|
ياجماعه من الغلطان انا والا زوجي
السلام عليكم ورحمه الله وبركاته بقول لكم سالفتي بأختصار انا ساكنه في الرياض مع زوجي واهلي في الشرقيه قبل رمضان كنت اقول لزوجي ان شاء الله لاجا رمضان تنزلني الشرقيه اسبوعيا لان رمضان شهر شعبي اكثر وحلوه فيه جمعات الاهل والناس وخاصة انا في الرياض ماعندي احد ابداولاتعرفت على احدكثير احس بملل وطفش من وضعي الحمد لله على كل حال اول يومين في بداية رمضان كنت بالشرقيه وبعدين رحت رياض وجلست اسبوعين وزوجي ماقدر ينزلني في الويك اند لانه طلع عنده دوام اضافي مكلفينه في العمل طبعا هالسبوعين مليت وطلعت روحي وخاصة ان زوجي كان يروح الدوام في النهار والليل يعني ماكنا نطلع الالضروره ونرجع بسرعه ينزلني الشقه ويرجع العمل مره ثانيه الموهم يوم الاربعاء الي فات نزلنا الشرقيه عند اهلناوقلتله ابي اجلس عند اهلي لين العيد ماابي اروح رياض معك لان اساسا لو بروح معه هو مشغول بالعمل وموفاضي يجلس معي خمس دقايق انا اول ماقلتله كذا زعل وسواها سالفه وقالي كلام ماله داعي والحين هو رجع رياض وانا جلست عند اهلي بالدمام بس مررررررررررررره زعلان ادق عليه مايرد وشرايكم مين الغلطان تعبت من التفكير ومليت الله يسامحه ويسخره لي ويهديه قولو امين |
الصراحة انتي الغلطانة
لان الزوجة مكانها مع زوجها وهو تزوج عشان يلقى الراحة والسكينة يرجع من عمله تعبان يلاقي زوجته باستقباله ومجهزتله اكله وشربه |
شوفي حبيبتي لو جلستي عند اهلك بوقت غير رمضان ممكن يكون عاادي
بس رمضان صعبه تخلين زوجك عزوبي انا بنظري انتي الغلطانه طيب ارسلي له مسج وقولي تعال خذني وفي العيد اروح اعيد عند اهلي |
ياقلبي انا نفس حالتي انا اهلي في مكه وانا في الرياض مع زوجي وماعندي احد بس زوجي ماشاء الله عليه متفهم يوم الخميس نازله عند اهلي علشان العيد وكذا وكنت بنزل من بدايه رمضان لاني نفسيتي خايسه مره وبس ابكي وخالتي حاله اول مره رمضان بعيد عن اهلي بس صعبه قلت لا خليني ارضيه واكمل لين نهايه رمضان حاولي تراضيه ارسليله مسج اعتذري فيه يعني اتدلعي شوي عليه صديقيني بيرضى بس هو من حبه لكي اكيد مايبيكي تنزلي وممكن طلب ياعسل انه نتعرف على بعض اكثر اذا ماعندك مانع ونتواصل واجيكي ونطلع سوا يعني لاني متملله كل صديقاتي في مكه انتظر ردك00
|
بإختصار ، إنت الغلطانة
هذا شغله بيتعب و يكدح مو عشانك و عشانه ؟ ليه ما تتحملي معاه زي ما هو متحمل ؟ لو بيده أكيييييييييييد بينزلك كل أسبوع ، لكن مو بيده و كان المفروض تفكري فيه مو في نفسك و مين يجهز له فطور و سحور دحين ؟؟؟؟؟؟؟؟؟ بعدين تجوا تشتكوا أزواجنا ( يخونونا و ما يحبونا ) :( انتبهي له و لاعاد تكرريها |
اقتباس:
على العموم شكرا على الرد دعواتكم |
اقتباس:
والحين هو في الرياض مارايجي الا قريب العيد |
اقتباس:
مانقول غير الحمدلله على كل حال وياريت نتعرف على بعض ماعندي مانع بالعكس فكررررررره حلوه كثير تسلمين على الاقتراح هذا |
اقتباس:
قالي مااقدر الحين من تزوجنه لنا اربع سنوات والا سنه خذ اجازه برمضان انا وش ذنبي يظلمني معه الله يهديه مافي شي شاغل بالي غير موضوع الفطور والسحور عن جد كاسر خاطريمن هاذي الناحيه وخاصة انه مايحب كثير اكل المطاعم وهو في رياض دايم مشغول بالدوام ومو فاضي انا لله وانا اليه راجعون |
زوجك انجرح من اقرب انسانة لقلبه
كان في باله انك الامان والحنان والاستقرار وان الدنيا لا قست عليه يلقاك جنبه لكن تصرفك هذا خلاه يحس انك انانية وماتفكري الا في متعتك وراحتك وهو مو مهم بالنسبة لك غير انه حس انه اهلك اهم عندك منه زوجك الان حاس بالوحدة والغربة وحاس انه مافي احد في الدنيا يحبه ويوقف معاه خاااصة في رمضان الرجل مايحس بالامان الا في حالة وجود زوجته جنبه يجي من عمله تعبان يكون متأكد انه بيلقى وجه مبتسم ، صدر حنون ، لقمة دافية ياكلها ، لمسة حب تنسيه تعب اليوم كله لكنه الان وحيد يرجع من عمله ما يلقى الا الجدران الاربع والتلفزيون اذا انتي كنت طفشانة مرة فهو طفشان مليون مرة وفوق الطفش تعبان ومهلوك من ضغط العمل بصراحة ومن غير زعل كلمة (الطفش) المفروض مايكون لها مكان في قاموسك خاصة في شهر رمضان يا اختي طفشانة سلي نفسك بقراءة القرآن ، اعملي تحدي بينك وبين نفسك انك بتخلصي خمس اجزاء في النهار ، وخمس اخرى في الليل يا اختي انتي في نعمة عظيمة الرسول صلى الله عليه وسلم قال (نعمتان مغبون فيهما كثير من الناس الصحة والفراغ) والله اتمنى لحظة افضى فيها من طلبات الزوج ومسؤليات الاطفال عشان احس اني فعلا اعطيت رمضان حقه استشعري كل لحظة تعدي عليك انها لحظة من شهر فضيييييييييييل ما يتكرر الا مرة في السنة واذكر انه الصحابة والتابعين كانوا في رمضان يهجروا مجالس العلم ويقولوا انما هو شهر القرآن تابعي القنوات الاسلامية ، تلاقي دروس ومحاضرات واشياء مفيدة ادخلي اليوتيوب على شيوخ ودعاة تحبي تسمعي لهم صدقيني تشغلي نفسك وتحسي بالراحة والطمأنينة وتستقبلي زوجك احلى استقبال وماعاد تحسي بالطفش ابدا صحبتك مع الله تنسيك اي صحبة في الدنيا لاتقولي اني مو حاسة فيك انا زيك مغتربة مع زوجي واطفالي والاهل ببلد ثاني بس خلاص انا تزوجت يعني مكاني مع زوجي ، تغيرت حياتي وماينفع اظل متعلقة في اهلي زي وانا بنت انتي وحدة من اثنين ، يا صغيرة في السن ، يا توك متزوجة حبيبتي اقترح عليك ترجعي الرياض باي طريقة ، ارجعي لزوجك وسويها مفاجأة قوليله ماتحملت غيابك ولاقدرت انام وانا ما اشم ريحتك واتنفس انفاسك قوليله ماقدرت افطر وانا مادري انت فطرت ولا لا ماقدرت احط لقمة من السحور في فمي وانا مادري انت صايم وانت اصلا جوعان ولا متسحر ارجعي لزوجك حبيبتي خلي احد من اخوانك يرجعك او احجزي بالطيارة وارجعي المهم لاتتركيه وحيد ولاتخليه يحس انه مو مهم عندك لسه باقي على العيد كثير نصيحة لاتخليه يتعود على غيابك الله يوفقكم |
اقتباس:
|
اقتباس:
وان شاء الله انها غلطه وبتتصلح مشكوووره |
وبدون منازع.. أنت الغلطانة..
أول شي- شهر رمضان ماهو شهر شعبي!! هو شهر طاهة وعبادة..الحسنات فيها مضاعفة.. يعني الواحد يحاول يستغلها كثر ما يقدر.. مو يفكر بالجمعات والروحات والجيات!!! إفترضي أنه هذا أخر رمضان لك وش تبين تسوين؟؟ هذا شي .. الشي الثاني- ممكن نخلي الغلط عليه لو كان مشغول عنك عند أصحابه.. راح نقول عنه قمة الأنانية.. شمعنى أنت تروح وتستانس وأنا لأ.. لكن يروح يشتغل ويكدح وأنت ولا همك!! هنا المشكلة.. |
اختي مالها الا الااعتذاز انتي غلطانه ميه في الميه
ارسلي مسج اواتصلى عليه واذا متقبلها منك خلي والدك واخوك يوديك الرياض و كلها ليله وحده و ينسي |
شوفي حبيبتي هذا هو حال الزواج لازم تصبري ماالومك وخاصا بالرياض وانتي غريبة عنها الله يكون بعونك
لكن وش تبي تسوين زوجك اولى بك حتى لو كان مشغول ومثل ماقالوا الاخوات شهر رمضان لازم تكوني معه خليك كذا يوم ودقي عليه وان شاء الله ماصار الا كل خير الله يسخركم لبعض ويسعدكم ويرزقك ذرية تشغلك ولا تفكرين وقتها لا باهلك ولا بطفش لان الاطفال يشغلون ويعدي يومك بسرعة |
كل الردود غريبة احس اني عايشة بعالم ثاني هل كل رجالكم طيبين ومايضايقونكم او انتو الي متسامحين بزيادة ليش اهم اي شي يبونة يحصلونة واحنا لا لازم نرضخ لكلامهم مالنا حق نفكر او نطلب وحدة مالقت راحتها تطلب تريح عنداهلها للعيد شو فيهاليش غلطانة شو عملت ارتكبت منكر هذا حق من حقوقها اهم ماعلى الواحد راحتة لية تريحة وتشقي عمرها ياحبيبتي الي بخاطرك سوية انتي ماعملتي جريمة واذا كان يحبك اكيد يبي لك السعادة والراحة الي تبحثين عنها |
اختي انتي غلطانه يعني اذا كان زوجك يتعب في شغله لازم تتحملي وهو راح يقدر هذا الشي وخصوصا ان في رمضان يحتاج احد يسوي فطوره الله يهديك ويصلحك ارجعي بيتك وارضي زوجك
|
سويلك طريقه ترجعين له فى اسرع وفت
وبتكبرين فى عينه وقلبه والله يعينك يا الغلا |
اقتباس:
المفروض اترك التعقيب لصاحبة الموضوع.. لكن استغربت ردك:29: خير إن شاء الله .. صحيح الواحد المفروض ما يتنازل عن حقه.. لكن بحدود.. من حقه يرجع البيت ويلاقي لقمته مجهزته له.. من حقه يرجع البيت ويلاقي البيت يستقبله.. من حقه يلاقي ملابسه حقت الدوام مجهزه.. هي أساس أستقراره.. هي قالت أنه مشغول بالدوام عشان مين؟؟ مو عشان يأمن لها حياة كريمة.. مو عشان يلبي لها طلباتها وكمالياتها!! أختي الكريمة.. لو كان رايح ومشغول عنها مع أصحابه .. كان راح يكون كلامنا معاها شي ثاني.. لكن الوضع مختلف.. |
غاليتي..
انا مثلك بعيدة عن اهلي، واعلم كم هو مؤلم ان لا يجتمع الانسان باهله في رمضان، ولكن يا عزيزتي زوجك وواضح من كلامك ان ظروف عمله قاهرة، ورغما عنه لم يستطع ان يوصلك لاهلك كما اتفقتما، ولكن لا تنسي ان رمضان له اعتبارات اخرى غير سائر الايام، في الايام العادية ممكن ان يأكل اي شيء، لو حتى شيبس، ولكن في رمضان هو بحاجة لامراة تحضر له طعامه، بالذات ان عمله متعب، وتذكري انه يكدح ويتعب لكما، فلا مانع ان تصبري حتى العيد، واعتبريها تضحية تقدمينها، صبرت كثيرا يا اختي، لم يتبق الشيء الكثير. اتصلي عليه، وان لم يجب على اتصالك، ابعثي له رسالة على موبايله مفادها انك ترغبين بشدة بالعودة لبيتك، وانك لم تعرفي للاكل حلاوة منذ ابتعدت عنه.. اضغطي على نفسك قليلا وعودي لبيتك، واقضي العيد مع اهلك.. |
سالي وبس..!
شنو هالكلام اللي كاتبته الله يهديج الرجال ليش تزوج مو علشان المرة تقابله وتشاركه في حياته وهي ليش تتزوج اذا ما تقدر تستغني هن اهلها وتبلشه؟؟؟ زيارة الاهل شي حلووو بس بحدود |
اقتباس:
تسلمين |
اقتباس:
عشان خاطره ياريت زوجي يعرف كيف يقسم وقته ويحس ان في انسانه عايشه معه مش يعامله مثل اي قطعة اثاث موجوده حتى لما يفضى يجلس على الانترنت ماعنده وقت لي ابدآآآآآآآآ |
اقتباس:
صعبه اهلي يرجعوني |
اقتباس:
|
الحين قمتو علي وصرت غلطانة
هل كل الحياة فلوس وبس يومكم تقولون يتعب لمين واكيد انة في الاساس يبني نفسة وهويتة في المجتمع مو عشان خاطر احد يعني الي مو متزوجين مايشتغلون كل العالم يشتغلون نساء ورجال مو قضية الفلوس تروح وتجي لكن العمر الي يمضي من يعوضة وهي مسوية منكر كلة بيت اهلها انتو معقدين الموضوع وغلطتو البنت بعدين انتو فكرتو باحساس الرجال وهي وينها من هذا كلة من الي قايم فية خلال الاربع سنوات مو اهي جت على هاليومين الي هي تبي راحتها طلعت غلطانة انا قلت وجهت نظري مثلكم لكن تحولون مسار الموضوع علي لاني تكلمت بصراحة على ايش احنا موفي ساحة حرب اهي طلبت ارءا الجميع مو معقولة الكل يكون ضدها ويوم صرت بصفها غلطتوني اهي انسانة واعية ومدركة والقرار لها انا ماقررت حياتها كلها كلمة وكانها ماعجبتكم اسحبها المفروض الانسان يتجاوب مع جميع وجهات النظر وجميع زوايا الموضوع مو تاخذون الجزء الي يعجبكم بس والي مايعجبكم تحتقرون صاحبة وتغلطو علية |
اقتباس:
والا بيزعلون الحمدلله على كل حال |
اقتباس:
كل هذا عشان قلتله بجلس عند اهلي واليوم ارسلتله مسج ومارد علي |
اقتباس:
حبيبتي عمرك شفتي مو متزوج فاتح بيت .. ويسدد فواتير.. وأثاث من إلى.. وإذا كان فيه .. فمستحيل ياخذ شي كبير. ياخذ غرفة وصاله ( أستديو) فقط لا غير.. وهذيلي يعتبرون شواااااااذ.. >>>> عشان ما تفهموني غلط.. من مثل لكل قاعدة شواااااااذ. طبعا هذا في حال متغرب عن أهله ماراح أقول لكل قاعدة شواذ.. أتمنى وصلت المعلومة.. |
زوجك الغلطان
|
اللهم كن لنا ولاتكن علينا الله يسخره لك ويفرح قلبك به والله دايم مشاكل حتى لو كانوا بالديره عقب الايش يودي الله يهديهم ويحنن قلوبهم علينا ,,
استغفر الله استغفر الله استغفر الله (وماكان الله معذبهم وهم يستغفرون) |
الله يكووون في عووونك
ياااختى هذي الدنيااا كذا >>> الله لا يفرق بينكم بس هذي الحااال الدنيا ماعندك اعيااال اذا كان عندك اهتمي فيهم خليهم هم شغلك و زوجك زوري جيراانك او تجمعي مع زوجات اصديقان زوجك |
الصراحة يؤسفني اقول لك انت الغلطانه
يعني المفروض يوم شفتيه مو راضي رجعتي معاه لانه زوجك و اذا احتسبت راح يكون لك اجر انك جالسة في البيت و محافظه عليه انا من رأي الاخوات ترجعين له مع اخوانك او في الطائرة اذا كان يرضى بسفرك بالطائرة بدون محرم لان في رجال ما يرضون؟؟! ربي يصلح بينكم |
اقتباس:
الله يهديه ويسخره يارب مشكووووووره |
اقتباس:
كله مااقدر مااقدر الى متى يعني مايقدر الحين الناس الي ساكنين في نفس الديره الي فيها اهلهم ياخذون اجازه برمضان كيف وضعنا حنا |
اقتباس:
اقترحت عليه اتعرف على الجيران وماوافق |
واالله صعبة رمضان لاولله انتي الغلطنة بعداين انتي زي الي جبراتية اومشيت كلامك علية والرجال محبوان الحركة هذاي زمان كنة اسواي مشكال من بدية رمضان اهلاو ةواهلي انالين مصرت شبة متبالدة مع همني الين صر هويهتم هههههههههههههههههههههه ويحزن على يقوال يالة اوديك الهلك من غير متكالم والطالب
|
يبدو لي ان زوجك زعل لأنك طلبتي البقاء عند اهلك بعدما ذهبتي الى الشرقيه
ولم يكن هذا اتفاقكم سابقا , كأنكم كنتم متفقين على شيئ وانت غيرتي الاتفاق أليس كذلك ؟ ------------------------------------- انت ذكرتي في احد ردودك انك في بعض الاحيان تكملي مدة شهر بدون ان تزوري اهلك , واظنها فتره طويله بالنسبة لك ؟ اختي : انت تزورين اهلك كم مره في السنه , وكم يوم تجلسي عند اهلك في كل زياره ؟ |
الرجل أخذكِ عند أهلكِ يومين في بداية رمضان .. ثم أخذكِ مرة أخرى يوم الأربعاء الماضي (الويك إند) .. يعني الرجل لا يقصر عندما تسمح له ظروفه ووقته وطاقته ... فلماذا التحبيك وتضخيم المشكلة إذاً؟!
تعرفين أين المشكلة؟ المشكلة هي في حكاية (أنا من حقي)! وأنا أقول لكِ إن ما فعلتيه ليس من حقكِ. نعم من حقكِ أن تتواصلي وتزوري أهلكِ .. ولكن يفترض في ذات الوقت أن تراعي ظروف زوجكِ ومدى تفرغه ومدى استطاعته .. خاصةً إن كانت المسافة بينكِ وبين أهلكِ بعيدة .. وأنتِ تقولين إنه يكدّ في عمله ليل نهار .. يعني ربما هو أصلاً لا يملك طاقة ليأخذكِ عند أهلكِ .. وبصراحة تلك المسافة التي سيقطعها في السفر قد يكون هو الأولى بها للحصول على شيء من الراحة والهدوء. باختصار من حقكِ أن تزوري أهلكِ ولكن ليس من حقكِ أن تحددي أنتِ متى يكون ذلك .. خاصةً أنه لا يوجد أمر خطير أو طارئ يستدعي ذاهبكِ لأهلكِ حالاً. من حقكِ أن تزوري أهلكِ .. ولكن ليس من حقكِ أن تخلي بواجباتكِ الأساسية تجاه زوجكِ والتي يفترض أن تكون لها الأولوية .. وأنتِ تقولين إن رمضان شهر شعبي وجمعات .. وكأنكِ ترغبين في التمتع بأجواء رمضان مع أهلكِ وتتركي زوجكِ وحيداً عالقاً بين عمله وبين جدران المنزل الذي لن تكوني موجودة فيه عندما يعود!! .. ولعلكِ تدركين أن العمل وكثرة الكد ليس ممتعاً لهذه الدرجة كما قد تتصورين كما أن البقاء وحيداً في المنزل دون زوجته أيضاً لن يكون ممتعاً .. فكيف فكرتِ في نفسكِ ولم تفكري فيما سيكون عليه حال زوجكِ عندما تغيبين عنه؟! الأمر الثاني الذي لم أفهمه .. لماذا يجب أن يأخذ إجازة في رمضان؟!!!!! |
اقتباس:
طبعا في البدايه رفض وتضايق وبعدين قالي تبي تجلسين عتد اهلك خذي اغراضك وجلسي للعيد>>هالكلام طلع منه وهو متضايق حسيت انه مش راضي صرت ادق عليه وانا عند اهلي وهو مايرد بخصوص سؤالك ازور اهلي مره وحده بالشهر واحيانا مرتين وانام بيت اهلي خلال الويك اند الارعاء والخميس ويوم الجمعه نرجع رياض |
| الساعة الآن 12:19 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©