواجنا هو هدفنا في الحياة ؟ وربي وضح في آخر الآية كيفية التغلب على هذا الحزن اللي يجيك ببساطة ربي قال ( فليتوكل ) هذا فعل أمر ، ربي يأمرك انك تتوكلي عليه طيب عارفة معنى التوكل؟ انك تعتقدي يقينا جازما انه كللل شي بيد الله عز وجل ، عارفة لو قتلتِ نفسك عشان زوجك يرضى ما راح يرضى الا اذا ربي اراد طيب ليش انا اتعب نفسي؟ ليش ما اتوكل على ربي واسمع الكلام واصير شطورة :d ياحبيبتي هذا شي ربي كاتبه منذ الازل مافي يدي ولا يدك اننا نعترض او نغير اللي ربي كاتبه بيصير ربي يقول ( ما اصاب من مصيبة في الارض ولا في انفسكم الا في كتاب من قبل أن نبرأها ان ذلك على الله يسير ) يعني كللل شي يحصل في الدنيا هو مكتووب عند الله ومصيبة زواج زوجك عليك ربي كاتبها من زمااان بعدين ربي يقول ( لكي لا تأسوا على ما فاتكم ولا تفرحوا بما آتاكم ) يعني بالله لما تحزني وتقطعي نفسك حزن وندم وعذاب والم ايش راح تستفيدي؟ هل بيتغير القدر؟ هل زوجك بيرجع لك ؟ هل في لحظة بتصحي من النوم ويطلع كابوس ويطلع زوجك ما تزوج عليك؟ لا طبعا خلاص هو شي صار ، مو بيدك ، هو شي ربي كاتبه ، ليش الحزن ؟ حبيبتي انتي مو عارفة انه كل شي ربي يقدره هو ( خيــــــــــر) احنا البشر نظرتنا قاصرة يمكن انتي تشوفي انه شر لك ، وتشوفي انك مجروحة ومتألمة من زواج زوجك لكن الله سبحانه وتعالى اللي خلقك وخلق زوجك هو ادرى بنفسياتكم وهو الادرى انه هذا الزواج خير لك حتى لو انتي ما تشوفي جوانب هذا الخير اذكر وحدة كانت تعارض سفر زوجها ، بعدين فكرت وقالت يمكن خير ودعت الله اذا خير ربي ييسره واذا شر ربي يصرفه والله سافر ورجع وهو ندمان مووت ويقولها والله ما عاد اسافر من غيرك :22: خلي نظرتك لله فيها ثقة اكبر من كذه ربي يقول ما اصاب من مصيبة الا باذن الله ومن يؤمن بالله يهد قلبه يعني ايمانك بالله عز وجل هو الشي الوحييييييد اللي يخلي قلبك يهدأ ويرتاح كمان اقولك شي يمكن اكون قاسية بس معليش ربي يقول وما اصابكم من مصيبة فبما كسبت انفسكم ويعفوا عن كثير يعني احنا لااازم نصلح نفسنا كيف ربي يسعدنا في حياتنا واحنا نعصيه ؟ كل ابن ادم خطاء ، واحنا لازم نجدد التوبة كل يوم لله عز وجل حتى تكون حياتنا سعيدة حبيبتي ربي يقول زين للناس حب الشهوات من النساء يعني كل الناس يحبوا النظر للنساء ، ربي ما خص الرجال ولا قال زين للرجال طبعا الرجال في بالهم انه ربي فطرهم وخلقهم على حب التعدد لكن الحقيقة انه هذا شي عام كل الناس ينبهروا بالنساء سواء كانوا رجال او نساء لكن الفرق في احساس الرجل والمرأة ناحية الطرف الثاني اذكر مرة كنت في المستشفى وجات الممرضة هي اجنبية قالت لي ارتاحي وتخيلي انه البحر قدامك قلت في نفسي عيونك هي البحر:25: لانه عيونها كانت زرقاء طبعا اي رجل يقرأ كلامي راح يقول في نفسه هذه البنت شاذة :d بينما احنا الحريم راح نفهم انه عيونها عجبتني لجمالها وهذا هو الفرق الرجل نظرته لجمال المرأة نظرة جنسية ، وعشان كذه هو يفكر في التعدد ، عشان يقدر يمارس الجنس مع الاخرى بينما احنا النساء نظرتنا لجمال المرأة نظرة جمالية ، نمدح الوحدة لجمالها ، اناقتها وممكن نسألها كيف سوت كذه ومن فين اشترت هذا الشي ما نقصد شي غير الجمال ولاحظي ربي ايش قال ، ( زين ) يعني المرأة في اصل خلقتها جميلة ، فما بالك اذا كانت مزينة في نظر من يرآها ؟ قيل اذا اقبلت المرأة جلس الشيطان عند رأسها فزينها لمن ينظر ، واذا ادبرت جلس على عجزها فزينها لمن ينظر ولو كان قدامك طبقين حلى ، واحد مزين بالتوفي وصوص الشوكولا ، وواحد عادي ، نفس الحلا ، نفس الطعم بس واحد عليه زينة واحد لا ايش راح تاكلي؟ ولا تنسي حفت النار بالشهوات وحفت الجنة بالمكاره فالرجل الذكي الفاهم هو اللي يترك هذه الشهوات طمعاً فيما عند الله طبعا راح يقولوا لكنه شي حلال وفي هذا اذكر مقولة لعمر بن الخطاب رضي الله عنه لما قال او كلما اشتهيتم اشتريتم؟ يعني الواحد كل شي يشتهيه يروح يشتريه؟ حتى لو كان حلال ايش ترك شي من شهوات الدنيا عشان يلاقيه في جنته ؟ وشوفي آخر الآية ربي ايش يقول ( ذلك متاع الحياة الدنيا والله عنده حسن المآب) يعني هذا كله من متاع الدنيا التي لا تساوي عند الله جناح بعوضة واللي عند ربي احسن من الدنيا مليووون مرة ايش نختار ؟ الدنيا ولا الآخرة ؟ ليش لازم نتمتع بالدنيا وبكل شي فيها ؟ ليش ما نترك شي عشان نتمتع فيه في الآخرة ؟ انا مثلا والله اتمنى اشياء كثيرة ، واشياء ممكن االاقيها واجيبها لكني اتركها طمعا في اني الاقي افضل منها عند الله ليش ما تكون تجارة رابحة مع الله؟ شوفي الآية اللي بعدها ربي يقول ( قل أؤنبئكم بخير من ذلكم للذين اتقوا عند ربهم جنات تجري من تحتها الأنهار خالدين فيها وأزواج مطهرة ورضوان من الله والله بصير بالعباد) شوفي ربي ذكر من النعيم الازواج المطهرة احنا الحريم ما نقدر ننكر اننا قد ننبهر بشكل رجل ما طبعا نظرتنا له ما راح تكون جنسية وانما نظرة جمالية لكن المرأة المتزوجة قد تنظر له نظرة جنسية خاصة اذا كانت مو مرتاحة مع زوجها طيب ليش ربي قال وقل للمؤمنات يغضضن من ابصارهن ؟ وما خص الرجال فقط بغض البصر ؟ وليش ربي مدح الحور العين انهن قاصرات الطرف ، يقصرن طرفهن على ازواجهن ؟ يا حبيبتي الدنيا هذه جهاااااااااااااد وقيل انه الغيرة من جهاااد المرأة والشاطر هو اللي ينجح في جهاد نفسه وجهاد اهوائها وشهواتها وما يجعل هواه هو الهه بالله ايش افضل تلاقي زوج في الآخرة زي ما نفسك تحب وتتمنى ، ولا تكافحي عشان زوجك في الدنيا يكون لك زي ما تتمني ؟ ياقلبي اقولك كلمة أخيرة سوي اللي عليكي ولا تنتظري المقابل او النتيجة يعني الوحدة اذا طبخت وتعبت وما لقت كلمة شكر من زوجها ممكن انها تتحطم صح؟ انا اقولك لا تحطمي بالعكس هذا دافع اكبر لك لبذل العطاء ليش؟ انا اقولك ليش لانه انتي تعملي الشي رضا لله مو رضا لزوجك سواء رضي او ما رضي المهم ربك يكون راضي وبالعكس اذا ما رضي فهذا ابتلاء من الله عشان تصبري وتعطي اكثر وما تنهزمي ربي يحب المؤمن القوي المؤمن القوي خير واحب الى الله من المؤمن الضعيف كوني قوية يا امل لاتسمحي للشيطان انه يهزمك ولا تسمحي لهذه المرأة انها تكون سبب في ضعفك بالعكس اجعليها سبب في قوتك والله يوفقك ويسعدك يارب |
لااحد يقارن بين الرسول صلى الله عليه وسلم وبين رجالنا...
هناك فرق كبير... وباالنسبه للي يقولو مافي علاقه بين الحب والجنس...بكره تتزوجوا وتفهموا.. واللي يقول قد احب زوجتي حب جنوني بس مااشتهيهاكثير...بكره تتزوج إن شاء الله وتعرف وممكن ان الرجل مايحب زوجته لكن يطلبهاللفراش عشان يخلص نفسه بس وتعرفوا ايش يعني يخلص نفسه يعني مايعيرهااي اهتمام ولايحتضنهاويبخل عليهاباالقبلات....ياجماعه هذا اشياء معروفه |
اقتباس:
حبيبتي ليه الغرور انا فاهمه قصدك وحاسه ان وجهت نظرك فيها شئ من الصحه وفكري يتقبلها اكثر بس تقرأين ردود كثيره هنا تثبت العكس الله يحفضك.... |
الف شكر (تالينا) الله يسعدكي ويدخلك الجنه كلامك من جد ريحني الله يوفقك دنيا واخره بس ارجوكي دعوه لاختك امل الحياة ولكل زوجه انظلمت من زوجها انه الله يصبرني ويربط على قلبي ويرد زوجي لي ردا جميلا والف شكر مره ثانيه
|
نتشارك في المعاناة بس فيه
خطاء انا وقعت فيه اني حطيت بيني وبينها حواجز اصبحت مع الوقت عداوه ضرتنا كلنا حاولي مع الوقت تبنين علاقة احترام بينك وبينها بتحفظ والله افضل من الخصومه الله يصبرك.... اقتباس:
|
اقتباس:
كلامك جداَ قيم |
يا حبيبتي (ليه الغرور)
انا فاهمتك كويس لاني انثى زيك لكن الرجال صدقيني غير عننا لاحظي انه اغلب الردود هنا لرجال ونساء متزوجين لكن للاسف النساء مو فاهمين ويمكن لها سنوات مع زوجها بس لسه ما فهمت طبيعة الرجل وهذا خطر عليها وعلى حياتها الزوجية الوحيد للي مو متزوج ما تقبلتِ كلامه ، لكن في نفس الوقت جاء أخينا ( أخي في الله ) أيد كلامه وبشدة ، وأخي في الله متزوج ولديه أطفال حبيبتي اقولك شي ، المرأة لاتقدم الجنس الا للحبيب ، والرجال عارفين الشي هذا كويس عشان كذه تلاقيه في العلاقات الغير شرعية يخطط ويبذل كل ما في وسعه عشان يملك قلب البنت ويوقعها في حبه صح ولا لا طيب ايش الهدف اللي يبغى يوصله؟ الجنس طبعاً ، وبعد ما ياخذ مبتغاه منها يرميها اسألك بالله هل هذا حب؟ وهل هكذا يفعل المحب مع حبيبته ؟ نقطة ثانية انتي اثرتيها وهي القبلات والاحتضان عزيزتي احب اوضح لك انه القبلات والاحضان في العلاقة الجنسية ليست تعبير عن الحب ابدا معليش راح اكون جريئة شوية واقولك انه المرأة اذا كانت واااو بمعنى انها مهتمة بنفسها من ، الى نظافة واهتمام واناقة ورائحة عطرة عندها سيجد الرجل انها عبارة عن شئ (شهي) وانه لا حل لها سوى (الاكل) ، والقبلات والاحضان ماهي الا ترجمة فعلية لهذا الاحساس وعلى فكرة ، ترى الجمال مو كل شي بالنسبة للرجل ، الرجل لا يهتم بجمال المرأة قدر اهتمامه بانوثتها الانوثة هي اللي تجنن الرجال وتجذبه لك ، حتى لو كانت الوحدة ملكة جمال مع الوقت يصير شكلها عادي عنده ومألوف ويبدأ يشوف غيرها لاحظت كثير يقولوا زوجي يشوف غيري رغم اني جميلة !! لا علاقة بين الجمال وبين انه مايشوف غيرك المهم انك تكوني على سنقة عشرة زي ما يقولوا + التجدييييد وتغيير الروتين في اللبس والحركات والجو العام للعملية الجنسية ، المكان ، الزمان ، حتى لو تقمصت شخصيات مختلفة وكنت ممثلة بارعة لكسر الروتين والتجديد واحب اقول لكل زوجة ، ترى انتي في الاول والاخير انثى لاتنسي نفسك ولا تتحطمي انه شاف غيرك انتي ايقظي انوثتك المدفونة اللي اندفنت وسط المشاغل والمسؤليات والبيت والاطفال خليه يشوف فيك الانثى ، مو الزوجة والمرأة والام المربية خليه يشوف انوثتك خليه يعتقد جازما انك امرأة لاااتقاوم وانه لا يستطيع حيال سحرك وجاذبيتك وانوثتك الا ان يجامعك وعندها ، وبما انك زوجته وملكه ، يجب عليك اثارته والتمنع عنه بدلال حتى يشعر انك امرأة مثيرة ، وصعبة المنال في نفس الوقت حبيبتي النساء الغير سويات ، يمارسن الجنس من اجل المتعة ، وهذا ما يجب علينا تعلمه للاسف غالبية الزوجات يمارسن الجنس من اجل تأدية الواجب تجاه ازواجهن وهذا غلط لانه هذا الاحساس ينتقل للزوج من غير ما انتي تدري واحنا نبغى الزوج يحس انك مستمتعة معاه ومتشوقة للعلاقة اكثر منها عشان ينتقل له احساسك ويرى انك امرأة للجنس ولا شئ غير الجنس اما حكاية انه الرجل قد يطلب زوجته من اجل ان يخلص نفسه فصدقيني فيها غلط كبير اعذريني لانه الرجل هدفه اساسي من الجنس هو ( المتعة ) وليس قضاء الحاجة فحسب وانتي تقولي اذا كان مايحبها يطلبها لتخليص نفسه طيب ما قولك في الرجل الذي يعشق زوجته حد الجنون لكنه لا يستطيع الاقتراب منها جنسيا؟ نفسيا غير قادر على الاقتراب منها ، فهي بملابس البيت على الدوام جلابية او بيجاما ، رائحة الطبخ والبصل تفوح منها ، شعرها منكوش لم تفكر في استشواره او تسريحه حتى ، ليس على وجهها كحل او قلوس او اي شئ يدل على انها نظرت لنفسها في المرآة ، اضافة الى الشعر الزائد في ساقيها والذي نسيت ازالته وسط زحمة الاولاد والسهر على المذاكرة والطفل الرضيع ، اضافة الى يديها المتشققة من تأثير الكلوروكس وادوات التنظيف ، وقدميها الخشنة والمليئة بالجلد الميت ، والاهم من هذا كله العصبية والصراخ على الاطفال ليل نهار ، الطلبات المتكررة والتي لا يعرف الزوج من زوجته شيئاً سواها ، التوتر والانفعال من مشكلة ما حصلت عند اهلها مثلا او صديقاتها او حتى اطفالها ، وبالتالي التجهم والكشرة فلا يلمح الزوج حتى طيف ابتسامة مارأيك؟ هل هذه انثى ، أم مجرد امرأة؟ هو يحبها ، بل يعشقها ، لايرفض لها طلبا ، ولا يستطيع الاستغناء عنها باي حال من الاحوال ، وله منها البنت والولد لكنه جنسياً لا يستطيع بينما هناك زميلة له في العمل ، مهتمة بنفسها واناقتها ، ناعمة اليدين ، نحيلة الخصر ، تلبس الكعب العالي المغري ، تسبل عينيها ، تحرك رموشها برقة ، صوتها خفيض ، وحركاتها دللللع وانوووثة ، ترمي بشعرها الناعم يمنة ويسرة ، مبنسمة على الدوام مما يجعل من ينظر اليها يشعر بالتفاؤل وان الدنيا مازالت بخير طالما انه معها هي مجرد زميلة ، لم تتمكن من قلبه ، لكنها بانوثتها تمكنت من رغبته الجنسية الحب عند الرجل لا يؤدي الى الجنس وليس طريقا معبدا الى الجنس لازم كل الزوجات يفهموا هذه النقطة عشان لاحظت كثييير يقولوا يحبني اذن يطلبني لشخصي مهما كنت مبهذلة او .. او .. او هذا احساسك انتي كامرأة ، تتقبلي زوجك مهما كان لكن الرجل غير اتمنى ما اكون ضايقتك بكلامي ، واتمنى تتقبلي وجهة نظري حتى لو كانت مخالفة لوجهة نظرك في النهاية اختلاف الرأي لا يفسد للود قضية لك اعذب تحية |
اقتباس:
معنى ذلك أن الزوجه الأولى إن كانت عقيم وتزوج عليها ثم طلقها لن تجد زوجا تكون هي المكمل والنفس الذي تحدثت عنه وبنفس الوقت هذي الثانيه التي جائت من أجل الأنجاب كيف صارت هي نفس التي تحدثتي عنها الدين الإسلامي دين الشموليه ودين الوسطيه والعدل فلا تنظري لهذا الموضوع بهذه الطريقه لترضي نفسك وتضيقي على آخرين أن جربت زواج زوجي وجربت حياة المعددين بحكم العائله كلها معدده لكن لا أجد ماتذكرينه بل على العكس تماما كلما كانت المرأه تتسم بالهدوء والعقلانيه كلما كانت أفضل حتى لو لم تلمس ذلك عاجلا |
عزيزتي فهمتيني بشكل خاطئ
الزوجة الاولى يجد الرجل عندها (السكن) اما الزوجة الثانية فانه يجد عندها (الالفة) انا لا اضيق على الآخرين ، ولا اظلم الزوجة الثانية او الثالثة او الرابعة لكن كل واحدة يجد الرجل لديها احساس مختلف ولا اختلاف بين اثنين ان الزوجة الاولى اذا لم تتصف بمواصفات معينة فان الرجل سيفقد عندها ما يحتاجه وكذا الامر بالنسبة للزوجة الثانية او الثالثة او الرابعة اتمنى يكون مقصدي وصل لك واعذريني على المداخلة |
الله يعطيكم العافيه و يسعد قلب كل من شارك في رأي اومداخله لكن اذا كان كل واحده يجد لديها احساس مختلف معناتها موبكفه واحده ولاراح يكون فيه عدل وراح محبته تكون من نصيب واحده صح ولالا؟؟؟؟
زوجي يحلف ويقسم انه لايفرق وانه احنا الثنتين بنفس الدور في قلبه وهاشئ موقادره افهمه ولا استوعبه تفاحتين ماتجتمع في يد واحده!!!!!!!!!!!!!!:11::11: |
الساعة الآن 01:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©