|
زوجي زعل مني وطلع من البيت على شي تافه!!
السلام عليكم
أخواني أخواتي كل رمضان وكل سنه وأنتم بخير مشكلتي مع زوجي الحبيب في بداية حياتنا كنا ساكنيين بشقه وجمعنا مبلغ واخذنا قرض من البنك واشترينا فيلا والحمدلله زوجي ماقصر أثث الفيلا من افخم الاثاث والشاشات والخدامه وووووووو ماشاءالله والحمدلله وفرلي كل شي المهم الحين قربنا نسدد قرض البيت وزوجي جاه ورث من أبوه الله يرحمه يعني زوجي ألحين مرتاح ماديا ويقدر يعيشني ملكه المشكله في زوجي انه صاير يشتكي من المصاريف يعني حتى لو طلبت منه أشياء ضروريه للبيت يشتكي يقول انتي طلباتك كثير ماتخلص !! مع انه يجيبها لي مايقصر بس لاااازم يتذمر هذا وهو وضعه المادي زين ,,يعني اول قبل الورث كان يسفرني وداني ماليزيا وتايلاند 3مرات وداني دبي كم مره اما ألحين بدا يشد شوي وسألته ليش كذا تعاملني مع ان وضعك المادي زين ؟ قال انا افكر اشتري لنا عماره ترجع إجار عشان لو توفيت تعيشون مرتاحين ؟ أنا صراحه تنرفزت وش اللي يفكر بالمستقبل ! يعني الواحد مايضمن عمره أنا ماأحب التفكير بالمستقبل ! يقولي اجل وش تبين قلت له نبي نتهنى بفلوسنا ونلعب بها نبغى نروح اوروبا ونبي نشتري من الغالي بالألاف وش فيها يعني مدام تونا بشبابنا بكره إذا شيبنا بنندم وماراح ينفعنا هالتوفير وهالعماير اللي بنسويها والله زعل مني وقالي انتي ماعندك احساس بالمسؤوليه وراح من البيت وخلاني اخواني أخواتي أنا غلطت عليه بشي وش رايكم مو معاي حق أعيش حياتي مدام توني بصحتي وعافيتي وشبابي أحس الدنيا ماتسوى عشان الواحد يوفر لها والله ماأضمنها دقيقه |
ما اعتقــد ان الموضووووع كبيــر
احس ان زوجــك يبغى يشوف منــك تقدير بمعنى انك تحسسينه بالتقدير ونك مقدره تعبه عشان كذا يقوولك انتي طلباتك كثيره وكذا حل مشكلتك بسيطه اذا جاب اي شغله اكثري من كلمــات الثنااء والان اذا رجع كلميه وقولي انا مقدره تعبك و و و ترا هالكلام مهم للرجال |
اسمحيلي انتي غلطاااااااااااااااااااااااااااااااانة
زوجج تفكره سليم 100% ما يبي يخليكم عالة على غيركم بعد وفاته وهو ما قصر معاج عطاج اللي تبين واكثر يا دورج الحين اللي تسوين له اللي يبي ولي متى بتستانسين؟؟؟ ربنا سبحانه وتعالى يقول ولا تجعل يدك مغلولة الى عنقك ولا تبسطها كل البسط فتقعد ملوما محسورا وانتي بسطتيها بما فيه الكفاية الحين قومي روحي صالحي زوجج وتاسفي منه وعلى راي المثل دام صاحبك عسل لا تاكله كله احسن ما يروح حق ثانية ويخليج على راحتج تسافرين وتهيصين |
للاسف هذا تفكيرك تفكير قاصر
|
اقتباس:
حلو تستمتعين بشبابك وتنبسطين وفي نفس الوقت ضروري التخطيط للمستقبل الفلوس اذا ماستثمرتيها بتروح هباء منثورا |
انا مع زوجك ألف المية ...
والمصيبة في نظره أنك تريدين فعلا ( اللعب ) بالمال وهو تفكيره منصب على تأمين وضعكم المادي بعد عمر طويل ان شاء الله .. هذا زوجي زي زوجك بالضبط ..ناوي أول ما يخلص القرض يشتري عمارة ... وهذا هو التفكير السليم ...وأنا معاه ....صحيح اتمنى أشياء ....بس صعب يكون زوجي بوادي وأنا بوادي .... وخصوصا انك قلتيها تريدين البعزقة بدون حساب ... سامحيني بس حسيت بزوجك وحسيت بقهره أن زوجته توأم روحه قلبها مو معه ولا يدها على يده ... |
الحق مع زوجك يبي يضمن مستقبل اولاده مااتدري بكره وش مخبي لك
الواحد يرفه عن نفسه بالحد المعقول مو يضيع فلوسه على اشياء مالها قيمه |
مشكورين على تفاعلكم بس أنا قصدي نلعب بها يعني مو نلعب بها كلها !! يعني نرفه عن نفسنا شوي
يعني زوجي ورثه كبير جدا جدا يعني اش فيها لو خصص لنا سفره كل سنه بأربعين ألف وش راح يضره صدقوني هو يقدر بس مايبغى يعني لو صرفنا الاربعين ألف بكل عطله وسافرنا فيها ماراح تجي العطله الثانيه إلا ورجع الاربعين الف اللي صرفنها بالعطله اللي فاتت لأنه عنده من الورث أشغال ثانيه وعماير حق أبوه تدخل له بالسنه قرابة الميتين ألف هذا غير السيوله اللي عنده |
بسم الله وما شاء الله
ثم دوام الحال من المحال ,الله يديم عليكم العز تفكير زوجك بمكانه وصحيح وهو ما ان يشتري العماره ان شاء الله يسفركم قليل من امثال زوجك يحب تكونو معززين مكرمين بعد وفاته ,الله يطول بعمركم ويجعل اولادكم صالحين وبارين بكم راضي زوجك وطيبي خاطره هو يخاف عليكم بعد عمر طويل |
اقتباس:
تفكير زوجك أنآ معـآه 1000% يعني أحمدي الله بأن رزقك بزوج يخآف عليك لهذي الدرجه الرجال حب يأمن مستقبلك أنتي وعيـآلك بعد طولة عمر ان شاء الله عشـآن كذآ لآ تخربي بيتك بنفسك على أمر أنتي مخطأه فيه 100% زوجط تفكيره صحيح وسليم ,, ولآ تنغصي على حيآتكمـ وهدوءها بأمور تآفهه حكّمي عقلك قبل تخربي بنآكم , بعدين تقدري تسافري وتستآنسي لكن بالشكل المعقول والصرفيه المعقوله , اللي ترضيك ولآ يتأثر منهـآ زوجك , الله يبآرك لكم بمـآ رزقكم به الكريم , موفقه , |
طيب و ليش ما تسافرون بعد ما يشتري العماره بفلوس الإيجارات
هيا بس نقول 5 سنين تطلع العماره حقها و بعدين خذوا راحتكم و لا تقولي راح العمر على كم سنه و في الأخير كل واحد سوى اللي نفسه فيه |
اقتباس:
صج ما ييملا عين ابن ادم الا التراب |
هذا التفكير الصح
انا زوجي يحب السفر وانا اقوله اجمع نبغى بيت ملك الواحد ماهو ضامن عمره عيالك بكره لاقدر الله وصار شي وين يسكنون!! زوجي مسررررررف وانا احاول اعوده والحمدالله بديت اعوده على الاقتصاد ونجمع ضمان للمستقبل فكري بالمستقبل افضل من الحاضر السفر متعه وقتيه وتزول لكن الفلوس امااااااااان صدقيني |
احمدي الله على زوجك
شوفي قسم بالله انا اقولك ذا الكلام وسمعت الاذان فالك طيب يابنت الناس قدري الي يسويه زوجك عشانك |
اختي ايمان اريد اسألك سؤال بس جاوبيني بصراحه...
أنتي تريدين فقط أن تتنعمي في الدنيا كيف تشائين وتشترين ماتشتهين؟؟؟؟أم خايفه من زوجك أنه يجمع المال ويكون تاجرا ويفكر بزوجه أخرى ؟؟؟؟؟؟؟؟؟؟؟؟؟؟؟؟؟ ادا كان فعلك بسبب الشق الثاني فاأحب أطمنك أن الرجل ادا في باله زواج والله لن يرده المال.... لأن كلامك حيرني يعني ساعدتيه على جمع المال حتى كون بيتا لكم ...معنى هدا أنك امرأه وسطيه لا أفراط ولاتفريط لكن لعلكي خفتي على زوجك ادا كثر ماله استغنى عنك... |
لا اعتقد ان الاخت الكريمة طلبت ماهو مستحيل او اكثر من المعقول خاصة في هذه الايام
الرحلة السياحية التي تكلف اربعين الف سنويا تعتبر معقوله مقارنة بدخله السنوي الذي يتجاوز المائتين الف على اقل تقدير وهي من دخل العمائر التي ورثها عن والده يعني دخل مستمر حاليا ومستقبلا ولا يوجد داعي للقلق هناك من هم اقل دخلا منه ويعتمدون على رواتبهم المحدودة لكن في نفس الوقت يصرفون على سفراتهم السنوية اكثر من المبلغ الذي قدرته الاخت ، واعتقد الرحله الترفيهية اصبحت مهمة لتجديد الحياة الزوجية |
زوجك معاه حق وانتي غلطانه
|
اقتباس:
يستنى الفلوس لان فيه رجال يتسلفون عشان يتزوجون صح ؟؟ وانا ساعدته على جمع المال من البدايه لاني كنت ساكنه بشقه إيجار والايجار صعب عشان كذا فكرت بالبيت لان البيت حلم اي إنسان البيت استقرار وأمان للمستقبل ,لكن ماتوقعت أنه يبغى شي ثاني غير البيت ماصدقنا نفتك منه الا جانا بشي ثاني طيب إلين متى ؟الحين يفكر بعماره بكره بيطلع لنا بمشاريع ثانيه لان الانسان بطبعه طماااااااااااااع |
اقتباس:
فهمتني صح ! كلهم ردودهم ضدي ,انا أبغى نتنعم بخيرنا وبحياتنا مو نبخل على نفسنا عشان المستقبل أبغى سفره كل سنه والله والله أنه راتبه قوي جدا هذا غير الورث لو راتب شهرين بس بتطلعنا أحلى طلعه بالسنه وبستين الف مو بأربعين |
اقتباس:
انا اول حياتي كنت صابره معه وكان مايعطيني مصروف بيدي رغم راتبه القوي وكل شي كنت أقول حرام وغالي وماله داعي وساعدته على تجميع فلوسه والله والله أنه اول ماسكنا بيتنا الجديد مع التاثيث والمصاريف مابقى معه بجيبه ولاريال أذكر قعدنا شهر كامل على 400ريال وبعت ذهبي عشانه طبعا بهذيك الفتره ماكان فيه ورث لانه ابوه كان لسى عايش يعني بالله عليك فيه أكثر من كذا تضحيه! ولاعمري قلت له أبغى ولااشترلي وكل أغراضي من الرخيص بعكس ألحين طبعا فهمتي ياقلبي |
اقتباس:
طيب أنتي زوجك مسرف وهو ماعنده بيت هذا شي غلط بس أنا زوجي اشترى بيت الحمدلله ومستقبلنا ظمناه |
والله يا اختي انتي ادرى بزوجج وباللي عنده
بس نصحيه اصبري شوي واوقفي معاه حسسيه انج واقفة معاه ( بس تمثيل) واذا خلص من شغله انتي اغتنمي الفرصة واطلبي اللي تبينه بجذيه لو تطلبين القمر بجيبه لج اعتقد زوجج يبي يحس بتقدريج له لا اكثر فانتي لعبيها صح وعيشي الجو معاه الى ان تنتهي التمثيلية وبعدها خلي المايك ( المايكرفون) لج |
اقتباس:
|
شوفي يا أختي انت أخطئتي مو علشان طلبك لااااااااااااااااا لكن اسلوبك في الطلب غير صحيح
اول ماقالك فكرته تنرفزتي وقلتي ما قلتيه طبعا طبيعي ردة فعله.. الطريقه الصحيحه تجاوبي معه في طرحه وشجعيه ودرسي معه طريقة مشروعه وشاركيه في الاجابيات والسلبيات طبعا كله في صلب الموضوع وفي نفس تفكيره...بعدها بشهر مثلا قولي له ايش رايك يابو فلان نوفر مثلا شهريا مبلغ من المال قدره كدا طبعا بالمعقول من شان نتمشى ونشم هواء..........صدقيني لن يعارض لأنك شاركتيه همه وطموحه...حتى وأن عارض أياك من النرفزه وقولي على رأيك فأنها من الحكمه بعدها سوف يراجع نفسه وربما يغيره... |
إنت معاك حق 50 بالمية و هو برضو 50 باالمية ، إنت تفكيرك صحيح من ناحية إنه الواحد يضمن مستقبله
و مستقبل اطفاله و في نفس الوقت ما يضيق على عمره مرررررررررررة ، لكن غلطك في طريقة ردك يمكن ؟ أو اسلووبك بالرد و هو حرصه اللي زاد أكثر مع كثرة المال ماشاء الله ، غلط كمان ، ليه من قبل ما كان يفكر كذا ؟ يعني بدون افراط و لا تفريط و الله يوفقك |
تــبــين تروحين آوربا هاه
هذا اللي همك بس بصراحة تفكيرك غريب عجيب.. لكن تفكير زوجك 100 % |
اختي تفكيرك غلط .. الانسان مايضمن بكره انا معاكي
بس في نفس الوقت ماتضمنين وضعك المادي في المستقبل كيف بيكون ... يعني انتي تبين تسافرين وتشترين وتلعبين بلفلوس ويوم تكبرون تعتازون ولاتطلبون الناس ولا تتينون ماشاءالله علي ريلج صراحه تفكير انسان عاقل وانتي شجعيه وعاونيه وترا كل اللي يسويه عشانكم |
اختي للالسف نظرتك جدا ضيقه انتي تنظرين الى المتعه والسفر وتتركين الاهم زوجك عاااااااااااااااااااااقلاني في تفكيره اسمحيلي الدنيا دار عمل وتفكير وليست دار لهو ولعب الله يهديكي ويصلح حالكم استمعي الى زوجك تسعدي والله ولي التوفيق
|
لا افراط ولا تفريط
مفروض مايكون الصرف عالطالع والنازل وكمان مايكون شادد ايدو بالمرة انت اطلبي بالمعقول وهوة يلبي طلباتك اما تفكيرك غلط معلش بدك تسافري في السنة 3 و 4 مرات يعني كل تلات اشهر سفرة !!! برايي سفرة واحدة في السنة حلوة منو سافرتو ومنو مااسرفتو الله يهديكو اختي وتذكري الدنيا لاتدوم لاحد و الحال يتغير فمن الافضل تحوشو قرشين مابتعرفي شو يصير بالمستقبل وتحتاجو الفلوس |
بدي اقلك يا مدام ايمان انت بتقولي انو شرينا بيت وضمنا المستقبل
مين قلك المستقبل عبارة عن بيت وبس؟؟؟ المستقبل تعليم اولادك وادخار لوقت الكبر و بعد التقاعد وادخار احتياط لوقت المرض او وقت حدوث مصيبة بعيد الشر عنكم وباي لحظة ممكن يفنشو زوجك من الشغل او تسكر الشركة او او او بعيد الشر طبعا ما قصدي اتشائملك ولكن الدنيا فيها كل اشي والله يحفظنا ويحمينا بس الانسان بعمل حساب كل شي وبالنهاية كلو الكو والاستمتاع في اي وقت بكون هلأ ولا بعد سنة ولا عشرة المتعة الحقيقة سعادتك داخل بيتك والله العظيم والرضا بزوجك و بظروفكو واعملي اجواء حلوة في المنزل بتنبسطي صحيح السفر حلو والفرفشة برة حلوة بس كمان الاهم جوة بيتك المقصود بتقدري تعملي كل الي نفسك فيه وتفرفشي بدون متهدي حيل زوجك من الناحية المادية موفقة |
انا عندي مداخله بسيطه مدام ايمان
انتي قلتي ان زوجك ورث عن والده عليه رحمة الله مبلغ كويس و اعمال و عقار ... لكن هل سألتي زوجك اذا كان هناك مسؤوليات ورثها كمان مع الورث ... انا ما اعرف ايش ظروفه هل والدته على قيد الحياة و هل لديه اخوان او اخوات ممكن يكون مشغول وحمل المسؤولية معاهم ... حالات الوفاة العائلية خاصه وفاة الوالد تغير الاولاد الذكور خاصة و بالاخص اذا كان الابن الاكبر ممكن شاف حياته بعد سنوات الله يباركلكم في عمره ... شاف والده ترك تركه لاولاده اغنتهم و منعت عنهم الحاجه و السؤال و هوا شاف انه من واجبه انه يترك بالمثل لاولاده ... انا ما اقول انه تفكيره سليم او خاطئ لان كل انسان بيختلف في تفكيره عن الآخرين ... انا اطلب منك انك تفهميه بدون ما تسأليه مصارحه ... نصيحه لكل الزوجات ... ترى الرجل يحب من زوجته انها توافقه حتى لو جات على نفسها او اتنازلت عن حقها ... ساعتها بس راح يعطيها اللي تبغاه بدون ما تطلبه ... اختي كلمي زوجك و صالحيه و اطلبي منه العوده الى منزله و اولاده و فهميه انه هوا صاحب القرار و ان الفلوس و السفر مو مهمه ... هو الاهم من اي شي في حياتك اخوكي معلم القلوب |
شوفي عيوني ..أتكلمي مع زوجك وقولي له لكل حدث حديث ..يعني حاولي تتفاهمي مع زوجك حبيبك وقولي له يازوجي
نحن طول السنه هنا وهي مره بعد 11 شهر نتمشى ..يعني لو جات العطله نتمشى ..نرفه عن أنفسنا خاصة السفر تغير من نفسيه الإنسان وتعطيه دافع طيب للحياه وبعدين طالما دخلو طيب ممكن يشتري عماره لكن لوحسيتي إنو معاند ..الله يعينك حاولي تراضيه ..وكلميه بأسلوب حلو وناعم وتبغي نصيحتي أستخيري الله في شراء عماره وعشان ترضي وماتزعلي لو ماسفركم والله يوفقك |
ما فيها شي لو صرفتوا الفلوس بسفرة حلوة..بس بدون اسراف
المستقبل بيد الله وهو الرزاق الكريم المستقبل الصحيح..جنة او نار هذا المستقبل فقط ودي |
الوسطية حلوة بكل شي
اذا عندكم الميزانيه استمتعووو لكن قبل استثمرو الفلوووس عشان ماتلقون كل فلوسكم راحت على خرابيط استسمحي من زوجك وحسسيه انك مقدرة تعبة وكدّه |
اقتباس:
اما زوجي هو الابن الاصغر بين اخوانه ولاعنده مسؤوليات ولا شي كل واحد من أخوانه اخذ ورثه وكل واحد صار مسؤول عن نفسه حتى البنات ثنتين واخذو ورثهم وبالعكس انا شايفه اخوانه صايرين متهنيين اكثر منا واشترولهم بيوت حلوه وماشاءالله اشوف اشياء كثييييييييره عندهم ماهي عندنا ! عموما اشكرك مره ثانيه وابشرك زوجي رجع البيت وطيبت خاطره والوضع بيننا تمام |
مشكورين ألف شكر ردودكم ريحتني كثييييييييييير الله يجزاكم ألف ألف خير
|
اختي كلام زوجك صحيح ولازم الواحد يضمن مستقبله وصدقيني
اهو ما قصر معك قبل الورث كيف بعده اكيد بسافر فيك بس تكلمي معاه بالاسلوب الحلووو وماراح يقصر عليك |
مش معناته أن أذا كان عندنا خير يعني لازم نطيره ترى ربي بيحاسبنا على كل ريال نصرفه في ناس مو لاقيه أكل
صحيح الوحده تنقهر لو كان زوجها عنده خير ويبخل عليها بس أنتي تقولي زوجك مش مقصر معك خلاص قولي يارب لك الحمد مثل ماأحنا مانضمن أنفسنا بعد مانضمن زوال النعمه في ناس مليونيره وتفلس بظرف ايام وصدقيني ترى الفلوس مش مهمه بقدر أهمية العيشه الهنيه اخيرا لاجل البركة في مالكم وعيالكم وأولادكم لاتنسوا أخراج زكاة هذا المال الله يهنيكم ويعطيكم من خيره |
ياحياتي انتي ...
شوفي زوجك معاه حق مليووون بالمية ...تخيلي لاسمح الله سار ليه شي كيف تعيشي انتي وعيالك.. وبعدين بالعكس المفروض تشجعيه وتوافقه على رأيه وتحسسيه انك معاه بكل شي وتقدري افعاله وبعدين تفكيرة حكيم الرسول صلي الله عليه وسلم كان يفكر للمستقبل.. ولأيام تمر بسرعه ..ولاتدري ايش راح يسير لكم بالمستقبل عشان كذا لازم تفكري معاه وتعينيه والله يسعدك دايم يارب ويوفقكم |
شوفتوا يا عالم كيف عقليه المراه وقيس علي هذا كل المشاكل الزوجيه كلها من عدم طاعه الزوجه لزوحها ولما تنصحها تتحجج باسباب تافهه وتصر ويا ويلك اذا كانت عصبيه وعنيده هذه زوجه ما تشكر ابدا ولا تحمد ربها تريد بس تسافر وتتمتع الله يستر علي الخلفه والتربيه
|
| الساعة الآن 09:21 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©