|
أريد ازالة شعر جسمي بالليزر كم ستكلفني العملية ؟
السلام عليكم ورحمة الله وبركاته : لو سمحتوا عندي استفسار : أنا أريد ازالة شعر جسمي بالليزر في المناطق التالية ... الوجه في منطقة الذقن والشارب .... واليدين الى الكوعين فقط ...... وأيضا الساقين ..... السؤال هو : 1- كم ستكلفني العملية بأكملها ..بالريال السعودي ... 2- كم جلسة سأحتاج اليها ......... 3- هل عدد الجلسات يعتمد على غزارة الشعر أم لا ؟؟ .................................. أجيبوني مشكورين ..... |
بناء على المركز الذي أتعامل معه والذي لن يسمح لي الاشراف بذكر اسمه
الوجه في منطقة الذقن والشارب 100 ريال الذراعين 700 ريال قد تنقص اذا اردتي فقط للكوعين الساقين 900 ريال قد تحتاجين الى جلسة كل 4 شهور في البداية ثم تمتد الى ستة شهور وهذا يعتمد على سماكة الشعرة لديك ومدى تجاوبها مع الليزر ... الساقين أخذت مني حوالي 4 - 5 جلسات وتركتها منذ 3 سنوات ولم يظهر شيء للآن . أما الذرعين فلم تكونا بنفس التجاوب فاحتجت الى جلسات أكثر وتتباعد مع الوقت الوجه مرة تقريبا كل ستة اشهر أو أربعة أشهر أرجو أن أكون قد أفدتك |
اختي رسيل الله يوفقك ....
الأسعار اللي ذكرتيها مرة مرة منخفضة !! انا اعرف ان الليزر اغلى بكثير ! يمكن يكون الليزر انواع متعددة مو نوع واحد اجل ... طيب ممكن تذكري لي اسم المركز .... لمحي عادي ... طيب هل هو في الرياض ؟؟ ياليت تردين اختي الله يسعدك يارب ويبلغك ليلة القدر ..... |
أختي رسيل آمل منك ترك رساله بإسمي على هذا الرابط
http://www.66n.com/forums/forumdisplay.php?f=58 وفقكِ الله. |
اختي اعمق المشااااااااااااعر
نصيحه خالصه لوجه الله تعالى ل تسوي ليزر ابداااا ولو فعلا حبيبتي سوي سوي فقط تحت الابط انا سويت ليزر لجسمي كاملل 7 جلسات كل شهر جلسه ولا فاد حتى في مناطق كان الشعر شوي الحين كثيرررررررر وتندمت وتخيلي دافعه فوق 10000 بس بمنطقة تحت الابط قل الشعر بس مايروح على طول بيرجع بعد فتره وبتنجبري تعملي كل فنره جلسه وانا سويييت باحسن المراكز بس مارح نذكر اسامي سويت بمركزين والاثنين نصابين وطبعا اول ماتروحي يقولو لو الشعر مرررررررررررررررة كثيف بتاخد 5 جلسات طبعا نصب وربي يمكن بمناطق معينه يخف الشعر ولكن يحتاج ايضا ازالته بالمنزل كل فتره او انك كل شهر تقريبا تدفعي مبلغ وقدره عشان جلسه جديدة وفي مناطق تكون الشعر في مو مرررة ويزيد نصيحتي لكي يااختي ماتسوي شي وتأكدي انو ربنا ماخلق شي عبث لاتهدري فلوسك بلا فائدة وانتي حرة الله يسعدك |
حياك اختي " عاشقة الغالي " بصراحة استغربت من كلامك .... شلون 7 جلسات ... ومافاد !!! لكن بسألك سؤال : ايش لون بشرتك ؟ وكيف سمك الشعر عندك ؟ وهل لون الشعرة اسود ام باهت ؟ لان سمعت ان البشرة السمراء ... قليل يضبط معاها الليزر ... اكثر شي يضبط الليزر مع ( البشرة البيضاء والشعر اسود غامق ) وعموما ... الليزر هو افضل شيء وكل الدكاترة واخصائيين التجميل ينصحون فيه ... وكمان صديقتي دكتورة .. عملت ليزر في نفس المناطق اللي انا ذكرتها ... وماشاء الله الى الآن ماطلع فيها شي ... عشان كذا هي حمستني ..... بس هي دفعت مبلغ ضخم حوالي 50 الف ... عشان كذا انا استغربت من كلام الاخت رسيل ... لان المبالغ اللي ذكرتها بسيطة ومع ذلك ضبط معاها ماشاء الله ..... بصراحة والله اني محتارة ... ماادري كيف احصل على معلومات اكيدة ..؟ |
هلا اختي
انا عملت ليزر للوجهه ومنطقه الابط والرجل كم ستكلفني العملية بأكملها ..بالريال السعودي ... الوجهه كلفني 250ريال ومع كل جلسه يقل السعر اشوي وبالاخير ثبت على 150ريال الرجل الجلسه الاولى ب900ريال والثانيه بالنسبه للمركز الي علمت فيه مجانا والثالثه 700ريال 2- كم جلسة سأحتاج اليها ......... الوجه بصراحه طولت لان الشعر خفيف بس الحين الحمدلله مااحتاج الرجل 3جلسات واخر جلسه من 3سنوات وانا مرتاحه الايد بصراحه ماعملت ولااقدر اخمن.. 3- هل عدد الجلسات يعتمد على غزارة الشعر أم لا ؟؟ يعتمد على مدى استجابه جسمك لليزر انا حاليا وقفت عن الليزر اتمنى اني افدتك.. |
شكراً أختي الحائرة الله يوفقك يارب
يعني الحين فهمت من كلامكم ان الليزر يناسب ناس وناس لأ عموما انا بروح لاحد المراكز اللي في جدة واستفسر عن كل شي .... الله يجزاكم خير عل الافادة ويبلغني واياكم ليلة القدر |
السلام عليكم ..
اسم المركز ( المركز الاستشاري ) له فرعان أحدهما على طريق الملك عبدالله والآخر على شارع الثلاثين وفعلا أسعارهم أرخص من غيرهم بكثير وشغلهم ممتاز وناصحين ويعملون لك طبعا اختبار حساسية قبل البدء ... وحتى لما طولت عليهم مرة بسبب الحمل طلبوا مني الدخول للدكتورة أولا حتى لا يكون شيء قد تغير منذ آخر جلسة أو ان اوقع ورقة اخلاء مسؤولية ....يعني متحملين نتيجة شغلهم ...... عن نفسي مرتاحة لهم كثير ... والله يقدم لك اللي فيه الخير والصالح |
عليكم السلام والرحمه،،
مبلغ مبالغ فيه بقووه اللي اعرفه ان ازالة شعر الجسم ككل لايصل حتى لل10000ريال واذا كنتي من سكان الرياض يوجد لديهم عدة اماكن للازاله باسعار رائعه جداً ،، دمتي بحفظ الله . |
شكراً لكِ اختي رسيل .... افدتيني وماقصرتي .. الف شكر لك حبيبتي اقتباس:
والله هذا كلامها ... ماأدري يمكن عملوا لها أشياء اضافية ماأدري !! بس انا بدور في جدة .. واستفسر عن كل شي ... مشكورة اختي يعطيكِ العافية |
اختي عمق انتتي جالسه تتكلمي عن 50000 برأيك مبلغ بسيط يعني ؟
ماادري بصراحه عن نفسي انا جربتو وما احس مرة استفدت منو في اماكن زاااد عن قبل واماكن خف بس لسا تحتاجي تشيلي يعني وعلى فكرة لو ماكانت الي تسويلك ياه شاااااطرةة رح تترك لك اثار مثل الحروق واسئلي اكثر لو حبيتي واي مساعده او استفسار انا جاهزة ياغاليه |
مشكورة غلاتي ....
بس والله بجد موضوعك شغل بالي .... طول الوقت وانا افكر فيك ... ليش ماضبط معك الليزر ؟؟؟؟؟ مع انك تقولي " تعاملتي مع مركز معروف.. و7 جلسات !!! يعني بجد انا مستغربة جددددددددددددددا ً |
اقتباس:
الحين دفعت مبلغ وقدره وغير كذا الاماااااااااكن الي كان في شعر خفييييف صار مرة واضح وصار لاززم اشيل كلو حتى المناطق الي ماكنت اشيلها ابدااااااااا |
اقتباس:
العفو من خلال الي انا شفته مني انا واهلي كلهم استفادوا من الليزر وانا اول وحده ارتحت عدل.... الله يسعدك |
اختي ادا معك فلوس اشتري ليزر منزلي وهو احسن شي
|
فعلا حل منطقي
ومايكلف ربع تكاليف برة ومارح تخسري من التجربة |
من خلال تجربتي و بحثي في المواقع مو اي شعر ينفع تشيليه بالليزر ، الشعر الاسود والسميك هو اللي يستفيد من الليزر وتلاحظين الفرق اما الشعر الاخف راح يكثر عليك في كل مرة تشيلين لحد مايصير اسود و يستفيد من الليزر طبعا انا عملت لمناطق كثيرة ليزر و فعلا لاحظت هذا الكلام و قبل قريته في مواقع طبية بس وثقت في الدكتورة لأن المركز كان مشهور و معروف والان ندمت على الشعر الخفيف اني شلته باللييزر لكن السميك الحمد لله استفدت كثير .. وعلى فكرة الشعر الخفيف الافضل يتشال بتقنية اسمها الضوء مو الليزر
اتمنى اني ما اطلت عليك بس حبيت افيدك |
اي والله وانا كمان ندمانه مرة في اماكن كان اصلا مو باين بس الحين صار مرة كثير بس في فايدة نوعا ما بس بمناطق معينه
|
انا شخصيا كل اللي عملو ليزر واعرفهم استفادو منه
|
أثبتت دراسات حديثة جدا أعتقد 2009 ضرر الليزر البارد وبإمكانك البحث عنها في الانترنت و هي نتائج لأبحاث أوروبية و ليست أمريكية و الله أعلم
|
يُغلق للإكتفاء بالردود..
|
| الساعة الآن 11:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©