|
زوجي قال : خلي مهمة الذهاب للسوبرماركت لي // فكرة جديده
اخواني واخواتي الاعزاء ... اتمنى انكم بخير وصحة ... احس إني من زمان ما طرحت افكار جديده اليوم حبيت اني ألطف الجو شوي ... بعيد عن المشاكل في القسم الله يفرجها يـــارب .. فقلت اطرح الفكرة اللي طبقتها مع زوجي وكانت نتائجها حلوووووووه والحمد لله ... اللي صار اني قبل يومين كنت محمومه وكان لازم اروح السوبرماركت وأحضر بعض الاشياء المطلوبه بس ما قدرت ... اقترح علي زوجي ان يروح هو السوبرماركت ويحضر الاغراض ... وهذي اول مرة من 11 سنة ... زوجي يروح السوبرماركت لحاله .... يعني تعودنا اذا بنشتري اغراض نروح مع بعض واحيانا انا اروح لحالي .... المهم أصــر علي ووافقت بس قلت له بشرط تروح العصر ... لان كانت في بالي فكرة ...تحمسه وتسليه وتساعده في نفس الوقت .... وقال اكتبي قائمة بالاغراض ... وانا كتبت القائمة بطريقة مبتكرة ... وهذه هي القائمة : الفكرة طبعا واضحه ... عبارة عن الاغراض اللي أبيها مع كلام حب .. مع ألوان تحمس .. مع تشجيع بالهديه ... (( ملاحظة : الرقم اللي باللون الاخضر ... هو رقم الصــــف ..علشان تساعد زوجي فما يحوس ويمل )) وطبعا قلت له ما تفتح الورقة لين توصل السوبرماركت .... وكانت هدية زوجي عبارة عن دهن عود فاخر لانه يموت في شيء اسمه دهن عود ... زوجي رجع البيت متحمس وفرحان واااااااايد ... يقول : كنت ابتسم طول الوقت والكل مستغرب ... مشكووووره على القائمة الحلوه ... وسألني : ممكن تخلين روحة السوبرماركت علي ...؟؟؟ وطبعا قال امور ثانية بس للخصوصية ما اقدر اكتبها وبعدين ألقى هجوم :25: عموما الفكرة نجحت والحمد لله :22: ... وكانت النتيجه أحلـــى ... وهـــي : اشترى لي عطـــري اللي أحبه ... وهو راجع اللبيت .... مكافأة لي .... اتمنى تعجبكم الفكرة ... وحبيت ان الاخوات العزيزات يستفيدن منها ... ويطبقنها ...للتغيير .. الله يسعدكم ويوفقكم ويحفظكم |
أهلين بلمني بشوق وبأفكارها الحلوه نورتي يالغاليه
وفكره حلوه وبأذن الله راح أطبقها بس أن شاء الله ماأنحاس مثل سالفة الفطور :) ربي يسعدك ويوفقك ويحقق لك كل ماتتمنين ومشكوره على أهتمامك بأخواتك ومحاولتك أدخال السرور على قلوبهم وقلوب أزواجهم:) بس سؤال الهديه وين حطيتيها لما رجع أعطيتيه ولا قبل ولا كيف؟؟ |
طهور ان شاء الله يالغالية ... طمنينا عنك الان
الله يعطيك الف عافية حبيبتي وربي يديم بينكم المودة والحب ياارب و لايحرمكم من بعض المشكلة انه اصلا اغراض السوبرماركت عليه :) ومااعطيه قائمة:) عادة يتصل وهو مروح من الشغل واقوله بنلاقي لها دبارة :) ونطبقها تسلمي حبيبتي ربيما يحرمنامن مواضيعك الرااائعة |
فكرة جميلة
الله يديم المحبة بينكم يا شاطرة |
اقتباس:
حياك الله حبيبتي ... مشكووووره على المشاركة ... وذكرتيني بفكرة الفطور :d جربتي مره ثانية ولا استسلمت ؟؟ بس ان شاء الله تنجح الفكرة معاك هذه المره ...:22: ولا شكر على واجب عزيزتي والله يعينا على فعل الخير وتقديم كل ما هو مفيد ...صدقيني افرح من كل قلبي لما أشوف احدى الاخوات تطبق أي فكرة وتكون نتائجها إيجابية والله افرح .. بالنسبة للهديه .. حطيتها في صندوق وخبيتها بالسيارة ... وهو ما كان يدري ...وطبعا الهديه بعد ما رجع البيت وشفت ان الطلبات صحيحه وما فيها اغلاط ... قلت له هديتك في السيارة ... وممكن تغيرين طريقه تقديم الهديه اني وشطارتك ... بس اذا ما عليك كلافه ... اذا طبقتي الفكره بشرينا بالنتائج ... وان شاء الله تكون حلووووه مثلك .. ربي يسعدكم ويحفظكم ... نورتي يا عسوووووله |
اقتباس:
ولا يحرمنا مشاركاتك الحلووووه ... ربي يسعدكم ويهنيكم ويوفقكم ... نورتي يا قمـــر |
الله يسعدك اختي لمني بشوق ويديم الحب بينك انتي وزوجك عن جد افكارك رائعه وان شاء الله اطبقها وياريت دايما تنورينا بافكارك الرائعه:17:
|
اقتباس:
|
ما شاء الله لا قوة الا بالله..
والله اني كنت ابتسم طوال قراءتي لموضوعك، ليس هذا وحسب، وانما دمعت عيني قليلا.. اسأل الله عز وجل ان يحميكما انت وزوجك من كل شر ومن كل عين، كما واسأله بفضله ومنه ان يتم عليكما السعادة، وان تبقى شعلة الحب بينكما متقدة لا تنطفيء ابدا.. |
اقتباس:
مرحبا بك حبيبتي .. مشكوووره على المشاركة والدعاء الطيب .. ربي يسعدك ويوفقك ويحفظك يارب ... نورتي يا شــ:)ـــــــاطره |
اقتباس:
اهلا بك عزيزتي ... مشكوووره يالغاليه على المشاركة الحلوووه مثلك والدعاء الطيب .. والحمد لله ان الفكره عجبتك ... والله يوفقك في تطبيقها ويارب تكون نتائجها حلوووه ... واكيد حبيبتي اي فكرة جديده على طول اطرحها بالمنتدى فالك طيب ... الله يسعدك ويهنيك ويوفقك .. نورتي يا عســوووووله |
اقتباس:
حبيبتي ام محمد .. جزاك الله كل خير يالغاليه على الدعوات الطيبه ... والله يهنيك ويسعدك ويوفقك في حياتك ويبعد عنك الدموع ويجعل الابتسامه دوم على وجهك حبيبتي ... سعدت بمشاركتك الحلوووه ... نورتي يالغــلا .. |
فكره حلللللللوه .. الوحده لازم تحسس زوجها انها معاه بكل مكان .. في نومته في قعدته
في البيت في الدوام في الديوانيه في الماركت...!! اما انا اغراضي اكتبهم بمسج!! |
اقتباس:
هلا والله بأحلى ناآاني ...مشكوووره حبيبتي على المشاركه والاضافه الحلوه ...وفكرة المسج بعد حلوه اتمنى تجربين الطريقه هذي ويارب تنجح معاك ... الله يسعدك ويوفقك ويحفظك ... نورتي يا عسووووله |
الله يديم المحبة والوفق بينكم
افكارك رائعة متل ماعودتيني بدي جرب طريقتك مع انه زوجي يتصل فجاءة فيني ويقلي شو بدك اغراض وهو راجع من الشغل جزاك الله خيرا وبتمنى انك تكوني جارتي بالامارات |
افكارك دائما روعة كروعتك ماشاء الله
ودائما انتي منوره القسم بالأفكار الحلوة حفظك الله واسعدك |
فكرة بسيطة ورائعة ومبتكرة...
راح أنفذها قريب...برغم إني أموت على السوبرماركت (من أيام الطفولة) شكرااااااا حبيبتي |
فكرة وااااااااااااايد حلوة
تغير الروتين اليومي :) |
اقتباس:
هلا حبيبتي ملكة .. تولهنا عليك ... مشكوووره على المشاركة والدعاء الطيب مثل قلبك .. ان شاء الله تجربين الطريقه ... يعني اذا احتجتي شيء اكتبي القائمة قبل لا يسألك هو ... واعطيه ... اذا كنتي من الامارات فسهل نكون جيران حبوبه ... ونحن اخوات قبل لا نكون جيران :) الله يسعدك ويوفقك ويهنيك ... نورتي يا غاليه |
اقتباس:
الرووعه في حضوركم حبيبتي والنور نوركم ... مشكوووره على المشاركة الحلووه والدعاء الاحلى سعدت بطلتك .. والله يسعدك ويوفقك ويهنيك يارب ... نورتي حيويه |
اقتباس:
هلا حبيبتي ... لا شكر على واجب عزيزتي ... واتمنى لك التوفيق في تطبيق الفكرة ... وانا مثلك اموت بالسوبرماركت لكن احيانا تحتاجين للتغيير ... مشكوووووره على الطلة الحلوووه والله يسعدك ويوفقك ويهنيك يارب ... نورتي يالغـــلا |
اقتباس:
هلا حبوبه ... مشكوووره على المشاركة الحلوووه .. وفعلا هي للتغيير والتجديد ... الله يسعدك ويوفقك ويحفظك عزيزتي ... نورتي يا احلى عصفوووره |
| الساعة الآن 05:39 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©